nicht registriert

Herrlich guätä Morge mitenand,

Hüt isch denn liislig do inne! Den mach ii doch mol chlii Lärm

Malinchen: Ich finds au viiel persönlicher und d'Idee mit dä Ehe-Versprechigsschachtle find iich meega romantisch. Ich stells mir au schön vor, für Kiinde, wenn sii das lese dörfet. I fänd das jetzt unheimlich spannend zum lese bii miine Eltere!
Stimmt, ablese got au guät I bii eiifach so ergiizig und möcht mii GG tüüf in d'Auge luägä, während dem ich miis Verspreche giib. Aber ii zwiifle no dra, dass iich's schaff. I ha denkt, im Notfall muä mini TZ uf Bühni cho und mir d'Notize denn gliich no gäh
Mir sind im Herbst anere Trauuig gsii. Do hends zwar es persönlichs Verspreche gschriibe, hends aber über dä Pfarrer endand gsaiit. I ha da soooo komisch gfunde: "Diir liäbi Bruut, saiit dä Brüütigam, dass er diich ehre und liäbä will…" Es isch eiifach keii Romantik ufcho soo!
Da mitem Konto find ii no ä guäti Idee. Mir hend abgmacht gha, dass mir Sparkonto vom GG agebet. Aber denn truudlet jo eiifach vorzueh geld inä. Da isch voll nöd lässig.
I glaub diä Idee klauet mir diir! Danke!
Bin also froh, gots nöd nur unserne TZ so. I wüsst aber eiifach gar nöd was abgeh. Mir machet jo im Moment au kaii grossi Gümp…

Lil.lian: So schön, es Esse isch doch würkli toll. Ich finds gad spannend, dass er ii dä Wiähnachtsziit meh Ziit het. Dert hend doch sooo viiel Mensche so viiel Termine und eiin Stress
Mir hend mit unserne TZ au scho zämägesse und ihne es Ufgabebüächli miteme Gschenkli überreicht. Aber ebe, dert sind so Ufgabe diin für dä Tag, dä Polteri und so. Aber da isch jetzt halt nonig so wiit.
I chas also nur empfehle, mitenand z'esse. Es isch für unseri TZ suuper gsii. Sii hend sich ja unterenand nonig so kennt.

Wünschä eu ä schönä Taag miit viiel blendende Sunnestrahle!

Hey liebi Brütlis!

Isch ja richtig usgstorbe da...

Mir hei d Offerte vom Crépes-Wägeli becho. Resp. ds Wägeli isch scho reserviert, aber sie chönntes ou eifach uf Tische abiete - gfallt mir eh no fasch besser wöui so alles cha dekoriere und de nid plötzlech es farblech unpassends Wägeli det isch.

D Offerte isch CHF 3'000.-, Crépes a Discrétion mit je 4 süesse und salzige Füllige. I finde das eigetlech ok, was eifach am tüürste isch, si d Personalchoste (obwohl ig e Stundelohn vo 50.- völlig ok finde)... Sie hei aber no gschribe, dass me das ganze ou eifach bi ihne chönnti abhole u när sälber mache. Jetz isch no d Frag ob mir dr best Kolleg vo mim Brüetsch sölle afrage, dä isch Choch und chönnt das villecht mache. Wär sicher günstiger wenn mir ihn würde engagiere, scho nur wöu die halt fasch 4h fürä wäg berächne.

@squishy: hihi, hei gad gliichzyitig Lärm gmacht... Mis Ziel isch eigetlech ou, dass igs ohni Notize würdi mache. Aber so hätte mir no ds Back-up u villecht ou chli meh sicherheit...

Das hani ou scho gseh, dass es när dr Pfarrer ds Eheverspräche vorlist, gfallt mir ou nid so... Da findi de ds "normale" Eheverspräche no besser. Stimmt, fürd Chind wärs ou schön z läsä! Hihi, i bi mal mega truurig gsi woni d Schachtle mit Liebesbriefe ha gfunde wo sich mini Elterä gschickt hei und se när nid ha dörfe läsä. Bi denn ca. 10ni gsi - was hei die sich ächt gschribä?!

