| Bräute 2014 |
|
|
1 .. 269 .. 535 536 537 538 539 .. 768 .. 997
|
10.12.13 15:03
Snicki 
|
Re: Bräute 2014
Pfingstrose: Sorry ich han erscht jetzt chli zrugg blätteret. Ich hoffe fescht für eu, das alles guet chunt. Chamer vorstelle dass das ned eifach isch, für dich und di Schatz. Schick der en Zentralschwiizer umarmig
Claudilein: Han ich das richtig gseh? Iehr hürotig i de Villette? Sommernachtstrauung? Wenn jo, sooooo schön! Mier werdid au dete zivil hürote  Allerdings entweder normal ufem Amt oder sus im Restaurant Tischbar. Wohnid drum ume Egge
Chärtli: Mier schickid üsi also au im März/April use (für August). Denke d’Ameldig für ende Juni wär ok.
Eltere bscheid gäh: Mier hends jo welle a Wiehnachte mache. Aber ganz ehrlich mier hend eifach nüm möge warte. Mier hends vor 3 Wuche üsne Kollege und Trauzüüge verzellt, inere Bar. Und „dummerwiis“ isch det no en Nochber gsi vom Schatz sine Eltere. Hend de chli Schiss gha, dass sie’s vo ihm erfahrid, und so simmer am nöchste Tag grad go verzelle. Mis Schwigermami het grad d’Arme usgstreckt und de Flüger gmacht, dur die ganz Wohnig. Sooooo herzig. Sim Papi sind Tränli i d’Auge gschosse, wobi mer erwähne muess, das die ganz Family seeehr nöch am Wasser baut isch
Uf das abe, isch üs denn au ned viel übrig blibe, und mier hend letscht Friitig frei gno, und sind denn zu mine Eltere gfahre (wohnid chli wiiter weg, im Bündnerland) und hend dete üs sälber zum z’Mittag iglade. Ich han denn 4 Wiigläser ufe Tisch gstellt, und mis Mami het gseit, am Mittag trinki sie no kei Wii. Ich ha gseit, villicht jo doch. Aber sie het eifach 2 Gläser wieder verrumt Ich ha denn mitem Schatz agstosse und gseit „Pröschtli, uf üses Hochzig!“ und s’Mami isch pronto ufgstande und het ihri 2 Gläser für sie und de Papa wieder füre gholt Isch uh herzig gsi. Natürlich hemmer den grad a mim Brüeder, Götti und Gotte müesse brichte.
Ich bin froh, isches jetzt duss, die Heimlichtuerei lieht mer also gar ned
Homepage: Üsi isch meh oder weniger fertig Ich han sie über hochzeitswunschliste.ch gmacht. Sie isch ganz ganz eifach ufbaut, und het gar nüt Schnörkel-mässig a sich aber das isch ok. Klar wärs au schön, aber für CHF 20.- chammer jo au ned allzu viel erwarte. Zudem isch dete grad en Wunschlischte integriert. Das isch jo sowieso de Hauptgrund für üsi Homepage gsi :briggrin:
Pfarrer: Isch scho öper bim Ehe-Gspröch gsi? Bin chli nervös, üses isch morn 
|
|
|
|
|
|
|
|
|
|
10.12.13 15:56
Claudilein
|
Re: Bräute 2014
Ja doch, dert isch es Restaurant drinne 
|
|
|
|
|
|
10.12.13 17:01
malinchen
|
Re: Bräute 2014
@Squishy: Ja schick mir doch dini Mail adresse... De chani dirs de schicke!
@lillian: Dir schicke dir die Site ou... Chasch mir ou ä pn mache!?
@Sue (und Snicki): Ja d Chärtli si mega günstig...  Mir zahle ziemlech genau CHF 150.- umgrächnet inkl. Versand und Couvert. Finde das ok, das isch pro Iladig chli meh als 2.-. Klar chöme ja de no d Ilageblätter und div. Bastelzügs, aber dänke mal, dass mir unter 5.- blibe pro Stück.
Ds Magazin gfallt mir no guet, aber i mues sägä i ha mir ou scho länger keis meh kouft. Ufnä wäg isch halt scho immer chli ds gliche drinne. Mega viel Chleider, paar Site mit Ringe, ganz weni füre Brütigam (chli weniger alsi erwartet ha vom Titel här) und no 2 Brichte vo 2 reale Hochzyt, Planigstips etc.
@Claudilein: ou i wünsche dir de ou viel Spass bim Verkünde! Das chunnt sicher guet!!! Findes guet, wenn dir eifach gad vo Afang a öii klari Linie düregäbet. De chunnts sicher zu weniger Diskussione.
