| Bräute 2014 |
|
|
1 .. 274 .. 546 547 548 549 550 .. 774 .. 997
|
|
|
|
|
|
|
|
|
|
|
19.12.13 17:49
squishy-fishynicht registriert
|
Re: Bräute 2014
Guuuätä Abiig mitenand,
Herrlich hüt fanget mini Ferii aah  Aber irgendwiä isch es no unfassbar, Semester isch scho wiider verbii und s'nächst Semester wiird denn au scho s'leste sii. Bwoaah, echt unvorstellbar 
Lillian: Suuper gratuliärä zur Fotografin! So toll, dass es klappt hesch. So wiä du gschriibä hesch, wiird da siicher wunderbar werde! Het sii eh Homepage?
Mir hend am Zivile keiin Fotograf. Aber ehrilch gsaiit, hend miir uns do drüber no niiä Gedanke gmacht.  Föteli wäret jo scho schön, aber ob meh defür extra nomol en Fotograf astellt?
Muäsch dii also gad no chlii gedulde mitem Engagement-Shooting. I stells mir aber gad kuul vor, so au chlii im Schnee!
Zum Glück giits de Zorro no aah ganz viiel anderne Täg. Irgendwenn wiirsch denn dradenke. Wer weiss, viellicht wär denn genau eh unfründlichi Verkäuferin am Telefon gsii 
Bibi: Ha gad müässä go luägä, was Stampin' up isch. I ha da gar nöd kennt und ii muä zuägäh, bii grad nöd drus choh? I würds eiifach usprobiere. So sind mir au uf unseri Kärtli choh 
Dä hammer, dass d'Andrea scho vermuetet, dass d'Forum-Brüüt alütet Diie het nechst Jahr echt high-season. 
Taeboyana: woow, ii muä sägä, das Agebot tönd fantastisch vom Aperocaterer! Schön hend iihr das chönä abhöcklä! Meega kuul hend eui Fründe gad dii gliiche Plän. Meh seiit doch, je mehr desto lustiger! Und dass diä Tante so eh Lodge het, perfekt! Es tönt traumhaft! I finds au schön, hend iihr denn gliich no Ziit für eu! Wie iisch s'Esse gsii mit dä noiie Buude? Hesch dii driigfunde?
Janedoe: Mit em Lagerhuus het alles tip top klappet Dä Bsiitzer isch so en flotte und nimmt siich viiel Ziit für uns und cha uns voll vo siiner Erfahrige verzelle. Mir möget ihn voll
Oooh, ii cha diiner Schwester so guät nofühle. I ha tagelang no schlechti Luune gha, wo mii GG uf Australie gangä isch. Nixx het mii chönä ufheitere. Schön hesch du diir chönä Ziit neh und für sii dooh sii! Aber dä Monet wird schwups-di-wups umä sii. Werum got denn er au gad zu Wiähnachte?
Ojeeh, ii wünschä diim Pfarrer guäti Besserig und dass er wiider verwache darf!
I muä sägä, ha chlii gstutzt, wo vo dä Lehrtochter verzellt hesch. I frag jetzt grad unsensibel und ii darf das, will ii jo doch selber so jung bin, wiä alt isch sii?
Nala: I weiss zwar nöd wiiso, aber dä Zoro isch ii miim Internet-Verlauf gspaiicheret Aber leiider han ii nöd meh Erfahrige. So was ii jetzt gseh ha, gsehts würkli toll us. Würdi umbedingt go güggsle!
Principessa: Woow, ii find diis Kleiid wunderschön und meega festlich. Un dä günstig Priis würd ii dem jetzt nöd gäh. Find iich jetzt persönlich es suuper Kleiid zum zivil hürote. Perfekt! Suuper
Eui Band tönt also genial! So schön hends eu gad au chlii guäti Stuttgart-Tipps chönä gäh!
Littlefoot: Bii dä Eltere vom GG isch so, dass s'Esse am Abiig und Bluämä übernehmet. Da hends scho bii dä Brüädärä so gmacht und wönd uns da natürli au schenke. Aber Schenke würd jo bedüte, es hänget keii Bedingige dra
Sue: Woow, gratuliiärä diim Brüäder und siiner Zuäkünftig. Wird demfall bald dini zuäkünftig Schwägerin mit uns schriibe?
