Nala05 Ja das wegem Engagementshooting hani mer scho au überleit öb mer das bi de andere Fotografin wännd mache. Abr d'Andrea hät eus es guets Agebot gmacht und drum hani dänkt, mier möched doch das bi ihre… und ich han ihre eigendli au scho zuegseit gha.. Abr mier möched nur eis. De GG isch eh nöd so begeisteret zum sich 100x fötele lah. Hehe ich finds uu lustig, bi allne isch doch s'Fäscht oder die kirchlichi Trauuig viiiil wichtiger. Für mich ischs ebe doch s'zivile. Mier wännd s'zivile ja am 10-jährige Jubiläum mache und das isch doch schlussendli s'Hüratsdatum (s'offizielle).. Ich han dänkt, vilicht buechemer sie eifach 1 Stund, den chömer vo eus vilicht no es paar Föteli mache (wenns langed) und vo de Trauuig und fertig. Dänn hetemer vo däm Tag au no es paar Föteli.. Mier wännds eigendli au im chline Rahme mache, abr irgendwie isch es no schwierig bi eus. Mier wüssed nöd recht, was mer mit de Grosseltere wännd mache. Mier händ beid no alli (dänn wäreds zämä insgesamt 8 Lüt) und irgendwie fändis für sie u schad, wenns nöd debi sind. Irgendwie isch doch schön wenn en Enkel hüratet. Aber es sind ebe dänn gad uf ein Schlag uu vill Lüt meh.. Abr ich glaub schlussendli wärdeds au debi sii. Mier gönd eifach go esse, TZ werdemer ilade und die wo den susch no wännd mitcho, chönd gern mitcho, sie müssteds eifach selber zahle den.. Ja genau de Zoro isch gad dete gegenüber. Ich schaffe gad ide Nächi (zwei Tramhaltestelle äwäg) und han au scho dänkt, evt. müssti dete au mal ie gah. Vilicht lüti vorher mal ah, öbs au eher schlichti und nöd so breiti Chleider händ .
janedoe: jo i ha ebe eigetli immer welle im schloss ebenrain hürote, das ka meh aber leider privat nid miete.. s standesamt het aber dört es trauzimmer und eimol im monet ka meh sich de dört zivil trauue loh, as mache mir das as ersatz :) ha dr unde es bild aghängt isch aber au no härzig am valentinsdag und genau es joor nachem atrag, so het wenigstens die muss-ziviltrauuig au no chli bedütig.. weisch wasi mein? nid dases kei bedütig übrhaupt hät aber so seits eim persönlich au öbis ebe gäl de seht mega us vo usse, mini schwöstr het de au gmeind isch sicher mega tür, dorum häns näbe de kleider au kei prisschild aber wen si doch au vrlobt isch und das ihre traumlade isch mues si doch fast mol go luege hmm dini vrmieter töne wirkli chli komisch
lil.lian: ah jo wen ihre scho zuegseit hesch wägem engagement shooting isch klar. uns isch klar s fest wichtiger, s zivile nur büroarbet aber isch jo schön isch nid allne s gliche wichtig, wär jo langwilig ^^ has jetzt nid ganz vrstande, s grosse fest machet ihr aber dämfall au bim kirchliche? i dänk au dases schön isch d grosseltere drbi zha, wenn meh se no het. unseri wo mir no hän sin leider z alt/chrank zum ko, susch wäre si sicher au drbi! jo gang doch mol vrbi dört wenns grad idr nöchi isch! schade kas sicher nid ;)
Lil.lian: Was heit de dir jetz fürne Fotografin? Mir si drum ouno uf de Suechi Wägem Chleid würdi o eifach mau alüte u frage. Hesch de es Modell wo dir würd gfaue?
Bibbi77 Danke fell mol för de Apero-Tip. Ich ben jetzt no uf de Apero-Partyservice vo Hochdorf gstosse. Ha vo det jetzt mol en Offerte becho ond doch mues säge, das wär also au no öpis Jo ich be vo Beromünster
Nala 05 Muesch de verzelle wies gsi esch im Dolce Vita. Ich ben au mega gspannt und freu mi scho riesig. Mer gfalle hald ganz bsonders d Ladybird-Chleider, also eifach vom Stil her, chönti mer so öpis vorstelle. Aber felecht gsehds de weder ganz andersch us weni mol eis aha. Ich loh mi mol öberrasche.. Ich wett secher es Scholterfreis, Tüll gfallt mer ned so, eher schlicht, ned zwiit usgstellt onde.
