Juhee Fritig.. Bin aso au froh das es Friitig isch :)))

Taeboyana
Ja es gaht mer au glich.. Irgenwie dänki es isch no sooo vill Ziit und andersiits dänki, wow es isch scho Dezember, gli isch Wiehnachte, und gli isch nächst Jahr und mier hüratet.. phuuuu.. Ziit isch am rase..
Warschindli lihts scho chli dra, will mer würkli früeh afange plane händ.. Abr ich han allgemein s'Gfühl sit de Lehr isch Ziit so schnell verbi gange..

Sue87
Ja ich wet das au nie schriebe. Ich dänk mer immer hoffendli gsehni das den au no so wenni Chind ha.. Nöd das ich den so komischi Charte schriebe
Ja das dönt nöd so toll mit de Brutfüehrerin. Vilicht ischs ihre eifach dete nöd so guet gange? Susch würi mit ihre mal no es persönlichs Gspräch sueche und sie fräge was los isch..

Me
Ich han gester die ultimativi Idee gha für Gastgebergschänkli!! Ich han dänkt mier chönted Cupcakes-Seifene oder Badebombene mache. Mier gfalled nämli Cupcakes uu guet (wem scho nöd?) aber esse duenis nöd so gern (mier isch de oberi Teil d'Süess und voller Kalorie chch ). Und ich find es wür sicher au no schön usgseh, wemer jedem en Cupcake uf de Tisch würded stelle.. Ich han den gester no mit em GG gredet und ihm das verzellt. Sini Reaktion: was Gaschtgebergschänk?? Müemer das au no mache? Und was söll min Grosspapi mit sonere Badebompe mache und mit Götti? HAHAHAHA ich han nüm chöne…
Mini Frag a eu: hät irgendöber vo eu scho mal Seife oder Badebombe gmacht? Hät öber Erfahrige? Oder au scho es Rezept usprobiert?

Und den nerv ich mi chli ab em Fotograf. Ich han vorere Wuche es Mail gschriebe wege de Offerte und es chunt eifach nüt zrug
Han dänkt mier müend s'Mail jeze au no dem schriebe wo mer känned (es sind ja zwei, eine fötelet und de ander bearbeitets, de wo fötelet kännt de GG und de wo bearbeitet macht s'Administrative und dem hämer s'Mail gschickt).
Und apropo Andrea. Ich han sie au mal no agfrägt wegem fötele. Eifach das mer chli en Verglich händ und das mer eus zwüsched ihne beidne hetet chöne entscheide. Sie chan aber leider nöd. Defür hät sie eus es super Agebot gmacht für es Engagement-Shooting. Ich han dänkt mier möched eifach das Shooting bi ihre. Will wo mer das am andere Fotograf vorgschlage händ (Engagement-Shooting), hät er gfunde es seg scho nöd so üblich und das hät er so no nie gmacht. Drum dänki möchemer das bi de Andrea

Zuletzt bearbeitet am 06.12.13 09:02

Guete Morge Zäme

Ig finge ou umemau Zyt zum schribe :-) mitläse tuni geng öpe chli…

@Fara: ig würdi ou gärn Föteli luege :-)
Fröit mi für euch heit dir ä Wohnig gfunge :-)
Ig wünsche dir ou witerhin gueti Besserig u viu Kraft.

@Saslieu: mega schöns Chleid :-) gratuliere u merci für zeige :-)

Eheverspräch: auso mir wei beidi nüt säge ir Chiuche.. gloube nid dassi dert es Wort würdi usebringe ;-) aber dIdee mit dr Wyfläsche fingi sehr guet :-) ha das mim GG gad vorgschlage zmache :-) aber villech de eher für üs, aus vor aune Gäscht..

@Littlefoot: schad wägdr Autoprüefig.. ig würd äuä ou afangs Jahr nomau versueche…

@Malinchen: fingi ä cooli Idee mit dä Crepes :-) hätti ou no gärn… aber bi üs gits eifach Chääs- u Fleischplatte… :-)

@Sue: was hesch de du fürne Stang ä Märit? :)
Was het äch de dini TZ dass si so dr Strit het gsuecht? Villech chasch sä ja mau no druf aspräche we schüsch niemer drbi isch?

@lil.lian: fingi ä cooli idee mit dä Cupcakes-Seifä :-) aber ha leider no niä so öpis gmacht…

Me: mir hei letzt Wuche dr erst Entwurf vo üsne Iladige übercho :-) iz tüämr no paar Sache ändere/korrigiere u när bsteue mir sä de :-)

YEEEESSSS FRIITIG! Kein Tag länger mögti meh schaffe...

Taeboyana: Ich verstahn total was du meinsch. Mängisch bini d Rueh selber und den vo eim Tag ‎uf de ander fangi a überlegge was bruchemer no und wie viel Täg gahts no und den wird’s mer ‎fast schlächt willi s Gfühl han läck bini jetzt hinedrii. Ich glaub das sind total normali Zykle vo de ‎Gfühl wäred de Hochziitsplanig. Schriebt ja jetzt fast jedi da ine. Den chan mer sich wenscho dur ‎das chli beruhige. Ich säge mir den amigs d Rueh chund scho wieder. Oder ich dun würklich ‎schnell Pünkt aluege und öpis erledige. Aber wie öpert gseit hät, die einte Sache chan mer au ‎garnonig erledige. Hihi… ‎