Die Idee darfsch du gärn stähle...

Malinchen: Ich find d Offerte für Crèpes au fair. Isch doch en guete Priis. Aber es friist scho au ‎Geld und wenn ihr de Kolleg chönted engagiere wers doch mega! Und Spass macht das ja au so ‎Crèpes mache. Ich würdis uf jedefall versueche. Wie viel hetted ihr den gsparrt? ‎

Hihi wege de Liebesbrief… Isch ja total herzig!!! Min GG schriebt leider garnöd gern ich han ca. 3 ‎vo ihm meh nöd. Wer aber ächt lustig die ha für spöter. Hüt gits hald SMS wenn mer sich ‎vermists scho chli schad. ‎


Squishy: Ich finds au nöd so toll wenns de Pfarrer list... Isch doch gad nüme so persönlich. Den isch die Variante dass hald d TZ ufe chund viel herziger. Wer ja irgendwie no witzig. Vorallem wenn sie als Spässi alles i de Ich-Form würd wiiter läse. Würdet sicher alli chli schmunzle...

nicht registriert

Guäätä Abiig mitenand,

Wo sind denn bloss alli? Es isch ja ufzmal so ruhig und übersichtlich hüt

Malinchen: Woow, wenn ii so 3000.- les, denk ii z'erst mal: "Das isch en huuuufe Geld" Vor allem will's jo dä Hingugger vom Apéro sött sii und nöd dä ganz Apéro. Aber ii nimm aah, dä Priis het sini Berechtigung mit Transport, Material, Nahrig und so…
Jo froget doch mo dä Cousin, denn frooge chostet nixx!
Liiebesbriiäf hesch gfunde und bis hüt nöd dörfä lese? I wär platzt vor Neugier, oder eiifach dert hiigschliche, wenn's mol im Usgang gsii wäret Bii so Sachä chan ii mii chum zrugghebe

Lula: Naachbuurin chunt go motze? Was gots denn diä aah? Scho unglaublich, welli Mensche all s'Gfühl hend, sii darfet mitrede wenn's ums Hürote got…

Lil.lian: Was, TZ hend bestumme was gwünscht wird? Isch das keii Witz?! Wiä cha meh sini Wünsch sogar abdelegiere? Diä siind doch persönlich und uf d'Situation bezooge. Also echt wahnsinnig komisch find ii da.
Mir hend dä TZ es TZ-Papiersäckli (in pink ) geh. Drin hets meh so Chliinigkeiite geh. Es Notizbüächli zum siich Idee für s'Hochziit ufschriibe mit konkrete Ufgabe bereits driinotiert (vo uns). Denn es Überraschigseii (für kreativi Überraschigs-idee), es Merci-Schächteli, en Energie-Drink, Ovi-Stängeli, Truubezückerli. Nixx grosses, eher so symbolisch.
I muän aber zuägäh, d'Idee han ii nöd selber gha, sondern vo dä Taeboyana klaut!

Pfingstroose: I ha eigentli gmaiint, TZ chunt und bringt mir mini Notize. Will ii möcht jo s'Trauverspreche freii ufsägä (so wiä es Samichlausversli ) Und wenn ii denn dä Fade verlüür, müässt sii mii rette und mir dä Spick briinge. Aber wenn sii müässt für mii go schwätze cho, denn würd das für einigi Lacher sorge Aber wenn ii mir da jetzt so überleg, dörft sii da und sus niiemert. Hesch recht, mir hend au fast keii Liiebesbriäfli Bii unserem kennelerne hend miir uns meeeega viiel via MSN () gschriibe. Mir würdet hüt alles für diä Gspräch gäh. Aber MSN giits nüm und unseri Text unwiiderruäflich glöscht

Nala: Schön hend dii GG und du chönä eu eiinige, dass nüm z'viil ussegot, solang Kärtli nonig dusse sind! I hoff fest, so glättet sich d'Wooge au zwische diir und diinä Spe-Schwigis…
Bis zur nächste Wiähnachte gots no meh als 365 Tag, da müänd iihr eu würkli nonig hüt oder morn entscheiide wiä iihr das fiire möchtet.