@nala Oh wie schööööööön. Ha grad Hüehnerhuut becho woni s Bild agluegt ha Traumhaft!! Ich han ebe immer gfunde, hürate am Valentinstag (oder suscht a spezielle Datum 1.1.11 usw) sig voll doof und klischeehaft. Und denn hani promt de Atrag a some Tag becho und findes jetzt au mega romantisch denn z hürate. haha :D
@Abbygale Ich han au es Ladybird! Liiiiiebes! Ha vo Afang a gwüsst dases so eis wird :D Bisch scho go Chleider aprobiere?
Nala05 Ja es isch würkli es traumhafts Bild.. Voll schön!! Oder vilicht muenis so säge, mier zellts s'Datum vom zivile. Ich wöt umbedingt adem Tag hürate.. (Eigendli hämer au überleit a eusem 10-jährige s'Fäscht z'mache, isch eifach doof gsi wills en Dunnstig isch und bi ihm het d'Schwöster nöd chöne, sie häd irgend e obligatorischi Wuche vo de PH.) Mier händ den scho s'Fäscht und die chirchlichi Hürat. Und uf das froimi au extrem.. Aber ich finde bi de zivile Trauuig isch mer ja den verhüratet.. Weisch wie ich meine?
Claudilein Ja ich han au dänkt, dass i mal alüte und fräge.. Machi wenni diheime bin :)
Abbygale Gasch nöd in Lade in Beromünster? De isch ja au no bekannt..
@taeboyana hetnes sicher guet entschide füre metzter nid nur daser eh fasch vor ort isch u de ou de bezug hesch sonder wöuer ou chli individueller isch. i schaffe jo scho imene migros sprich i de huus kondi weni hät chöne häti äuä s appero vo ihne gno wensi gueti kondtione gmacht hätte, fein isch jo das ganze zügs scho aber chasch bi jedem appero ane u es get öppe immer glich us:)
@lilian nei has wyckis in beromünster gmeint gha has ou doof gfunge hanis scho müese hei näh!! aber am gg sis mami isch de scho stouz gsi si darf schos 2te chleid hüete
@nala hei üs no für keis diräkt entschide aber i gloube de haut glich dases im momänt eher s hotäu wirt si aber im momänt mues zersch mau d wiehnachte düre mues no de troumfänger füre göttibueb fertig mache :) u ferie hani leider ou no es zitli ned bi eh ke winter mönsch :) aber i kw 18 göimer de go campe äuä is tessin eifach go si:)
u schüsch het am gg sis gotti grad üsi wuche chrützfahrt für nach em hochzit buechet :) hoffe mir wäri de ni meerchrank mir göi ned alleini sprich gg s eutere sis gotti sis grosi vo 92 ( vllig chrützfahrt begeisteret) chöme aui mit si de ou mit de kabine witer e wäg vo ihne :) aber schüsch heimers immer guet mit ihne
so mues mau witer bastle dasi de aues no fertig wirt aber öbbis hani glich no guets :) i ha sit bau 10johr wider einisch amene 24.12 frei so de hammer hei üs entschlosse damer grad is sole uno gö chli go erholä...
@claudilein! Jo klar! Ich lüte grad mol a.. aber ebe gsehs vom platz her imfall ächt nedso mit so vil lüt es isch ganz es chlises cafée und mir wettet doch dänn au alli zäme sitze dänki oder? :) ojee das dönt jo ächt nach enere horrorstory vo dere arme brut! :( gottsei dank hani im montana absolut kei angst, dass das passiere chönt will die jo bekannt sind för de tolli service !! ooh schön sind öichi news so guet acho hihi :) jo fändi au komisch – do mir im grosse rahme hürotet wird das wohl bi öis ned passiere hamer drum no gar nie gedanke gmacht?
@munggi: merci wäg de info wägem fondue chinoise schiff! Mir händs eh müesse verschiebe und gönd jetzt wohl erst im februar aber defür ufs fajitas schiff ;)
@sue: danke för de link! :) han uf etsy no paar härzigi gseh (duesi nacher ahänke) und bin rächt unsicher obi jetzt wissi bez. ivory söl näh oder chli öbis farbigs i öisne farbe?? De pris isch hammer!!! Jo bin ächt froh öber öisi entscheidig mit de flittis nach de prüefige! Gärn bini offe för tipps in thailand! :) mir chönd leider nur 2 wuche goh – meinsch isch ned z’churz? Danke hihi stuttgart isch ächt super gsi – schribe unde no chli öbis dezue unter me ;) hey cool wägem coiffeur / kosmetiker – muesch dänn brichte! :) hehe jo würkli witzig wäg mim termin dasses grad dänn isch :p oje cha dir sooo guet nofühle s’goht mir jo gnau glich!!! Aber häsch hoffentli au chli fröi öber d’festtäg?