Die Summernachtstrouig tönt ja würklech meeeeega cool!!!  Hennä romantisch und mau öpis anders... Aber i hät gloub ds Ässe ou nid vorhär agsetzt, würd äuä denn keis Stück abebringe!
@Snicki: oooh, öii Familie si ja ou mega süess!!!
@Pfarrer: Mir hei ds Gspräch mitem Pfarrer de ersch im Früehlig mal... Hei no kei Termin abgmacht. Aber i gloub i gange demnöchscht Mal no zu ihm eifach süscht ine Gottesdienst, ha irgendwie ds Bedürfnis fang chli e "Beziehig" ufzboue... GG kennt ihn scho, aber i bi ersch einisch bi ihm gsi und fänds irgendwie komisch vomnä total Fremde trout z wärde. 
|
|
|
|
10.12.13 18:45
squishy-fishynicht registriert
|
Re: Bräute 2014
Guuuätä Abiig mitenand
Nala: Also ii hoff, sii tüänd weg dene 10.- nöd doof? Su chönts diir ja anstatt 250.- Rabatt au 240.- Rabatt gäh.  Wiiä isch d'Aprob gsii? Hesch dii wohl gfühlt und zuägschlage?
Sue: Es paar Vorschläg machä. Heisst da, es wird immer wiider vo vornä agfangä, damit ihr verschiedeni Variante hend? I ha ja bii miim Mami gseh, wiä lang nur scho got zum eii Variante z'machä… Wooow, do het sii also scho jede Menge z'tuä?
Claudilein: Woow, so öpis han ii no niä ghört. Es tönt meega romantisch und ganz eiifach mol nöd 0815. I wünsch diir viiel Geduld bis am Sunntig. Ojeeh, ii het nöd so lang chönä warte. Am GG siine Eltere hend mirs no am gliiche Abiig verzellt und miine Eltere am nächste Tag 
Genau haltet zämä zu euem Standpunkt. Da chunt scho guät. I find au, dass s'Hochziit zu eu (und zu dä Rümlichkeiite) passe muän!
Lil.lian: Oweeh, so es pech mit em Flüüge. I flüüg sowieso nöd gern (i wär defür das Beame erfunde wiird )
Snicki: Woow, so schön wiä eui Eltere reagiert hend. I ha gad chlii müässä lachä, bim vorstelle wiä d'Eltere durch dä Ruum "flüüget".
Malinchen: I cha dii guät verstooh, dass keiin fremde wotsch. Das isch uns au wichtig gsii. Aber bii uns weniger s'Problem
Me: Mir hend no d'Offerte bechooh vom Lagerhuus. Eigentli han ii denkt, mir hend uns entschiide gha. Aber s'Menu dört tönt sooo fantastisch (es het mehreri, aber da isch miis Liäblings):
Apéro: Crostini mit Rindstatar, Frischkäse und Honig, Avocado
Vorspeise: Antipasti und Salate vom Buffet (Spiessli, Slaate, feines vom Gril, Melone-Rohschinken, Tomaten-Morzarella, Lachstatar, Datteln in Speck, Gazpacho)
Hauptspeise Entrecote vom Rind mit Risotto aus Parmesan
Dessert Tiramisu, Kaiserschmarn, Mousse au chocolat, Panna Cotta mit Fruchtmarkt, Glace, Cup Cakes, Früche
Vo dä Rüümlichkeite und am Ambiente gfallt uns dä Kursaal scho viiel besser. Aber da Menu übertrumpft dä Kursaal bii weiitem. I weiss, es Luxusproblem und au eh persönlichi Entscheidig. Aber wofür würdet ihr eu entscheiide, entweder das hammer Esse oder d'Location mit Terasse und Partykeller? Priislich isch beiides gliich 
Liiiäbs Griässli und en schönä Abiig eu allnä
|
|
|
|
|
|
11.12.13 01:02
Fara
|
Re: Bräute 2014
Grüezi wohl
@Pfingstrose: Es tuet mir u mega leid, wie das gloffe isch am Sunntig! Das isch ja en mega Schlag is Gsicht! :-( Ich hoffe fescht, dass sich da doch d Woge no glättet. Cha mir au nöd vorstelle, werum mer dich als Frau für sin Sohn nöd eifach de Hammer findet. Ich känn dich ja zwar nur dur s Forum, aber mer merkt, dass du e liebi, intelligänti, hübschi Frau bisch, wo mit beidne Bei im Läbe staht und ihren Zuekünftige sehr liebt. Was will mer no meh?
Ich wünsch eu vill Wiisheit im Umgang mit all dem!