Me: I bii froh, gots dä meiiste TZ vo eu gliich. Wenn ii so drüber nodenke, zeiigt das au das Beziehig zu unsernä GG intakt isch Will irgendwiä, wenn vor allem TZ viiel de Bruut hilft, denn stimmt ja was zwische de Zemearbeiit vom Bruutpaar nöd? Oder isch das jetzt chlii gemeiin gsaiit?
Mir hettet dä best Musiker gege Zahlig vomene Schereschnitt fürs Fest am Abiig chönä ha. (er goot mit miir in d'Schuäl und ii han em einisch d'Huusi gmacht und er het als gegeleiistig gsaiit, chäm er go spiiele) Aber er isch so gschiid gsii, het sich s'falschä Datum ufgschriibe und jetzt isch er ii dä Summerferii ii dä Ferii Will's halt keii professionelli Astellig gsii iisch, het da keii grossi Uswirkige. Aber macht mii gad so chlii truurig. Jetzt fraget mir d'Nachbuurin vom GG. Das macht mii so nervös Was isch, wenn sii nöd will… Aber mii GG lot siich viiel Ziit zum afrage
Hüt han ii voller Erwartig scho uf Post gwartet, und wo mii Pa nixx brocht het, bin ii no selber go luägä ob d'Musterkarte nöd viellicht gliich scho hüt cho sind. Aber sii sinds nöd Jetzt got morn s'geduldige Warte wiiter!

Guät Nacht iihr liäbä und erholet eu guät. s'Wuchenend nööchet scho sehr!

Hey Mädels

@malinchen: Ha grad chli müse grinse, wo du das vom Dampfabzug verzellt häsch. Ich han mi nämli au nöd richtig druf gachtet. Aber i de andere Wonig im gliche Block häts glaubs keine gha. Jänu, isch für eus ez nöd es No-Go. D Chuchi isch separat und mir münd dänn halt konsequänt nach em Choche lüfte und im Summer, wänns gnueg warm isch, s Fänster uf tue bim choche. Aber dänn sött das scho gah. Defür isch d Wonig rächt günstig, was für eus Bedingig gsi isch.
Wil... Mir händ d Wonig nämlich übercho. Voll kuul. De Vormieter isch nämli so verhängt gsi (aber sehr en sympathische Typ), dass er sich nonig um en Nachmieter kümmeret hät. Mir sind ja über d Verwaltig uf die Wonig cho. So simmer dänn di einzige Bewerber gsi. Und am Zischtig chömmer de Vertrag go unterschriibe.
Jetzt blibi dänn halt Nachberin vo de Eltere... Eusi Wonig isch dänn nur öpe 3 Minute vo ihne entfernt.
Mir werded s Engagement-Shooting i de Region Bern mache. Wo gnau luegemer no. Mir sind ja beidi nöd vo det, aber d Andrea scho. Sie wird da scho es paar Plätzli känne. Und zum Abschluss gömmer ev no e heissi Schoggi imene Café go trinke und no paar Bilder go mache. Isch no witzig, ich han mir das sälber au scho überleit und sie hät au genau de Vorschlag gmacht.
Hey, so gäch, händer eu für d Crepes entschiede. Wär natürli scho kuul, wänner d Personalchöschte chöntet spare. Macheders eigetli bi dem Kochmobil-Caterer? Mir müssted eus au bald ändlich mal entscheide. Dem sini Offerte hämmer ja scho u mega lang.

