Ig has ou so schön wiä äuä di meiste vo üs u bi miner Feriä am gniesse
@lil.lian: u de het dini Coiffeuse fröid gha dass sä gad hesch buechet? 
@malinchen: wow gratuliere dim GG zu dire tolle Bevörderig  fasch chli es Vorwiähnachtsgschänk 
@Sue: u de wiä isch gsi am Wiähnachtsmärit? Isch di öper usem Forum cho bsueche? ;-)
@: Pricana: tönt super mit eune Ringe  u eues Menu tönt ou sehr fein 
@Teaboyana : ou ganz cool mit Venedig .-) isch ä mega schöni Stadt, chöit näch fröiie 
@janedoe: oh je Jane, tuet mr mega leid wäg euem Pfarrer… Ig hoffe dir finget ä angeri gueti Lösig wo euch beidne passt… Und wow mega tolls Vorwiähnachtsgschänk  dr Ring gseht mega schön us 
@me; mir hei am Weekend ändlech üsi Chärtli no fertig bastlet und Couverts agschribe… (ömu afa diä wichtigste). Iz tüämr de diä erste morn Abe bi mire Family verteile u de am 25. bi GGs Familie fröiie mi u bi gspannt uf dReaktione… Und mir hei ou ändlech üsi Homepage fertig Im Ahang es Biudli vo üsne Couverts ;-) u wär lust het dIladige zluege und dHomepage, däm schicki gärn ä PN….
@all: iz wünschi euch aune ganz ä schöni Wiähnachte, diä letzti „unverhürateti“ ;-) ömu für diä meiste hiä…
Na wie gohts öich so 1 tag vor wiehnachte? :) händer alli gschänkli zäme? :)
@squishy: danke vilmol :) finde s’chleid au schön – has hüt grad nomol agha mit emene BH ohni träger und s’passt wörkli super :) und wie isch s’chärtli verteile agloffe? :) ich bin jetzt au voll dra öber d’festtäg! ;) ööö gseht aber sicher geil us es pinks band ! =) stelli mir super vor und wiss und pink passt jo eh super!! =)
@malinchen: jöö danke vilmol!! Jo isch ächt super wäg de band bin froh häd mi GG die gfunde! =) gäl airbnb isch hammer? =) han sogar en traumvilla gfunde in luzärn wo zwar ned günstig isch aber enere traumlag – wo mini kollege jetzt wahrschindli öbernachtet nachem hochzyt hihi :) dönt doch super mit dim wiehnachtsfeeling :) ich han gester au no alli gschänkli ipackt und bin jetzt au ready – wiehnachte chan cho ;) wooow das sind doch hammer news wäg dim GG! =)) geil hey gratuliere!! =) und natürli super so vorem hochzyt hihi =)
@taeboyana: daanke vilmol! :) oh jo klar – usverchauf isch natürli au en super idee!! =) oh rot isch sicher au geil! =) mir machets glaub mit de brutjungfere chleider so.. eifach mol bstelle uf zalando oder jjl house etc. :) heey mega cool hehe das agebot hani au gseh uf deindeal! :) so geil hey han au scho immer mol uf venedig welle :)
@sue: heey und wie isch de märtstand gsi? =))) heey cool danke vilmol för die super tipps wäg thailand du bisch super! =) lueges i dene täg mol mitem GG gnauer a =))
@pricana: heeey so schön wäg de ringe! =) sind ächt ganz schöni! =) Und wägem saal sich jo au super hey und dasser no es super probeässe gha händ wo erst no günstiger gsi isch – das sind doch super news! =) mir gönd wahrschindli au ad hochzytsmäss in ZH :)
@janedore: ajooo stimmt jo valentinstag ich huehn! :p uiuiui ächt scho bald!! :)))) jöö danke vilmol förs liebe komplimänt :) has grad hüt nomol agha und mol s’passt glaub wörkli guet zo mir :) oh nei duetmer mega leid wägem pfarrer :( aber das dönt doch nachere guete idee mitem pfarrer wo di GG guet kennt! Woow so en schöne ring! :) chameren mega guet vorstelle! Hihi so schön :) en art verlobigsring oder eifach so uf d’wiehnachte? :) jööö härzig :)
@lamarie: oh cool sinder au am iladige verteile hihi :) gseht cool us öichi couverts! =) ich würd öichi homepage au gärn gseh! =))
