@nala: gäl d’hotelzimmerprise sind happig im montana? Ich han no s’tourist hotel in luzärn usegsuecht – vil günstigi hotels gits halt z’luzärn leider ned… wänd öbis anders günstigs ghörsch bini au froh för infos ;) wäg de floristin: ich han si jo nonig kontaktiert und bin drum froh um dini info! Schön isch si en fröndlichi :) aber hmm findes scho eher tüür.. ich meine mir händ öbe 9 tische… das isch dänn scho chli vil oder? Aber ebe chunt wohl uf d’blueme drufa.. haha han grad müesse lache – bumsfröndin haha :p so en fall händ mir au :p mol luege wie das isch bis negst sommer – wenn si bis dänn fix zäme sind isch guet aber sust weissi also au ned aber er würd si dänn glaub au ned mitnäh ;) schlimmer findi mi chli 16 jährig brüeder!! Gseh ihn sehr sälte leider – öises verhältnis isch eher chli wie das zwösche cousine und cousin will er bi de ex vo mim vater also sinere muetter ufwachst – jedefalls hämer ne letschtmol gseh und gfrogt und wie laufts so? häsch wider en „fröndin“ am start? Er isch halt i dem alter womer chli am usprobiere isch.. jedefalls häder dänn so voll gseit: nei momentan ned, aber bis zo öichem hochzyt schaffis sicher, dassi wider eini han damiti en begleitig han!! Boah bin baff gsi!! einersits gschockt aber au chli hässig aber han voll ned chönne reagiere!! Ich meine er isch ächt en chline schmarotzer han mi scho oft ab ihm ufgregt… ich mache ihm immer grossi gschänk und er vergisstmir amigs sogar zum geburi z’gratuliere!! Oder schänkt au uf d’wiehnachte nüt und wännmer oswärts öbis gönd go ässe oder trinke isches immer säälbstverständlich dassmer ihn iladet und dänn seiter amigs ned mol danke.. das hädmer jetzt grad wider chli de räscht gäh.. muess ihm das dänn mol no säge, dasser ned eifach öber chan mitnäh!! Oder wie gsehnd ihr das? uiuiu ds chunt mir jo mega bekannt vor wasd do verzellsch mitem transport! Bi öis isch das zimli ähnlich dass mini schwimu au scho häd avo afroge wäge bus und so!! oje so schad wäg de fotografin! Hoffe findsch öber anders guets!


@sue: wo häsch du dini bluememeitlichleidli scho wider bstellt? Wet mi jetzt dänn au a das mache :) – häsch mir echt nomol es foti vo dine will dis hädmer au mega gfalle! Han no uf amazon und sust enere site schöni gfunde mol luege :) wägem chleidershopping: also ich han 2 läde in lörrach a eim tag gmacht und isch super gange :) si sind aber au z’fuess guet erreichbar gsi bin im dolce vita und im domino gsi und chan beides empfehle :) hey super händer glich no schueh för de GG gfunde :)

@munggi: jo sägs ned das deko zügs isch sooo tüür! Han au uf etsy voll schöni sache gfunde aber die priise teilwis.. :/ hey und häsch en schöne geburi gha? :) hihi du häsch grad 2 täg nach mir hehe bisch demfall au schütz :) wie isches gsi ufem chinoise schiff? :) mir gönd am donstig mit 2 kolleginne – händs de einte au ufe geburi gschänkt ;)

@fara: klar han dir s foti grad no gschickt :) döfi d’masoalaa fotis au gseh bitte ? :) puh respect was du do alles duremachsch mit dere chemo und allem… do chömed eim die eigene „problemli“ degäge amigs rächt überflössig vor.. :/ hey das mitem glas ifärbe gseht cool us! Isch das ufwändig??

@fanny87: hey ich find das agebot super för 1700.- ! chasch ned vil säge findi! Und wänns öich so gfallet sowiso! :) wow öichi eltere wüssets nonig? :) hihi wie händer das so lang chönne gheim bhalte? :p jo wär doch mega härzig das mit de glückskeks ;)

@pricana: heeey zerst emol: öichi chärtlis sind uuh schön würkli! :) gfallet mir sehr guet! Hmm und dass öich das blöde versehe passiert isch, isch natürli doof… würd mi au mega närve ich bin au so en mega perfektionist… aber hey zerbricht dir ned dis hübsche chöpfli! Das chamer jo würkli wider guet mache.. hey und ich hetti gärn d’homepage und s’passwort vo öichere homepage ;) oje das goht jo gar ned wägem fotograf! Krass hey! Finde au dass d’chemie muess stimme und ebe die ussage gönd gar ned!