Ja, genau, ez müemer d Wonig vo mim Schatz weg bringe. D Verwaltig hät ihm hüt grad gseit, dass es erscht uf de 16. Januar gächt. Nervt eus chli, mir hettets gern uf de 1. Januar gmacht. Aber stimmt scho, das wär halt mega bald und hett ja au no diversi Fäscht-Täg dezwüsched.
Aber er hät uf verschideni Portal es Inserat gschalte und s händ sich öpe 15 Lüüt gmäldet. Das sett also klappe. Ich mein, es paar werded sich wohl bewerbe und für d Verwaltig au akzeptabel sii.
@malinchen: Ja, ich glaub au, dass mer eus werded wohl fühle. Halt älteri Chuchi und Bad, aber das isch ok. Mini ersti Wohnig isch z Paris gsi. Meine Güte, han ich det Glück gha. Han u e herzigi Einzimmerwohnig gha, wo scho komplett fertig liebevoll igrichtet gsi isch (inkl Deko, Staubsuger, Mixer, etc - nöd nur eifach möbliert). Chum grad wieder isch schwärme. Aber mir tüend jetzt eifach eusi Wonig au mindischtens so schön irichte.
Kuul, dassers bi Kochmobil mached. Ich nime a, bi eus laufts au uf das use. Mir händ no en andere Caterer agfrögt, wo eus vonere Fründin empfohle worde isch. Aber das isch letscht - ähm - Dunstig oder Mittwuch gsi und mir händ no nüt ghört (au nöd es: "ich mäld mich ines paar Tag, jetzt gahts grad nöd").
@squishy: Ja, ich dänk scho, dass das dänn klappet mit enere Wonig für eu. S hät klar vill mit Glück z tue (oder mit Gottes Füerig - dir dörfi das ja so schriibe). Aber mer chans au schlauer oder weniger schlau agah. Wänn möchtsch, chani dir suscht e PN mache, woni mal die Portal uflischte, wo mir gluegt händ. Di einte sind würklich nöd so bekannt - und det händ d Lüüt dänn au nöd so vill Bewerber. Bi de Wonige, wo uf Homegate sind, gits halt immer vili Mitbewerber (mir händ eus natürlich au det amel beworbe).
Oder au mal nomal nafröge binere Verwaltig vonere Liegeschaft, wo eim bsunders gfalle hät, öb's per Zuefall no anderi frei werdendi Wonige git, falls mer di ursprünglich nöd becho hät. So sind mir ja zu eusere cho.
@Taeboyana: Hehe, eui ersti Wonig tönt biz wie eusi. Aber immerhin hät sie Bodeheizig und schöni Laminatböde. Usser halt Bad und Chuchi. S Bad hät Linoleum und die hässliche hellgäle Plättli. Jänu... Kriegemer scho schön.
Ja, genau, er zieht jetzt zerscht eleige ine (in e afänglich würklich nur karg igrichteti Wonig *grins*.) Ich zieh dänn uf s Hochsig i. Wobi ich natürlich au in negschter Ziit scho oft det wird sie und vo de Wonig als "eusi Wonig" wird rede. Hach, ich freu mi... Das Ganze nimmt nämli grad nomal es rächts Stuck meh Form a.
Genau, d Andrea hät eus vo dinere Iladig verzellt. Mega kuul! Freued eus also au uf das sehr! Das wird luschtig, mir händ eus ja glaub öpe vor 15 oder eher meh Jahr s letscht mal gseh?
@Sue: Oh, dänn hoffi, dass dini TZ und ihren Fründ au bald e Wonig findet. Es stimmt scho, es isch en Erliechterig, wänn's ändli klappt. Freu mi, dass mer jetzt chönd konkret für Möbel luege i de Läde und Brockis. Und nöd nur säge: "So öpis fändi jetzt no schön..." I de Ikea hämmer schomal es Sofa gseh, wo kuul wär.
Tuet mer u leid, dass du da mit dere einte BM so Konflikt häsch. So Ifersucht, Niid und gar Missgunscht isch eifach Gift für e Fründschaft, wänn's so usgeprägt isch. Wobi, vilich isch ja de Wurm neumets andersch drin. Sie redt ja nöd drüber. Ich find d Idee mit em Brief im Fall super. Ich han au en riise Konflikt mit enere Fründin, wo sie aber glaub no gar nöd drus chunt, wora's liit. Ich wird ihre jetzt dänn mal en Brief schriibe und ihre erkläre, werum ich mich distanziert han. Sie hät mich i de letschte Mönet mehrmals unheimlich verletzt; in Bezug uf mini Krankheit, in Bezug uf min Glaube und z letscht au in Bezug uf mini Beziehig. Das gaht gar nöd. Ihr wäred schockiert, wänn ich würd säge, was sie mir an Chopf gworfe hät. Unglaublich. Jedefalls ebe: mini Lösig wird jetzt en Brief sii. Eifach, demit ich's mal gseit han, für d Fründschaft hani leider nüme vil Hoffnig, da müsst ganz vill passiere.
|
|
|
|
11.12.13 01:16
Fara
|
Re: Bräute 2014
@Claudilein: Herzlich willkomme!  Häsch dich au grad as Brutträffe agmolde, gäll? Findi super!