@me: öisi iladige sind fertig juhuuuu! =) han gester gschlagni 6 stund härzli usgschnitte!!! Boah isch mer das öbis gsi hey…. Blödi flögeli bi de härzli ächt :p aber defür sinds super worde findi und s’bändeli passt perfekt zum couvert – duen öich es foti ahänke :) jetzt chömer ade wiehnachte allne verwandte d’iladige bereits id hand drücke :) hüt hani fangs 2 kolleginne gseh – einersits mini trauzügin und en anderi kollegin – mini trauzügin häd natürli mega fröid gha und händ lang öber s’HZ gret und si fröit sich so mega härzig =))) sind momentan am probiere es chleid z’finde för si und d’brutjungfere was gar ned so eifach isch, wel jedi wider anderi problemzone häd :p die eint isch rächt chli und het drum gärn es chürzers chleid die andere 2 findet lang schöner und festlicher ok hämer öis uf lang geiniget – die eint isch bitz fester und muess drum eh chli luege und die 3. Mag ihri ärm ned und het drum gärn ärmeli.. HIILFE :p aber fndet schon o s’passende ;) de andere kollegin hani dänn au d’iladig id hand drückt und si wär au en obiggast gsi und dänn seit si: jo danke vilmol aber ich chan imfall leider ned cho.. ich bin dänn z’ibiza.. (si goht all johr mind. 1x) aber hey sorry han s’datum sooo früeh kommuniziert ! bin also scho chli enttüscht.. aber jo jetzt halt… glaube s’isch eher will si mit es paar vo mine ängere kolleginne chli krach becho häd.. tja so gits wenigstens keis gstörm! heey öisi homepage isch ängli fertig hihi juhuuu =))) boah isch mer das öbis gsi!! wers interessiert döfmers säge dem schicki de link & s’passwort :) bin gspannt uf öichi meinige!! =)
Jetzt no zode bad news: hand öis gester mit de theologian (bekannti vo GG sim mami) troffe und es isch en riiise katastrophe gsi! ächt ich säge öich! So öbis unfröndlichs, mürrisches, unsympathischs isch mir also au no nie öbere wäg gloffe!! Mir händ jo ned gnau gwösst wie si usgseht und händ öis imene kafi z’basel veribart und sind pünktlich (10 min vorher) det gsi (was för mi GG ächt hammer isch will er sust niiiie pünktlich isch :p) wo si dänn zum veribarte zytpunkt nonig ume gsi isch (si sig extrem pünktlich häd sis mami gseit mir sölet also uuunbeiding pünktlich si..) do si sälber keis handy häd (elteri frau halt) hämer sim mami aglütet und nomol gfrogt wie si gnau usgsechi und so – händ si aber nienents gseh - also hämer mol platz gno und avo öbis trinke und es gipfeli ässe.. dänn plötzli luegi mol hindere und gseh amene tischli (mit de zitig gäge d’wand) en älteri dame wo immer so gnärvt uf d’uhr luegt! Dänn sägi mim GG: du chönt si das ächt ned si?? er: neeei eh ned meinsch? Ich: jo frog doch lieber mol? Ischer gange und promt isch sis gsi! voll usgflippt! Ohni gross hallo z’säge ob mir dänn ned gseh heiget dass si scho do sigi? Si warti sigi sit am 10ni am warte (händ am halbi 11i abgmacht..) und si heig ned de ganz tag zyt und so.. uiuiui schwirige start gsi.. dänn isch si zo öis ghocket – d’hand häd si mir ned gäh woni si usgstreckt han.. mi GG häd si 2x gfrogt ob si öbis weli trinke häd si aber verneint.. dänn häd si losgleit: also wie stellet ihr öich das vor? Und imene ton hey ich säge öich!!! Und ich so: jo eh ich heig nonig alles minütiös dureplant aber gwüssnigi vorstellige die hani dänn au güsseret und zo allem häd si öbis uszsetze gha hey so müehsam gsi es isch ächt gar ned gange.. s’einzige was toll gsi wär isch de pris – si hettis för 300.- gmacht .. aber sorry loh mir doch ned öisi trauig vermise vo so öberem nur will si günstig isch!!! nei ächt mir händ scho bevor mer si gseh händ komischerwis beidi es schlächts buchgfühl gha und nacher erst rächt.. zum glück sindmer öis grad einig gsi dass das nüt wird.. jetzt müendmer witerluege uns sind öis bewusst, dassmer halt meh gäld id hand müend näh als plant / budgetiert aber das isches öis wert – immerhin isch d’trauiig öbsi vom wichtigste.. also för die wo au en frei zeremonie händ – bin wider offe för infos / news – wer isches scho wider gsi wo au en frei trauig häd?
