@Güeterstang: hm... isches nid so, as wenn me nix "bsunderigs" het, aso zB keine vo bedne isch säbständig, bed verdiene öpe glich, keine muess noime no Alimente oder so zahle etc, as de dr ordenlich Güeterstang am meischte Sinn macht? GG het mir mau gseit, wie ärs am liebschte wett ha und das wo är wott isch eh alles im ordentlich Güeterstang abdeckt und mir isch das oh rächt, de bruche mr kei Vertrag und nix.

@kennelerne und zäme cho: isch eigentlich unromantisch, hei üs über gmeinsami Kollege kenneglernt, üs aber am Afang gägesitig "komisch" und "närvig" gfunge aber mängisch tüscht dr erscht Idruck halt und ufzmau (aso nachemne Johr odr meh ) hets de glich gfunkt. Si jetzt bau 8 Johr zäme, hei aso üses "verflixtr 7te Johr" scho hingernis

Ich denke ihr hend recht am bestä ein Rot Wyy and wiis Wyy und Mineral, für Chind no softdrinks/sirup/milch und vielech de Rest sälber zahle.

Mir hend ez no es günstigers Restaurant, wo mir au in betracht zogä händ so halbwegs agfrögt und nur scho s'Email vo ihne het mich recht begeisteret. Sie würdet sogar de Apéro vor de Chile mache. Hammer.

Es isch natürli nö ganz mis Traum Resti, mit See/Berge blick, defür isches mega nöch (im nächste Dorf) und grundsätzlich en guete Landgasthof. Nur scho s'Züri Gschnetzlete isch 10.- weniger

Mir chöntets sogar provisorisch reserviere. De hammer.

Aso wieder zrug ins training... bis bald

Woow hani jo grad chli öbis verpasst die letschte täg! :p

squishy-fishy: härzlich willkomme! :) cha di beruihige - mir sind au sitem november verlobt und händ userts s'buget & gästeliste no nüt gmacht! jetzt sindmer am datum & location sueche :) also schön eis nachem andere ;)

biber: au dir härzlich willkomme! :)

thema familieplanig: öise wunsch wärs scho dänn gli nachem hürote mol schwanger z'werde :) <3 wänns nach dem würd goh hettemer scho das johr ghürotet wil mir beidi scho en rächt grosse chinderwunsch händ und es ziitli ischs mir sogar rächt schlächt gange mitem babythema wil de wunsch eifach scho lang soo gross isch.. aber bin sicher die negste 1.5 johr die flüget mega schnäll verbi & dänn chas losgoh :) wet aber dänn au d'verhüetig absetze & no chli natürlich verhüete um die hormone chli usezschaffe.. mir hettet scho i öisere letschte 4.5 zimmer wohnig gnueg platz gha & jetzt die nöi au extra wider so gwählt, wilmer dänn ned wider zügle wänd :) also bi mir hanget s'thema hürote & chind scho sehr zäme obwohli gar keis problem han mit uneheliche chind (bin jo sälber eis..) aber mir gohts meh ume name, dass dänn alli glich heisset & so und ebe vilicht wil bi mir alles so unplant gsi isch & sich mini eltere au gli trennt händ ischs mir wichtig quasi wie es schösn näschtli & en gueti basis z'boue bevor mir dänn chind händ und mit de hochzyt isch natürli scho en grosse schritt gmacht :)

morelia: verstoh di mega guet.. grad vo de eltere erwartet mer do natürli chli meh verständnis & fiingfühl.. aber finde au das müend ihr für öich gspüre wänn de richtig zytpunkt cho isch & ich persönlich finde au dassmer sich do gneug früeh gedanke drübert mache döf & chli plane mit wohnig / job etc. - hetti kei chinderwunsch würdi nämli ev. au mol job wächsle aber weiss dassi do en super möglichkeit hetti teilzyt z'schaffe & de job wär immerno abwächsligsrich & churze arbeitswäg eifach so als bispil s'isch sicher gsund sich die gedanke z'mache - los uf dis härzli! ;))

Iladige: mir werdet d’Iladige glaub öbe es Johr vorher verschicke so häd sicher no niemer Ferie plant..