@squishy: jöö hehe du bisch härzig hihi ich bin au so fröimi amigs au mega wännmer widermol gönd go ässe oder is kino oder so ;) isch doch schön, wämer sich ab de chline sache im läbe fröie chan oder? :) wie isch de film gsi?? hey mir gohts genaaau glich imfall! Jetzt müendmer dänn womer negst wuche d’iladige bstellet die def. liste ha, wilmer d’couverts grad lönd loh bedrucke… puh und ich han also au no vil wackelkandidate ob apéro oder au fest… ächt schwirig!! Und binere guete kollegin vom gschäft womer aber au privat vil kontakt händ bini plötzli uuh unsicher worde! In letschter zyt verhaltet si sich sooo komisch mir gägenüber si goht mir mega usem wäg und so han si au scho 2x agpsroche aber si seit immer es sigi nüt und so aber chauf ihre das eifach ned ab – chami doch uf mis buchgfühl verloh.. si häd mit mir au d’witerbildig agfange und sorry si begrüesst mitschüelerinne wo si sit 2 mönet kennt härzlicher als mich?! Voll schreg ned?! jedefalls weissi bi ihre plötzli au nüme obi si wider uf d apéro lsite söl setze.. s problem isch bi ihre nur, dassi ihre mol gseit han dass si am obig au am fest iglade isch.. weiss ned ob si iversüchtig isch, will ich jetzt hürote und so und si 10 johr älter isch und au mol gärn ghürote het und familie gha het.. si häd zwar jetzt sit paar mönet ändli en frönd aber de isch grad i de scheidig und häd 2 chlini chind also nedso die beste vorussetzige för ihri plän :/ kei ahnig würkli.. chan dir drum sehr guet nofühle und mir händ au eher vil lüt.. ah und wäg de einzelne lüt: do machi mir ebe au chli gedanke wäge lüt wo dänn niemer kennet aber dänke das isch immer chli so ned?? dänn hanii no s problem wäg de lüt vom gschäft – mis team isch mit 20 lüt relativ gross.. sprich schaffe ned mit all dene zäme aber eifach alli im HR wo am gliche standort schaffet.. und hans mit gwössnige besser als mit andere aber weiss jetzt ned obi eifach einzelni lüt chan ilade oder ob das doof isch oder gar niemer wär aber au schad will alli 20 fändi scho grad chli krass zumali jo ned zo allne en bezug han… was meinet ihr bez. wie machet irh das mit lüt vom gschäft?? Jöö so härzig d’agenda wod vo dim mami gschänkt becho häsch! :) jo gäl isch scho speziell wämer dänkt dasses voll nüme lang goht! :p wooow das lied isch jo mega schön :))) do werdi also au grad sentimental! :) oh ich würd au gärn es foti vo de mustercharte gseh wenni döf :)

@sasileu: heey dönt super din brutchleidshopping-tag! :) isch scho schwirig so en entscheidig.. aber du häsches besser gmacht als ich – ned sofort entschide sondern nomol drübert gschlofe!! Aber finde häsch di super entschide findes ganz es schöns chleid stoht dir ächt guet! :)

@littlefoot: oje duetmer leid wäg de autoprüefig.. han au 2x müesse goh.. hmm und wennd glich de automat machsch wennd di so unsicher fühlsch? Isch jo würkli vil eifacher wänns am kupple und so happeret? Mir sind au z dritte is domino isch keis problem gsi :p hey cool häsch s’brutchleid kauft! :) und isches ächt s’gliche wie mis? Händ si das ächt so schnäll nobstellt? Will si häd mir gseit si händ nur eis und das sig jetzt för mich reserviert.. fändi chli schreg, wenn si das witerhin zum probiere würdet gäh… ? weisch d’grössi no?

