Hallo zäme liebi Brütlis

i hoffe dir heit schön gfyret oder fyret no schön!!!
wünsche euch wunderschöni Festtäg mit öine liebe!!

Squishy
Ja si het YES gseit...und i hoffe dass si würkli mau ize de dütsch lernt...wäri schön;O)
isch würkli bi englisch mängisch z problem dass me praktisch überall demit dürechunnt aber findes
mängisch nid ganz fair wüll mir üs ner alli sötte umstelle für ei person...

Taeboyana
ou so cool venedig!! det wete mi GG und i ou gern mau häre das tönt doch super! hesch scho e Flug gfunde??

Abbygale
mir nähme wiisi orchidee! hei ou so farbtheme wiis/gold/silber! bi gspannt wie dirs de machet
und wasmer de so orchideeigs finde;O)

Janedoe
jaaa bi froh hani ferie;O) mir si da ume aber hei mega viel los und das fägt ou gad ;O)
ou nei das tuetmer de leid megem Pfarrer....das wäri doch ou no e schöni Idee de Pfarrer z neh
wo di GG kennt...
wooooow e mega schön Ring;O);O)

LaMariee
ja mi isch ds Claudilein cho bsueche het mi Meeeeeeeeeeega gfröit;O)
ou i würdi seeeehr gern d Iladige und d Homepage luege;O)

laprincipessa
woooow schöni Karte und die Müeh mitem usschnide het sich also sehr glohnt;O) wie hei d lüt
reagiert ufd Iladige??isch schad meg dere wo Ibiza buechet het...
iiiih und das mit dere Theologin geit ja GAR nid?? nid mal d hand geh und bimne erste gspräch
so unfründlich si de würdi ou lieber witerluege ganz klar!!

Claudilein
mooou ha mega chalt gha und bi de deheime öppe gad e halbstund unter di warmi duschi bisi wider
einigermasse uftout bi;O) het mi mega gfröit bisch verbicho isch mega luschtig gsi und dini eltere
sind auso ou mega sympathisch;O)und du natürlich ou

Nala
i finde dis chleid trooooooooooooumhaft schön......!!! und fröie mi ize gad dopplet ufs Dolcevita
woni ja de ou e Termin ha im Februar;O)
mega härzig vo dire Trouzügin het si dir gad d Ohrering kouft;O)

janedoe
woooow sone härzigi Idee mit london!! gniesses und guets shopping;O) ha vore fründin ou so härzig
es Weekend gschenkt becho mit Massage und alles in Colmar...leider passt ds Datum nid wo si het
buechet wüll i zwüschezit mini TZ mi denn het agfragt fürs Zügle...isch aube no schwirig so
überraschige weme nid gnau weiss um was es geit aber mir finde sicher no es datum;O)

Me
hochzitsmässig isch gad gar nüt gloffe ussert dasi ize de mal e Bali-Reisefüehrer wott bstellt aber mir hei ize ou gad u viel mit Wiehnachte und all dene Bsüech und Fyrtäg und hoffe mir chöme de scho mal no chli dezue öpis HZ-Mässigs z bespreche
ah mou stimmt gar nidam 24te a der Wiehnachte bi mire Famîlie heimer di 4 jöhrigi NIchte ize mit so Bildli und Näme und blüemli druffe agfragt zum bluememeitli si und si het sich meeeega
gröit also heimer ize mit der andere nichte wo ize 2 isch üsi Bluememeitli und ringbringer;O)

Liebi Brütlis

I hoffe dir heit aui schön gfiiret oder sit vielech no dranne? Bi gar nümm drzuecho, euch vorhär schöni Wiehnachte zwünsche...bi chli im Ichoufs- und Backstress gsi aber isch de aus guet usecho. I hänke euch no es Biudli vo mine Cupcakes a. Und no gad eis vo mine Güetzi woni ha verschänkt mit de Ahängerli (uf etsy bsteut und när bestämplet). Si no guet acho.

@Sue: Heiter viu verchouft am Nachtmarkt? Isch de dä eigentlech regumässig oder nur vor Wiehnachte? Jaaaa, ha vori gad no e Flug buechet über easyjet, CHF 220.- für beidi zäme und perfekti Abflugs- und Akunftsszite. Chame nüt säge oder? GG het Freud gha am Gschänk und itz freue mir üs ufnes romantisches Weekend im Februar. Isch ja scho gli... Ig ha de GG drzue no Reisefüehrer für Venedig und ds Piemont (gömer ja Ändi Mai) gschänkt.

