@lil.lian: klar han dir au grad en PN gmacht :) tja ebe gäl jede häd sini eigene prioritäte.. jo ächt denäbe das thema isch abghöglet mir lueget def. witer… jöö so schön händer en wellness guetschin becho vo „öichem“ hotel hihi hammer :)

@squshy: jöö danke hihi härzig isch dir das detail ufgfalle ;) händ ebe scho bim shooting versuecht passend zum motto meh oder weniger d’chleider z’wähle ;)) glaube s’härzli usschnide häd sich würkli glohnt hihi d’iladige sind so super acho öberall :) jo stimmt scho was du seisch wägem juli-reisemonet.. aber weisch leider isch die kollegin au chli en egoistin und häd grad chli funkstille mit mine andere kolleginne und glaub s’häd ihre grad no pässlet.. will si goht jedes johr uf ibiza weisch und s’datum weiss si scho meeega lang.. sprich hetti si jo würkli chönne luege aber ebe jede häd sini eigete prioritäte gäl?! :p aber go poltere chiem si dänn mit – das isch sooo typisch :p egal ;) hehe jo inzwüsche chani öber die häx und das träffe lache :p ächt abartig gsi :p vertraue mol druf, dassmer schon o die richtig person findet ;) ooh so schön, dass öichi chärtli au so guet acho sind! =))) es super gfühl gäl? =)) jöö und so schön das komplimänt hihi :) han au sörnigi becho das duet dänn scho guet gäl? :) wow 203 täg hihi han grad rasch uf mim app countdown nogluegt – bi mir sinds bis zum standesamtliche no 95 täg (uiuiui!!) und bis zum fest no 186 täg aiaiaiai :p uiuiui ich werde au langsam nervös hihi :p

@me: mir händ ade wiehnachte agfange mit hochzytschärtli verteile und si sind würkli öberall extrem guet acho und au ab de homepage händ d’lüt mega gstuunet :) (wer si no gseh möchte eifach mälde dänn schicki en PN mitem passwort :) vorallem mini tantene vom papi sinere site (wo zwar nur am apéro iglade sind) händ alli so fröid gha und mega komplimänt gmacht! Hmm hani grad bitz es schlächts gwüsse becho dassi si nur an apéro iglade han! Aber händ halt eifach chum kontakt gäl! Aber wer weiss ev. düendmer jo no umdisponiere falls anderi absäget oder so… min papi häd ebe dänn scho gseit: ah häsch vo mine schwöschtere as fest nur xy iglade (mini einzig tante woni au regelmässig kontakt han) aber mitem einte onkel (ma vo de einte tante) häds mi papi ebe eh gar ned guet und dänn hetti ihm das jo wohl eh nedso passt… aber isch ächt super härzig gsi wie alli reagiert händ :) au frönde womers per post verschickt händ (öise ängste frönde hämers persönlich id hand drückt :) oder i briefchaste gleit – jöö alli händs voll härzig gfunde würkli schön gsi die reaktione live z’erläbe! =) nur vo öberem bini chli enttüscht und zwar genau die kollegin woni sowiso scho mega unsicher gsi bin, obi si öberhaupt as fest söl ilade, will si sich so komisch verhaltet und ich s’gfühl han si sig voll iversüchtig und mögis mir ned richtig gönne bez. wünschts sich halt sälber so fest.. jedefalls häd si d’iladig am FR im briefchaste gha – jetzt isch mändig und no kei reaktion nüt! Und i de ferie isch si ned das weissi! Chrank ich weiss, aber han mir ärnsthaft überelit, obi söl go luege ob si d’charte usegno häd bez. de briefchaste leer usgseht :p (si wohnt ebe grad im nochbersdorf) has natürli ned gmacht – aber wenn si d’charte gseh häd – wasi devo usgoh – wärs min bewiis, dass si sich eifach ned för mi cha fröie wasi rächt denäbe finde und drum gar ned weiss obi si wet debi ha!!! Klar iglade isch si jetzt aber sorry han si 3x (!!) agsproche was los sig immer nüt nüt nüt es chan ächt nur das si…
Dänn wägem thema theolog: ade wiehnachte hanis mit de einte cousine so vo de hochzytsvorbereitige gha und wie wit mer sind und wasmer no bruchet han ihre dänn gseit, dassmir no nach de suechi nach emene zeremonieleiter sind und so und falls si öber kenni bitte mälde :p dänn seit si doch: aber d’tante so und so miech doch das scho sit johre und au ihre langjöhrig partner! Bin fast öberegheit! Han keeeei ahnig gha!! :p jetzt suechi do i de wältgschicht ume und het aber en tante und en partner vo de tante wo das miech! :) händ öis dänn no guet unterhalte – wenn si s’mache würd, wärs vilicht e bitzeli speziell will si mir z’nöch isch (oder was meinet ihr?) mi GG findet das emel.. aber wenns ihre partner (kennemer ned sooo guet) würd mache wärs chli distanzierter! S’redet zwar beidi kei italienisch aber si häd gseit das chöni mer guet mit enere öbersetzerin / emene öbersetzer mache! Si heiget das scho oft gmacht mit änglisch sprechende lüt und s sig super gsi! jetzt höcklemer dänn mol mit ihne zäme :) si kennt au no vil lüt wo si mir chönt empfehle und ev. au öber wo italienisch chönt :) puh aber isch ächt grad speziell gsi! häsch öber i de family und häsch kei ahnig! Aber das zeigt halt leider au, dassmer so wenig vonand weiss eigentli.. guet es isch au en riise family mit 6 chind, 18 änkelchind und inzwüsche 8 urenkel (negst johr folget 3 witeri ;)) die familie vermehrt sich hey das isch ned noraml :p und das nur väterlichersits ! :p
Mol luege obmer do es schrittli witerchömed afangs negst johr!

