Fara: Oh GRATULIERE zu EURE Wohnig!!! Tönt das nöd schön? Ich bin total nervös gsi wo mir eusi Wohnig gha hend. Hihi! Das isch doch super. Und wenn so ziemlich alles stimmt bi dere Wohnig isches doch super. Magi eu mega gönne. Jetzt münder eifach d Wohnig vo dim Schatz no „loswerde“ oder?

Ich bin den imfall meeeega gspanne uf d Fotis vo eu woner mit de Andrea mached. Mir sind au id Reagion Bern gfahre. Isch gad en schöne Usflug gsi. Wenn hend ihr de Termin? Wend ihr den die Fotis au no für d Iladige? Ich finds cool für d Andrea sie chund au gad nommmmal meh Üäbig über mit eus allne. Hihi! Mir sind ja quasi e Chundekartei… So viel wie mir sind. Haha!

Nala: Schön händer zäme chöne rede… Ganz übereinstimme wird mer wohl nie. Aber es wer ja ächt fast langwilig au wenn mers i dem Moment ja nöd gad so gseht.

Sasileu: Hihi! Gell plötzlich isch wieder öpis wichtigs erledigt und scho isch mer wieder dur de Wind. Ja isch au en stolze Priis aber mis ja au. Haha! Defür isches das wo mir händ welle. Genau, ich han mis au vom Merys! Und ich bin immer no mega froh hanis bsellt. Was händs dir gsei wie lang das es gaht bis es chund? Häsch gad alles zahlt?

Me: Mir händ im Moment eifach Krise vor allem. Händ gseit mir dünd garnüme gross rede vor de Wiehnachtsferie. Mir händ schlicht und eifach kei Ziit. Sind fast jede Abig irgendwo weg, Schuel, Schaffe, Usgang, und das alles schön versetzt und wenn mer redet hämmer eher Diskusione weder schöni Gspröch. Schisst mich richtig ah im Moment. Chan min Schatz nüme gnüsse und er tut mer so leid willer so im Stress isch wege de Schuel. Ich glaub au d Lust zum hürate isch bi ihm aktuell total vergange. Er het a allem mega Zwievel und ich glaub er isch de Typ Tor-Schluss-Panik. Und somit steckt er mich au no ah. Grr… Den chunder wieder vo wege er würdi sich nie welle Scheide lah... *ACHTUN SCHERZ* Ja ich denk scho...

@Fara: WOW, gratuliere zur Wohnig!!! So cool... Ja weisch, i ha mini Wohnig när ou mega gliebt - ou ohni Dampfabzug. I gloube die ersti Wohnig isch so oder so öpis speziells und die het me eifach gärn ou wenn's ä Bruchbudä wär.

Ja i ha Kochmobil agfragt. Sie hei mega sympathisch zrug gschribä. Jetz überlegi eifach no, ob mir det mau no verbi wei. Sie hei es persönlechs Gspräch abote zum die einzelnä Füllige bestimme. Isch halt vo üs ou nid gad ume eggä, aber dänke es wär glich no cool...

@Nala: Stiimmt, hüt isch di Birthday. I gratuliere dir ganz härzlech und hoffe du hesch ä schönä Tag!!!

@Lula: oh mann, die Nachbarin het doch ä Schade! Was sich deu lüt erloube isch würklech ungloublech...

@pfingstrose: Oh nei, das duet mir Leid dass dir sone schwirigi Ziit heit!!! Meinsch würklech er fröit sich momentan gad nümme? Villecht het er eifach so viel umd Ohre dass er sini Fröid nid so cha zeige? Wahrschinlech isch am beste, wenn de dini Freud im Moment halt chli mit andernä versuechsch z teile? Dine Fründinne oder dinere Familie u so? Es chunnt sicher ou weider ä besseri Zyt und de ränkt sich alles wieder i!!!

@squishy: hihi, das dänki imfau ou immer weni so Brüt gseh wo irgendwie alles allei bestimme und nid mal mit ihrem GG abspräche. Bi vielnä ischs ja so, dass d Frou chli meh macht wöu das ganze Bastle und Dekoriere etc. halt scho die meiste Männder nid so intressiert. Aber gliich findis quer, wenn dr Ma eifach 0 inträsse het... Es bekannts Pärli vo üs hets so gmacht, det het d Brut eifach alles mit dr TZ organisiert und dr Ma het nid mal vo allem öpis gwüsst. Deko und so het er a däm Tag z erstä Mal gseh...