@malinchen: I würdi ou säge zueschlah bi däm Bössli, we dirs euch so chlöit leischte. I kenne mi zwar nid so us, aber i dänke auzu oft findet me ja so guet erhauteni VW-Bössli ou nümm ohni es Vermöge z'zahle, oder liegi da fausch? U wenn dir sie wone vrchoufe no kennet, umso besser. I würd wie die angere o vorschlah, nech öpis ad' Usrüschtig z'wünsche, z.B. Campingsässle (hei mir z Oustralie unentbehrlech gfunge ), Gschirr, was o immer. Oder isch das aus o gad scho drbi? Oder z.B. öpis ad Reis, Campingplatz-Gebühre, e Überfahrt mit dr Fähri, es Ässe nöime (cha ja eifach e symbolische Betrag si, we dir no nid gnau wüsst wo und was). Oder Gäud fürne Service / Panne / neui Reife fauses mau nötig wär... Da gäbs sicher no viu.

@Janedoe: Das tönt ja u schön mit eune Fiire und dass du so tolli Gschänkli hesch übercho. Das macht ja richtig Freud. Ig ha e Guetschin für im Esprit becho mitme rächte Betrag und wott de grad ga luege, obi dert auefaus es Chleidli finde fürs Zivile. GG isch immer so härzig, är schänkt mir aube nüt Grosses, drfür ganz viu chlini, u härzigi Sache woners genau ufe Punkt trifft bi mir. Unger Angerem het är mir sones Schlumpf-Hochzitspäärli gschänkt, i has soooo härzig und luschtig gfunge! Das isch ja u schön und grosszügig vo dim GG mitem Ring!

@Nala: Es wahnsinnig troumhaft schöns Chleid hesch gfunge, gratuliere! und so schön, dass dus gschänkt bechunnsch, wow!

Bi üs geits hüt Abe nomau witer mit Ässe bi GGs Papi, gli chame mi roue Itz wotti no chli use a die früschi Luft, bevor mir de gö. Wünsche aune no schöni Ferie, gniessets und erholet nech!

Datei-Anhänge

	Cupcake verkleinert.jpg (24x) Mime-Type: image/pjpeg, 55 kB
	Cupcakes alle verkleinert.jpg (33x) Mime-Type: image/pjpeg, 67 kB
	Cantuccini.jpg (27x) Mime-Type: image/pjpeg, 43 kB

Guete Morge zämme!
Händir alli schöni wiehnachte ka?

@all: Danke für euri liebe Rückmäldige zum kleid het mi sehr gfreut!

@janedoe: sooo e tolls wiehnachtsgschänk, wünsch euch ganz viil spass z london! und mega toll vo dim gg dir no pfund mitzgäh zum go shoppe so gschänk sin doch immer wilkomme
isch jo voll härzig , dass di gg dir no e ring gschänkt het will är gmerkt het das dr vrlobigsring nid ganz dim gschmack entspricht

@sue: jä, kasch di wirkli uf di dag in lörrach freue! du wirsch hoffentlig de au DIS kleid finde
so süess das dini nichte sich gfreut het bluememeitli dörfe zsi! hesch d karte sälbr gmacht oder hesch doch no eini noime gfunde?

@taeboyana: hey dini cupcakes sind de schön

@lil.lian: ui e schöns gschänk, wen göndr de go wellnesse? toll het dini coiffeuse freud ka und hanis richtig vrstande si isch dämfall dini tante und ihri kinder wärde no bluemekind? mega härzig!

@me: hz-mässig isch grad gar nüd gloffe, isch aber au guet so. ich und de gg hän beidi ändi januar priefige, hän de worschinli erst ab februar widr meh zyt fürs hz leider..
so und ez muesi widr „hinter d biecher“ eher hinter de laptop hüt..
wünsch allne e schöns dägli

nicht registriert

Heyy iihr Liiäbä,

Ufzmal iisch Wiähnachte do gsii und ha eu gar nöd schöni Festtäg chönä wünschä Da chunt devoo, wenn d'Wiähnachte scho am 22. Dezember afangt. Phuu, en richtige Marathon isch das da Johr gsii...

Janedoe: Miis Biileiid weg em Pfarrer. Sicher schwierig für alil, so en Verlust und denn gad kurz no vor Wiähnachte. I hoff iihr dörfet no öper andersch fiinde, wo du genau so vertraue chasch!
Dä Ring isch wunderschön, meega viiel Diamäntli mit viiel Bling Bling, I like a lot! So liiäb vo dim GG! Cha guät verstoh, wotsch dä niemeh abziäh!
Wooow, es hammer Gschenkli vo diim Schatz und diiner Schwester! Viiel Vergniägä in London und shoppä guät!