Sue: Isch also au komisch vom Fotograf… Und wenn du ihm eifach nomal es Mail machsch? Es ‎chan ja au untergange sie. Es bringts glaub nöd zuewarte. Suscht seisch dim GG ob er hüt welli ‎alüte oder suscht machischs du. Je nächer das d Fästtäg chömed wird’s au au immer ‎unpraktischer und d Lüüt sind weg oder nöd erreichbar. Ach gott… Isch glaub überall chli de ‎Wurm drin (chasch min Wurm nachher no läse)… Aber ich glaube ganz fest positiv. Es chund ‎scho guet. Isch au würklich komisch vo dinere Bruutfüährerin. Hm… Siit dete häsch den nix meh ‎ghört?‎

Lilian: Oh chasch dich gad mit de Sue zämetue. Sie chund ja leider au kei Antwort über vom ‎Fotograf. Das findi öpis vom nervigste i de ganze Planig wenn mer kei Antwort überchund. Wege ‎de Seife findi no e gueti Idee. Aber wie din GG gseit hät ich find ebe Gastgschänk ächt au nöd ‎notwendig. Lässig isches aber sicher. Tipp hani dir aber leider keine. Aber ich han mal glässe, ‎dass mer d Form wo mer güsse wott am beste mit Salzteig gad sälber d Form mache chan. Den ‎chöntisch so en Chlotz mache und den gad so en Cupcake (git ja z.B. Chüchiuhre wo so sind) ‎dridrucke. Aber ob mers nachher so schön chan verziere hani kei Ahnig. ‎

Fara: Dörfi au es Foti? Bin gwunderig… ‎

Me: Eus gahts scho wieder besser. Mir händ eifach die letschte Äbig amigs bis am halbi 1 gredet. ‎Bin jetzt total müäd. Aber es isch glich. Hauptsach mir chömed uf en grüäne Zwiig. Mir händ ‎eifach riiiise Problem mit sine Eltere. Sin Vater tut sooo dumm. Ich finds erstens mal mega doof ‎für min Schatz will was sin Vater gäge mich seit isch mir so was wo sch*** egal. Sin Cousin ‎macht alllles besser wie er! Toll hä… Und min Schatz wott doch eifach dass es bi beidne Familie ‎guet achund am Schluss. Aber das hämmer eus mitlerwiile abgschminkt. Und mir händ gseit es ‎gaht um eus. Da chani also ächt nüt säge er vertritt eus und sich eifach super. Sin Vater meint ‎mini Familie hät eus zu de Hochziit drängt… Ja genau! De het eifach nurno en Egga ab. Oder alli ‎Egge… Jetzt gönd mir am SO verbie und den wird mal Klartext gredet au weni üüüüberhaupt kei ‎Lust han. Es muss jetzt aber sie. Sie hend es huere gschiss gmacht wo mir zerst mal zäme id ‎Ferie sind, wo mir uszoge sind, wo mir hürate wend. Es langed eifach. Min Fründ hät au gseit für ‎eus isches en spezielle Tag und söll eine vo de schönste werde und de Dubbel seit eifach, Hürate ‎isch eh nur symbolisch und het garkei Bedütig und wiso speziell sötti sie. Ächt hey ich chönti ‎mich grüän und blau ergere. Aber es ischs mer nöd wert… ‎

Pfingstrose
ou nei das tuetmer de leid.....i findes ou am Beschte wender am SO gad mal vorbi gönd ZäME und klartext redet...ou wenn eim so züg aube meeeeega überwindig brucht..... i dänke ganz fescht a öich und drücke düüme dass öpis guets bi dem Gspräch debi cha usecho!!

@Sue: oh je das isch chli ä blödi Situation... de weisch eigch was zproblem isch..aber mache chasch nid viu... villech chunt ja de ihre Fründ ou chli ufe Gschmack vom hürate dür euch...
ja das gloubi dir wägem Brutchleid usläse..da wosch doch öper mitnäh wo säch när fröit für di... vilech würdi glich mau no zspräch suche u ihre säge dasses für di so nid gad luschtig isch...

wäg dim Stand, tönt sehr guet :-) de hesch du da ja es guets Jöbli gfasst mit chli häufe u Glüähwy trinke

@Pfingstrose: tuetmr mega leid für euch... ig finge das ä gueti Idee suchet dir gad mau auii zäme zGspräch.. ou we so züg eim aube mega Asch**** isches doch zbeste so...
hoffe dir heit äs guets Gspräch zäme.

@Malinchen und Lil.lian: dir dörft de gärn luege we si de fertig gsi ig bi ja ou immer sehr gwundrig u luege gärn biudli vo Chleider, kärtli, Deko usw.

Pfingstrose
Ou nei das dönt würkli nöd guet mit de Family vo ihm .Vorher sinds den immer "normal" gsi? Und dönds jeze voll doof sit iher gseit händ iher wännd hürate? Oh Mann…
Ich wür au mit ihne go rede.. Drucke eu Dumme das es klappet und nachher besser wierd..
Ja das mueni mer merke mit de Form.. Danke! Han mer au scho überleit, öb ichs eifach i Silikon-Forme chan igüsse.. bin no chli unwüssend..

Sue87
Ja gäll die böse Schwangerschaftshormon.. hihi
Ou ja gärn, wär uu nett vo dier wämer das Rezept chöntisch schicke. Beste Dank :)
Ja das mit dinere BF dönt voll kake.. Warschindli isch es scho das, das sie sälber gern wür hürate und sich jeze chli dägege wehrt.. :-/

LaMariee
Ok.. Müemer eus no chli gedulde