@jane: ooh, das duet mir mega Leid wägä öiem Pfarrer! Schaad dasses nid hät sölle si... I hoffe, dass das klappet mit däm anderä Pfarrer wo di GG kennt! Das wär sicher ou mega schön!
@Lilian: und wie ischs gsi bi dr Coiffeuse? Het sie sich gfröit dass du sie buechet hesch?
@LaMariee: ou cool heit dir öii Chärtli fertig!!! Ig würd gärn gwunderä...
@principessa: omg, das geit ja würklech gaaaar nid wie sich die Frou het verhalte!!! Das isch ja schrecklech, dass so öper überhoupt freii Trouige macht?! Schaad dass das nüt wird, wär ja würklech super gsi wenn das klappt hät no wägä dr Sprach u so... Aber so wird das natürlich nüt! I chas ächt fasch nid gloube, so schlimm!!! Für so öpis muesmä doch ä positive Mönsch si, wär wott sich vo somnä Grumu-monster lah troue? I cha dir leider kei Tips gäh... Wobii, dr Ma vonerä Fründin het ou scho Trouige gmacht. Die si inerä Freichille und det het er sone Usbildig gmacht zum Prediger. Aber i weis halt nid ob er das ou usserhalb vo derä Freichille würd mache... Und Italienisch cha er ou nid... Ah nei ächt es cools Airbnb Apartment in Luzern? Mir hei gester gad es Hotel gsuecht für in Luzern z übernachte, mir hei mit minerä Bestä und mim GG sim bestä Kolleg abgmacht für ad Fasnacht z cho... Muesi dämfall ou gad schnäll ga luegä.
@me: Oh mann, i bi mängisch sone vollhorst!!! I ha gester dänkt i luege mal chli, wie viel mir ca. müessä rächne für sone VW-Bus, zum mal chli luege wie viel mir de villecht sälber no müessä biistüre... När hani uf Ricardo einä gseh! I sägä öich er wär perfekt und mir chönntä ne üs sogar ou so leiste. Es mega Schnäppli und ds bestä isch no, dass mir die kennä wo ne verchoufe... Has eifach so per Zuefall gseh... Jetz wüsse mir natürlech nid was mir sölle - zueschlah oder eifach warte bis nachem HZ?! Mir müesstä üs süsch es anders Gschänk überlegä, chöi üs ja nid Gäld wünsche für öpis wo mir scho hei... Sones doofs Dilemma!
So, jetz muesi no chli schäfferlä bzw. so due als ob und am Mittag hani de ou ändlech Ferie! I wünsche öich allne wunderschöni, fiirlechi, gmüetlechi Festtäg voller Liebi und fröie mi scho wahnsinnig mit öich uf ds 2014!!!!
@laprincipessa: wägde Chleider für dini TZ und Bridesmade... wiä wärs de we si auii es Chleid ir gliche Farb aber nid ir gliche Form würde näh? fingi das gseht ou no schön us u so cha jede ar Figur entsprächend es Chleid uswähle... und wäg Theologin, wow das isch ja de gar nid toll so öper... ä Theologin stellli mir eigch sympatisch u nätt vor... u so Sache wiä nid mau aständig grüesse das geit gar nid.... diä würdi trotz äm Priis ou nid näh... hoffe dir finget gli öper Angers...
