nicht registriert

Hallo ihr liiäbi Brütlis

Chunt meh mol 24h nöd iin's Forum, schriibet ihr gad dreii Siite vollä Es schiint Friitig z'sii

Malinchen: Mersii viiel mol für dii pinke Siite per Mail. Z'erst han ii denkt "und nomol eh Werbig, damol ä komischi mit Name " Erst denn han ii's tscheggt, was es isch.
Woow, miir gfallet diä Schuäh au meega. I wär zwar eher für was schlichtes uf dä rechte Siite. Ha denn gad googlet. Diä chömet vo Holland! Werum zeiigets echt Schuäh, wo meh do anschinend gar nöd bechunt?
Woow, das blau vo eune Karte, da gumpet eiim ussem PC aah. Da cha meh siicher was kuuls dermit machä!
I weiss ned, viellicht han ii's schomol gsaiit. Aber diis Brautkleiid isch really sexy. Da wär's hammer zum iifärbe. I tendiere natürli zu rosa aber ii blau gsehts siicher au meega us! I würd eiifach mal teschte, wiä dii fühlsch mit so ungwohnte BH's?

Lil.lian: Also es beliäbts Gschenk für es Baby find ich ä Windeltorte. Kennet ihr das? Miis Mama macht da immer selber so als Bispiel: www.windeltortenbaeckerei.ch
Meh cha Windlezämästecke und denn miit gaaanz viiel Kleidi, Nuggis, Plütschtierli und und und verziiere. Chunt immer guät aah

Sue: Wooow, diä Karte wär meega hübsch! Het s'Meiitli siicher eh meega Froiid! Dä Tipp, vo dä LaMarie find ii also au genial!
Oooh, scho mol eh Probefrisur. I muä sägä, bii denn gspannt uf dini Erfahrige! Eues Kennelerne tönt no witzig

Nala: Gaad schaad, isch s'Kleiid eh Eigeproduktion. Aber ii glaubä fest für diich, dass es ähnlichs finde wiirsch!
Dii GG isch ja herzig, voll dä Shopper. Cha ii also bii miim gar nöd vorstelle
Find ii suuper, dass er siich ums zivile kümmere (dörf).

principessa: Ich wünschä eu eh guäti Ziit in Stuttgart, dass ihr eu und diä Stadt richtig guät gniässä chönt. Maledive oder Thailand beiides dä meega hammer für d'Flitterwuche! Find iich au guät, gönd ihr nach dä Prüäfigä. Denn isch es fast nomol ä chlii eh Belohnig für diich

Taeboyana: Wünschä diir es ganz tolls Shopping in Konstanz!

LaMariee: Jo unseri Kärtli chömet au jede Moment. Mir müänd knapp 150 Couvert aschriibä. Also mir wüsset was machä, das Weekend

Littlefoot: Mami's hend echt nöd so weekend wiä anderi. Das darf au mol gsaiit sii! I cha dii guät verstoh, würd mii also au chlii verunsichere. Es Gspräch cha do viellicht helfe, zum gnau Kläre welli Kompromiss. Woow, das Ambiente isch wirkli suuper. Aber ii würd mir wohl au immer vorstelle, was isch wenn's regnet? Aber eigentli find iich's Zelt gar nöd sclhimm! Halt nöd so freii wiä unter himmel, aber trotzdem voll in dä Natur! Was isch das für eh Truhe?
Findä also au, lieber ins Forum poste statt rauche

Claudileiin: Oooh, das tönt ja schrecklich!! d'Bruut wo ii Träne usbricht und diä romantisch Abfahrt unterbreche. Voll Rücksichtslos vo dem Resti
I würd dem Maa dä Kopf abrisse…

Me: Gester hend mir no mitem Lagerhuus gredet. Dä persönlich Barkeeper und unser speziell Alkohol säg keii Problem. Mir machet eh Pauschale, denn chönt mir unseri eigete Drinks mitnäh. Mir wönd nöd eiifach so 0815 Drinks, sondern halt diä spezielle vo dem ussem Einstein
Jetzt bin ii voll happy und ufgregt, will Kaarte söttet hüt achooh. Denn heisst Näme und Adresse ufschriibä, bis eim d'Hand wehtuät. Und nächst Wuchenend isch es denn so wiit. d'Iladige gönd usse

Wünschä eu allnä ä suuper tolls Weekend!

P.S. I ha aktualisiert, damit ii keiin 20rp muä gäh

Principessa – uiii echt? Au de Mariano!! So cool hend iehr en Videoreportage oder Foto? Ich han ihn drum gfogt, öb er do persönlich chunt, go fötele. Er het denn nur gmeint, falls er kei Videoreportage heig a dem Datum scho, aber sobald er eswo für das brucht wird, chunt en andere. Das het mich z’erscht es bitz abgschreckt, wet de Fotograf jo kenne wo chunt. Aber mer sind so verblibe, dass mier üs mol sus no treffid (hend no es Shooting für Iladigs-Charte) und denn gsehmer jo denn alli.
Bisch bi ihm im Atelier gsi? Heeee ich han mich total i das Bild verliebt (bzw 2) wo dete ade Wand hangid!
Cool, Ferie für d’Flittis Bi üs wird’s zimlich sicher au Herbst/Winter. Mier tendierid, das mer uf Australie gönd. Sind letschte November gsi, und üs total verliebt. (bzw wieder, ich bi vorher au scho gsi, aber Schatzi ned )



Malinchen: Ou so cool, de Tanz Has mer au schö überleid, aber denn doch, ich finds klassisch doch am beschte zumal de Walzer öpe de einzig Tanz isch wo mer chönd!
Hammer Chleid – leider nüt für mich, aber gseht super us!