Dänn hämer mol bilanz zoge wasmer scho zahlt händ förs hochzyt und wasmer no müend und zimli d’hälfti isch zahlt scho mol guet! :) händ de grössti poste mitem restaurant am obig (15000.-) jetzt izahlt und das git scho vil erliechterig wilmer wüsset, dass mers finanziell guet schaffet und ebe en teil chunt jo dänn würkli no retour… :)

So jetzt ischs widermol mega lang worde aber chan mi eifach nie churzfasse sorry zäme :p ich wünsche öich en superschöne silvesterobig, rütschet guet öbere is 2014 – das wird öises johr hihi mit sooo vilne wunderschööne momänt!!! =)) bin scho sooo gspannt uf alli erzählige wo de einzelne traumhochzyte vo öich allne! =) und zerst mol fröimi natürli ufs brutträff am 1. Februar =)))

Byebye & HAPPY 2014!!!!!!!! =))))

Hallo ihr Lieben

Ig wünsche Euch aune ganz ä guete Rutsch iz 2014. i paar Stung isch DAS Jahr wo mir hürate

Ig ha mim GG ä Kalender gschenkt hüt (im Ahang es Biudli) für "üses" Jahr
Fyret schön u ig fröiie mi scho sehr uf üses Brautträffe

Datei-Anhänge

image.jpg (34x) Mime-Type: image/jpeg, 36 kB

Hallo zäme

Allne es guets neus & alles liäbi für euses Jahr 2014 :)

Ich hoff ihr händ die täg chöne gniesse mit eue liebschtä.
Lg

hallo zäme und HAPPY NEW YEAR!!!

Claudilein
Gratuliere zum Kleid es isch meeega schön.....!!!

laprincipessa
ohje i verstah dass di die Reaktion mag...hesch ize echt öpis ghört vo dere
kollegin..? aber isch doch u schön dass dir süsch so super rückmeldige bechömet!!

lil.lian
wo bisch de währetem KV in England gsi? Bournemouth?;O)
schön heiters so guet gha ds London;O)

LaMariee
jööh härzigi Idee mitem Kalender!

chliini22
wow krass!! hesch luscht chli z verzelle wasd scho alles hesch gmacht oder no muesch??

me
mir si iz chli am Züg vorbereite wo üs der Pfarrer aus ufgabe het mitgeh bis zum nöchschte treffe
und warte uf di definiitve Kärtli woni per Mail vor Kollegin bechume;O)

nicht registriert

Hola liäbi Brütlis

Happy 2014
Lang ersehnt und ez isch es endlich dooh! Ich wünschä eu alles guäti, viiel Glück und jede Menge Liäbi für unser Jahr!

Principessa: Ha nach dem ii diin Post glese han, mol nazählt, wiä viil sich bii uns gmolde hend. Vo 140 verteilte Karte hend mir viellicht vo 35-40 Rückmeldig bechoh. Ha denn gad denkt "botzblitz sooo wenig!?" Aber denn han ii mii dra erinneret, wiä iich amigs Iladige bechumä. I freue mii, findes au oft meega schön. Aber direkt öpis sägä, han ii niiä. Will mir eiifach nöd bewusst gsii isch, wiä sehr siich s'Bruutpaar über Rückmeldige froiit. Viellicht gots diiner Kollegin gliich?
Du bisch dä hammer. Meh muä gar nöd immer so wiit go suächä Kuul het sich das eiifach so ergäh. Es riisigs Gschenk aah euch! Wiä isch s'wiitergangä, hend ihr eu für dä Onkel entschiide oder het sii wer empfehlt? Dini Parents nöd gwisst, dass sie da machet, sus hettet diä jo dä Tipp darfe gäh ?

Lil.lian: Suuper hets diir so guät gfalle! Hoff du hesch dii chlii erhole chönä! Wünsch diir no eh schöni restlichi freii Wuchä!

LaMariee: Yess, dä Kalender isch ja suuper schnüssig! Da het er siich siicher gfroiit!

Chlini: Wuuuhuuu, dii erst 14er-Braut hürotet! Obwohl ii jo gar nöd beteiligt bin, freu ii miich meega mit dir! Wiä gots dine Nerve? Wünschä diir viiiel Spass und Starki ii dä läschte 9 Täg als unverheiratete Frau Bii scho gspannt, was du denn verzelle hesch!

Me: NOTHING
Got uns wohl allnä chlii gliich um dä Johreswechsel. Es lauft nöd so viiel. Müässtet mol endli dä Messmerin schriibe. Diä wartet siit em Oktober uf es Antwortmail
Und sus hend mir unseri Wunschliste gmacht. Es isch voll nöd eiifach zum iischätze, was Gäscht eim schenke möchtet. Da mii GG und iich nonig zämäwohnet, chönt mir klassisch Sachä für unser erst Huushalt wünschä. Schenkt meh doch echt lieber konkreti Sachä (Gable, Messer, Pfanne, Töpf…) oder Geld (für grossi Tisch, Stüähl, Sofa, …)? Was meiinet ihr? Hend ihr Erfahrige (vo Fründinne)?

Also liiäbi Mädels. Scho imene Monet weiss ii, wiä eui Gsichter usgsehnt Froii mii druf!

Liäbs Grüässli und en schönä Abiig