Dä Film zeiigt würkli schön, was meh für es Bild über siich het und wiä anderi eiim gsehnt. I bewundere dä Zeichner, echt krass wa de anebringt!
Me: Danke für all diiä liiäbä Wort, wo iihr für miich gfunde hend. I finds schön, verstönd iihr miich. I denke mir oft, was ii het chönä anderst machä. Jetzt hends aber diä 10 und söllets demit machä was wönd. Es isch ja keiin Weltuntergang und bii 250 Lüüt am Apéro chan ii jo chum mit allnä rede, also weiss ii jo scho mit wem nöd 
I muä aber würkli sägä, sii wönd immer s'best für uns und gebet uns so viiel. Sii meiinets guät und wönd uns helfe. Es iisch eiifach so, dass ii d'Sachä liieber allai miit miim GG machä. I nimm aah, dass isch es Brautzilla-Azeiiche
Am Sunntig isch es sowiit. Dii erste Kärtli werdet verteiilt. I freue mii so! Denn gots los! Denn wiirds ernst und denn chömet hoffentli positivi Rückmeldige!
Wünschä eu allnä en schönä Fiirabig und guäti Erholig für no dä läscht Arbeitstag vor Wiähnachte!
|
|
|
|
19.12.13 18:20
malinchen 
|
Re: Bräute 2014
Ui das isch ja mega ruhig da! Sit dir ou aui im Vorwiehnachtsstress?
@Lilian: Cool, gratuliere zur Fotografin!  Schön heit dir öper gfunge wo dir äs guets Gfüehl drbi heit...
@bibi: hihi, so luschtig! Wär cool wenns würd klappe mit dr Andrea! Drücke dir d Düme...
@Taeboyana: Ah dä BH gseht würklech ou no cool us... Merci fürä Link! Villecht bsteui mir dä ou mal no für süsch. Ha no viel Schulterfreii Tops oder Chleider woni dä chönnt drzue trage u isch ja würklech günstig! Mitem anderä warti mal no bis mis Chleid de da isch und lueges gloub de gad mit ihne a was am bestä wär...
Mega cool wägem Apéro! Isch sicher super wenn dirs mit denä chöit mache wo scho so viel Erfahrig hei det. Aber verstah di wägä dä Bilder, hihi...
D Idee wägä de Flittis findi ou super! Afrika isch sicher meeeega cool, u wenn dir sogar no Connections heit, ischs ja perfekt... Ha ou scho vo paarne ghört es sig troumhaft!
@jane: oh mega doof wägä dr Verwaltig!!! Aber gits nid nöime sone Frist u we die abgloffe isch darf me d Schäde/Mängel sälber behäbä? I ha gmeint wemäs het gmäudet ud Verwaltig nid innert derä bestimmte Zyt reagiert darf mes säuber flicke...? Ha aber kei Ahnig wie lang das isch... 
Schön dass dir sone coole Shopingtag heit gha! Shoppä macht eifach scho glücklech, dänkes ou immer wieder... Aber isch sicher no hert für dini Schwo, i möcht mi GG also ou gad nid härgäh im Moment. Anderersits ischs nie eifach, wenn einä längeri Zyt wäg geit... 
Oooh, i hoffe ou ganz fest dass öie Pfarrer wieder gsund wird!
@nala: hihi, dr zoro wär ou mit Notfallplan gsi wenn i ir Region Bern nüt hätt gfunde... Gseht scho meeega cool us. Aber wies priislech isch weisi ou nid... 
Heit dir scho öpis ghört vode Charte? Mir hei sie gschribe, dass sie ä EORI-Nr. bruche... Ha när gantwortet dass so viel ig weis nur Gschäfter sone Nr. bruche (ha die ömu no nie brucht weni Chleider oder so ha bstellt!?) und dass sies doch süsch statt mit däm Lieferdienst per Post söue schicke... Jetz hani wieder nüt meh ghört!