TGIF – was heisst das???

me: mag nüm schaffe aber bald han ichs für hüt, denn nur no 1 Wuche schaffe, und 2 Wuche Ferie (zum Priis vo einere )
Ich bin grad am umeluege wäge Musik für Tanz, Chille etc. Ich chan mich eifach ned entscheide. Und ich weiss au, das es mini Entscheidig wird blibe Mim Schatz isch doch das glich, was dete lauft, bzw er vertaut mier do, het er gseit. Jo schön zwüsse, aber ich ha selber kei Plan
Z. this ring, t. carter: http://www.youtube.com/watch?v=WOJ9Rt465Jg das find ich wunder wunder wunder schön. Chönt grad Tränli vergüsse. Ich glaube, das wird eis vo de Lieder
Was mich zu Träne grührt het isch das do: http://www.youtube.com/watch?v=7fV6fmBerRg das wär perfekt für en Vater/Tochter Tanz ... Traumhaft schön! Und de Text ... Tschudderet mi grad!

http://www.youtube.com/watch?v=NlprozGcs80 das fänd ich super für e Iizug.

Aber es git no so viel schöni Lieder.

Malinchen
Ja ich han gad mal das gmacht woni sött mache.. Abr gahn jez hei :) Fertig gschaffed..

Squishy-fishy
Das dönt doch perfekt mit em Lagerhuus :) super super
Ja so lässig mit de Charte! Den bisch ja jez chli beschäftigt mit Couvert aschriebe..

Snicki
TGIF isch Thank God it's Friday.
Muen den die Filmli diheime mal aluege :)

Wünsche eu allne es schöns Weekend :))

@squishy: haha, hät villicht chli ne bessere Beträff sölle wähle... I ha jetz gad gseh witer hinde steit no dass me alli zeigte Accessoires (het no anderi Theme) uf www.elsacolouredshoes.de findet! Villecht chönntsch es det bstellä? Finde also ou, dass das de scho sött ir CH erhältlech si wenn sie das i däm Magazin zeigä!

Ah super wägem Lagerhuus! Da heit dir öich sicher richtig entschiede...

@snicki: woooow, ds zwöite Lied isch ja würklech haaaaaaammer!!! ha mirs also au gad abgspicheret, hoffe isch ok für di? Ds erstä het au e sehr passende Text und dr Canon in d isch halt würklech klassisch - aber ou wunderschön... het ja ou si Grund dases ä Klassiker worde isch.

I möcht äbä gärn ou no ä Tanz mit mim Brüetsch... Aber da isch mir no kes passends Lied igfalle.

@nala: Hihi, i fänds irgendwie äbä ou no cool... Würd ja ou mega zu üs passe. Wöu wenn's nid üses HZ wär würde mirs uf jedä Fall luege.

I ha dä Arbeitstag jetz de ou hinder mir! Häbet alli es guets weekend und viel Erfolg bim HZ-Vorbereite - sigs Chleider aluege, Pfärrer oder Fotografinne träffe etc.!

Guete Morge mitenand

Bi üs gits eigentlich nüt neus. Freu mi mega uf 2 Wuche Ferie!! Nur no 5 Täg chli do si (schaffe wär übertribe )

Claudia: Also ich findes no schwirig. Bi üs wür das glaubs gar ned go, so im chline Chreis. Will genau das mit Spalier stoh wür passiere, vermuet ich jetzt mol. Mier kennid so viel Lüt, grad vum Schatz sim Gschäft, wo sicher chömid go Spalier stoh. Es wird quasi fascht erwartet, also üs störts au ned, vo dem her, sind alli herzlich willkomme. Ich glaub au, mis Mami wür komisch reagiere, wemmer sägid, dass es ohne Verwandti etc wür stattfinde.
Aber schlussendlich muess ich säge, isches jo jedem Bruutpaar sälber überloh, wie sie d'Hochzig fiirid.
Es muess vo mier us gseh, eifach klar kommuniziert werde, dass keis Apero wird stattfinde z.B.


so, schöns Tägli wünsch ich eu

Guete Mooorge mitenand..

Nala05
So wie isch din Shoppingtag gloffe? Häsch öbis gfunde? Und wie isch de Tag gsi bi dim GG? Hät er öbis gfunde?

Claudilein
Ah das isch doch schöön, dass sich all gfroit händ!!
Ich glaub au nöd, dass es Lüt gid wo chömed go Spalier stah, bim zivile Hochziit. Glaub eher, dass mer das bim chirchliche machd..

Snicki
Ja ich muen au nu no ei Wuche schaffe.. Bin extrem froh

Janedoe
Ja du bisch würkli lang nüme da gsi.. Was isch den passiert?
Ich bin momentan uf Brutchleidersuechi und mier möched es Treffe mit de TZ. Fotograf hämer au gfunde. Jez simer au no chli am umeluege für de Apéro nach de Chile..
Das wär so was bi eus momentan so lauft.. Detail chasch i mim Ego-Post lese
Und was lauft bi dier aktuell? Bisch meh aktuell im Wiehnachststress mit Gschänkli poste?