@malinchen: hadr ä PN gmacht auso ig finge bi so Glägeheite muessme doch eifach gad zuäpacke oder nid? auso mi dünkts... schüsch sitdr nächs när speter greuig... müesstet dr de no öpis mache ä däm Busli? de chöntet dr näch ja villech für das Gäud wünsche?! oder für zBenzin, Usflüg, Ässe u so Sache woder de ungerwägs bruchet mitem Busli... ig fröiie mi ou wahnsinnig uf z2014
Sue: Und bisch am Fritig nid fascht igfrore? Auso mir hei sooo chaut gha, da steueni mers für öich no viiieu chäuter vor. Isch abr ächt luschtig gsi, enang mau live kennezlerne. Ig bi auso scho uf z Brutträffe gspannt. Wird sicher luschtig! Und het di Brüeder dr Atrag gmacht? Isch ja mega härzig, dass er di um Rat gfraget het! Das Video hani o scho gseh gha. Isch recht erstuunlich, wie angers mer sech säubr gseht. Ha mi de ouscho gfraget, wie MI ächt angeri gseh
Squishy: Und wie si d Chärtli acho? s hei sichr aui fescht Fröid gha!
Malinchen: Gratuliere dim GG natürli o zur Beförderig! WOW mit eso jung grad eso chönne Karriere mache, da chasch auso sehr stouz si, so ne Maa dörfe z hürate! U das mitem Budget isch natürlich super! Auso ig würd das Bösli o jetz choufe. Es cha ja si, dass dr bis zum Hochzit keis eso passends meh findet. U denn wirsch di immer drab ärgere. D Idee mitem Benzin-Gäud u usstattig (Choch-Sache etc.) findeni ouno guet. S git ja de suscht no Sache, wo dr für d Reis wärdet bruche!
Pricana: öii Ring si ja würkli mega schön! Und öies Menü tönt mega fein. Mmmh schön heiter so es guets Gfüeuh. Das isch doch scho mau vieu Wärt. U wenns de no so fein isch, de isch das ja super! Mir göh o ad Hochziitsmäss uf Züri! Bi ja scho sehr gspannt, wases dert aues zum bestuune u Idee sammle git! Wäge de Fotografin chasch ja suscht a de Hochziitsmäss no luege, dert hets ja o es paar!
Taeboyana: ooh cool wäge Venedig! Uf deindeal hani ouscho es paar tolli Schnäppli chönne mache!
lil.lian: Cool chasch is Zoro gah luege! Muesch de unbedingt brichte!!! Wo sit de dir gah boarde? Hets überhoupt nöimets gnueg Schnee?
Jandoe: Oh WOW de Ring isch ja würkli mega schön. glitzeret sicher uh fescht! Chunnsch du o a z Brutträffe? Denn chöimer ja de Ring in echt bestuune Tuet mer o leid wäge öiem Pfarrer. Abr wenn das mit em Bekannte vo dim GG würd klappe, denn wär doch das e gueti Vrbindig vo ihm u dir, nid?
LaMariee: Auso bi öich passt ja scho aues perfekt zäme! De chläber findeni ja no grad z i-Tüpfelchen Ig wett auso o sehr gärn no d Iladige u d Homepage luege. Bi auso grad es bitz niedisch, heit dir so tolli Idee u so e gueti Umsetzig. Da chöimer sichr no es bitzeli abluege
laprincipessa: öii Iladige si würkli sehr schön usecho! WOW 6 Stung härzli usschniede? Ig hätt scho vieu früecher kei Luscht meh gha! Abr d Müeh het sech würkli glohnt! Das mit de verschiedene Arte vo Chleider, abr aui usem gliche Stoff mit de gliche Farb, findeni imfau o e sehr schöni Idee! De cha jedi eis useläse, wo ihre am beschte passt u es passe trotzdem aui perfekt zäme! So Variante gits imfau für vieu Brutjungfere-Chleider. Hani im Internet scho es paar mau gseh! U de würd sech sichr jedi Wouh füehle! Ig möcht d Homepage o gärn gseh Auso die Theologin isch ja echt recht komisch gsi. Wenn dr scho vorher es schlächts Buuchgfüeuh gha heit u sech das jetz bestätigt het, denn würdi auso o es paar Franke meh i d Hang näh, drfür e tolli Trouig ha! Warum isch de die eso grimmig drufe?