LaMariee: So kuuul eui Couverts mit euem Sujet! Schön hends so froiid gha! Darf iich au en Blick uf eui Homepage werfe?

Laprincipessa: Woow, du hesch echt durchhaltevermöge gha mit dene Herzli usschniide. Vor allem diä Flügel, ii würd d'Kriise schiebe: I find eui gwählte Farbe passet meega zu eune Föteli. Es gseht voll harmonisch us!
Ojeeh, so schaaad chan diiä nöd debii sii. Bii uns giits aber au es paar Kollege wo nöd cho chönt. I denk, da dörf meh eiifach nöd persönlich näh. Ihr hürotet au im Juli, oder? Da isch halt eiifach dä Reiise-Monet. I tuä diiä wo nöd wönd usblende und miich aah dänä froiie wo siich froiiet
Oooh mamma mia. Da tönt wiä eh Hex!! Trauig isch doch wirklich öpis vom wichtigste, sött scho öper halte wo eiim chlii schätzt. Unglaublich diä Frau... Finds schön, het dii GG und du dä gliich Idruck! Leiider chan ii eu gar nöd helfe, ii ha keii Ahnig woher meh so en Zeremonie-Meister herbechunt... Ussert google?

Malinchen: Wooow, nixx da Vollhorst. En riise Glückpilz bisch! So kuul es so eh günstigs VW Büsli! Wenn's passt, denn doch gad zuäschlooh. I denke nämli au, dass so es Agebot oft vorchunt. Ihr hend siicher no anders wo iihr eu wünschä chönt. So chlini Usflüg, Esse und und und...

Sue: So schön, het siich s'Meiitli gfroiit! Gratuliärä zum Bluämämeiitli!

Taeboyana: Woow, lecker gsehnt dini Cupcakes us. I bisse jetzt denn gad in Bildschirm

Me: Jööö, danke für alli Rückfrage. I ha d'Karte meega geern verteiilt. Bii miim GG siiner Family bin ii voll nervös gsii. Hend siich aber all meega froiit und siich bedankt und und und. d'Fründe vo siine Cousine hend siich bsunders gfroiit, diä hend nöd grechnet, dass au darfet cho
Und bii mir dehaii hends alli erwartet. Klar s'Mami het jo au aktiv gholfe bim kärtle
Denn gester sind mir mit em Auto vo Briäfkaste zu Briäfkaste und hends iigworfe (ok nu 20 hend mir so verteiilt) und dä rest uf psot tuä. Jetzt truudlet scho Ameldige inne und Dankens-Whatsapp.
Mir hend so es schön Kompliment bechooh vom Mami vo miine Kinderhüätä-Kinde: "Säg schönstä Kärtli siit Johre, wo's bechooh hend." Also d'Mehrheit isch begeisteret, diä andere findets wiitzig, dass mir uns "dreckig" gmacht hend
Soo jetzt giilts ernst. In 203 Tag wiird ghürote

Bevor Sylvester chunt und iich wiider nöd dezue chum, wünschä iich eu en wunderbare Sylvesterabiig und en guätä Rutsch in unser fantastisches Johr. Ihr glaubes nöd, ii hypere fast

ich grüässä eu alli gaaanz liiäb <3

Guete Morge mitenand

Nala: Dis Chleid isch würkli mega schön! Echt wiene Prinzässin

Sue: Mersi, das mitem Sympathisch-Sii chani nume zrugg gäh! Schön hei dini Bluememeitli zuegseit. Sie füehle sech sichr mega geehrt dörfe debi z si u e "wichtegi" Roue z spiele!

LaMarie: D Homepage u d Iladige si natürlich o wunderschön! WOW da fröie sech sichr aui uf öies Fescht!

Und jetz no mi Egopost:

