Ou nei pfingstrose :( ich verstahs aber nid ganz, was gnau isch s problem?
Händer jetzt scho gseit ihr säged ab oder wie?
Druck dich au fescht und ich wirde dini posts vermisse!

Pfingstrose
Ohjeee das dönt würkli nöd guet
Was isch den gnau passiert? Passt ihm eifach nüt?
Das duet mer echt leid für eu!!

Littlefoot
Ja ich wür gern dis Föteli gseh

littlefoot:
e wörd ou gärn es föteli gse vodr Iladig, gebe gärn mini ehrlechi meinig, be de secher ou mol froh! :-) und vom chleid aso ou! :-)

pfingstrose
ou nei!! dasch wörkli mega truurig!! eigentlech settet doch der beidi und üchi wönsch und üchli liebi im mittelpunkt stoh! wörkli schad für üch. gäu i so situatione wönschtmesech doch eifach en hochziit z 2te am strand nöimet. e wönsche üch ganz vell chraft dass alles guet chunt und der üchi hochziit so chöit erläbe wieder üch das wönschet...

lil.lian
und hesch Badebombe scho chönne usprobiere?;O)
du wirsch sicher no das Chleid finde wodi total umhaut! Bi scho gspannt wies de usgseht;O)
uiiiiiiiiiiiiii das findi ize ou gad mega viel…..mega doof de chönte si ja gad der Pris ageh und warum hei si das nid wöue vorher?! Isch ja mega doof….. würdi ou witersueche….!!

claudilein
herzlich willkomme ou vo mir! Bi ou gwundrig;O)

Taeboyana
Nei isch nid si wott kennsch mit ihre hanis nach wievor super und si freut sich ou mega härzig mit mir – bi froh;O)
Ou wenns würdi klappe es Glühwein und es früschbachnigs Cupcake bi üs am Nachtmärit cho z neh würds mi natürlich sehr freue – Ferie ilüte chani denn ou nämlich, hesch ner ou 2 Wuche??
Hihihihi ha gad müesse schmunzle mege de ufrüef vo Disney Chläber wo no fehle;O)
Jöööööööööööh die kartonahängerli si de härzig…….gfallemer mega!! Hamer de link ou gad gspicheret und hoffe das stört di nid;O)

Littlefoot
Uiiiiiiiiiiiii juhui Kleid gekauft – bi ja mega gspannt!!!! Würdis uuu gern gseh…???
Hmm das isch de komisch mege dire Muetter und Schwester…aber i würdi ize dra dänke dases dir ja mega gfallt und das isch d houptsach!! Vilicht müesse si sech no chli dra gwöhne si hei di ja no nie imne Brutkleid gseh gha vorher…?
D iladig würdi mi ou sehr interessiere;O)

Bibi
Herzlich willkomme bi üs!!
Hihi das het mi GG ou gmeint, WAS wie bitte wo bitte Thema und Farbe etc aber ize woner sich chli meh demit usenandsetzt chunnter selber plötzlich mit Ideene;O)
Auso mir schicke eifach dene lüt es kärtli womer ou as Apero ilade. So de unkle, tante und kollege vo früener aber eigentlich nume dene womer ou no chli der Bezug/Kontakt hei.

Laprincipessa
Schön widermal vo dir z läse;O) i ha d Bluememeitlikleider bimne Lade uf ebay bstellt und het alles super klappet und schnell glieferet worde und gseh auso super us;O) ha 2 vo dene im Ahang bstellt – wend de link wetsch chaniders gern schicke;O)
Bi öich isch ja mega viel gange und das vo dine Fründinne isch ja mega mega härzig…!!

Pfingstrose
Ou nei das tuetmer de leid…..aber si müesse doch e Grund gha ha zum säge si chöme nid as Hochzit? Isch ja mega krass??!! I drücke di ganz fescht und hoffe das ganze ränkt sich wieder i…..

eig hani grad mi bricht vom samstig welle schriebe.. aber jetzt hani das grad vo dir gläse..

pfingstrose: ohhh mann neiiiiiii! isch jo mega si vo dim gg sinere familie! nei hey goht gar nid, wird grad hässig fühl di gaaaaaaanz fescht umarmt! und au wenns schwer isch, ich würd mi jetzt ganz a dini familie wo sich mit euch freut halte!
i ka aso ai gar nid glaube wie meh so druf si ka! das meh s absage vodr hochzyt vom eigene sohn(!!!!) in betracht zieht! mann.. sorry aber, was sin das für lüt??? was hän die de für problem dases so mues eskaliere?? hui i reg mi wirkli grad richtig uf!
zum glück isch din gg so e guete und stoht zu euch/dir! ich wünsch mir für euch das sich das ganze gli erledigt und ihr witrhin euri traumhochzyt plane dörfet!
kopf hoch!

guete morge!!

claudilein: härzlig wilkomme! huuh? was hesch du den für e chefin? aso i würd ihre das mit dr hochzyt erst sage wenn d iladige vrschickt sin und nid vorhär, isch jo eigetlig provatsach und vorallem wenn si so züg usseloht.. das tönt jo scho chli so as ob si eim grad künde wot bevors zspot isch..

lil.lian: schad hesch dis kleid nonig gfunde.. hoff wirdsch im chez janine fündig.
ka meh den das band bim kleid vom liliuca nid wäg näh? ah jetzt hani grad gläse wägem gürtel, hm schwierigi entscheidig! ebe vilicht wirsch nägst samstig fündig! :o)
mega blöd vo de fotografe.. würd mi au närve wenn sisich zerst so bedeckt halte wägem priis und de hänsi doch en stundeasatz. wär hesch den jetzt no agfrogt?

taeboyana: tönt super bi dir und schön sindr im zytplan! wünsch dr ez scho viil spass in konstanz!
die ahängerli sin wirkli mega härzig und dänk au das die sich guet für gastgschänkli eigne! i ha mir (lustigerwiis vor 2 wuche au in konstanz) au de stämpel vom depot kauft und wot ihn für d wiehnachtsgschänkli bruche und de au für s gastgschänkli

Bibi77: wilkomme!
mir lade aso niemrt ii wo mir no vo vo friener kenne und nüd meh gross ztue hän, mir dien nach dr hochzyt den hochzytsazeige vrschicke, mir sin dr meinig dass das längt.
uns isch d musik am obig au nid so wichtig, mir sin uns no am übrlege wie mir das wän löse. mi gg findet ipod längt.. mal guggen..
schöni kleider

principessa: jo du hesch einiges zum nocheläse ka hihi. wäg de hotel priise schicki dir wenni nochär no zyt ha e pn :) das mit dim brueder goht jo gar nid! haha was so 16jährige im kopf umeschwiirt! würd ihm aso au klipp und klar sage das är niemer wo grad sis "2-monate-häsli" isch ka mitnäh..
so härzig dis geburi gschänk (gratulier dir no härzlig im nochhinein) hän sich wikrli öbis guet ifalle loh dini mädels!
findi e gueti idee mitem wellnesse, kenn mi aber im südtirol gaar nid us.
ich nähmt gärn e pn mitem kärtli

littlefoot: meeeega schöns kleid isch aber nid das gsi wo ich dich drin gseh ha ;) i finds aso wirkli super! mach dr kei gedanke wäg dim mami /schwester, ha dr joscho gschriebe isch mit mim mami au nid liecht gsi (schrieb de nochr nomeh)
dö kaffi hole mir natürli noche wenni mol i luzärn bi :)
i bi gwunderig, schicksch mir e pn mit dr iladig?

sue: s kleidli isch wirkli schön, jetzt weissi au weles es gsi isch, ha mi gar nüm möge erinnere