Lil.lian
Das Kärtli isch mau e erschte Entwurf gsi, si het mau öpis gseit si wöui paar vorschleg mache;O) aber weiss nid hami mängisch ner fasch nid defür go druck mache…

Malinchen
Ou gseht meeeega us vo dem hani no gar nie ghört gha;O)merci füre link ha gad ds Video agluegt;O)ou schön das Türkis gfalltmer…! Finde die göh völlig vom Priis her??
Der Ständer heii mir letscht Jahr imne Brockehuus ganz billig kouft oder echt im Migros do it yourself? Weiss gar nüme aber do it yourself het emu günschtigi;O)
Isch ds Braut und Bräutigam „kaufenswert“ ??;O)

Claudilein
Jööh mega härzig öii STDs da würdi auso ou gad eis neh;O);O)

Nala
Ja i hacke gloubs ize mal nache….ha eifach ds gfühl teil lüt dänke aube es göngi ja no ewig bis zum hochzit und chli stimmts ja ou aber das wome cha erlediget ha hani ebe glich gern erlediget?!;O) auso i finde ou dass si de guetschin müesste akzeptiere süsch choufsch haut de no es haarspängeli;O)

Squishy-fishy: Auso am Schluss heimer echt nümme möge usstäche. Gottseidank heimer am Schluss gnueg Teig u gnueg Chrömli gha. S hätt üs de scho agschnäggelet, wemer no mau hätte müesse vo vorne afah

Lil.lian: WOW göhter uf London gah Silvestere?

Sue: Danke Mir hei o dänkt, faus öper e kei Fröid a üsem Hochziit het, denn wenigschtens ade Chrömli

Me: Mir (auso houptsächlich ig) vrgieble fascht bis am Sunntig, womers ändli üsne Familie säge. Es bitz Schiss hani eifach ab de Reaktion vo mim Mami, wäge de Gäschtelischte. Ig wett eifach nid, dass sie üs de da dri redt u no findet weiss Gott wär dassmer no söttet ilade. Fändi de grad echli schad, wieu mir wei nume wenig Lüüt ilade, nid houptsächlich wäge de Chöschte, sondern o, wieu mir (vorauem mi GG) nid de Typ si, wo sech unger vieune Lüüt wouh füehle. U üses Hochzyt sött ja scho üs widerspiegle u nid d Wünsch vo Angerne. Hach, hoffe das git e kei Gstürm. Ig hamer scho e Taktik überleit, dass mer de eifach grad am Afang säge, d Gäschtelischte sigi fix u es het nid meh Platz im Ruum. Hets auso würkli nid. U Klassisch Apèro / Ässe gits bi üs o nid, wieu mir ja erscht am 19.30 Uhr d Trouuig hei u deswäge chli e andere Ablouf hei. Chunnt scho irgendwie guet. Suscht het sie no es haubs Jahr Ziit zum sech wieder beruhige

sue: jo i weiss was de meinsch.. es goht jo scho no "lang" aber ebe alles wo meh jetzt scho erledigt het mues meh nüm unter zitdruck erledige
s stoht ebe ufem guetschiin für brautkleider ab 1500.-, aber i mues de efach chli mitne rede :)

claudilein: jöö das glaubi dase kuum kasch erwarte bis es allne kasch vrkünde! mach dr keini sorge, es kunnt scho guet.. und susch heschs jo scho sälbr gseit, bis zur hochzyt beruhige sich alli sichr widr. irgendwo zieht meh halt eifach de kreis und es mues jo für euch stimme.. wenns erklärsch vrstoht si das sichr
ebe bim guetschiin stoht für brautkleider ab 1500.-, aber mir wärde de chli handle

Danke Nala und Pfingstrose: Ja mir löh üs da nid abezieh. Ja mis Mami isch äbe es bitz speziell was das abelangt. Auso aues muess so chli nach ihrem Näsli gah. Abr viellecht tueni ihre da ja o unrecht. Lahs jetz eifach mau uf üs zuecho u de luegemer wiiter.

Danke für öii liäbe Wort

lil.lian: Ah so, auso ig würd wägem Füürwärk bliebe Ah ja? Bisch ja chli e Pächvogu was pünktlechi Flüg abelangt? Mir isch das gottseidank no nie passiert u ig cha guet vrstah, dass de jetz mau planmässig wetsch acho.

Es isch äbe sone Summernachtstrouuig, die tüe sie immer die Vollmondnächt wo amene Fritig si im Summer düre füehre. Mer cha Trouuige vo 19.30 bis 21.00 Uhr ha. Mir hei jetz die erscht gno, bis jetz het abr no niemert suscht e Termin reserviert. Mau luege. Mir wette äbe gärn z Apèro mit Häppchen etc. so vom 18.00/18.30 ah mache, denn 19.30 d Trouuig, denn wenn das düre isch so 20.00 no mit Champagner zäme astosse u de 20.30 de Afang vom Ässe. Aso so heimernis das ungfähr vorgsteut. Denn müesse d Gäscht nideso lang warte bises öpis z ässe git. Zerscht heimer nachem Houptgang / vor de Hochziitsturte wöue d Trouuig ha, auso de letscht Termin, abr ig ha de gfunde, denn chani z ässe gar nid gniesse, bi de sichr mega närvös.

Ja mir steue üs das o sehr romantisch vor.

Auso es wird vom Standesamt Cham abote, isch e "normali" Ziviltrouuig. Mir göh nid i d Chieuche, mir si äbe nid glöibig. U jetz heimer abr doch öpis speziells gfunde, wo's o sehr schön macht ohni Chieuche.

Oje, Streik u Hurrikan. Jetz nume hoffe, dasses kei Schneesturm git