Wow, das Schloss gseht würklech troumhaft us. So wirds sicher glich speziell öies Zivile. Es längt ja ou, wenns für öich speziell isch! Müesst ja glich nid es mega tamtam drum mache...
@principessa: WOW, das Chleid isch meeega schön! Gseht hammer us a dir!!!  Und wägä dr Band tönt ja ou perfekt... Da hets sich glohnt dass dir so lang gsuecht heit...
I bi ou Fan vo airbnb, mir bueche nur no über das wenns geit. Git soooo cooli Apartments...
@sue: oh jö, di Brüetsch isch ja mega härzig!!! So cool, de chöit dir när gmeinsam übers hürate plöiderlä... Ds Video isch mega cool wode hesch postet! Het mi ou mega berüehrt. Scho krass wie me sich wahrschinlech ganz anders wahrnimmt als anderi eim gseh.
@me: I ha hüt üse Christboum gschmückt und no Wiehnachtsgschänkli fertig bastlet... Bi mega im Wiehnachtsfieber und inzwüsche irgendwie voll entspannt. Hochzytstechnisch louft nid so viel im Moment. Mir hei üs mit Reisefüehrer ideckt wöu mir ja jetz wüsse wos härä geit und jetz si mir det immer chli am schnöigge...
Häbet alli ä schönä Abä!!!
|
|
|
|
19.12.13 20:53
Taeboyana
|
Re: Bräute 2014
Hüt isch ja extrem ruhig da inne, si äch aui scho ide Ferie oder no am Gschänkli sueche ?
@Principessa: Hey tolls Chleid, isch de super hesch grad eis gfunge! Mir gfaue die assymetrische mit eim Treger ou sehr guet. Ha ou settegi Hochzitschleider aprobiert gha, aber ds Neckholder het glich gwunne . Ig ga am 30. Dez. mit mine TZ uf Suechi und mir hoffe de uf gueti Schnäppli im Usverchouf Ig ha äbe e viu zgnaui Vorstellig für mis am zivile... i wett unbedingt es rots. I ha soooo gärn rot und ou süsch viu anne, und i wett eher es churzes (da het GG Freud ). Aber bi vori mau uf Zalando chli ga luege und es het eigentlech no viu schöni. Mau luege, süsch bsteui de eifach mau es paar .
@Janedoe: Ui nei, tuet mer leid wäg euem Pfarrer! hoffe fescht, dass är wieder gsund wird und euch cha troue. Schön, hesch e guete Shoppingnami mit dire Schwoscht gha. Das gloubi, dass das sie gad hert het! Und du muesch die Zit no chli "gniesse" wo'd nur 50% darfsch schaffe.
@malinchen: Ja ig ha mir äbe ou gseit, dass ig dä BH so oder so o für angeri tregerlosi Chleidli oder Tops guet chönnt bruche. Und er macht e super Form, nid so dass när obe öpis usequillt
@Sue: Und, het er dr Atrag gmacht??? Isch ja härzig dass är di no het gfragt! Was hesch ihm de grate *gwunder* ?
Nei ig ha sit dtr letschte Impfig ke Blaseentzündig und nüt meh gha, aber die letschti isch ou ersch 3 Wuche här. Hoffe fescht, dasses ahäbt, aber ha irgendwie es sehr guets Gfüu und es dünkt mi scho, dasses viu meh ma verliede. Bi gspannt! Drfür hani eifach süsch geng mau wieder es Zieh i mire operierte Niere... isch nid schlimm, aber o nid würklech so guet. Weiss nid obs vor Cheuti isch oder was, hoffe aber dasses mau no besser wird und i de o ganz Rueh ha.
@Ziviler: Mir bedütet das eigentlech o viu weniger und es geit meh um ds Formelle, aber irgendwie freui mi jetz glich mega druf... Weni mer überlege, dass i ab denn si Nachname ha und offiziell ghürate bi... Mir heis bewusst ou nid auzu nach vorem chirchleche wöue. Wärde aber ou nid es riese Tamtam mache, das liegt schlicht nid im Budget. Mir wüsse o no nid gnau, ob mir üsi Gschwüschterti ou ilade oder nur Eutere und TZ... Und ob nume es grössers Apéro oder ga ässe mit aune... schwierig. Aber zersch müesse mir itz mau gnau usefinde, was für Dokumänt mir aus müesse uftriebe für das Ehevorbereitigsgspräch und wenn as mer dert chöi alütte. Mir hürate zivil z Murte ufem Schloss.
