huhu zämme! ich schribs jetzt trotzdäm nomol TGIF

principessa: i schick dr nochär e pn mit de kleider. das hani mir au dänkt. die hän sicher mega viil kleier wo 1490.- koste und die nägst höchere ab 1750.-, so hole si am meiste us ihrem 250fr guetschiin use
aso i hoff au das euch euri theologin sympathisch isch und das agebot bombe isch
schön händir euch könne entscheide wäge de flittis, dänk au isch schöner für di wen di den entspanne kasch ohni priefige im hinterkopf zha.
wünsch euch viil spass z stuttgart :D

munggi: hoff dür di die stressigi zyt isch bald vrbi ez isch jo zum glück gli wiehnacht..

taeboyana: coll wägem bh, i wot ebe au scho länger so ein, für d hochzyt wärs ebe au nid schlächt dänki! gang nocher grad mol uf la redoute :D merci für e tipp

sue: tönt de toll eure silvester! und das dr coiffeur grad so as probe nutze kasch isch mega. hoff es passt dir den dört und das du grad d coiffeur vo dr liste abhöggle kasch

Lamariee: uii ich würd au gärnes föteli gseh wenn se dörfach zeige

malinchen: gäl im studium isch immer grad die stressig wiehnachtszyt die stressigsti zyt! aber jetzt hesches de gschaft und wohlvrdienti ferie
sin euri pocketfolds scho ko? händir euch au grad d templates loh zueschicke? findi e super service! freu mi scho wenn si do si

littlefoot: hm isch scho chli komisch mit eurem vrastalter.. händir de mol ez no mit ihm es persönligs gspröch ka? i würd evtl au grad sage das ihr uf dr website die und die föteli gseh hän und euch au so öbis vorstellet und mol luege wie är reagiert. i dänk nid das du spinnsch, du wirdsch das gfühl sicher berächtigterwiis ha.. meh het doch ame so intuitione as frau

claudilein: das tönt jo wirkli nacheme horrorzenario das wünschi niemerem! drugge mir alli ganz fest dr duume das uns das nid passiert.

me: so mir gön jetzt nägst samstig no in dolcevita. i bi sehr vrwirrt was s kleid abelangt.. weiss gar nüm was dänke, dorum dänki ez eifach nüm dra und los de nägst samstig eifach uf mi zue ko
mi gg goht morn mit sim tz mol für e azug go luege, si hän au e ganzes programm in welli läde si wän usw. hihi finds so härzig. ha ihm aber gseit das s hemli erst kauft wärde dörf weni i s kleid ha si wän zwar glaub eh nid kaufe nur güggsle…
de hani mim gg hüt d ufgob übrgäh das är sisch ums zivile söll kümmere.. är sötti am mändig den alüte, nimmt mi wunder ob ärs macht. ha aber dänkt är mues ez chli meh vrantwortig übrko as imer nur nach däm i s meiste usegsuecht ha usw mit z entscheide

Kärtli: ig luege de das Weekend dassi öpe mau paar Biudli cha ufelade

Pinterest: isch öper vo euch öpe ou uf Pinterest? fingi e super Site für Biudli und Ideene zsammle :-)
würd mi schüsch fröiie weni dert euii Sitene ou chli dörfti aluege

@Littlefoot: würd das ou mau no genau kläre mitem Verastalter... isch ja de schlimm wes eim so geit wiä bir kollegin vor Claudilein...

Malinchen / La Mariee: Ig bi jetz o bi Pinterest Ha abr kei Ahnig wie das mit de Siite teile geit.

claudilein: ou herrje das tönt ja schrecklich :) ich denke nid dass das es problem wird, shicke eh au mini TZ no verbi. öper muss ja eh no d turtä bringe, und candybar sache...

nala: ou so guet, de sinder ja villicht endi jahr scho ikleidet :)
nei s gspröch hemmer denn abgseit gha, wil mir e stund so voreme event eigetli nid passt hät. ich het gern mal de wii degustiert, villicht das bier wo sie hend (nid eis vo de gängige)...den no ebe chli gluegt was er vorschlaht mit dekio usw...wil tische sind ja fest, 8er tisch halt usw..
hanem per email denn es paar sache gseit und s meischt het er eigetli mit ja beantwortet..usser ebe die lampions :) aso wenns nur a dene lit, die montiered mir scho lüt, da hani ke angscht..
er gaht halt ebe jetzte denn bis endi april uf australie. per email erreichbar also nid so schlimm. mir gönd de eifach im mai mal verbi und tönd de halt denn alles fixe. das längt ja eigetli locker.

