Nala05
Mer hürotet am 13.09.2014 die Turmroten in Hohenrain, turmroten.ch. Aschlüssend gömmer i Vogelsang uf Eich go ässe. Am 05.09.2014 esch s zivile in Sursee, im chline Familiechreis ohni grosses Tamtam.
Was eus jetzt no fehlt esch de Partyservice för nachem kirchliche, do beni nochli am omeluege.
Am 02.01.2014 goni uf Lörrach i Dolce vita go mis Bruutchleid sueche

Lg Abbygale

Guete Abe liebi Brütlis!

Hui hüt isch ja richtig ruhig gsi da inne, das nützi grad zum o wieder mau mi Sänf drzue zgäh

Z Konstanz letscht Friti isch super gsi, mir heis mega gnosse und zum shoppe ischs ja dr Hammer! Ha zwar nüt fürs Hochzit kouft, drfür süsch viu Und im Nanu Nan (däm Deko-Bastel-Schnickschnack-Shop) bini gsi, dä isch de cool!!

@Janedoe: Ui nei du Armi, aber Gott sei Dank isch nüt Schlimmers passiert! geits itz ar Schuutere scho wieder besser?

@LaMariee: I bi ou uf Pinterest Aber vielech hesch mi ja scho gfunge, i has nid im Griff wär wär isch wo mir z.T. fougt

@malinchen: Wägem BH, nei das isch kene zum achläbe sondern eifach e tregerlose mit so Schale, aber mau eine wo häbt (i bi probeghüpft däheime ). Ig ha ja es Neckholder und da sött dä guet drungerpasse. Lug dä: http://www.laredoute.ch/de/bandeau-bh-pe...498-221913.aspx Itz müessti nur no nöime dr passend String finde, dä hets nümm i mire Grössi gha. Für bi dim Chleid (wasi im Fau dr Hammer finde mit däm Rügge) würdi äuä scho so Schale usprobiere, aber i ha o ke Ahnig ob die häbe.

@Sue: Oje du Armi, i hoffe du masch die Wuche no dürehäbe und chasch di de richtig erhole ide Ferie! I ha zum Glück ou 2 Wuche und freue mi riesig.


@me: Ha grad no üsem Apéro-Caterer definitiv zuegseit. GG und ig heis no besproche gha und hei gfunge, dass das Agebot eifach passt und vor auem isch die Metzg praktisch näb dr Chile und het scho x Apéros dert gmacht, sie kenne aso d Location perfekt. gemäss Chile sige sie sogar biuiger as d Migros und das inkl. Service und aus. Er het sogar Hussene für ad Bartischli und itz weimer de im Ferbruar / März mau verbiga, dass sie üs no chli Föteli chöi zeige (d Brautzilla i mir mues Biuder ha und wott, dasses de o schön usgseht ) und mer no Details chöi bespräche. Aber sie hei es riesigs Agebot, o warmi Spise und si würklech günstig und er schriebt immer u schnäu zrügg, vo dämhär hani e super Idruck. Ha mau no ds Restaurant näbe dr Chile agfragt gha, aber das wär (obwou mer bi dere Variante d Pfrundschüür nid hätte müesse miete) viu tüürer cho.
Usserdäm isch gester es Buech cho wo mir hei bsteut as Inspiration für üsi Iladige (mi Brüetsch het das gseh gha): http://www.exlibris.ch/de/buecher-buch/e...d/9780500290392 Mir wette so e spezielle Schriftzug i däm Stil. Het mega cooli Sache drin, aber bi fasch chli überforderet. Itz luege mers de mau mit mim Brüetsch a und är klärt mau ab, wie tüür dä Siebdruck bi sim Kolleg chäm... wär u cool wemer so öpis chönnte mache in Kombination mit schwarz-wiss Föteli vo üsem Shooting.