@lamariee: oh würd öichi iladig au gärn gseh :) chasch mini au gseh wänndmer dini mailadrässe per PN schicksch :) (goht ebe ned zum ufelade wils es pdf isch..
@malinchen: jo du häsch sicher rächt und vorallem muessmer au mitem lere wider inecho! Mini letscht schuel isch i de lehr gsi vor 10 johr :p jo wär ächt mega wänn das klappe wörd ;)
@lil.lian: hehe gäl witzig wägem probetermin, dass de grad uf de 1. Fallt :p danke de christchindlimärt isch ächt super gsi häd öis guet doh :) hey cool händer öichi fotografin demfall jetzt gfunde!! :) schad häsch dis chleid nonig gfunde.. aber hey defür wenn du di dänn mol entscheidisch, wersch mega sicher si wersch gseh :p und ned das duremache wo ich dure mache mit immer wider: hets ächt doch no es schöners chleid gha? :p hehe verstoh di guet wägem zivile ;) au wenn för mi au klar s fest wichtiger isch – mir hürotet jo au a öisem 5. Jubiläum und das findi scho au rächt speziell :) und genau das datum isch jo dänn au öberall erwähnt und so.. mini super kollegin wo grafikerin isch duet jo au fötele und häd scho öisi iladigsföteli gmacht! Si wird dänn cho fötelie am zivile :)
@littlefoot: wer isch nomol de verastalter wo du am verzelle devo bisch? Hey das dönt doch super wägem nichtraucherbuech! =) hoffe du chasches durezieh! =) mis mami häd bi öis 3 chind au immer während de schwangerschaft & stillzyt ufghört und dänn wider agfange obwohl si scho so lang wet höre.. das wär ev. es praktischs wiehnachtsgschänk för mis mami hehe si lest sogar gärn :p würdsches empfehle demfall ? :) häsch vil graucht?? Dönt cool wäg dere shabby chic trueh! :) mir gfallt de style ebe au mega!! Bin gspannt uf mol es föteli :)
@nala: mega d’frächheit hey hasse so „proforma-guetschine“ mega!!! Nei wäg de flitterwoche hämer jo no fast es johr zyt wird drum no es zitli goh bismer buechet dänki ;) aber immerhin wössemer jetzt mol wenn ;) danke stuttgart isch würkli hammer gsi :) im dolce vita isch d’bedienig imfall chli besser als im domino hani gfunde! Bin gspannt wasd dänn verzellsch! Und jöö ächt härzig wäg dim GG :) hehe häsch du guet gmacht, dassd din GG chli igspannt häsch ;))) oooh da schloss ebenrain gseht jo mega toll us!! =) schad hani das ned früener gseh sust wär das au en option för mi gsi du :p aber guet du seisch isch jo eh nur 1x im monet möglich und dänn sicher ned grad no a dem samstig wo mir hürotet :p aber gseht hammer us!!
@squishy: danke hihi stuttgart isch super gsi :) jo voll dänn sind d’flitterwoche so en richtigi belohnig nacher du seisches! Hey cool händer d’iladige jetzt becho =))) hm misch natürli müehsam das mit de eltere vom GG.. drum hani so druf pochet, dassi die näme för die „astandsiladige“ wieni si so schön nenne au no bechume, damit mir ebe au chli förigi chärtli händ wilmer weiss jo nie ! han i de witerbildig z.bsp. eini kenneglert woni uh guet mag und woni ev. no werde förs apéro ilade! För so fäll hetti dänn no förigi chärtlis… aber han au lang brucht bisi ändli all näme und adrässe gha han! Aber am weekend sötets cho und fröimi au scho mega – mini kollegin macht no d’etikette & druckt d’herzli us sprich hani dänn alles und am sonntig chan s’bastle los goh ;)
@snicki: hihi mir händ beides :p ich weiss er isch rächt tüür aber ich han immer unbedingt es video welle woni dänn mol mine chind und enkelchind zeige chan wili finde mer chan die momänte imene video nomol schöner festhalte… jo das isch ebe leider so – er isch immer so usbuecht dasser eifach det mitgoht bit de 1. Videoreportage wo buecht wird also foto & video – han mir no überleit mir das schwarz uf wiss z’gäh, dasser dänn au würkli persönlich chunt! Jo ich weiss welles du meinsch das lange gäl? :) isch scho schön, aber mir persönlich bitzeli z’kitschig – han lieber die romantischeri art :/ aber will mini kollegin jo grafikerin isch, cha si öis dänn sicher günstiger öbis mache und au günstier bstelle bi ihrem drucker drum lömer das loh si.. muesch mir dänn bscheid gäh wie s’engagement shooting gsi isch nimmt mi wunder! :) jo wär halt scho au mega, wännmer mol länger wäg chönt aber bim job vo mim GG isch das leider ned möglich unbezahlt z’näh :( und förigs gäld hämer jo dänn nachem hochzyt wohl au ned :p aber cool gönder vilicht uf australie!! Muess dini lieder dihäi mol in rueh lose im gschäft chani leider ned ;) ich bin das gsi mit de homepage ;))
@malinchen: cool häsch widermol es entspannts weeeknd gha! :) bin alsoa u froh gsi isch de prüefigsstress verbi gsi :p ihr findet sicher no die richtige ringe! :) mir wänd au afangs johr mol go luege wäg de ringe..