malinchen: ja das cha durchus si, dass mir is zelt mönd. aber das isch halt eso. mir wänd eigelti ke anderi location, wil alles susch stimmt (pris, und vor allem de zauber vo dere location)
gardenvilla.ch für die wos wunder nimmt...
und wenns de halt regnet isch eh alles doof findi. de chunts au nüm druf ab :))) w0obis heisst ja regehochzit sig glücklich oder :)
nei aso die dinger sind eigetli weg, glaub nur de beamer wär im partyruum,was ja eigetli no cool isch. de reschte tönds scho weg .)
ihr hürated wenn es spiel isch ? ou ja lueg doch mal nache..ich lueg ebe sher gern drum hani eigetli denkt mir chönted das datum ne, wil mer eh im juni hend welle und de 13. hani nid unbedingt welle, nid wili abergläubisch bi aber eifach muss etz nid grad si (au weg de frage immer), de 21 gaht nid wil mini schwes ud e fründin geburri hend und darum isch es etz de worde :)

pinterest; ja, mi nick: littlefootCH für die wo wänd followe. ich liebs scho das pinterest :) de gsesch irgendwo öpis wo der gfallt und schwups häsch es ame ort, genial säg ich.

me: mannnnn.. ha am mittwuch s buech fertig gläse endlich nichtraucher...schint ja würkli praktisch jedem zum ufhörä und denn no längerfristig ghulfe ha :) ich ha sitem mittwuch mittag keini me graucht und bis vorher au gar ke luscht gha :) s ganz konzept an sich isch dass eifach würkli nie me willsch rauche, und nid wie wenn ewlber mit de "willenschraft" hörsch, glich immer lust häsch ufs rauche usw..
komisch isch ja, ich han bi beidne schwangerschafte ufghört gha. bi de tochter hanis sogar akündet gha, weni schanger bi höri uf..öde hani de test gmacht und bi so quasi 4 täg schwanger gsi, aso no gar nid richtig und ha nieme eini graucht. bis nachem stille leider...drum findis komisch dass es mir i de letschte 1-.5 jahr schwer gfalle isch ufzhörä. has aber nie gschafft. schräg oder ?
und etze hani ebe das buech gläse und ganz en anders gfühl becho. ha chönä neb raucher sitze, und ha eifach keini welle rauche... :) und etz hani mi grad chli müesse nerve weg mine kids, nüt schlimms, alltagssache halt..und de hani e zigi (GG hets buech no nid gläse haha) wele azünde. het mi grad agurkt :) aber ha sie denn nid...also nützt doch. :) me sett eigelti aber nid so äffig si wie ichs bi und drum hanis gfühl irgendöpis hani wohl eifach nid verstande a dem buech

so genug des egos, :) merci fürs zuelose.

@littlefoot: oh nei... Aber i ha ou scho vo vielnä ghört wo mit däm Buech hei chönnä ufhörä rouche! Klappt sicher... Meinsch nid isch halt Gwohnheit - wenn di närvsch geisch eini go rauche? Das leit sich ja de mit dr Zyt, wenns jetz chasch dürezieh?! U süsch darfsch gärn jedes Mal ä Post cho schribe statt ä Zigi azzünde... Isch ja scho mal mega guet, dass dus sit am Mittwuch hesch chönne dürezieh!

sone Trueh wetti de ou mal no choufe! Hihi, di arm GG! Zum Glück gfallt sie ihm, süch hätt er sich sicher gnärvt het er sie no dr Stutz ufetreit... Wär cool wenn mal es Foti chönntsch schicke!

@WM: so, ha also gad dr Spielplan checkt. Es isch am 18.00 Argentinie : Iran (nid so wichtig, oder?), am 21:00 aber isch Dütschland : Ghana. Das wär sicher spannend! V.a. das isch ja ds "Zwillingsduell" möchti scho gärn gseh , und am 00.00 isch no Honduras : Ecuador (wobi i chumä da nid ganz drus, wär das de ir Nacht vo Fritig uf Samstig oder?) De chöi mir das ja de luege we mir nid chöi schlafe wöu mir so nervös si...

Mir träffe ja am 18.00 im Resti i, när gits Welcome-Drink und när so 19.30 Ässe. De würds ja eigetlich scho drinne lige das Spiel z luege bis am 11i bevor d Party afaht? Haha, mim GG würdi sicher ä riiiiiiiiiiese Troum erfülle wenn i ihm das vorschlah... Die wo nid intressiert si chöi ja i derä Zyt chli uf dr Terrasse höcklä und schwäze oder üsi TZ chöi sich es Alternativprogramm usdänke.

@Littlefoot: i finde di nid uf pinterest! chasch mir ä pn mitem Link schicke? Sorry, chumä irgendwie gloub no nid so drus...

@lillian: mir geits gad gliich... Ha no nid wahnsinnig viel produktivs gmacht hüt. Tönt ja würklech super dis Weekend!!! Drücke dir d Düme fürs Träffe mit dr Fotografin und di Termin im Chez Janine!