Mir hei üs mau no chli Gedanke gmacht wäge Flitterwuche. Ha ja mau erwähnt das GGs Gotte in Sambia e Safari Lodge het und üs das no würd reize. Ir Letschti, weni d Flittis ha agsproche, het GG immer gfunde, das wär doch schono cool i die Lodge... Has de mau mire einte TZ verzeut u de seit sie doch, sie heige genau so öpis vorgha für ihri Ferie nächst Herbst! Kollege vo ihne sige gad dert ir Region gsi und heige u gschwärmt. De heimer natürlech plötzlech d Idee gha, me chönnti ja zäme ga, oder ämu e Teil vo de Ferie. Sie chöi äuä eh nur 10 Tag und mir würde de vielech no 1-2 Wuche ines agränzends Land (Tanzania z.B.) und 1 Wuche mit ihne zäme Safari mache. Has de GG verzeut und är isch gad begeisteret gsi vor Idee! Sie si ziemlech bunde vor Zit här vo sim Bruef u sie müesste Mitti Oktober ga, aber das wär für üs eigentlech kes Problem. Itz hani mim GG i Uftrag gä, er söu afangs Jahr mau sini Gotte kontaktiere und sech chli gnauer erkundige. Bi mega gspannt, ob das öpis wird...

So, morn hei mir no üses Wiehnachtsässe, bi ja mega gspannt wie das wird mit gäg die 200 Lüt...

Wünsche aune wo uf d Ferie plange und kaputt si no viu Durchhautevermöge für die letschte 3 Täg!

@nala05
Fürs zivile müemer nüt mache, willmer nöd wärded gross fiire. Für eus isches tatsächlich meh es 'müesse'... Wärded mit de Trauzüge und de Eltere ufs Standesamt und denn neumets go esse zeme. GG muess am Mäntig sini ganz Unterlage go ireiche und am 6. Januar hemmer die Ehevorbereitig wo ja obligatorisch isch.

@Sue
Du tönsch echt vielbeschäftigt. Hoffemer über Wiehnachte/Neujahr chunnsch chli zum abefahre. Hesch de chli Ferie?

@lil.lian
Ja das mit dere blöde Stäge. Ich ha immer gwüsst, dasi irgendwenn mal abedonnere. Es isch e total rutschigi blödi Treppe. Han de direkt de Vermieterin aglüte, dasi dett Stopper will anemache. Jetzt will sie aber, dass das de Bodelegger chunnt go mache und ich ha wider sit em November nüt ghört. Tz.
Wow, das Chleid isch aber meeega schön wo du postet hesch. Chamer fast ned vorstelle, dass so was ned im Chez Janine geh hed?? Krass… Aber wunderschön
Gratuliere zur Fotografin!

@LaMariee
Danke vielmal!

@squishy
Danke dir au villmal!
Hey han mal so flüchtig eui Location agluegt gah und gläse was du so gschribe hesch. Bi aber ned sicher ob das jetzt klappet hed mit dere Lagerhalle?
Boooah dim GG sini Eltere sind ja struub druf. Chunnt mer echt au vor wie Flyer verteile. Du da würdi aber uf Palme! Krass, macht mi grad sauer! Aber findes schön versueched ihers positiv azluege, isch ja au öpis, kriegeder halt e Huufe Gschänk

@Bibi77
Stampin’up findi au meeega cool. Aso wasmer da so cha drus zaubere. Ich ha mi leider au gaaar ned drah traut aber en Bekannti hed eus denn dIladige gmacht… Sie isch mit Stampin’up glaub recht erfahre.

