Soooo da de Ego-Post..

Ich han gaaanz vill erlebt am Wuchenend <3

Am Friitig hämer es Treffe mit ere Fotografin gha. S’Gspräch isch super gsi!! Sie isch gad uf euse Ablauf igange, hät au no Verbesserigsvorschläg bracht und mier sind beid vo ihre begeisteret. Mier düend sie uf jede Fall no bueche das Jahr. Und ich han no dänkt, ich fräg sie mal no a, wie vill das sie wür koste für s’zivile Hochziit. Mier händ mit ihre würkli es sehr guets Gfühl.. Und im Verglich mit em Gspräch mit de andere beide isch es viiil besser gsi..

Am Samstig bini den is Chez Janine gange. Ich han en kostelose Termin gha für ei Stund. Am Telefon hät sie ja gseit mer chan den vilicht zwei bis drü Chleider probiere und es chan sie das die Beraterin nöd immer ume isch. Aber ich han den würkli idere Stund öbe chöne 7 Chleider probiere. 5 hämer zämä usgsuecht gha und den hät sie no 2 anderi bracht. Am Bügel händ die zwei super usgseh, sie sind so asymmetrisch gsi, mit eim Träger uf de Siite. Wo ichs agha han, hani usgseht wie en Römer.. Es hät no no s’Schwert gfählt..
Eis Chleid hät mer sehr guet gfalle, es isch mer eifach no es bitz zbreit gsi une. Und ich tendiere eher chli zum andere Chleid vo letzt Wuche.
Vilicht machi nomol en Termin noimets ab (momentan hani gad chli d’Luscht verlore..) und ich möcht s’Chleid vo letzt Wuche sicher nomol go aluege...
Hät öber no en Tipp für es grosses Brutmodegschäft? Am liebste ide Region Züri.. Es isch würkli no schwierig eher es schlichts Chleid zfinde..

Am Abig bini den no mit minere TZ an Wiehnachtsmärt uf Rappi und go z’Nachtesse. Es isch uu schön gsi.

Am Sunntig hani no en Shopping-Tag anegleit. Bin i zwei Shoppingcenter gsi Han eifach s'Gfühl gha die halb Schwiiz isch au dete gsi..
Han den no (ändlich!!) es Chleid gfunde fürs zivile Hochziit vo minere TZ.
Es hät ganz e kuhli Farb, es isch so himbeer, eher es bitz dünkler. Bin ganz begeisteret vo dem Chleid.
Und ja de Stempel, wo mer mal drüber diskutiert händ (made with love), de chamer im Depot wieder poste. Da wär no de Link vom Stempel: http://www.depot-online.com/ch_de/stempel-made-with-love/ Hani au gad kauft gester

Und den hät no mini TZ nach em TZ gfrägt und de TZ nach ihre. Mier dönd eus jeze mal treffe im Januar und alles mal zäme alluege.

Sue87
Han au no d'Badechugle / Cupcakes probiert z'mache. D'Badechugle sind eigendli guet usecho, sie müend eifach no chli tröchne aber obe s'Topping isch no gaaanz weich :-/ Und das isch ja es Zügs gsi.
Zersch isch es z'flüssig gsi, den hanis usegstellt den isch es zhärt gsi und ich han so lang dökterlet, den isch es wieder z'flüssig gsi. Irgendwenn isch de GG heicho und hät ade Türe glüte und es isch alles uf mine Händ verlofe und han Türe müese go öffne. Den hanis wieder usegstellt..
Schlussendli hanis überhaupt nöd schön anekriegt uf de Cupcakes
Najaaaaaaaaa da mueni nomol üebe. Und susch mueni mal luege öb ichs rigendwo chönti günstig poste...

Zuletzt bearbeitet am 16.12.13 10:22

Juhuuuu liebi Mitbrütlis!

Wünschä allne ä guetä Start id Wuche!!!

@Claudi: Hmm, i chönnt mir scho vorstellä, dass deu Lüt wei cho spalierstah. Ou we dir Zivil hüratet... Mir hei das ou scho gmacht bimnä Arbeitskolleg - dä het üs zwar ou iglade gha när zum Apéro. I würds o so mache, dass dir eifach klar kommunizieret, dass es keis Apéro git. We när glich öper chunnt cho spalierstah de wüsse sie, dass sie när eifach wieder müessä gah... Oder wettet dir das ou nid ha? De würdi ou das klar sägä. Dir chöit das handhabe wies für öich stimmt, löht öich nur nid lah verunsicherä!

GG und ig hürate ja i däm Kaff wo mir si ufgwachse, es chönnt scho ou si, dass de irgendwelchi Lüt eifach chömä cho luege wo mir gar nid würde ilade. Aber we sie eifach nur wei cho luege wie mir us dr Chille chöme u när wieder göh, isch mir das eigetlech ou egal...

@lilian: oh nei, hesch wieder nüt gfunde?! So schaad... Aber lueg, de hesch eifach no nid ds richtige Chleid troffe, das chunnt de scho!!! I was für Läde bisch jetz scho alles gsi? (sorry, ha gad es gstürm - ir letschti hei so viel vo ihrnä Shoppingtäg verzellt...)

@me: I ha es meeeega cools weekend gha, ändlech ke Schuelstress meh und eifach chli chönnä das mache woni Lust druf ha ohni die ganz zyt z Gfüehl ha, i sött eigetlech no a 2 andernä Orte glichzytig si. Geschter hei GG und ig no chli Prospekte düregluegt mit Ringe... Phuuuu, das wird äuä schwierig. Ihm würde die Karbonringe mega gfalle, mir aber gaaaaaaar nid. Grundsätzlech findi se scho no schön, aber irgendwie si si mir zweni "romantisch" als HZ-Ringe... Hei när no einä gseh wo dr eint Ring inne goldig und usse silbrig isch, dr ander umgekehrt. Das hei mir beidi no cool gfunde. Mal luege, mir göh de öpe im Januar mal i paar Gschäfter üs ga lah berate. När hani no chli adr Homepage witerbastlet u die nimmt jetz ou langsam Form a.