@juni2014braut: härzlich willkomme i öisem thread und gratuliere zur verlobig! :) wenn gnau hürotisch dänn? :) ich am 6. Juli also knapp nüme juni ;) und ich bin ursprünglich vo luzärn wohne aber nüme det sondern im aargau aber hürote in luzärn :) s’hotel vogelsang sind mir au go aluege :) ganz nätti lüt wo det schaffet! :) hochzitsmäss: bin letscht johr in basel ade marinatal gsi und in luzärn ade hochzig mäss – has ok gfunde aber umghaue häds mi ned.. aber ich glaube isch scho öbis anders, wänns dänn nomol vil nöcher isch :)

@bibi: härzlich willkomme und gratulation zur verlobig! :) hey dis 2. Chleid wod postet häsch vo sincerity das wär mis chleid ;) wow scho die 3. Brut wo sich för das chleid interessiert oders sogar kauft häd :p

so und jetzt no min ego-post :p

laprincipessa:

hihi, so luschtig wägem Chleid. Aber es esch ou mega schön. und met däm jäggli wärs perfekt. be äbe ned so fan vo so stolas wome umd schultere tuet...
e has äbe in beromünster in wiss agha und när in lörrach in ivory, und das hettmer de scho besser gfalle...
ah dasch doch en tolli idee wägem Wellnesse. mer wei das ou so mache. wöu gad nachem hochziit ufene 30 stöndigi reis esch ou ned so das. und so zum wellnesse fahrtme 3-4 stund und hett när meeega vell ziit försech.
mer wei ou grad nachem hochziit 3-4 täg ga und denne in november no ufd maledive. mer hei scho emmer mol welle dörthäne ga und eini wo im reisebüro schaffet hett gseit dassme ufde maledive mega gueti agebot bechont för flitterwoche. teilwiis eschd frau bes zu 80% gönstiger. e wär ou no gärn uf neuseeland aber mi frönd cha ned so lang feerie nä.
ech ben ou scho im preidelhof gse. einisch im april. dörte esches super gse wellme scho hett chöne bade verosse. d alaga osse esch super ou metdr sauna. aber enne eschd wellnessalag ned sooo toll. s chunt ou chli ufd aspröch drufa! :-) mer göi mega vell ga wellnesse und kenne drum ou scho es paar hotels und de werdme emmer wie pingeliger! :-) s ässe esch aber super dörte und dr garte ou.
mer wette scho lang mol gärn is hotel Schwarz. das esch aber leider no es biz tüürer drum heimers üs ou nie gleischtet...
falls no me hotelideene bruchsch, chaschmer schriibe. chader e huufe tips gä! :-)

dörfti ächt üchi ilaadigscharte mol gse?? mer si äbe noni so wiit und erscht so am ideesammle...

guete morge liebi mitbrütli

claudilein: herzlich willkomme !
genau, das machi so wil ja mi lehrfahruswis ablauft am 19.1
kenn ich jetzt grad nid sone situation mit de chefin...ich würd s ihre au säge, das wär mir egal was die denkt .)

lilian: ja hend freud gha die beschenkte a de seifene :)
ich weiss nöd obs würkli nomal 10 fahrstunde sind, villicht längted au weniger .)
demfall isch es bi dir au eher schwieriger mit chleid ussueche é:) verzell de witer une wies bi mir gloffe isch :)

taeboyana: hui ja das mit de visitechärtli isch immer sone sach gäll..vill glück fürs gspröch !
ach guet dasi etz mal au vo de andrea ghörä :) wenn sies aber hobbymässig machtt isch sie demfall nid so tür, oder ? mi GG fragt etz aber glich de kolleg in NY a :)
nei ebe, sind villicht au weniger als 10...er hät eifach gseit eher 10 als 20 woni gfragt ha wil ich mer das halt nid cha leiste...
oh cool etsy :) was isch nanu nana ?

bibi: au dir herzlich willkomme ! tönt witzig mit dim GG :) mir sind eus au nid immer einig :)
schöni chleider ! ich bi eh sincerity fan

laprincipessa: ich denke dass mir s glich händ :) sogar i de glich grössi .))