Me: Am Samschtig darfi is Chez Janine wägemne Chleid gah luege. Bi auso scho es bitzi närvös. uiuiui Suscht machemer grad nideso vieu für z Hochziit. Mi GG sött no a sinere Bachelorarbeit schriebe. Är isch abr grad mega unmotiviert u ig wett ne nid no mit Hochziitsvorbereitige i Beschlag näh, suscht heter no e wiiteri "Usred" warum er grad nid cha dranne schaffe... Mir hei am Wucheändi grad es "Vorhochziitsgschänk" becho! Mini Eutere hei üs gseit, dass sie üs e rächte Batze zur Hochziit schänke, womer abr scho jetze de dörfte ha, faus mers grad für z Hochziit würde bruche. Mir chöis abr o für öpis angers näh. Das het üs natürlich o grad chli erliechteret. Da passt de z einte odr z angere grad no chli meh inne
Ja es isch würkli z letschte Wiehnachtsfescht ledig (auso für die meischte). Auso ouno es speziells Gfüeuh, findeni!
huhu! ich bi sooo schribfuul gsi die letschte däg und susch au z beschäftigt mit wiehnachtszüg! aber ha immer mitgläse und ez schribi au widr
@abbygale: im dolce vita ischs suer gsi, ich vrzell aber den i mim egopost drvo! :)
@janedoe: hihi ich find ebe so spezielli date no cool mir hätte unser zivils am liebste au am 14.07.14 ka, aber das isch e mändig un de hän irgendwie all standesämter zue oh jeee das duet mir mega leid wäge eurem pfarrer! hoff är het friedlich dörfe goh.. das mit em pfarrer vo dim gg findi e gueti idee/alternative. so hets au widr für euch e bedütig! WOW so e schöne ring hesch en as verlobigsring oder eifach so übrko? mega härzig vo dim gg!
@munggi: viil spass im soleuno.. obwohl du liggsch wohrschinli grad jetzt im rote-meer bad *auchwill* s isch jo scho de 24.12. hihi
@laprincipessa: ich has im dolcevita au besser as im domino gfunde, aber ebe meh dezue i mim egopost jo leider hän si nur eimol im monet e termin im schloss ebenrain. i bi ebe frienr immer mitem zug dört vrbi gfahre und ha mol e hochzyt gseh am fötele.. sit däm sagi immer dört muesi mol hürote brutträff.. mir hän doch en bruttträff thread, d claudilein het dört gschribe si het scho reserviert ah ez hani grad gläse das si dir das au scho gantwortet het wooow dis kleid gfallt mir sehr guet! seht mega schön us, wirklich wie e griechischi göttin euri iladige sehn de toll us! mitem pdf wie dus gschickt hesch, hanis mir nid so guet könne vorstelle, aber jetzt so findi si wirklig mega schön! hmmpf isch de doof wäg däre theologin! goht jo gar nit so öbis! mir mache e freii trauuig, i suech nochär mol no die ganze links und schicks dr per pn.
@littlefoot: oh je hoff di stress isch scho ume und du kasch d festdäg chli gniesse!
@sue: jööö so härzig vo dim brueder! und was isch use ko? kriegsch gli e änglische schwögerin (wo den hoffentli au mol ahfoht dütsch lerne ;o) )? wie isch dr nachtmärt gsi? das video vo dove hani au scho mol gseh, has au mega idrücklich gfunde! würdi irgendwie au gärn mol mache, würd mi no wunder näh!
@lil.lian: toll hesch en termin im zoro! hän si dämfall au so kleider im stil wie du suesch? hoff aso ganz fest das dismol DIS chleid drbi isch! wie ischs gsi bi de coiffeuse??
@squishy: und wie laufts mitem vrteile? wie sind rückmäldige?? bi jo gspannt! in zoro bruchi jetzt ümi go wär jo au gar nit i minere region, bi aso scho no froh.. aber ebe siehe egopost :) bi gspannt wie's pinke band usseht! ka mir vorstelle dases perfekt zu dir und em kleid passe wird!