Also, wäg de Andrea (Fotografin): die isch super. Aber leider (für dich) tuet sie tatsächlich bi de Pfingstrose fötele (ich ha dänkt, ich schriib das gschnäll, wil d Pfingstrose ja sich erschmal zrugg zieht vo de)... Ich nime a, du häsch gfrögt, wil ihr am gliche Datum hüratet?
@Bibi: Au dir herzlich willkomme!
D Chleider findi beidi schön! Aber ganz verschideni Stil, no spannend!
Wäg de Iladige: Also, Lüüt, won ich's schön fänd, wänn sie vom Hochsig erfahred, woni aber nöd würklich würd wele debi ha, würdi nöd umbedingt e Iladig schicke. Aber ihr chöntet ja nach em Hochsig so Azeige verschicke, woner verzelled, dass ihr ghürate händ und als Motiv es Foti vom Hochsig neh. (Ähnlich wie mer üblicherwiis d Dankeskärtli macht).
@Abbygale: Auch dir herzlich willkommen! Wann heiratet ihr? Was für eine Art Trauung wird es sein? Was habt ihr bereits geplant?
Sorry, dass ich das so frage, aber wir sind hier ein Haufen Gwundernasen eben.
@Me: Die Biträg hani gröschteteils gester scho gschribe. Ich bin hüt nüme dezue cho, das no z vervollständige und au nöd, d Fotis ändli per PN verschicke. Nöd mal naläse hani alles chöne. S lauft eifach rächt vill, bzw. ich bin vill unterwägs, wän d Chemonäbewürkige nalönd... Und wäni grad Chemo gha han, wetti nöd im Forum mitschriibe. Läse tueni, aber schriibe wetti ebe nöd, nur scho, demit ich's nachher nöd blöd find. Ha ja mal verzellt vo so komische Sache in Verbindig mit de Chemo, dass mer da plötzlich Züg nüm gern macht, wo mer während de Chemo gmacht hät. Drum: Vorsicht ist die Mutter der Porzellankiste. S Forum isch mer ja scho no wichtig und eifach au e mega Hilf für d Planig vom Hochsig.
Aber morn muessi also wieder atrabe zu mim letschte Chemozyklus! Ich hoffe so sehr, es isch de allerletscht und s werded in Zuekunft käni meh nötig sii.
Hüt Morge simmer de Vertrag go unterschriibe für d Wonig. Die Frau vo de Verwaltig hät sehr sympathisch gwürkt. Am negschte Zischtig isch bereits d Wonigsübergab und am Samstig druf wämmer mim Fründ sini Sache zügle (und ev. no es Sofa vo mir, demit er es bizli wohnlicher igrichtet isch). Ich wird warschinli i de alte Wonig blibe und det putze... Wil bim Chischte schleppe bin ich kei Hilf, wänn ich käni über 5 Kilo sett lupfe.
Und dänn chömmer dänn nadisna eusi Möbel zäme chaufe.
Ansonsten hämmer nomal chli über d Caterer gredt. Ich glaub, es lauft druf use, dass mir eus für de Pastamobil-Typ entscheidet. Wartet eigetli no uf Offerte, aber weiss halt nöd, öb da no was chunt. Mir wartet vilich mal no bis afangs negscht Wuche.
Dänn hämmer mal no vor einiger Ziit es Gspröch mit em Priester abgmacht. Das isch dänn afangs Januar.
Ah: und mir händ en Tätschmeister. Han hüt min einte Brüeder gfrögt und er machts mit grosser Freud. Mir werded au no de Trauzüge vo mim Fründ fröge. Die zwei zäme wär sicher e gueti Sach (sie känned sich nonig, aber werded sich zimli sicher guet verstah). Mini Trauzügin würd sich i dere Rolle ebe eher nöd so wohl fühle (han ich sälber scho vermuetet und sie mir au bestätiget). Defür chan sie ja anderi Sache überneh... Nur scho, dass sie jedes Mal mit mir ufs WC muen, isch ja eigetli scho nervig gnueg.
So, jetzt sett ich is Bett, muess morn ja au am Morge us em Huus.
Macheds guet di negschte Täg! Bis glii!
Liebi Grüess
Fara
|
|
|
|
|
|
1 .. 269 .. 535 536 537 538 539 .. 768 .. 997
|
Anmelden