@nala: Danke, ja, ich hoff au, ich hans nacher für mis Läbe lang hinter mir. Jetzt chunt dänn s zrugg schalte in en normale Alltag. Das wird no usefordernd, glaubi.
Tuet mer leid, dass da das Zügs gsi isch mit dine Schwigis in spe. Finds au chli komisch, dass sie das scho vor de Iladige organisiered. Aber ich han irgendwie de Idruck, dass sie's vilich eigetli guet gmeint händ. Ich muss säge, ich han scho au Verständnis. Es Hochsig isch au für d Gescht mängisch e finanzielli Belaschtig. Ev brucht mer es neus Chleid oder neui Schueh oder so, dänn wett mer ja au es Gschänk mache, mer muess vilich no e wiiti Areis zahle, etc. Ich zumindest müsst mir halt würklich au zweimal überlegge, öb ich würklich nacher i dem Hotel söll mit übernachte. Allerdings chämts scho au uf d Beziehig zum Bruutpaar druf a. Du häsch ja gschribe, hettisch gern mindischtens mit de Eltere und Gschwüschteti zmörgelet. Und das chani scho au verstah. Vilich händs das nonig so ganz gschnallt?
Tuet mer leid, dass d Andrea eu abgseit hät! Ich hoff, ihr findet gli öper anders kuuls.

@littlefoot: Oh nei, das tuet mer leid wäg de Autoprüefig! Ich würd im Fall au dezue tendiere, so nomal z versueche. Ev. vilich würklich Automat, weiss nöd, was schlauer isch.
Wünsch dir en super Chleid-Shopping-Tag am Samstig! Hoffe, dass es wunderschöns Chleid findsch!

@Eheverspräche: Ich han nonig mit mim Fründ drüber gredt. Normalerwiis hett ich mir ev. scho freii, sälber formulierti Eheverspräche gwünscht, wo mir sälber denand säged. Aber jetzt mit dere ganze Gschicht befürchti bizli, dass ich das nöd here krieg. Zumindest nöd, wäni würklich das möcht säge, woni uf em Herze han. Und was anders wär dänn komisch, so chli zrugghaltend und irgendwie au unbefriedigend. Aber mal luege. Weiss au gar nöd, wie das gnau isch binere katholische Trauig, öb's Ruum gäbt für so öpis. Nimes aber scho a.
Ha mir au überleit, dass ich ihm vilich glich sones Eheverspräche mach/schriib, aber halt eifach, wänn mir z zweite sind. Ev. vor de Trauig (mir werded vermuetli au vor de Trauig scho s Bruutpaarshooting mache, eus also wohl eh vorher gseh).

@sasileu: Sehr es schöns Chleid! Gratuliere! Danke für's zeige! :-))

@squishy-fishy: Bi grad hüt namal es Bluetbild bim Husarzt go mache lah, demit de Onkolog dänn chli de Verlauf vo Wuche zu Wuche gseht. Er wett vermuetli dur das au besser chöne abschetze, öb er mir negscht Wuche würkli di letscht Chemo chan geh oder öber no müsst warte. S gaht um d Azahl vo de Bluetplättli. Die sind für d Bluetgrinnig zueständig und sind bi mir ebe ez doch rächt tüüf gsunke.
Wäg de Wonig: die hämmer ja jetzt ebe gfunde. (Hans obe verzellt.) Ich muss säge, mir händ jetzt doch rächt lang gsuecht. Isch sicher guet gsi, hämmer früeh agfange. Weiss nöd, wie's mit euem Budget usgseht. Aber falls es au nöd so gross wär, dänn würdi also au früeh afange. Vilich au mal es Mail uselah a öpe alli, woner känned. Oft gönd di kuule Wonige unter de Hand weg und werded gar nie inseriert.

Me: Es isch irgendwie plötzlich scho spat worde. Ich schick eu d Fotis morn oder übermorn per PN.
Vo de Wonig hani ja scho gschribe. Ansonsten: mir händ nomal churz mit em Priester Rücksprach ghalte, öb d Trauig inere reformierte Chile ok isch für ihn. Er hät sis Ok geh (händ au nöd würkli mit öpis anderem grächnet). Ez chömer das no ganz fix mache.
Händ no en wiitere Caterer agfrögt, wo eus empfohle worde isch. Nacher müemer eus mal entscheide...

Pfuused guet!