| Bräute 2014 |
|
|
1 .. 267 .. 531 532 533 534 535 .. 766 .. 997
|
|
|
|
|
09.12.13 12:42
Snicki 
|
Re: Bräute 2014
hallo ihr liebe 
Bin au wieder do  Han grad chli Stress gha, und chrank bini au no gsi! 
Sorry grad für de Egopost, aber ich chan do ned alles noche läse im Moment, bin chli im Seich. Trotzdem wett ich eu chli verzelle
- Mier hend am Mittwoch s'erschte Gspröch mitem Pfarrer. Taufbeschiinigung hemmer au. Het das scho öpert gmacht? Han kei Ahnig was do uf üs zue chunt  Hend iehr Ministrante bzw Kommunion wärend de Mess? Mier müend das achrüzle, sind üs aber eswie unschlüssig.
- Mier hend en Fotograf. Mier werdid wie do au scho gschribe glaubs, de Mariano vo Küssnacht. Mer werdid im Januar/Februar es Shooting ha, für üsi Iiladigscharte. Die gönd im März use, und werdid au grad vo ihm g'layouted und druckt
- Üsi Aperolocation isch definitiv buechet.
- Mier hend jetzt praktisch allne Bscheid gäh. Üsi Eltere hend mega freud gha
- Mier hend en Tätschmeischter, bzw 2 sogar d'Schwö vom Schatz und ihre Fründ möchid das gärn für üs.
- d'Musik für de Obig isch buechet. Mier hend üs entschlosse für es Ländler-Trio. Min Schatz fahrt voll druf ab, und es isch jo au sis Hochzig, und ich han gfunde, es söll für ihn au stimme. Au wenn ich jetzt ned uuuumbedingt die Musik usguecht hetti, aber es stimmt für üs beidi.
- d'Coiffeus isch au bueched bin rächt erstunt gsi, aber vor üs isch au bereits en Brut bi ihre. Schint rächt guet buechet zsi
Jo, das wärs momentan grad vo mier. Werd mich hüt Obig mol do wieder iiläse
Schöns Tägli eu!!
|
|
|
|
09.12.13 12:55
nala05
|
Re: Bräute 2014
so jetzt jetzt mini ego-post:
aso am samstig isch jo mi grosse dag gsi, mir sin go kleider shoppe.
am 11i isch abfahrt gsi, ich mini 2 tz's und mis mami sin los uf lörrach wo mir de erst termin ka hän. ir sin acho und vonere chli ältere dame i empfang gno worde. ha den grad d littlefoot entdeckt wo imene sehr schöne kleid vorem spiegel gstande isch  hän ebe aber leider nur kurz zyt ka :(
ich und mini TZ's sin de paar kleider go ussueche, sin uns aber chli vrlore vorko wil d beroterin het uns eifach gseit do sin kleider luege si. den hämer scho 5 usggsuecht sin aber noni bi allne dure gsi, jäno, mini schwöstr het de no chli ellei s züg dure gluegt und het gmeind s eht nüd meh speziells ka..
uf jedefall hani de s erste kleid (ersts föteli, sincerity) ahprobiert. es het mi mega gflasht mis erste brutkleid und es het den no hammer usgseh. alli häns schön gfunde (au dr littlefoot ihri begleitig ;o) ) user mis mami isch sich chli unsicher gsi :-/ s zweite vo pronovias wo i ah ka ha isch au sehr schön gsi, aber leidr chli tüür. de hani paar ah ka wo uns nid gfalle hän und de s letschte isch den au nomol hammer schön gsi (zweits föteli vo mori lee). s erst unds letschte sin aso die favorite gsi. ha beidi nomol ahglegt und mich am schluss für das vo morilee as favorit entschiede. wil mir jo no e termin ka hän hani mi nid welle entscheide. mini vrkäuferin het aber mega uf mich igredet und gseit i söl öbis go ässe und de widr ko, si könni mir nid vrspräche das wenni e paar däg wart dases no do sig usw. und nochebstelle dien si nid gärn.. (komisch oder??) ha mir den no e termin ufschwätze loh für morn, den simer gange und i ha insgeheim dänkt dasi mis kleid ha. mini tz's häns nid so toll gfunde im domino, anschiinend sin alli andere vrkäuferinne viil fründlicher gsi as mini, ha das aber nid so mitbiko zu mir isch si ok gsi, user das si mir am schluss das kleid chli het welle ufschwätze.
