nicht registriert

Guuätä Moorgä iihr Schriiäbwüätige und happy Friday and SAMICHLAUS-Tag!

Mir hend gad glernt, dass meh bimene Bewerbigsgspräch zur Lehrerin gfragt cha werde, wiä's Samichlaus-Gedichtli über sich luute würd. Was würdet iihr do sägä?

Tabeboyana: Das kenne ich guät. Miin GG bringt nixx us dä Ruäh. Er findet immer "do findet mir denn scho no eh Lösig" oder "Het jo no Ziit, pressiert nöd soo.."
Mir hend uns denn chlii müässä finde. Uns gegesiitig chlii apasse. I darf nöd immer alles gad sofort welle und er sött nöd immer alles ufs nächste Weekend oder no länger verschiiebe. Aber ii kenns guät. I ha mir gad au überleiit, wass MUSTS bii uns vo dem Jahr sind. Muä ii gad miit miim GG hüt Abig aluägä.
I denke, ihr sind ja würkli guät ii dä Planig. Ihr hend scho sooo viiel. Ihr dörfet eu au gad ii dä Wiähnachtsziit ziit für anders näh und im noiie Jahr wiider Gas gäh.

Malinchen: Das Männer nöd so viiel Interesse für Bluämä hend, find ich no fast klar. Finds aber ebe meega wichtig, dass er sini Saache gliich ibringt. Es isch unser Fest und nöd miis. Do bestot er ja druf, derum find iich's so schön und wichtig wiä er mitdenkt (mengmol meh, mengmol weniger )
Da isch doch eh wirklich wichtige Grund zum d'Flittis bespreche! I hoff fest, dass ihr es wunderschöns Plätzli uf däre Welt findet, wo ihr eue Start ins Ehe-Glück verbringe chönt!
Woow, du hesch diir würkli scho meega Gedanke fürs Verspreche gmacht! So muäss es ja eiifach guät ussechoh I finds schön mit dä Liiedzitat. Es machts gad meega speziell und nöd eiifach abegliiret. Es chunt vo Herze, meh merkt da nu scho dä Beschriibig aah!

Sue: Tönt chlii so, als ob dä Wurm diine isch. Es isch halt en Monet, wo alli öpis vo eiim wönd. Familie, Buude und Fründe und und und… Vo dem her chönt iihr eu au diä Ziit näh, zum d'Vorbereiitge z'ruäh looh und denn nach em ganze Wiähnachtsstress voller neuem Elan starte. Anderi planet ihres Hochziit innerhalb vo dreii Mönet. Denn dörfsch du diir also würkli eh Monet Pause leiiste.
I müässt sägä, ii chönt da gar nöd ha, wenn mii GG nöd alüte würd und dass dreii Wuche… I würds selber in d'Hand näh oder sägä: "Jetzt oder ii machs."
Ooohjeminee. I cha dini Bruutfüährerin voll verstoh. Siit 6 Jahr wartisch uf en Atrag und siit 6 Jahr gsehsch immer wiider Pärli glücklich hürote und da cha eiim recht uf d'Stimimg schlooh. I muä sägä, ii bii gad chlii truurig für sii! Aber natürli giit das ihre keii Recht, ihri schlecht Stimmig uf eu übere z'transportiere. Viellicht versuächsch mol mit ihre allai rede? Ihre eiifach au sägä, dass diir leiid tuät und du diir guät vorstelle chasch, dass s'diich begleiite für sii nomol eh chlii schwerer isch und ihre fest danke sägä. Ihre wird nämli so immer vor d'Nase ghebt, wo sii nöd bechunt. I cha mir guät vorstelle, dass do Verständnis am meiiste helfe chönt? Oder viellicht schätz ii's au falsch iih und da isch scho lang passiert?