@me: I ha mi Brüetsch leider no nid chönne erreiche um z frage ob si Kolleg die Crépes chönnt mache. Aber d Personalchoste mache fasch d Hälfti vo denä 3'000.- us, also ou wenn mir sim Kolleg ä guetä Stundelohn würde zahle, wärs uf jedä Fall günstiger! Mal luege...

Guete Abe Brütlis, i schaffes o wieder mau... muesmer im Momänt die Zit ächt stähle zum schriebe. Aber da i regumässig mitliese, hani glich chli zGfüu, i sig no drbi... wobi sit 2-3 Tag bechumi kes Mail meh vom 2014-er Thread (vo de angere scho??), so blöd! De bini no meh wäg vom Fänschter

@Nala: Happy Birthday!! Und dir, @munggi, o no verspätet (has gloub denn nid gschafft dir z gratuliere, sorry! I hoffe dir heit beidi euche Tag i voue Züg gnosse.

@sasileu: merci für d Föteli teile und i bi absolut glicher Meinig, das wo du gwäut hesch, isch viu edler as das vom Mery's, wär mir itz o far too much gsi, aber i bi o ke Massstab, da nid so dr Tüll-Fan. Finde aber, dass dir d Spitze sehr guet steit und gfaut mir besser as zviu bling I bi sicher, du hesch die richtigi Wau troffe! Si die Zwiefu wod plötzlech wieder hesch gha, wieder verschwunde?

@Fara: Gratuliere zur Wohnig! Chli afa isch immer besser, wüu d Asprüch stiege vo zügle zu zügle Mir wohne mittlerwile scho ir 3. gmeinsame Wohnig und es wird nid eifacher ir 1. heimer aber o Chuchischäftli gha wo d Türli fasch us de Angle si gheit, Linoleum-Bode und so beige-bruni Chuchi u Bad Mir si zwar nur 1 Jahr drin gsi, aber es isch denn tiptop gsi für üs! Zieht itz di Fründ afa i und du de nachem Hochzit?
I würd euchi Föteli o gärn gseh... am 19. wartet de no es Käfeli (nach dr heisse Schoggi ) bi mir uf euch, het das d Andrea o scho uf ds Programm ta? Mir wohne ja im gliche Quartier und sie het gseit, das wär doch witzig (für die wo itz nid so druschöme: Er Fara ihres und mis Mami si Jugendfründinne und mir kenne üs vo früecher )

@Nala: Och schad hets nid klappet mit dr Andrea! I gloub dr Ougust isch extrem beliebt bi ihre... Hoffe, dir findet süsch öper wo perfekt isch für euch.

@malinchen: Hey cool mit de Crèpes. We dir süsch nid no weiss nid was fürnes Apéro planet, findi dr Priis ok, süsch hättis itz no viu gfunge. Mir zahle für ds ganze Apéro inkl. Getränk gloub ca. 2500.- oder chli weniger. Aber we dir natürlech dä Kolleg chönntet engagiere, wär doch das perfekt!

@littlefoot: Ach du Armi, das isch de blöd... i weiss itz o gad nid, vielech geisch mitem Outomat uf Nr. sicher? Chunnt haut drufa, was du när bruchsch. We dir nur d Prüefig ufem Outomat nid würklech öpis bringt, hätti o gseit, i würds eifach nomau probiere, i meine verlüre chasch nid viu. Aber aus nomau vo vore afa isch natürlech scho happig. I bi denn ir gliche Situation gsi, wenni auso bim 2. Mau nid wär dürecho, hätti o nomau müesse aus löse, u vor auem hetme denn grad dr grüen L igfüehrt

@squishy: Üsi TZ si gloub scho chli dranne und ziemli säubständig, aber das isch o nume, wüu sie (ämu die einte) o sehr viu Erfahrig hei, wo ne natürlech zguet chunnt. U mir hei ja scho im Ougust üsi 1. Sitzig gha Die Idee mit de Seckli für Motivation u Energie darfme gärn "chlaue" isch ja ursprünglech o nid uf mim Mischt gwachse, ha das gloub irgendwo im Internet gseh...

Sone 1. Sitzig find ig persönlech scho sehr empfählenswärt zum mau definiere, wasme eigentlech vone erwartet (u was lieber nid ).