so und de simer uf basel in pour elle. mis mami het den aber ahfoh mega umezicke kei ahnig wiso. si het das kleid vo dütschland halt toll gfunde und für si isch de fall klar gsi. jo sehr miehsam mir sin de scho chli mied vo ihre gsi (si het en schwierige charakter und merkt nid das si oft sehr e miehsame mensch isch) im pour elle simer den fründlich empfange worde, hän aber no kurz miesse warte wil die brut vor uns noni ganz fertig gsi isch. d vrkäuferin het mi den chli usgfrogt und isch go kleider hole und het uns immer gfrogt was gfallt und was nid. mis mami het de alles nid schön gfunde..  nid so lustig gsi. ha de uf jedefall 5 kleider aprobiert. und zwei hän mir mega gfalle. vorallem eins. es isch de perfekti mix zwüsche mine zwei favorite gsi. has de nomal agleggt und es isch eifach hammer. ha leider keis föteli wil das wird vo ihne dört sälbr gschniideret und meh het kei fotis dörfe mache. es isch obe ähnlich wie das vo sincerity nur hets meh spitze statt glitzer und es isch au us tüll und fallt chli schöner as die andere zwei. es richtigs cinderella kleid, bi mir au vorko wie e prinzässin! hihi! ich und mini tz's übrwältigt gsi vo däm kleid, mir hän alli gfunde es passt super zu mir und isch au no schön edel. mis mami hets ok gfunde, aber immerno die vo lörrach besser. egal.. i ha mi eigetli so guet wie für das entschiede. 
prislich würd au gnau glich viil koste wie s morilee vo dütschland.
aso hani eigetli mis kleid glaubi morn gani zobe nomol kurz vrbi go luege und de bstellis worschinli 
ha de hüt morge in lörrach nomol aglüte und de termin morn abgseit, si isch de nid soo erfreut gsi und het mgeind das mir das kleid doch so gstande het und so. und das wenni noime andersch e kelid find könne au sis mir bstelle. ha de wirkli de idruck wo mini zwei tz's scho ka hän bestätigt kriegt, mini vrkäuferin isch sehr uf's vrkaufe fixiert gsi. tja schad.. aber i ha jo ez mis traumkleid!
ich lösch den d föteli in e paar stund widr, für die wo's vrpasse eifach mälde
|
|
|
|
|
|
|
|
|
|
09.12.13 13:31
Snicki
|
Re: Bräute 2014
Demfall gratulation zum Chleid Nala Lohn dich vo andere ned loh beiflusse, au wenns s'Mami isch. Isch villicht eifach ned ihre Tag gsi, aber dine defür umso meh gsehnd beidi uuuh schön us!!
Lil.lian - jo, müend en taufbeschiinigung mitbringe. Aber chamer einfach bide Chillegmeint bstelle, wo mer tauft worde isch.
