nala:
ah aber denne machedr ou so hochziitsazeige so à la: wir haben geheiratet?
das wär äbe ou no en option, hami aber chli gfrogt ebme das no macht höt....
ou mega schön wägem chleid!!! wörkli toll! wägde ned fötele dörfe fendi aube no schad, e bruche aube no so es paar täg zum entscheide und muess öppis immer weder aluege. und gad es chleid, esch jo ned nur 50.-...
jo das metdr musig heimer üs ou no öberleit, ebmer eiffach chli wei musig vo üs lo loufe. aber s doofe esch denne, wenme denne glich echli tanzt und evtl chunt jo denne genau ned das wome de grad wetti... weisch vodr stimmig. esch alles chli doof.... s perfekte för üs hani noni gfonde! :-)

Litlefoot:
Danke förd Föteli! di Iladig esch wörkli mega mega cool! ganz schön!
und s chleid ou! hammer! esch das das vo sincerity? hihi ebe letscht woche ou in lörrach gse!

Claudilein:
ou schön chasch dis chleid ga uslääse!! ech ben in beromünster no gse und die hei ou no vell uswahl gha för grossi grössine (ha s 46). si hei eifach no vell hochwiiss. sust beni no bidr priska in aarau gse und in lörrach. is chez janine wetti ou no gärn ga luege.
ah de macheter das ou metde chärtli eifach nachdr hochziit. jo dasch super, de machemer das ou so! :-)

squishi-fishy
s sincerity esch min favorit und s demetrios mi 2. favorit! :-) e ha scho vor joohre gseit dassi a mire hochziit es diadem wetti und stuehlhussene! alles andere eschmer egal! :-) oder fascht...
wow, das met dine lüüt tönt jo super! hett gad alles klappet, so toll!!!

I ha dä Post eigetlech hüt morge gschribe, aber irgendwie hets ne nid abgschickt. Zum Glück hanis no im word gha...

@pfingstrose: oh nei das duet mir so Leid!!! Schicke dir ä festi Umarmig!!! I hoffe fest, dass dir ä Lösig findet und glich es schöns fest chöit fiire! Aber wahrschinlech isch würklech besser, wenn dir öich im Moment chli a dini Familie haltet... Findes würklech untersti was die da abzieh! I dänke ganz fest a di und drücke dir d düme!!!!

@principessa: schön mal wieder vo dir z ghöre! Ha eismal gad denkt wies dir ächt inzwüsche geit mit dinerä Usbildig u all däm! Isch natürlech würklech doof wenn de nid so richtig motiviert bisch drfür und’s eifach muesch mache wöu sie dir süsch nid meh zahle. Finde dä Diplom-Wahn ou chli doof, finde es sött wieder chli meh ufd Leistig acho womä im Job zeigt und nid was fürnes Diplom dass me het. Es git so viel Lüt wo eifach unfähig si ir Praxis aber x Diplom im Sack hei…
I finde imfall scho, dass das Beroca öpis bringt. Es het halt ou viel Vitamine und i bi jetz ou nie gsundheitlech agschlage gsi, obwohl i mega stress gha ha (holz alange)...

@Bibi: Härzlech willkomme bi üs! Dis Chleid gseht mega schön us!
Wäge de Chärtli: Mir mache de ou Hochzytsazeige für die Lüt wo mir nid hei iglade, aber glich wettä informiere. Aber ha mir da ou no nid so viel Gedanke gmacht.

@Lilian: Oh nei, da verstahni dass du di gnärvt hesch wägem Fotograf. Aber ganz ehrlech: I hät bi däm gar kes guets Gfüehl. Was du so vo däm verzellt hesch bis jetz chunnt mir eifach alles chli komisch vor. Äbe scho nur dass sie 2. schaffe hani ja chli quer gfunde, när mache sie keini Engagement-Shootings – was ja würklech bide meiste drzue ghört oder immerhin separat cha buechet wärde – und jetz verlange sie no so viel!? Findes guet dass dir jetz glich no für öper anders lueget…

@me: GG und ig heis ändlech gschafft üsi Flitterwuche z plane!!! Mir maches jetz so:
- zersch 3 Täg Venedig
- när fahre mir uf Kroatie, zersch nach Porec
- denn nach Mali Losinj
- vo det göh mir i Nationalpark Paklenica
- när fahre mir zrug uf Slowenie nach Maribor
- vo det fahre mir witer nach Ungarn a Balaton i Nationalpark
- när göh mir uf Budapest und si det ei Wuche am Sziget-Festival
- denn fahre mir wieder zrug über Östrich und blibe det no paar Täg am Neusiedlersee

Im Ganze si mir 4 Wuche unterwägs! Fröie mi riesig druf... Jetz müessä mir eifach hoffe, dass mir bis denn de ä Camping-Bus chöi choufe. Süsch wärdes halt de Zält-Ferie...