so und etz zum samstig :)

mini schwes und ich sind de abgfahre und u schnell det gsi. sogar 10 minute z früeh. händ eus im domino aber uh nett empfange, de simmer no ufs wc und de is umkileiderümli. findi scho mal toll, im olie mode hesch die zwüsched de chleider umzoge und bisch füre a spiegel. de het sie gseit mer sölled go dureluege und mal e paar uswähle. ha denn mis einte woni toll gfunde gha han au nomal mitgno, obwohl s mir ja z wenig baam gsi isch :)
de hani nach mine modell vo sincerity gfragt, wos de hend müesse go sueche :) nur eis isch da gsi, s andere hebeds gha und 5x verchauft :)
de hani es paar aprobiert, keis isch es gsi. de mal zum sincerity cho und das isch shco ganz toll gsi. aber irgendwas het mi zrugghebt..ich ha denn nacher usegfunde dass es mi GG gsi isch mit sim spruch, nid so wit unde...
de isch de mal mis mami mit minere andere schwöschter itrofe, wie immer mit verspötig (e stund dasmal)..det sind no zwei i de uswahl gsi wil ih de verchäuferi gseit ha, ob sie nid ähnlichs hät eifach mit weniger undedra...mis mami isch de gar nid begeistert gsi und ich bi de total unsichr gsi. mir hend de gseit mir gön go esse und chömed denn nomal. d vcrechäuferinne sind top gsi, au flexibel. mini isch übrigens hin und weg gsi vom chleid, scho wonis s erscht mal agha ha :)
de hani beid fotis nomal nebenand agluegt und s andere, sones wiss mit grauer sptize isch e wegfalle (es hets scho ge im gliche ton, aber hets müesse bstelle ohnis je gse z ha, nur scho das het mer abgstellt)..klar wil ich ja mi eigetli scho lang i das chleid verliebt gha ha..min TZ und verchäuferi hends schoi lang gmerkt, anschienend händ mini auge glüchtet und ha glached :) dezue chunt das uf de fotis bi dem chleid es lache und es strahle isch, mit disem chleid s gegeteil :)
de simmer no vorem lade gstande und ha mi nid so richtig chöne entscheide..ob mer no witer gönd go luege, sie wäred deby gsi, z. bsp nomal is chez janine oder so...ha denn chli gwer weised, obs es denn würkli bringt nomal 8 chleider go alegge, ha ja echt scho vill agha...de hend sie mitenand gredt, ich ha mis bild agliuegt und plötzli entschide fürs chleid go z chaufe :-)))))
de simmer ine..zerst hämmer gwarted..de isch en anderi verchäuferi cho, und füert eus i sones rümli, verzellt da..de ani sie mal müesse unterbreche, kenni das vom morge scho..ah sie hend ke termin. haha nei ich chäm nomal usw.. de het sie aber gseit, selled glich warte, es heb eini abgseit...de isch de aber mini verchäuferi cho und het mi wieder is glich rüüumli ta :)= zerst hani nomal därfe dureluege..aber ha keis me chöne usene, sind halt all nid das gsi...ah und es isch mer glich die ganz zit es anders chleid im chopf umegeistered, womer eigetli weg ta hend...das hani de eifach nomal wele aprobiere.. :) warum au immer. aber isch besser gsi. has denn agha, super schön und alles aber eifach nid das. somit isch das wieder weggfalle und mir au nüm doof im chopf umegeistert (überigens hanis schöner in erinnerig gha)
de simmer mis chleid go alege...bevor ichs richtig agha ha het d verchäuferi gseit, das sig ke frag :) mini TZ het den gseit sie heb sich bim erste mal scho müesse zrughebe mit brüele, sie findets perfekt.. :)
bi de use und sogar mis mami und mini ander schwöschter hends de gse..das isch meins :-)
was ihne übrigens nid gfalle hät hani nid so ganz chöne nahvollzie..einisch hends gmeint das sig nid ich (ke ahnig hends haha), denn ich gsäch wie verchleidet us (sorry, hend glaub nid verstande was es brutchleid würkli isch :)), denn, me gsäch nur s chleid und nid mich dine..imene schlichtere würd me mich me gse (äääh was ?)..was ich chli schief gfunde ha, mis mami hät bi allne andere wo usecho sind, aber würkli bi allne, immer WOOOW gseit, wie schön, passt perfekt usw..bi mir aber so..ke ahnig. einisch isch eini neb mir gsi mit eme..

ich lappi ha s bild igfüegt. :))) eigetli setti das nid mache und drum bitte pn wer eis wil gse é-) sorry

Oje Pfingstrose. Drück di ganz fescht u füehle mit dir mit. Das isch echt e beschissnegi Situation. Wünsche dir ganz vieu Chraft zum das dürestah u wünsche dir, dass aues möglichscht wieder guet wird!