Kleinefeder: drück dir fest de dume, dass din schatz au no s’hochzytsfieber packt :) (im rahme vo de männer halt hehe für de räschte sind mir jo do ;))

Malinchen: hey mega cool bisch so kreativ! =) ich wärs eigentli au aber d’zyt fähltmer chli & momentan au d’idee aber findi hammer machsch vil sälber isch dänn voll originell & eimalig! :)
Wägem güeterstand: mir wänd kei ehevertrag.. mir verdienet beidi ned extrem vil oder wenig händ keis grosses vermöge oder so finde das lohnt sich eher wänn öber ebe topverdiener isch oder mega vermöge häd dänn verstohnis oder natürli bi sälbständigkeit…

Budget allg: ich glaube do gohts extrem usenand – glaube de grösti chostepunkt isch s’ässe & de wii obd im resti essisch bankett oder eifach es buffet oder obd es catering losch loh cho! Und dänn natürli wievil lüt am obig werdet debi si! Und do mir rächt vil werdet si (öbe 160-180 am apéro und 100 am obig) wird’s scho is gäld goh. Aber mer hürotet jo schliesslich (hoffentlich!!!) nur 1x oder? ;)

No en anderi Frog zum Thema TZ: Ladet ihr die plus Tätschmeister au i für d’Übernachtig im Hotel? So als Dankeschön für d’Unterstützig fändis ebe scho no agmässe oder? & d’Eltere au oder wie gsehnd ihr das? Nimmt mi eifach so wunder will je nach Location muesch das dänn au iberechne im Budget…

Und dänn nomol en frog sorry gäl hehe han chli nochholbedarf: gits usser mir i dere gruppe no öber wo ned chirchlich hürotet sondern en frei trauuig macht?

So jetzt hani öich wider gnueg zuetextet & wünsche öich no en schöne nomitag / obig :)

@ehevertag: aso mir händ das Thema besproche, und da mir jetzt, nöd viel verdienet und keis grosses ersparnis händ wämmer au kein ehevertag.

@frei trauuig: also mir hüratet zwar ide Chile, aber d'Zeremonie, wämmer dases KOllegä vo ois machet, und würed mir au gern uf Englisch, ha, aber das gsehnd mir den no. Es wird uf jedefall nöd traditionell

@kännelerne: ich bin bi uni-kollegä iiglade gsii zumne Spiilabig, mit zNacht, und ich bin den det acho, id Stuubä glofe wo alli gsi sind, und min GG isch scho am Spaghetti ässä gsi ufem Sofa, und het mich gseh, und mir (anschiinend) wellä go Hoi säge und sich vorstellä. Er het jedoch siin Täller voll Spaghetti ufde Bode gstellt, isch ufgstande, und mit sim Fuess in Spaghetti Täller trampet. Det han ich ihn s'erst Mal so 'richtig' gseh und känneglernt. Ihm isches natürli mega peinlich gsi, und het sich den erst am Schluss vom Abig richtig bi mir vorgstellt

Ich hans eifach super gfunde, und er het uf jedefall en grossä Iidruck hinderlah

@squishy-fishy: yay, ois isch z'chirchliche au wichtiger, aber mir gfallt s'englische halt scho viel besser, und wet lieber das nö oisi Pfarrer/in sondern vom Kollege Chreis wo au en uusblidig hend das machet. z'Englische isch halt mega viel sälber redä und nö nu am schluss so es 'Ja' mal luege ob das klappet.

Aso ich denke nö das es frech isch, wenn d'TZ das müssten selber zahle, vorallem wenns d'möglichkeit hend hei zgah. (Ich persönlich wür eh lieber wellä hei gah.) Bi ois wird's wahrschinlich nö vil andersch sii. Mir händ zwar es (für ois mega) gross züügigs Budget, aber das isch inkl. Flitterwuche, und mir wend ja nö ganz alles wellä müsse usgeh.

Also, au ich wünsche allne e super gueti Nacht :)

Zuletzt bearbeitet am 23.01.13 22:32

squishy-fishy: Nei, wenn d müglechkeit besteit au hei z gah findis kes problem, wenn sies sälber müesstä zahlä. Sie wüssä ja ou wie öies budget isch, nimeni a. De verstöh sies sicher ou.

jö, si würklech mega viu cooli kennälern-stories! =D

Trauuig: Ja, üs beidnä isch die kirchlichi trauuig und ds fescht ou wichtiger. ds zivilä isch sonä bürokratische akt, scho numä das isch schreklech (abgseh vom gebäude wo ds standesamt da ds bern drinnä isch, das isch no schlimmer). Mir hei beschlossä das mir genau eis jahr vorem "richtigä" Fescht ds zivilä wöi machä, de hei mir nur eis Datum. Mir heis üs so vorgstellt: Härär gah, unterschribä, mit TZ ga ässä und ev. no i Usgang - fertig. Jetz hani das geschter mirä Mam verzeut und sie so: eh weisch, villecht gits ja de da glich ono es fescht. Schliesslech isch ja ds Zivilä das wo eigetlech zeut. *grml* I mues aunä klar machä dasi keni überraschigä wot...