Am Samschtig bini mit mim Mami u minere Schwöschter uf Bubike is Chez Janine gfahre. Sie hei scho mega früeh vo Burgdorf här müesse abfahre, so lieb, dass sie die Reis uf sech gno hei. Womer acho si, hets scho angeri Brüütlis mit Begleitig dert gha, wo gwartet hei (eini het 8! Begleitige debi gha, isch abr imfau keis Problem gsi, sie heigis scho vorher gseit --> für die wo o mit meh aus 3 Begleitige is Chez Janine wei gah! ).
Mir hei de ä echt sympathischi u ufgsteuti jungi Beraterin übercho. Ig ha ihre de eis Chleid zeigt, woni im Internet scho gseh ha u womer mega guet würd gfaue. Es Chleid vo Sincerity. Ig ha das Chleid äbe scho es paar mau im Internet gseh u bi de mega happy gsi, woni gseh ha, dass sie genau das Chleid o hei! U de sogar no grad i minere Grössi. Auso isch klar gsi, dassi das wirde probiere! Denn simer dür de Lade gloffe u ig ha überau dörfe säge was mir gfaut. Bi de chli überforderet gsi, so vieu schöni Chleider. Mini Schwöschter het sech de fascht nid chönne zrugg bhaute u het bi fascht jedem gseit: das isch mega schön, chasch das probiere? Ihre Gschmack isch abr gottseidank absolut o mine gsi! Mis Mami het de no so es mega Prinzässinechleid usegläse. Auso mit eme riese Rock und so. Schlussament hani 9 Chleider gha zum Probiere. Ig ha de no so Probeschueh becho. Die hei gar nid passt u hei nach es paar Minute weh gmacht. Ig ha denn z erschte Chleid (mi Internet-Favorit) agleit. Mine Begletinne hets mega guet gfaue, abr ig ha nid DAS Gfüeuh gha. Mis Mami het denn so gseit: sie merki, irgendöpis stimmi nid. Denn hani gseit: ja die Schueh, die tüeh so weh, muessi grad wieder abzieh. U de ohni Schueh isch mer vieu wöhler gsi u ig ha mi mega gfüeuht. So schön u z Chleid het ussert obe recht guet passt. Auso isch das scho mau bide Favorite gsi. Denn isches wiiter gange mit probiere, botz e richtige Marathon. Die meischte Chleider si vieu z gross gsi. U obschon sie die so zäme klemmt het, isch mer irgendwie nid eso wouh gsi. Eis het mer ouno mega guet gfaue, das het eso bruni glitzer-Steindli gha obe u hiner abe bruni Chnöpfli. Die Chnöpfli hei abr mega uftreit. Auso ig ha suscht scho es grosses Fudi u es hohls Chrütz u das het de no mau grad e chli meh betont. Mer hätt die Chnöpfli de scho chönne abnäh, abr de Schnitt wär ja trotzdem eso bliebe. Eh ja, das isch abr trotzdem i die engeri Wauh cho. Denn hani mau no z Prinzässine-Chleid agleit. Ig u d Beraterin hei mega müesse lache, wonis agleit ha. Isch vieu z gross gsi u ig ha fascht nid Platz gha ide Kabine, es isch unde so riesig gsi. Bi de use gange u mis Mami: WOW das isch ja mega schön. Es isch scho sehr es schöns Chleid gsi, abr nid für mi. Das het sie de abr genau eso gseh. Ig ha de am Schluss 3 ide engere Wauh gha u ha no mau vo vorne agfange. Denn hani mi "internet-Favorit" agleit u grad wonis ha anne gha u use cho bi, het mini Schwöschter gseit: Das isch absolut z schönste. U ig ha gfunde, die angere muessi nümme probiere, DAS isch mis Chleid

Jetz bini echt mega häppy, dassis gfunde ha u dasses sogar das isch, womer die ganz Ziit im Chopf umegeischteret isch!

Ig tue de aune no grad e PN mache, die woni vrgässe ha, eifach mäude!

Hoi ihr Liebe!

Ich hoffe ihr händ schöni Wiehnachte gfiiret und sind au so vollgfr.. wie ich? :p hoffe ihr händ öich chli chönne erhole öber d’Festtäg oder sind immer no dra ;) mini wiehnachte sind schön aber wie immer au sehr asträngend gsi.. mi GG häd no en magedarmgrippe verwötscht de armi – hoffe er isch bis morn wider fit före silvester!!

Uuh im forum ischs jo ruhig hehe nur 2 site zum noläse – gefällt mir :)

@malinchen: gäl goht sooowas vo gar ned! :p haha grummel-monster so geil :p jo öbe so isch si gsi!! weisch si isch jo scho länger pensioniert und macht das glaub nüme.. und ihri spezialität sind glaub eher beerdigunge gsi! :p passt ächt eher zo ihre leider… schribe unde no meh zo dem thema! Aber hey danke förs öberlegge und mitdänke! =) freichile isch ned soo mis drum dänki eher ned aber merci trotzdem för de tipp!! Hehe das wo mir in luzärn gseh händ isch ebe en meeega villa keis appartment! Mit pool und allem ganz geil! Muesch mind. 2 nächt blibe und s chostet 650.- / nacht aber es isch hammer ächt!! Mal schauen :) es isch soo geil, dassi mir sogar scho öberleit han, ob mir ned gschider det öbernachetet d nacht vorher und öis det parat machet weisch wie geils videomaterial gäbti das? und wie geili fotis?? =))) <3 hehe oje ächt es dilemma.. :p aber hey chaufet ne doch und stellet ne nöimets unter? Muess jo niemer wüsse, dasser ne scho händ! :p also würd das schnäppli ned loh entgoh!!

