Hoi zämme!

Sasileu: ka mi nur aschliesse, sehr schlni kärtöi und die magnet ide mitti findi gseh super us! Richtig originell händir si scho vrschickt?

Taeboyana: di chef isch au e lsutige, zerst chli gschockt due und de go nochefroge :) tönt aber as wärs doch guet acho, i finds au immr sehr lustig wen männer nach dr planig und em stand froge, si gsehns de ame no useme ander blickwinkel gniess dis wucheänd, hoff wirsch fündig z konstanz.

Littlefoot: schad wägm brutträffe, vrstands abr au voll.. Sobald weiss wen mini tz's zyt hän machi e termin im dolcevita zlörrach. Ha vo däm au nur guets bis jetzt gläse.

Lil.lian: jo s andere kleid bhalti uf jedefall imhinterlopf, i ha ez eifach nüm soo e guets gfühl bi däm lade.. Was so erfahrige vo andere usmache könne..
Soo schön wirsch du gotti! I würd glaub irgedöbis ad babyirichtig schänke.. So e sitz z.b. Für id stube.. E kollegin vo mir het en spezielle stuhl übrko wo mitem alter mitwachst für an ässtisch, hani au no e härzigi idee gfunde, de het dr chli ab de wo är het könne sitze au am ässtisch könne mitässe, isch imr sehr amüsant gsi

Sue: de lade heisst Pour Elle und isch z basel. Nei ha leidr kei föteli witrhin... I find d idee mit de plastk blüete zum üebe no cool mit eme kärtli wo s blueme meitli evtl näb dr brut stoht. Cool hesch termine gmacht z lörrach, jetzt muesesnur no februar wärde!

Snicki: klar miens noi e au e linie zieh wägem guetschiin, nur ischs so mega stur übereko.. Machts halt nid sympathisch..
Mir mache evtl e hochzytstanz, am liebste zum lied at last vo dr etta james und ihr?

Squishy: leidr isch das kleid vo däm lade huus gschniideret, find aso eher nid s gliche abr evtl e ähnligs. Jo mir mache ez de e termin no im dolcevita z lörrach, sobald mir alli zyt drfür finde!
Toll händir eu fürs,agerhuus entschide! Isch doch super so!

Claudilein: bald nimmts warte es änd, s isch scho fast wucheändi wird sichr toll allnes z vrkünde!

Hallihallo zäme! :)

@bibi: ich han mis au in ivory kauft – wiss isch glaub scho z’krass.. s’jäggli do werdi aber ned alegge das isch mir too much gsi ;) finde s’dekoltee nämli mega schön bi dem chleid :)
Ou jo gärn bin sehr offe för wellnesstipps! :) aber glaube probiere das preidlhof hotel mol us han jo scho immer mol det hi welle ! vom schwarz hani au ghört aber isch dänn ebe würkli grad nomol türer gäl.. wäg de richtige flitterwoche wössemer nonig gnau thailand oder glich maledive – ich wet ebe gärn i sones bungalow ufem meer das hani scho immer mol welle :p wüsstisch do grad öbi guets? :)

@lil.lian: danke jo jetzt hanis hinter mir mit de 1. quartalsprüefig – hoffe s häd klappet also glanget.. aber isch ächt happig hetti ned dänkt.. ooh das hotel gseht jo meeega schön us! Und östrich isch jo bekannt för super wellness hotels und d’fröndlichkeit! Mir sind letscht johr öber silvester in salzburg im kuschelhotel gsi boah ächt au hammer gsi aber meh eifach de see, d’umgäbig und s’ässe!! Wellnessalag isch sehr chli gsi..
Hmm isch ächt schwirig de richtig fotograf z’finde ich weiss… hoffe ihr findet de richtig för öich!! Hihi gäl mega härzig vo mine liebste :))) jöö gratuliere zum gotti-amt :) und im märz isches scho sowit? :) ich han es schöns goldchetteli gschänkt mit emene mariachäferli dra und en teddy und no öbis zum alegge glaub ah und es holzhärzli för öbers bett mit emene härzige schutzengelspruch ;) hey um mich ume isch au voooll de babyboom! Dunkt mi alli sind schwanger ächt! :p