Denn hei mir no Pocketfolds bstellt fürd Iladige... Hoffe sie chömä no vor Wiehnachte, dass i no chli chönnti afoh bastle über Fiirtäg.

Am Samstig hani no mitbecho, dass sich üsi TZ zumnä "gheimträffe" hei verabredet gha... So härzig, bi mega gwundrig was sie ächt hei usgheckt...

Guete Morge mitenand!

Ou mann hüt magi irgendwie GAAAAAAAAAAR nid schaffe……:O(
wünsche allne e super Start i Tag!!;O)

Malinchen
Ou mega cool das tönt super öii Flitterwucheplän!! Chiem auso ou gad mit;O)
Was isch de das fürnes Festival in Budapest? Gäu das fägt weme gneuer weiss was wie wo…mir müesse ize de mal chli afah Thailand/Bali so Ferie plane fäge doch;O)
Was heiter für Pocketfolds bstellt?

Nala
de geisch ize hüt abig dis chleid go hole??

Me
Sooooooo braaavoo und applaus a mi GG er het endlich am Fotograf aglüte;o);O);O)
ize heter sogar mit ihm gad abgmacht für nöchscht Mittwuch….hmmm mache de gloubs e Liste was die zwöi luschtige aues söue bespreche nid dass si nume es Bier trinke und über Fuessball rede;O);O)
Bide Kärtli muesi ize de mal bi mire Fründin nachehacke wie wit si mitde Entwürf so isch und mir sötte mal e definitivi Gästeliste mache.
I weiss nid mini lütlis frage im Moment gar nid derna oder hätte sich soviel i weiss ou no nie troffe oder so aber si hei üs ja Polterabige scho suuuuper organisiert de Summer vorem zivile und ize isch ou gad wiehnachtsziit wo alli doch eh immer chli viel hei…

Guetä Morgä!!! I ha mi mal wieder mit Müeh u Not usem Bett kämpft u hocke fang im Trainer ufm Sofa... Zum Glück hani ersch am 10ni Uni hüt (mängisch isch ds Studentäläbä glich nid z verachte, hihi)

@nala: ou cool, merci fürä Tip! I finde übrigens ou, dass du di sicher richtig hesch entschiede wägem Chleid! Es mues ja dir gfalle und wenn dis Gfüehl stimmt, de wirsch du so oder so strahle i dim Chleid, de chönnts ä Ghüdersack si und würd guet usgseh... Bi auso ou scho sehr gspannt ufnes Föteli, aber die zwöi wodä hesch postet gseh beidi seeeeehr schön us!!!

@sue: Ds Sziget Festival duuret 7 Täg und isch es Musig-Festival wie mirs hie ou kennä, nur geits ou no um Kunst und het no so Skulpture, Strassekünstler etc. Es isch uferä Inslä i däm Fluss wo dür Budapest fliesst. Hie isch süsch ds offizielle Video vo letscht Jahr: http://www.sziget.hu/dws.php?searchengin...de#.UqbDE_RLMaU
Mir hei üs für die hie entschiede: http://www.pocketfoldinvites.co.uk/fines...fold-1692-p.asp üsi Farbe si ja so tiffanyblue/lind grüen / rosa und de drucke mir d Ilageblätter wahrschinlech so uf Ivory-Farbigs Papier und düe no chli mit de anderä Farbe verziere.

Hihi, so cool hets di GG endlech gschafft! I würd ou ä Liste schribe... No gad mitemnä Fäldli wo er ds Resultat vor Besprächig cha itrage (es git doch so Besprächigsblök bir IBA ) dass er de ou no weis, was sie drzue hei abgmacht...

@me: Ghört eigetlech gar nid hei ine, aber fröie mi glich gad: GG und ig hei das Jahr ds erstä Mal ä eignä Christboum!!! Juppiiiiiii... Fröiä mi scho ufs Dekoriere und Dekosache ichoufe! Weis öper vo öich, wo dasme die Ständer bechunnt für dr Boum dri z stellä?