Lil.lian. Meega müähsam wenn's ned antwortet. Eh Offerte isch ja nöd vo hüt uf morn gschriibe. Aber dass gad gar nüd chunt, find ii also fast scho chlii frech. Wo bliibt "der kunde ist könig"? Werum isch er au nöd bereiit es normals Shooting mit eu z'machä? Engagement-Shooting sind ja nöd irgendwas meega abartigs speziells? Find ii jetzt chlii vestgfahre vo ihm/ihne...
Mir hend mol Badekuugle als Wiähnachtsgschenkli gmacht. s'Rezept isch ussem Internet gsii. Aber meiinsch ii würd das jetzt wiider finde? Mir kennet Gastgschenkli au nöd so. Drum giits wohl eiifach kaii. I ha da no niiä erlebt und da s'erst Mol do im Forum ghört

Pfingstroose: Was?! I find das joo ober frech vo siim Papa.. Da isch es Gspräch leiider dringend nötig. Cha aber verstoh, dass diir da nöd eiifach fallt und du au keii Lust druf hesch. I muä aber sägä, ii finds echt schön, dass dii GG so zu dir haltet! Wa hend d'Mensche für Problem, dass eiim immer s'Hochziit wönd vermisse?! Wünsch diir ganz viiel Glasseheiit, dass diä Beschuldigunge und Fertigmachereie diir nöd z'nöch chömet und du und diin GG eiifach au drüber stoh chönt.
Het denn diin GG eh guäts Verhältnis zu siim Paps?

Me: Wiä bii dä LaMariee isch unseri Musterkarte choh. Es het eiin Details wo Mami scho apasst het und jetzt wird sii perfekt sii. Mii GG het sii no gar nonig gseh Aber sii isch so, wiä miir's hend welle. Vo dem her… Jetzt liit dä Verteiilig aah Wiähnachte nixx meh im Weg

Wünschä eu allnä eh wunderbar guätä Tag!

squishy
i hätt normalerwiis ou de Nerv nid so lang nüt z melde wenn de Fotograf nid zrukschribt aber wüui süsch so viel selber umd Ohre ha gha bini gar nid dezue cho azlüte aber mi GG hetmer ize per Mail versproche daser hüt Abig vo deheime us de alütet
mege ihrem fehlende Atrag dafme ebe GAR nüt aspreche. isch öis allne scho mal passiert und findes ou unter fründinne dafme doch ou mau säge dases eim mag dass kei Atrag chunnt aber da wird si ner gad u verruckt und seit das göngi nume si und ihre Fründ öpis a und de isch d stimmig aube gad nüme guet.
es isch ebe no schwierig si seit ja nid offiziell dass si iversüchtig isch sondern me merkts eifach und denn das go aspreche isch wie emne Vulkan es zündhölzli inezschüsse und da hani gad d Kraft dezue im Moment nid....hoffe ize dass si vo sich us merkt dass si nid fair isch und mit üs drüber redet...

döfemer d Musterkarte gseh??

@squishy: haha, das isch ja mal wieder typisch PH!!! När söllsch es Värsli über di sälber ufsägä oder wie???

Jupii, öii Mustercharte si cho!!! So cool...

@sue: ah so isch das... I verstah sie irgendwie ou, aber wie squishy seit es git ihre keis Rächt när ihrä Frust a dir uszlah. Hihi, gang doch zu ihrem GG und säg: "Chönntsch du dire Fründin ändlech mau ä Atrag mache?! Es närvt dass sie fasch platzt vor Iversucht wüll sie so gärn wett hürate und du Trottel fragsch eifach nie!" Nei das isch ja würklech ä mega doofi Situation wenn du's nid mal darsch apsärchä ohni dass sie gad explodiert... Hoffe für di, dass sie sich chli cha zämänäh!!!

@pfingstrose: o nei, das duet mir gad mega leid!!! Fühl dich gedrückt!!! I kennä das chli vor Familie vo mim Ex, det isch ou jedes mal es riese Drama gsi und es isch ewig gange bis sie mi akzeptiert hei (ca. 3 Mönet später hei mir üs trennt )... Es isch eifach verletzend für beidi (GG und di) wie sie sich benähme. I meine, dini Familie het ja vor dr Verlobig vo gar nüt gwüsst - wie sölle sie öich drängt ha. Abgseh drvo, dass das sowieso ä total absurdi Vorstellig isch! I findes guet, dass dir det härä göht und das ein für allemal klarsteuet. De heit dir öies Müglechste tah und sie chöi när luege was sie drus wei mache...