@lamarie: jo das hämer öis au scho öberleit – ev. laufts ächt uf das use.. danke jo händ am tag druf grad abgseit – so öbis goht ächt gar ned…. jetzt sindmer wider uf de suechi.. :/ oh nei häd dine au magedarmgrippe? Und du bisch bis jetzt verschont worde? Bi mim häds grad nach de wiehnachte agfange.. obwohl mir kei fondue chinoise gässe händ…. :p

@claudilein: danke vilmol! :) händ bis jetzt au würkli nur guets feedback becho – s’stundelange härzli usschnide häd sich also würkli glohnt :p jo das mit de verschidene chleider und em gliche stoff / farb wär vilicht würkli en idee und gsechti vilicht würkli no guet us ;) und sust sägi mim mami si söl avo schniidere hehe :p gärn döfsch d’homepage gseh! Mach dir grad en PN mit adresse & passwort :) hmm glaube die theologin häd vil erläbt (d tochter häd sich glaub s’läbe gno und so aber jo si hetti ächt nur minere schwigermami in spe en gfalle gmacht und das bringts jo ächt au ned… jöö so schön wie du vo dim brutchleidshopping day verzellsch! Fröitmi häsch di trotz bedänke so wohl gfühlt! =) und isch jo hammer, dasses genau das chleid worde isch, wo dir vo vornherein mega gfalle häd !=) es isch ächt mega wunderschön! =) danke förs teile! =)))) häsch du super usgsuecht s’stoht dir mega guet! =) wow und das dönt dänn super mitem vorhochzytsgschänk! =)) hammer! =)

@nala: oooh so schön wie du vo dim chleidchauf verzellsch! =)))) gäl s’dolcevita isch ächt super vo de berotig her! Häsch au die blondi frau gha? Ich han die rächt nätt gfunde! S stoht dir ächt super dis chleid und jöö dass dir din papi s’chleid zahlt isch jo mega süess! Und das wo din GG gseit häd isch jo zuckersüess hihi hammer! =))) fröitmi ächt för di!! öbis sehr schöns und wichtigs wider abghöglet :) wow dönt ächt hammer das schloss!! Weisch a welne date das dänn isch? häsch mi grad glustig gmacht :p wer weiss vilicht chöntmer jo no was mache :p wobi mir händ soo gstörmt bim standesamt basel hehe chöntemer fast ned bringe jetzt :p danke vilmol förs komplimänt – jo s’pdf muessmer verstoh zums sich chönne vorstelle ;) danke vilmol för dini PN! Lueges dänn mit mim GG in rueh no a! merci wägem komplimänt wägem chleid :) has jetzt nomol agleit mit richtigem BH und so und mol findes immerno super werde mi (wohl) nüme umentscheide ;)

@janedore: aah alles klar! Jöö isch aber mega süess häder sich a de ring no chönne erinnere (nedso sälbstverständlich bi manne findi :p) und dir de dänn postet hihi jöö schöns gschänk :) hehe jojo mir werdet scho fündig :p bstellet jetzt dänn wohl mol paar chleider :p klar schick dir au grad no en PN ;) jo nei do luegemer also au ned ufs gäld.. goht ächt gar ned so öbis!!! Wooow das isch jo es mega geils gschänk vo dinere schwöschter hihi de hammer! =) und di GG häd voll mitgmacht und duet s shoppe no finanziere jööö so härzig hihi demfall gnüsses! =) sprich du bisch jetzt wohl scho det hehe ;) hammer ächt so öberraschige und dänn no so spontani sind doch die beste! =))) <3

@sue: wow han jetzt grad dis video mol agluegt wod mol postet häsch ! isch würkli mega berüehrend! Scho krass wiemer sich eifach anderst wohrnimmt als anderi!!! Danke jo händ bis jetzt so vil positivs feedback becho dassi eifach nur happy bin und de ufwand häd sich würkli glohnt :) jööö so härzig mit öichne nichtelis und bluememeitelis :) <3 ich bstelle öisi bluememeitlichleidlis wohl jetzt dänn im januar hihi fröimi scho ! =))

@taeboyana: jöö hammer dini cupcakes und guetzli! Du chöntsch jo ächt grad en backstube eröffne hehe :p