@littlefoot: hihi ächt witzig hämer s’gliche oder fast s’gliche chleid ;) guete gschmack wördi mol säge ;) :p

@pfingstrose: oje hey duetmer mega leid dass das so eskaliert isch bi öich! :( goht jo gar ned das verhalte vo sine eltere!! Findi extrem denäbe! Ich meine ich han weissgott au kei eifachi familieverhältnis aber das häds jetzt würkli grad nomol chli öbertroffe! Und würkli hart för din GG! :( hoffe ihr findet de rank no und die beruhiget sich wider!!! Was händ ächt die förnes problem?? Dänke a di hey kopf hoch! <3

@sue: jöö würkli süess die chleidli :) jo gärn schickmir doch mol de link :) und wie vil händs kostet? Han ebe scho mol no gfunde uf etsy aber so för 50.- pro stück und mir händ 6 bluememeitli fändi dänn chli öbertribe oder ned? gäl mega schöns gschänk :) wie lang isches gange wod bstellt häsch? Haha ächt applaus för din GG hahah mine häd au ändli de finger usem a.. gno :p jööö du bisch dänn härzig wägem gottemeiteli jööö!! =)))) kenne nüt so aber chasch jo sälber chli dichte ;) han im internet nur uf änglisch so ganz härzigi bestickti nastüechli gseh för bluememeitlis hihi uf etsy glaub aber ebe änglisch.. hey und cool häsch termine abgmacht im dolcevita und domino hihi genau wie ich :) gseht mega us die charte hammer! :)

@claudilein: härzlich willkomme au vo mir und gratuliere zur verlobig :) hey das sind jo cooli STD gschänkli hihi voll härzig! :)

@nala: haha du seisches hey: 2-monatehäslis händ ächt nüt verlore a öisem hochzyt :p danke vilmol :) jo ish würkli voll süess vo mine mädels ;) heey dönt spannend din chleidershopping tag und uuh ich bin mega gspannt uf dis chleid! =) döfi au es foti bez. au vo de andere wod ned gno häsch? :) oje müehsam wäg dim mami :p mini TZ isch jo ebe au sehr fixiert gsi und nüme offe bi froh hani dänn glich ned uf si glost.. aber stimmt scho d’verchäuferinne im domino sind rächt ufe verchauf us häds mi au dunkt! Oje schad sind si dir ned bitz entgäge cho wägem guetschin! :( voll doof… die händ sicher ganz vil chleider för 1490.- 100%!!!

@snicki: hey cool lauft so vil bi öich! Mir händ au de mariano! =) er isch super gäl? :) döfi d’homepage gseh? :) wägem hochzytstanz wüssemer nonig aber sehr wahrschindli wird’s bachata si :) also es schöns, langsams, romantischs bachata lied am beste :)

@squishy: haha jöö danke ;) jo ich bin glaub bitz en perfektionist :p aber nume e chli haha han scho paar stund gha för zum alles läse und schribe :p jo isch ebe würkli schwirig bin immerno hin und her grisse wägem gschäft und söt morn oder am mändig spötistens d’iladige in druck gäh sprich au d’couverts loh bedrucke hmm :/ gäl isch meega süess vo ihne? :) han au mega fröid! Hehe nenei kenne mi GG er würd (leider) ned uf so en idee cho mich mit so öbisem z überrasche :p aber säg ihm dänn scho er söl die und die täg nüt abmache heig öbis plant.. :p merci no för d’iladige wod mir gschickt häsch – wow das dönt jo super dass alles so mega toll klappet häd hey fröitmi jo mega! =)) und heeey super händer öich entschide :) finde dini öberleggige super – isch sicher die richtig entscheidig gsi ;)

laprincipessa: Ig ha im Tread Bruttreff gseit gha, dassi suscht d Reservation übernimme. Ha de Creperie mau es Mail gschriebe, abr bis jetz no kei Antwort becho. Ig kenne mi suscht äbe z Aarau gar nid us. Wenn du würdsch alüte, fändi das mega nätt. Würdsch du us Aarau-Kenneri d Reservation übernäh?