Fotograf: Mier hend bi üsem Fotograf, im Atelier, es Bild gseh. Ich han mich per sofort i das Bild verliebt. Es isch ca 2m x 60 cm, en Collage us 12 versch. Hochzigsfotene. Das wird bearbeitet und uf Liinwand druckt (Vintage Style) und nochher vomene Maler mit Acrylfarb g'highlighted. Eifach es paar Sache werdet no mit Farb use glüchtet. Wär mi absolut Traum, aber choschtet  CHF 1500.- zum loh mache, wemmers grad im Vorus (im Package) bstellid, no CHF 1000.-
Aber mer hend üs denn überleid, das mer bi Ifolor etc au so Liinwandsache chönd mache loh. Natürlich ned sooo schön und proffesionell, aber defür für öpe en Zehntel
|
|
|
|
|
|
09.12.13 14:22
Claudilein
|
Re: Bräute 2014
Sue: Mir göh im Januar uf Züri a d Hochziitsmäss. Wägem Chleid wetti gärn is Chez Janine gah. Ha zwar verschiedenni Erfahrige khört, abr d Chleider gfaue mer no guet. Ig muess äbe o chli luege wäge de Grössi. Ha Grössi 48 u das isch nid überau eso eifach. Auso hani ämu z Gfüeuh. U wieu Chez Janine e grossi Uswauh het, hani dänkt gani dert esmau us erschts gah luege. Wom Styl här weissi scho ungfähr was (kei Tüll). Abr öbs de würkli eso isch, chani de erscht beurteile, wenni im erschte Chleid stah. Wieni vo vielne jetz khört ha, gsehts de aube a eim no mau ganz Angers us.
Nala: Ja das mitem künde hani äbe imfau o grad denkt. Denn söu sie doch aues Männer isteue, anstatt nume Froue, wenn sie so Angscht het, dass öper chönnt schwanger wärde! Ach Gott, ig säge eifach nüt, sie muess sech ja de eh irgenwie organisiere. u plane chamer ja e Schwangerschaft sowieso nid richtig.
Littlefoot: WOW dis Chleid isch ja mega schön. S Steit der guet!
Photowall: Was meinsch du mit däm? Online odr so e Collage? Auso ig ha jetz vo es paar Fotografe khört, dass d Online-Photo-Homepage bim Priis oft scho debi isch.
Hochziitschärtli: Auso mir wärde o eifach a es paar Lüüt, womer nid iglade hei, wo abr Fröid dranne hei, es Chärtli nach de Hochziit schicke. Vorher tüemer eifach nume die informiere, wo iglade si. Bi abr scho jetz gspannt druf, wie vieu echt wärde "beleidigt" si, wieu sie nid iglade wärde. Bi üs si äbe nume die ängschte Vrwandte u Fründe iglade. Ig ha äbe so vieu Cousine u Cousin, dass das de schnäu emau 100 Lüüt wäre u das isch üs def. z vieu!
|
|
|
|
09.12.13 14:23
squishy-fishynicht registriert
|
Re: Bräute 2014
Hallo mitenand ihr fliessige Brüütlis,
Liäbi Pfingstrose,
I find fast keii passendi Wort. Es het alles so guät tönd, ihr hend so viiel plant und hend so Froiid anenand und am Hochziit gha… I tuä dii fest umarme. Es tuät mir soo leiid, dass dini Schwiegereltere so es Tamtam drus machät. I stells miir meega verletzend vor und ii hoff, dass du und diin GG euch gege diä Agriff gege eui Zuäkunftsplän wehre chönt und ihr mitenand dä Weg findet. Unglaublich, dass Eltere giit, wo so ins Lebe vo ihrem erwachsnige Sohn schwätzet. Sohn bliibt Sohn und ii cha guät ihn verstoh, dass er wott, dass sini Eltere debii sind und Froiid hend. I wünsch diir viiel Kraft, Durchhalte und Liiäbi für dii kommend Ziit.
I hoff, mir wärdet scho bald wiider vo diir ghörä. Und dass du uns guäti Nachrichte chasch verzelle! Ich umarme diich ganz fest und denk aah diich und dii GG!
Claudileiin: Das isch jo den ä komischi Chefin  Mit sowas muän ii mii zum Glück nöd blooge… Ich finde, es giit keii Gsetz wo diir saiit, dass du s'Hürote bii diim Chef vorher sägä muäsch. Looh diir Ziit. Natürli es wär meega wünschenswert, dass siie sich mitfreud. Aber ii somene Fall würd ii s'verzelle, so lang wiä möglich usezögere. Es würd eiim selber nur Kummer bereite…
Lil.lian: Mengmol isch Kleiiderkaufe halt nöd ganz eiifach. Finds aber schön, dass nöd ufgiisch und nöd eiifach irgendeiis nimmsch wo au no okaii wär, sondern dra bliisch! Wünsch diir ganz viiel Erfolg im Chez Janine! Viellicht wirds ja gad eiis vo dene dreii sii  Wenn jo keii Beraterin ume isch, wiä wönds denn kontrolliere dass nur dreii mit in Garderobe nimmsch
Also dini Fotografe tönet mir chlii suspekt… Nur scho das zweii sind und jetzt au no daa. I wünsch diir viiel Erfolg bim wiitergugge!