@Geburtschärtli: Ja i finde ou ufnes Chärtli ghört ds Baby und nid ds schangere Mami. I finde so Fotos mega schön, aber das würdi eifach für mi und mi GG mache ömu nid für det druf... Aber dr Nachteil isch halt, dass mes när nid cha vorbereite. Findes aber ou nid schlimm wenn ds Chärtli nid gad 2 Täg nach dr Geburt bi de Lüt isch.

hello ladies

ihr händ ja gas ge :)

fara: félicitations zu de wohnig ! freut mi grad für eu

malinchen: 3000.- find ich persönlich u vill, aber ha ja au nid sones riese budget :) wenns für eu stimmt isch ja guet. aber würd au spar woni cha, das personal isch immer so tür bim caterer usw.. drum bin ich froh isch es bi eus ur 12.- pro person :) für ufrume, service deko und alles.

lula: was isch das gsi mit de nachbri ? bi nid drus cho.,.

pfingstrose: u nei doof wenns agspannt isch mit de schwiegerfamilie ;( hoffe chönds kläre, au wennd nid so luscht häsch.

lilian: ich ha letscht jahr füessli und händli us seifi gosse. has nid so eifach gfunde d form schön herezbecho...

taeboyana: ja, isch en seich wenn alles ablauft. hani scho mal gha vor 8 jahr ;( aber s grüene L hani imfall glich nöd, wil wenn me mal en atrag devor gstellt hät bechunt me das nöd...
ich glaub ich würd mi nid stresse, weiss zwar nid gnau wenn ihr hü¨rated aber s längt sicher no alles nach wienachte :) die lüt hend ja au wienachte, de hends au weniger zit zum abkläre :-)

sue: danke füre stempel .)
ich kenn das mit wienachstress..da e samichlaus fir, det e wienachtsfir i de chrippe, schuel,..gschänkli hemmer no kes einzigs, nid mal de regebogezucker womer wetted mit de chind mache hani agfange aber ha etz au anders im chopf mit dere prüfig.
ou doof weg diniere kollegin...da chamer nid vill mache wobi ich nie ganz versta warum me sich eifach nid cha freue für öper womer gern hät...mir händ au jahre müesse warte zum hürate und es händ anderi ghürated...hami immer gfreut.

lamariee: cool, freu mi de scho die iladige z gseh :) mir händ das für d wienachtsferie agsetzt...

babychärtli: haha so guet. aso ich ha au immer foti gha vom baby und die sind au immer sehr spat use. die erst zit isch nid s chärtli wichtig, oder :.)

squishy: äh es versli über sich mitem samichlaus bezoge ? hä ..)
ou chani au mustercharte gse :)

kei antwort vo dienstleister..: ou das isch nervig. ich bi amig au nid so geduldig :) ich würd halt knallhert alüte. aber mi GG het ja au sölle de kolleg wo i NY isch amaile. er hets bis jetzt nie gmacht und ich glaub er will garnid, will er s gfühl hät mitem iflüge chunts ja türer..mir nehmeds mal easy, findet de scho was. budget isch ja gleich null haha .)

me: ja die autoprüfig..ich ha chli müeh momentan...bi gester go automat probefahre und isch relativ guet gange, aber bi immer noni die begabt autofahreri wo d prüfig eifach chönt versiebe
chli deprimierend...er hät etz gseit 10 stunde à 90.- und ich schaffes im januar. isch aber so blöd, hett die 900.- ja eigetli gar nid. mi GG muss etz ufs plante fitnessabo verzichte
ich muss mal mit dene luege obi cha schenke uf wienachte aber denn in rate zahle. ha so schlechts gwüsse...zudem hani eifach e riese druck das z schaffe, echt müehsam.
ja morn brutchleid chaufe :) mal luege wies usechunt, bi ja scho mal gsi. irgendwie bini nid so i de stimmig. geld uszge :(

h¨t abigt chunt mini schwes/tz
zerst no quartier samichlaus

wünsch eu schomal a nie weekend .)

PS: sorry a die woni vergesse ha oder uf das woni nid igange bi..

@Nala: du gisch iz Dominios gäu? hesch mau scho ir Schwiiz gluegt gha wägemne Chleid? machts äch priislech viu u? bi de gspannt was zbrichte hesch wünsche dr ömu viu Spass u hoffe du fingsch DIS Chleid

@littlefoot: dir ou viu Spass bim Shoppe morn u hoffe für di natürlech ou dass DIS Chleid fingsch ou wed villech no gad nid so i Stimmig bisch.... das isch de morn sicher besser

Merci littlefoot
ah dir göt beidi uf Lörrach? cool
ja das hani äbe ou ghört... drum wäris scho no interessant
viu vergnüege