Hallo Zäme

Mir geits auso gad chli glich wiä ar munggi87… mau afa bau nüme nache ;-)

@auii nöiie Brütlis: härzläch wiukomme :-)

@Sasileu: sehr schöni Chärtli :-) cooli Idee mit dä Magnetli..mau öpis angers :-)

@lil.lian: ohhh schön :-) gratuliere zum Gotti wärde :-)

@Nala: isch schad wägem Chleid..aber häts ou nid kouft weni di wäri.. isch ja blöd ta wäg dene 10Franke… hoffe fingsch scho gli DIS Chleid :-)

@Fara: dir wünschi aus gueti u viu Kraft no für diä letzti Chemo!

@Snicki: mir hei no ke ahnig wägem Lied füre Hochzytstanz.. muess eh zersch no mit GG chli überzüge dasses de überhoupt eine git ;-)
Ig wot de ou mit mim Papi id Chiuche ine loufe.. :-) fingi sehr schön :-)

@Claudilein: dir wünsche de viu Spass bim verkünde vor grosse Nöiigkeit :-) u diä Trouiig tönt ja wük mega schön :-) u sone cooli Idee mit dä Güezi :-)

@Sue: mega härzigs Chärtli :-) ha no niä öpis so gseh ka.. aber ha ehrlechgseit o no niä gluegt ;-) spontan ischmr gad i Sinn cho, wed so es Biudli vomne Hochzyt mit Braut u Bluememeiteli chöntsch ufchläbe u när bir Braut di Name häre tuä u när ihre Name bim Bluememeiteli?! Villech chönt si ja dä scho läse..

Brauttreff: fröiie mi scho sehr druf :-)

Schöns äbeli euch aune….

Guete Morge zäme!!

So i bi di erschti hüt – TGIF;O);O)

Laprincipessa
Hader e PN gmacht mitem Link vode Kleidli;O)
Ha gloubs mit Porto öppe 20.- pro Kleidli zahlt – ha ner natürlich s Porto nur einisch zahlt wüli gad 2 gno ha! Findi vooooooooooooooll okay de priis….;O) isch imfau nid so lang gange bis si gliferet hei öppe so ei Wuche ner hanis gha!
Hihi witzig hesch denn wo Bruttreff isch gad Probetermin vode Frisur – de chöimer de würkli gad kommentiere;O)
Findi super dasder id Flitterwuche göht NACH de prüefige und dus ner so richtig chasch gniesse…wenn Tipps für Thailand bruchsch chasch di melde;O)
Hihi mi GG isch genau glich plötzlich chunnter mit öpisem wo uuuu dringend isch debi wüssters sicher scho lang;O)
Gniesses in Stuttgart!! I liebe die Stadt – bi scho paarmal am Christkindlemarkt dete gsi und ha immer gshoppet wie blöd;O)

LaMariee
Das isch e super Idee mege bir Braut mi Name und bim Bluememeitli ihre Name – ihre Name cha si nämlich scho lese!! Merci füre tipp!!

Taeboyana
Gratuliere zum BH (das tönt de komisch) ;O) aber isch ja super wener gad no abegschribe isch und so perfekt passt das fägt!! Gniesses in Konstanz!!

Me
I gah spontan Morn bire Coiffeuse/Kosmetikerin verbi go es Makeup bespreche. Ha mi entschide dasi mi für Silvester vo ihre wott la Schminke und go d Spitze schnide und de hani gad chline Vorstellig wie si das macht und wenn sis guet macht wird si mi gad fürs Hochzit chönne schminke und evlt. frisiere;O) ha gad Freud;O) es isch sone spezielle Coiffurelade mit alles Froue vo Syrien und mi GG und i hei der Bsitzer mau bi Bier und Dürüm nachem Usgang kenneglernt und ize wotti mau go luege;O)

TGIF liebi Mitbrütlis!!!