@malinchen: mir hän am fritig d kartene überko.. alles tiptop glofe, ha au nie es mail oder öbis wie du übrko.. hets jetzt klappt? ohh ich würd au am liebste go reiseführer poste und afoh schneugge, mach das au sooo gärn! vorfreud isch halt scho die schönsti freud gratulier dim gg no zur beförderig! hm i glaub i wär jetzt au die wo de bus grad näh würd wenns doch so e hammeragebot isch. i würd de au so wies lamariee scho vorgschlage het sache für uf d reis wünsche.. oder evtl e nochträglichi beteiligung..??
@taeboyana: ich find das apero tönt ämel super! s mues jo nid immer mega exklusiv si! si git jo wie du scho gseit hesch nochär es super ässe. aso i würd mir wäge däm keini sorge mache so schön gfallts dir so guet i dim job! isch doch toll wenn meh im job gfordert isch und s eim spass macht! lauft d cupcakes-produktion? dä venedig deal hani au gseh ka ;) so e tolls geburi gschänk!
@pricana: isch jo einiges gloffe bi euch: euri ring gfalle mir au guet und wen si für euch perfekt sin, sin si jo au perfekt.. hihi wie das tönt! au susch, tol was ihr alles i däre stressige vorwiehnachtszyt hz-technisch gmacht hän! de saal isch de schön… mir gön and marinatal z basel im februar.. oh schön wie isch s christmas tattoo gsi? wäri au gärn gange z basel, het aber kei gueti plätz meh
@snicki: au dir schöni festtäg! jäää nägst joor wird unser joor!
@lamariee: ich hät gärn e pn d kuvert sehn uf jedefall scho viilvrsprächend us!
@claudilein: oh so schön vo dine eltere.. mega härzig au das sis jetzt scho gäbe das ihrs scho bruche könnet! bi gspannt ob du DIS chleid am samtig findsch!
am samstig bini jo mit mine 2 tz's in dolcevita z lörrach! scho wo ich inne ko bi bini mega fründlig empfange worde! wil die andere zwei no schnäll zum beck hän miesse, bini zerst ellei gsi. d beroterin het scho gfrogt "nei si sin aber nid elle odr?" hihi de het si gmeind ah jo mir warte dämfall, und het mir de e kaffi brocht.. den sin mini zwei ladies mol ko, au si hän zerst e kaffi übrko und de simer go d kleider use sueche. hän soviil dörfe wähle wie mir hän welle (i de ander bruutgschäfter isch das jo nid so gsi). s gschäft isch uf 2 stöck, im EG isch scho öper a dr aprob gsi, und obwohl s dört no e witeri kabine ka hätti, simer in UG das mir de ganz stock für uns ka hän und au chli meh unseri rueh. den hani s erste kleid aprobiert.. und ha mi grad vrliebt. es isch so schön gsi.. mini tz's und d beroterin häns au mega gfunde.. ha den no öpe 6 witeri kleider ah ka, het au paar seeeehr schöni drunter ka. ha de am schluss 3 favorite ka. ha den nomol s erste aglegt und no schueh wo mir gseh hän drzue agleggt und ha mi so im spiegel betrachtet. mini tz's hän hinter mir de ganz zyt gseit wie schön sis finde usw. ha gar nüm richtig glost ka. ha mi de irgendwen umdreit und gseit: so ich ha mis kleid! und si jooo voll es isch sooo schön, s passt eifach am beste zu mir und isch schlicht, jugendlich und trotzdäm elegant! hihi und es macht es mega schöns dekolte und kaschiert genau richtig! juhuiii i ha mi kleid! kas immer noni ganz glaube! mir hän de öpe 20 föteli gmacht hihi und die super tolli beroterin isch den no go vrschiedene schmuck hole, wil mir scho gwerweisst hän was drzue könnt passe. si het den so langi ohring brocht und mir grad alli: jä genau die sins! hihi mini tz het de grad gseit, die kauf ich dir! jööh has so schön gfunde! hän de no agstosse und susch chli gluegt, während alles ufgschribe worde isch. und wil wiehnachte isch hämir no so wichtelsäckli dörfe näh und ich ha e 80euro guetschiin für accessoires din ka es het eifach alles gstume a däm dag. ich ka de dolcevita nume witrempfähle! d berotig isch sooo lieb und au kompetänt gsi, si het ihri ehrlichi meinig zu de kleider abgäh und isch mega uf alles igange wo mir gseit hän! si isch au kei biz ufdringlich gsi oder het irgendwie zytdruck oder suscht druck gmacht. ha au grad no e stück stoff i dr richtige farb übrko plus e 10% guetschiin für mi gg wen är de azug au dört kaufe will. eifach nur super toll gsi
ich schick euch nochär föteli vom kleid per pn.. wäri vrgiss mues sich eifach mälde!