@janedore: ächt ned mol meh 2 mönet uiuiu :p wenn isch s’datum scho wider?? Bi öis gohts no 3,5 mönet bis zum standesamtliche :p hehe jöö schön häd öiches shoppingtüürli dis schwöschterhärzli wider ufgstellt ;) das nützt doch eifach immer :p uiuiui krass wägem pfarrer :( so bättemer doch gott dasser wider ufwacht unds ihm gli besser goht!
@bibi: hahaha das isch jo witig wäg dere andrea! Die isch jo ächt voll beliebt hey muess jo super si! :) aber so geil, dass si gfrogt häd: ah bisch du au vom forum haha :p eigentli söt si öich avo prozänt gäh :p
@taeboyana: hey dönt super wäg dem caterer! Go for it! :))) und wägem safari dönt doch au mega! Vorallem so schön abentürlich, das blibt dir doch dänn mega lang! :)
@munggi: ooh so schön is sole uno am 24. :) ich han defür am 24. au no en termin abgmacht und zwar goni mol go usprobiere wie so en wimpereverlängerig a mir usgseht hehe :p hans eh welle förs hochzyt aber jetzt luegi mol wies wird und wennsmer gfallt ziehnis grad dure mit immer go uffölle bis im sommer :)
@WM: a öisem hochzytsdatum isch dänn glaub viertelfinal :p und mir händ jo alli mögliche nationalitäte debi hoffe also schwär, dass dänn ned die einte de ganz zyt am handy chläbet! :p aber hauptsach italie spilt ned sust isch de obig glaub gloffe :p
@brutträff: fraue was machemer? Söli i dem kafi reserviere woni gseit han oder wänner öbis wänd ässe dänn empfehli d’spaghi det häds en saal hinde und händs grossi langi tische?
@me: danke hey ich han würkli es hammer weekend gha in stuttgart :) häd öis mega guet toh chli zyt för öis z’ha :) am samstig händmer no d’band troffe in Stuttgart will die jo vo det sind und hey s’häd öis nur no meh vo öisere wahl öberzügt – si sind soo sympathischi und mir fröiet öis meega, dass si öises fest werdet berichere mit ihrere tolle musig ächt ganz gueti type! :) si händ öis dänn au no mega d’stuttgarter insidernews gäh und öis gseit, dass 10 km vo stuttgart in esslinge no vil de schöner wiehnachtsmärt sig – en mittelaltermarkt isch ächt cool gsi händs gnosse :) und en super maisonette wohnig hani buecht zmitzt i de stadt öber airbnb – scho en gueti sach :) uuuund wüsset ihr was? :p ich han mir in stuttgart ganz spontan mis chleid för s’standesamtliche hochzyt kauft! :p s’häd mi grad so aglächlet han gfunde wieso ned mol drischlüpfe :p und dänn häds mir mega gfalle d’farb und alles und mi GG häds au mega schön gfunde :) s’häd öbis griechischs findi :p hänkes öich a und bin gspannt uf d’meinige – s’blau isch rächt vil chräftiger als ufem foti und de schwarzi BH müender öich natürli wägdänke :p s’häd nur 220 EUR kostet sprich wenni no es anders würd gseh chönntis immerno mim schwöschterli witervererbe förs hochzyt oder so ;)
So ich wünsche öich en schöne fürobe und die wo au im endspurt sind no 2 gueti täg bis zo de ferieeeee :)))))
Anmelden
. 
aber wen si doch au vrlobt isch und das ihre traumlade isch mues si doch fast mol go luege 