@Eheverspräche: Ig fänd das ja o sehr schön u GG an sich gloub o, aber i ha chli Bedänke, wüu är nid so dr "Mann der grossen Worte" isch und ihm vielech schlicht nid viu Gschids i Sinn chunnt Würdet dir das de vorhär zäme aluege oder sötts de würklech e richtigi Überraschig si, was eue GG zu euch seit? Wasi mer o no chönnt vorsteue, isch ds Eheverspräche ufem Standesamt zmache, wos chli im chlinere, intimere Rahme isch, as ire voue Chile. Oder isch äch de das im Gägeteil no schwieriger ? I chami äbe säuber so gar nid ischetze, bi süsch nid extrem emotional ir Öffentlechkeit, aber i bi ja o no nie i dere Situation gsi, u wes de drufachunnt... Das mitem Ufbewahre ire Chischte für schwäri Zite findi e super Idee!! Ha o scho mau ghört, dassme e Fläsche Wy, äbe z.B. zäme mitem Verspräche, ine Chischte leit und die zuenaglet und se de äbe bire Krise uftuet. Brucht aber sicher no Überwindig, we de dr Fau mau itrifft...

@Pfingstrose: Oje, das isch chli e herti Zit für euch. Aber vielech isches itz eifach no gad mit de Feschttäg, wo aus chli zämechunnt und ihm haut so Gedanke düre Chopf göh. Vielech löht dir die am beste mau la vrbiga, bevor dir itz hochzitstechnisch no gross was arisset, de chöit dir euch när wieder druf konzentriere.

@Wiehnachte fiire: Das isch bi üs zum Glück nid so es Problem und geit meistens rächt guet uf. Mir fiire nur 2 Mau, am 24. bi sire Muetter und Fründ u ihrer Verwandtschaft u am 25. oder mängisch o speter mit mire Familie. Das heimer scho sitmer zäme si so gmacht und isch für üs irgendwie scho immer wichtig gsi, zäme z'fiire... Für üs z'zwöit mache mer meistens no e chlini Mini-Egofiir mit üsne Gschänkli undme feine Ässe.

Ueeeeee, es isch Friiiiitig!!! Haha, i bi so müed dass die Tatsach scho längt ds Highlight vom hütige Tag ds sy...

@squishy: hihi, mi GG regt sich immer mega uf wenn Froue vo "ihrem" Fest redä. Es isch ihm mega wichtig, dass es "üses" fest isch. Bi üs ischs scho so, dass ig mi chli meh intressiere äbä z.B. für Blueme und Deko, ihm si drfür anderi Sache wichtiger wie d Musig und ds Ässe... Aber so ufs Ganze gseh ischs bi üs rächt usgliche.

@Taeboyana: Jaa es isch scho eher die oberi Gränze fürs Apéro. Aber mir hei süsch ja nur so Knabberzügs, das wird sicher günstig si und d Gäst söue ja de scho chli gässe ha a denä Crépes. Vo däm här findis ok...

Jaaa, die Phase hani ou gha vor ca. eim Monet... Aber inzwüsche hei mir wieder paar Sache wo mir dranne si. I ha eifach irgendwie gar nümme gwüsst was i no chönnt mache und glich hets eigetlech no so viu gäh wo me hät söue erledige - eifach no nid gad jetz. I gloub das isch haut wöu mir so viel Zyt hei zum plane, de gits halt ab und zue so Phase wome gad nümme witerchunnt...

@Eheverspräche: Das findi ou no cool mitem Wy und em Eheverspräche. Aber zuenagle würdis gloub ou nid, süsch ischs irgendwie när so "endgültig" und i würds gloub när nie wöue ufdue... Wenn d Chiste offe isch, chames ou eifach so mau wieder aluege...
GG und ig hätte gloub beidi nid so Müeh ä guetä Text z becho. I mache mir äbä ou scho die ganz zyt Gedanke drüber. I würd so Zitat us Songtexte näh aus "Zwüschätitle" u när ds Verspräche druf ufboue. Z.b. "i boue mir mini Tröim uf, rund um di und male se Scharlachrot a" u när blabla über üsi Zuekunft und Tröim und so, oder "will ich mal wieder mit dem Kopf durch die wand, legst du mir Hammer und Helm in die Hand", när blabla wie guet er immer zu mir kukkt, "let's get old together and die at the same time" blabla dasi bis a ds Ändi mit ihm wott si und kei Tag ohni ihn wett verbringe etc.

@me: bi mir louft im Moment eigetlech ou nid so viel. Ussert dass mir am Weekend würklech mau üsi Flittis müessä bespräche, spätistens am Mäntig muesi mini Feriä igäh. Jetz gits kei Uswäg meh...