ha den mini schwöster drnoch hei gfahre und mir hän den s foti mim papi zeigt und mim mami gschickt, ihne hets au guet gfalle mi papi het mir de am samstig zobe aglüte und vrkündet das är mirs kleid zahle wil, är het äxtra gluegt wieviils kostet und übrwiist mir de betrag. ha das zwar nid welle, aber är het gseit nei, ich sig sini ältesti tocher und das will är jetzt eifach sooo härzig, ha das nämli übrhaupt nid welle no erwartet. mi gg het mir de gschribe är feut sich das ich mis prinzässinekleid ha. ha de gfrogt vo wo är wüsse wot was für e kleid i ha, är het de gmeind wil ich a däm dag e prinzässin bi und logischerwiis hani de au e prinzässinekleid
und suscht.. am fritig sin unseri pocketfolds ko, das heisst mir könne afoh uns gedanke mache wie mir genau d iladige wän gstalte! juhui! den het mi gg uf deindeal es apero agebot gseh und grad buecht fürs zivile. findi grad cool isch das au greglet, jetzt mues är nurno übrlege wie und wo mir de apero nachem standesamt mache wän.
de het e kollegin vom gg geschter vrkündet das si im septämber au hürote de ka ich mi jo mit ihre chli ustusche
sodeli das wärs! i wünsch euch allne schöni und gmietligi wiehnachte! hoff ihr könnet alli d festdäg gniesse und euch entspannt uf unser joor vorbereite ganz liebi griessli nala
@lil.lian Und, wie hed d Coiffeusin reagiert? Wo lönd iher d’Torte mache und wie sind dini Vorstellige?
@LaMariee Hender scho e Huufe Reaktione uf d’Iladige? Hend sich sicher alli uh mega gfreut Ich würd mega gern d Iladige aluege. D HP heschmer ja scho mal geh..
@principessa En Verlobigsring hani vo ihm ja bereits bim Atrag übercho. Aber ich denke er weiss, daser dett nöd 100% min Gschmack troffe hed. Ich bin a de Ring anegloffe und ha gseit, de gfalli mier sooo guet. Und denn hed er ne mier gschenkt und gmeint, de chönni ja nach de Hochziit denn aphalte uf de andere Siite Suuper wege de Iladige. Gsehnd mega schön us! Haha wie du das schriibsch wege de TZ und Bruutjungfere. Ha grad müesse lache. Hoffe iher wärded fündig Iiiiiiich möcht d HP sehr sehr gern aluege bitte! Ui nei, das mit de Theologin isch ja recht struub. Die tönt wirkli extrem unsympathisch. Da würdi aso ned ufs Gäld luege… Das tued mer mega leid!
@malinchen Ich würd zueschlah bim Bus! Wie dMariee scho seit, bi Glegäheite muessmer eifach zueschlah. De Bus müender ja de sowieso ha… Oder… da ihr die wo de Bus verkaufed ja kenned, wäreds vielleicht so grosszügig, das sie eu de Bus nachem Hochziit verkaufed? Hender eui Wünsch denn scho kommuniziert?
@Claudilein Ich chume au as Bruuttreffe, ja, denn chönder de Ring sicher gern aluege zProblem mit dem Pfarrer wo GG sich wünscht isch ebe, das er vo Düsseldorf müesst da anecho und mier naürli 1. die ganze Chöschte müesstet träge und er 2. wahrschinli am Sunntig d’Sunntigsmäss i sinere Chile d’Dütschland wett halte und mier suscht das au no finanziell träge müessted und das liit wahrschinli absolut ned im Budget. Aber mier nehmed de das nach Neujahr in Agriff. Bi meega gspannt was du denn verzellsch vom Bruutchleid porbiere Wow es mega cools Gschenk! Gratuliere. Isch cool wenn sich s Budget so chli entspannt.