Juhuuu, i bi ou wieder unter dä Läbige... Die Wuche isch dr Höhepunkt vo mire Horror-stress-zyt ir PH gsi und jetz "puff" hani sozägä Feriä (no 2 Vorläsige nächscht Wuche und 1.5 Täg schaffe)...

D.h. i ha wieder gaaaaaanz viel Zyt fürs Forum und HZ-Vorbereitige etc.

@alli nöi drzuegstossne Brütli: <3-lech Willkomme und Gratulation zur Verlobig!!!

@littlefoot: oh schaad chasch nid as Brutträffe cho! Aber verstah di scho wägä de Kiddies... Villecht gits ja de später no mal eis und de klappets villecht denn!

@Snicki: Ah schön heit dirs so guet troffe mitem Pfarrer! Üse isch zum Glück ou sehr locker und ufgschlosse... Er spielt inere Rockband! Finde ou, dass zumnä HZ so chli lockeri Stimmig viel meh passt als wenns sone stieri Predigt isch wie anerä Beerdigung...

Wägem HZ-Tanz: Mir mache einä, aber nid so klassisch... Mir tanze zu Juck Berry - You never can tell und steue's üs ca. so vor: http://www.youtube.com/watch?v=V9p4Bs6QQsQ

@squishy: ah cool heit dir öich chönne entscheide!!! Das Gfüehl hani imfall ou bi paar Restis gha: Es isch zwar meeeega schön und super, alles perfekt fürnes HZ - aaaaber es isch eifach nid "üs". Verstah di drum sehr guet, dass dir öich für ds "jugendlichere" Resti heit entschiede!

@principessa: oh i drücke dir d Düme dass dini Prüeffig erfolgriich bestande hesch! Chunnt sicher guet! Isch am Afang vonere Witerbildig halt ou immer schwierig, wenn no nid so weisch wie sträng dass de bewärtet wird und wie viel das me mues lerne etc. Aber chunnt sicher guet bi dir! Öii Flitterwuche-Plän töne aber ou super!!! Sones Bungalow ufem Wasser wär sicher dr HAAAMMER!!!

@Taeboyana: Ou, da wäri gloub ou unsicher worde, wie di Chef reagiert het. Aber findes ömu guet heschs ihm i däm Zämähang gseit... Wär ja würklech doof gsi, so viel Chärtli z bstelle wenn scho weisch, dass du dr Name wirsch änderä. Findes eh chli doof, dass die Cheffä när immer gad z Gfüehl hei, me wärdi 1 Wuche nachem HZ schwanger si, no d Zyt im Bügu abhocke bis dr Mueterschaftsurloub afaht, Gäld kassiere und när Vollzytmami füre Räst vom Läbä... Aber offebar het er sich ja när no "gfange"...

Was isch de das fürne BH? So einä zum achläbä uf dr Site? I bruche ja eine wo Rückefrei isch u ha äbä mal dä da gseh: http://www.asos.de/Fashion-Forms-R%C3%BC...cy1CcmEvUHJvZC8.
(haha, mega länge link!) Finde dä äbä no schön, aber bi chli skeptisch ob de das häbt?!

@sue: mega cooli idee wägem lah schminke! Was machet dir de a Silvester dass du di so Chick machsch? Tönt würklech speziell! Isch das in Burgdorf? Bi de gspannt was de verzellsch...

@la mariee: ou cool si öii Chärtli itroffe!!! Sit dir zfriede drmit... wär also de sehr gspannt ufnes Bildli...

@me: öper het no gfragt wäge üsne Pocketfolds. Auso mir hei ersch fang d Hülle bstellt. D Ilagebletter und alles mache mir de sälber. Das isch dr Link zu denä wo mir bstellt hei:
http://www.pocketfoldinvites.co.uk/fines...fold-1692-p.asp