Hoi zämme!

Claudilein: cool händir eure familie vrzelltund ischsguet acho! Isch doch mega schön
Hmm i würd au klar kommuniziere wie ihrs wänd, wen ihr das lieber nid möchtetden sagets eifach klar. Isch jo EURES hochzyt, ihr bestimmet

Lil.lian: i gang erst nägst wucheänd nomol go luege ;) aber mi gg het si shoppingdag ka, het uf jedefall e azug gfunde wo ihm sehr guet gfallt, het abr no nüd kauft. Er wot jetzt evtl no mit mir go luege ;) i bi wohl doch die besser beroterin as sin TZ
Schad hesch noni dis kleid gfunde! I lueg mol hüt zobe i mine heftli wos no susch e grössere bruutmodelade git :) wenni öbis find gibi dir bscheid :)
Ich ha das wucheänd au de stämpel im depot kauft abr dä mitem härzli de made with love hani scho ka ;)

Janedoe: schön widr mol vo dir z ghöre! Was hesch de ka bzw. Was isch passiert? Tönt uf jedefall nidw guet bi mir isch momentan au d suechi vom kleid thema, susch hani grad nid viil zyt für d hochzyt leider.

Malinchen: schön hesch mol widr es wucheänd eifach könne gniesse tuet sichr guet nach so viil stress. Viil spass jetzt scho bim ring ussueche, ihr kömmet sichr uf die glichi basis ;)

Me: mi gg het hüt schön dra dänkt und für s zivile reserviert! Ab em 20.6.14, 14.15h bini e vrhüroteti frau

Malinchen
Ja ich bin im Merry's und im Liluca in Züri gsi und im Chez Janine. Es gid ja da no in Züri Zorro und d'White Lounge in Walliselle. Aber susch känni jez gad nüt anders...
Han gad mal no Karbonring googlet.. Sind scho no speziel. Wür mer jeze au nöd so gfalle.
Struub was mer alles mit Karbon chan mache. Min GG hät immer es Karbonbrätt (Snowboard) wölle, aber es hät sich den doch nöd so duregsetzt...

Nala05
Ahjaa ich wür au no mit em GG mitgah zum de Azug go aluege!! Abr isch doch scho mal guet, hät er öbis gfunde wo ihm wür gfalle.
Häsch den nomol en Stempel kauft?
Ah schön händer de Termin fürs zivile!! Gratuliere!!

Zuletzt bearbeitet am 16.12.13 12:07

Malinchen: Daaanke! Ha freud

Lil.lian: ha erst de made with love stämpel ka und ha no dä mitem härzli wellle, dä händs de am samstig grad ka und de hani miesse zueschloh :)
Eigetli hani ihm s azug uswähle/ kaufe welle übrloh.. Abr wen är mi um hilf frogt dörfi mi jo drimische ha ebe völlig anti-kontrollbrautmässig gseit ka dasi ihm völlig vtrau das är en schöne azug ussuecht, obwohl i viiiiil liebr mitgoh würd hihi
Merci

Janedoe: wow nur no 3mönet?
Jetzt foht den gli unseri hochzytssaison ah, es isch so cool
Jo i bi scho im domino und im pour elle gsi (http://www.heiraten.ch/forum/board/anlae...-4_613_533.html)
Ha i jedem lade en favorit, gang abr no in dolcevita in lörrach am samstig, zum no e witere vrglich zha
Was miendr de für s zivile no erledige?

Janedoe
Uiii wooow das dönt ja voll schlimm.. Immerhin gahts der jeze wieder besser!! E Arbetskollegin isch au mal d'Stägge durab gheit und sie hät ein Fuess broche und bim ander isch au irgendwas gsi. De eint Fuess hät sie es bitz dörfe belaste und de ander gar nöd. Aso sie hät sich schlussendli fascht nüm chöne bewege.
Ja es hät scho e riiiiese Uswahl bim Chez Janine. Ich glaub, ich suech öbis wos nöd giht . Sie hät mer s'Modell ufgschriebe, ich luege dihei mal im Internet nah und stell s'Föteli ine.. Aber es isch scho so, ich wür öberem wos erst Mal gaht go luege gaht oder nöd weiss was, nöd unbedingt Chez Janine empfehle. Für das isch es echt zgross..
Vom Styl her isch es öbe so wie uf dem Föteli woni mal postet han: http://www.heiraten.ch/forum/board/anlae...-4_613_522.html (sisch de untersti Kommentar)

Snicki
Schicksch mer au dini Homepage?

Sue87
Ja ich chan der scho es Föteli schicke vom Chleidli Ich schicks der hüt Abig oder eher morn..
Ich han no en Tipp übercho vome Vlog, de hät es Filmli uf youtube: http://www.youtube.com/watch?v=rZ_iY8ZCjiY
Ich duens den aber nomol probiere z'mache, will ich han eh no alli Zuetate diheime. S'türe ade Sach isch eifach de Sheabutter gsi. Die andere Zuetate sind alli nöd so tür, vo däm her wärs scho no lässig wenns wür klappe.
Am Schluss hani gester s'Topping ide ganze Wohnig verteilt gha uuu schlimm.
Bi mier isch es glich mit de Termine. Immer isch was los oder ich bin nöd ume. Bin froh, wenns wiedr chli ruhiger wird..

Zuletzt bearbeitet am 16.12.13 15:39