@nala Han scho zum Atrag en Verlobigsring becho. Leider isch das ned so 100% min Gschmack. Obwohl ichs nie gseit ha, heds min GG natürli scho gwüsst und willer jetzt bi dem Ring soooo sicher gsi isch, das ich en wird liebe heder mier de gschenkt. Nid als Verlobigsring aber als en Art ‚Ersatz‘ will er hed denn vorgschlage, das ich denn de nach de Hochziit söll aphalte Dis Chleid staht dier sooooo soooo guet, gratuliere zu dem Chauf! Und das mit de Accessoires isch ja de Hammer. Passt ja grad sChleid au no spendiert. Perfekt, so härzig vo dim Papi!! Und din GG isch ja au mega härzig. Jöööh
@me Mier sind hochziitstechnisch immerno voll fuuuuul. Aber isch nid so tragisch. Hend eus vorgno, nach Neujahr s’Thema Pfarrer in Agriff zneh. Über Wiehnachte ischs glaub normal, dass ned so viel lauft.
Hender schöni Wiehnachte gah? Bi eus isches eifach nume traumhaft harmonisch und besinnlich gsi. Han es super tolls Gschenk becho: Mini Schwöschter hed mier es chlises Schächteli gschenkt mit gaaaanz viel WC Papier Fötzeli dinne und es paar Papierschnätzel woni ha müesse zemesetze. Denn hani das usegsuecht und usecho isch es Bild miteme London Bus wo druf staht ‚why not visit London?‘ Ha mi soooo extrem gfreut und denn seit sie so ‚ach übrigens, übermorn flügemer und ich han dasmal sogar es Hotel mitbuecht‘ Ich säg eu, ich has nöd chönne glaube. Bim letschte Mal womer z London gsi sind, hed sie vergässe s Hotel zbueche und denn isches es riiiiese Tamtam gsi Mier hend ursprünglich welle bueche zwüschet Wiehnachte und Neujahr aber denn hani eifach gmerkt, das ich mier das nöd cha leischte mit de Hochziit nebebii… Und denn schenkt die mier das eifach. Ich bin voll ufgwüehlt gsi Und denn am GG sis Gschenk: Es Portemonnaie woni mier scho uh lang wünsche vo Fossil. Wonis ha welle iruume (natürli grad direkt 3 sekunde nachem uspacke :P) sind doch tatsächlich 400 Pfund zum shoppe dinne!!! Hahahaha
Also drum Mädels, bis nächst Wuche!! Wünsch eu en gueti Ziit und en guete Rutsch is neue Jahr Freue mi riesig, no ganz viel mit eu zschriibe nächst Jahr..
Anmelden
fröiie mi u bi gspannt uf dReaktione… 
Schaad dasses nid hät sölle si... I hoffe, dass das klappet mit däm anderä Pfarrer wo di GG kennt! Das wär sicher ou mega schön!
Das isch ja schrecklech, dass so öper überhoupt freii Trouige macht?! Schaad dass das nüt wird, wär ja würklech super gsi wenn das klappt hät no wägä dr Sprach u so... Aber so wird das natürlich nüt! I chas ächt fasch nid gloube, so schlimm!!! Für so öpis muesmä doch ä positive Mönsch si, wär wott sich vo somnä Grumu-monster lah troue? I cha dir leider kei Tips gäh... 
Wobii, dr Ma vonerä Fründin het ou scho Trouige gmacht. Die si inerä Freichille und det het er sone Usbildig gmacht zum Prediger. Aber i weis halt nid ob er das ou usserhalb vo derä Freichille würd mache... 
Und Italienisch cha er ou nid... 
Muesi dämfall ou gad schnäll ga luegä. 
Auso ig würd das Bösli o jetz choufe. Es cha ja si, dass dr bis zum Hochzit keis eso passends meh findet. U denn wirsch di immer drab ärgere. D Idee mitem Benzin-Gäud u usstattig (Choch-Sache etc.) findeni ouno guet. S git ja de suscht no Sache, wo dr für d Reis wärdet bruche! 
hoff är het friedlich dörfe goh..