@Taeboyana
Hihi, geeeell, de Nanu Nana macht süchtig? :D
De Schultere gahts gottseidank Tag für Tag besser. Muess zweimal pro Wuche id Physio und merke extrem wies berguf gaht
Hey gratuliere zum Caterer! Tönt echt meeega guet was du da verzellsch!
Ouuu Afrika! Mier wetted au uf Afrika id Flittis. Zerscht wäremer sehr gern uf Tansania und Sansibar… Denn uf Botswana… Und ich wett unbedingt no uf Südafrika, bzw. vor allem Kapstadt… Also eigentli wetti alllllees, was natürlich nöd gaht… ez simmer au chli überforderet :D

@me
Ich bin gester ganz spontan mit minere Schwöschter uf Luzern (das isch de Vorteil wennmer nume 50% schafft, mer hed gaaaanz viel Ziit :D). Ihre Fründ isch gester uf Australie für en Monet und sie isch total fertig gsi zerscht, will über Wiehnachte und Neujahr hettmer hakt sini liebschte scho gern bi sich... sind de chli go Gschenkli, Chleider, Schueh und und und shoppe. Und schwupps, isch ihri Luune supi gsi und ich bin jetzt parat für Wiehnachte. Styletechnisch und mit Gschenkli usgrüschtet

Denn hemmer no erschreckendi News becho vo minere TZ... Sie schaffet inere Privatklinik, jetzt isch euse Pfarrer dett und offebar liit er im Koma :/ Hoffe soooo fescht, daser wider uf d Bei chunnt. Nöd nume will ich unbedingt vo ihm wett traut wärde, sondern eifach will er e wahnsinnig tolle Mänsch isch. Mier hend zwar vo Afang a gwüsst, dases chönnt kritisch wärde, will er scho recht alt isch und scho lang chrank... aber natürli hoffemer eifach z beschte...

Zuletzt bearbeitet am 18.12.13 10:53

Lil.lian: hey cool händir d fotografin jetzt buecht könnet ihr bi ihre den nid au grad es engagement shooting mache das ihrs trotzdäm bi dr andrea machet? oder findet ihr d andera eifach au so toll?
mir wärde fürs zivile kei zuesätzlige fotograf ha, isch uns übrhaupt nid wichtig, s isch meh chli go unterschribe und fertig, maches au nur mit de TZ und evt no eltere...

Munggi: und hesch di für es catering entschiede? ouhh je as confiseurin isch d wiehnachtszyt dänk grad doppelt stressig, du armi, hesch aber au ferie nochär?

Abbygale: Danke fürs update
cool, i gang jo am samstig au is dolce vita, bi scho gspannt, ha aber nur guets bishär gläse!
was stellsch dr de für es kleid vor?

Bibi: hmm i ka dir bi gar nüd witrhälfe, mir hän kei so aislerunner (obwohl i die au sehr schön find), stampin up kenni au nit..

Taeboyana: euri flittis töne aso hammer! mir sin uns au am überlege uf afrika z go, mir sin dä summer s kenia gsi und jetzt het uns s afrika/safari fieber chli packt
au susch isch bi euch chli öbis gange, toll händir euch fürs apero entschiede und au das mit de iladige isch voll am laufe.. mues das buech nochär au mol no go aluege ;)

Sue: Cool hesch scho alles parat für de nachtmärt, wird sicher super und e tolle uftakt für d wiehnachtsferie

Janedoe: jo uns gohts ganz ähnlich mitem zivile, isch meh es müesse.. aber jetzt mache mirs jo im schloss, das gitem ganze den doch no chlien festliche touch obwohls au bi uns eher leger söll wärde.
toll hesch dini schwöster könne ufheitere.. isch sicher doof übr d festtäg ganz ohni fründ, vrstandi.
ohhh neiii ich hoff aso au dases eurem pfarrer ganz schnäll widr besser goht! isch jo mega hart und deno grad vor wiehnachte. hoffentli wacht är gli widr uf und het au keini schäde oder folgeproblem drvo

me: i bi geschter mit minere tz z züri adr energy live session im kaufleute gsi, dört ischjo grad de zoro näbe dra.. mir hän grad miesse go schaufänster schneugge und es het alles so schön und toll usgseh. hän grad gseit für de fall dases am samtig nüd wird, mien mir de i zoro go luege! het öper erfahrig mit däm lade? het alles so edel (und au tüür) usgseh..