Taeboyana: Es giit scho spinner uf FB oder wo mit dem Medium eiifach nöd chönt umgoh. I has mir scho bii dä Verlobig denkt. Giit Lüüt, diä gönds gad als ersts go poste. Da nimmsch diir ja selber d'Chance dine liäbste Verzelle und ihri Reaktion direkt mitzbechoh. s'Gliiche find ii au biim Erwarte vomene Baby. I finds unmöglich…
Bibi: Welcome to our Forum! Schön dörfet mir uns mit diir ustusche
Bii uns isch s'Apéro offe, dörfet alli cho (vo dem her sinds au viiel gäscht ) Do ghöret au Bekannti, wo mir über d'Eltere kennet au dezue. Sus fänd iich's persönlich komisch, es Kärtli überzchooh, ohnii Iladig… Erfahre werdets es ja denn scho irgendwiä.
I ha chlii eh durenand, isch das vo Sincerity oder Demetrios dii erste Favorit? Ich finde da vo Sincerity meega elegant, mit dänä spitze obe. Und es Diadem stell ii mir suuper vor!
Wiis, grüän, rosa find iich au suuper. So werdet bii uns Bluämä au in etwa sii
Laprincipessa: Wiä lang hesch gha für dini Posts??  Du biisch ja meega fliessig und chasch no zu jedem öpis verzelle. Ich find das joo meega bewunderswert!
Jo voll schräg, da mit diiner Kollegin. I wüsst au nöd, was mit so öperem z'machä. I find eiifach, wenn's Problem giit, au wenn's eim viellicht chlii pinlich sind, sött meh drüber rede. Sus gönd Fründschafte leiider kabutt  I mine junge Johr han ii da schwer müässä lerne..
I han halt no keii Gschäft. Aber mir machets bii miiner Klass so, dass mini Best darf ans Fest choooh und mit dene wo ii sus no schwätze an Apéro chömet, aber d'Hälfti wird eiifach nöd iglade. Wer s'Gfühl het, mue nur s'nötigst mit mir schwätze, muä au nöd an miis Hochziit cho
Woow, dini besti hend würkli Herzbluät ii diis Gschenkli gleiit. I finds meeega meeeega meeega kuul! Woow! So schön, d'Vorfreud wird so dauernd ufrecht ghalte
Und dini Plän für d'Flitterwuche find iich suuper. Isch au schö, will iihr denn spöter gönd, defürs richtig mitenand gnüsse chönt! I würd aber viellicht nöd nur ä Überraschig planä. Wer weiss, viellicht denkt er sus sich was ähnlichs us?
Littlefoot: Grauutliärä herzlich zu diim Kleiid! Woow dii Bricht. Es tönt so, als ob duu und diä Mensche wo diir würkli nöch stönd, überglücklich mit diiner Wahl sind! Schaad, hets no zweii Miesepeter drunder gha. I möcht uuh gern es Bild. I wotts genau gseh. I stells mir unglaublich schön aah diir vor!
Nala: Gratuliärä diir zu diim Erfolg! I find dä Stil vo beiidne Kleiider sind siich sehr ähnlich. I find beiidi mega toll! Aber du und dini TZ hend do wohl s'beste buchgfühl und ihr hend eu siicher richtig entschiide! Schaad, het diis mami chlii en Muffel müässä sii… I hoff fest, dass sii denn au froiid aah diim Kleiid bechunt. Dii GG wirds uf jedefalls siicher vor Schönheit umhaue
|
|
|
|
|
|
1 .. 267 .. 531 532 533 534 535 .. 766 .. 997
|
Anmelden