@me: danke euch aune für die positive Rückmäudige wägem Apéro, i gloub es isch würklech die richtigi Wahl. Ig ha eifach no so chli Bedänke, dasses de zweni speziell isch wüu es si haut eifach verschiedeni Plattene, Fruchtspiessli, Gmüesdips, versch. Brot etc. u nid weiss nid was für ussergwöhnlechi Kreatione. Aber sie maches sicher schön und i ha de o gfunge, mir mache scho am Abe es türs, exklusivs Ässe, de mues ds Apéro ja nid no weiss nid was Speziells si...?
D Idee vode Flittis find ig je lenger je besser . Wär sicher öpis ganz Speziells und Abentürlechs GG söu de a Wiehnachte mau sis Mami usquetsche (u süsch mach igs haha) und de sötte mer de öpe mau o üsi Ferie igäh. Bi mir isches i dere Hinsicht zwar extrem easy, cha öpe Ferie näh weni wott
Üses Wiehnachtsässe isch sehr schön gsi. Haut riesig mit öpe 200 Lüt... Und d Bundesrätin Leuthard persönlech het no e Asprach ghaute Danke, ig hami afa sehr guet igläbt und es gfaut mer guet. Darf viu für mi ganz neui Sache mache, wo aber u fäge. So wies usgseht, geits de im neue Jahr angers ab und es stöh rächt viu grossi und wichtigi Sache a, aber i freue mi uf no chli meh Action und bi denn aube eh am produktivste. Es wird ämu sicher nid längwilig!
I wünsche aune wo morn no dr letscht Tag schaffe viu Energie und Vorfreud uf d Ferie und dene wo müesse schaffe über d Festtag trotz auem gnue Zit und Erholig für chli Besinnlechkeit und e schöni Zit mit eune Liebste. I mues ide nächste Tage d Cupcakes-Produktion awärfe Hoffe die wärde öpis.
|
|
|
|
|
|
20.12.13 10:08
lil.lian
|
Re: Bräute 2014
Squishy-fishy
Viiill Spass bim Chärtli verteile.. :) Wierd sicher super. Mier verteilet au no de grossi Rest vo eusne StD-Härzli. Und die wo den immer no förig blibet dömer den no verschicke..
Taeboyana
Ich finde das mit em Apero mit de verschiedene Platte, Dips, Gmüessache und Fruchtsache!! Ich finds amigs lässig, wenns nöd nur beleiti Brötli hät, sondern au no chli Gmües und Frücht :)
Das mit de Impfig dönt würkli vielversprechend, aber s'vermehrte Zieh ide Niere isch ja gar nöd guet.. Häsch den das scho mal gha?
Sue87
Ah soo härzig mit em Ring.. Es isch ebe scho schön wemer en Ring bechunt, wemer nüt weiss..
Han ja au eine becho :) meh händ en dänn abr no müese go apasse gah, will er zgross gsi isch.. Abr d'Überraschig isch es Wert!!
Ja das mit em Dütsch lerne bini dinere Meinig!! Vorallem will um sie häts ja Lüt wo Dütsch reded. Wenn beid vo England chämted, beid imene Gschäft schaffed wo nur Englisch gredet wierd und sie alles englischi Kollege händ, ischs no eher verständlich, werums nöd Dütsch lerned. Abr au dänn findis unvollstellbar, du wohnsch ime Land und verstahsch die Sprach gar nöd.
Me
Ich schaff au nu no bis hüt Mittag :) Juuuhuuuuuiiiiii :)
Und ich lüt hüt Namitag allne a. Muen no zweine Restaurants alüte zum reserviere und den lüti sicher im Zoro a und vilicht au i no noimets anders.. Volls Programm :)
|
|
|
|
|
|
|
|
1 .. 274 .. 546 547 548 549 550 .. 774 .. 997
|
Anmelden
