| Bräute 2014 |
|
|
1 .. 277 .. 551 552 553 554 555 .. 776 .. 997
|
|
|
|
|
03.01.14 14:49
nala05 
|
Re: Bräute 2014
Hoi zämme, so jetzt nimmi mir kurz zyt zum do schribe :D mues au si 
@LaMariee: Ich has dr jo scho per pn gschriebe, mir gfalle euri kärtli sehr guet.
das mitem sticker ufem kuvert machi vilicht sogar noche,wenni dörf. finds de hammer
au d hompage isch schön, vorallem s hochzyts-abc findi e tolli idee!
jöööö de kaländr isch de cool, di gg het sicher froid ka!
@Squishy: schön trudle scho amäldige inne, so toll jetzt widrs immer griifbarer nid? 
wäge de gschänkli, i würds au so mache wie's d lil.lian vorgschlage het, i würd nid nur bsteck schriebe z.b. sondern grad eis ussueche mit modäl, susch bechömet ihr evtl no öbis wo euch gar nid gfallt, wär jo au schad. und ich würd au chli variiere so dases grösseri und kleineri beträg drbi het..
@Claudilein: so schön hesch du DIS kleid gfunde! und vorallem dases no das isch wo du scho susch gseh hesch findi mega lustig!  stoht dir uf jedefall guet 
@principessa: jo s dolcevita isch wirkli super gsi, jä hän e blondi eher jüngeri berotig ka.
nei leider ka i dir nid sage a wellne date meh dört hürote ka, weiss nur dases eimol pro monet isch. lüt doch susch mol uf zivilamt sissach ah.. sin ganz fründlichi immer wo s telefon abnähme. und i find wen ihr euch würdet gege basel entscheide isches eifach so ;) i würd grad sage, anderiämter sin fründlicher und offener dorum wächslet ihr  
ohh i würd au gärn d hompage seh schön händir könne afoh mit vrteile und ischs so guet ah ko!
das isch de lustig das dini tante zeremonieleiterin isch.. s goht halt immer noime es türli uf wens e anders zue goht
@lil.lian: das tönt doch au schön wäg de "mini-flittis" mir sin uns au noni so sicher wie mir das mit unsere flittis wän mache. evtl gits den au nur mini flittis und die richtige im 2015.
ich lieb london, finds so e tolli stadt, würd eigelti au gärn vor de hochzyt mol no go.. deko züg kaufe und in mm's world :o)
was sindr de für e fuessballmatch go luege?  wäri au grad drbi gsi
und wie isch gsi im zoro???
@lula: i schick dr no e pn ;)
@chliini: wow jetzt no e wuche! git no viil ztue? schön die ersti i däm joor wo hürotet!
@me: niiiiiix, i ha ändi januar priefige und bi jetzt eigetli voll im priefigsstress, nur fehlt momentan chli d motivation. hoff die kunnt gli widr, susch hani de es problem 
ha mol chli agfange inspiratione für d iladige sammle wo mir jo in unserer ferie wuche mitti februar wän bastle.. bi aber noni so uf e griene zwiig ko..
ah und i ha mol chli afoh luege wäg mögliche flitterwuche destinatione, fänd aruba no toll! isch scho öper mol gsi?
schöns dägli euch no!
|
|
|
|
|
|
|
|
06.01.14 12:08
littlefoot
|
Re: Bräute 2014
saletti mitenand !
puuuh ich weiss etz gad au nid was alles gange isch :)
malinchen: und, hender eu entschiede wegem büssli ? suuper cool. d beförderig!
laprincipessa: u schön eui iladige !
uh das isch denn guet mit de theologe i de family. super !
oh wow 15000.- nöd schlecht...hender gspart gha ? lang ?
taeboyana: mmmmhh gsend super us dini cupcakes :) chönted ja glatt e online hp starte
claudilein: so schön häsch dis chleid gfunde. ich han das au so gha, bim zweite mal in lade hani vorher eis vo sincerity agluegt gha und sie hends det denn müsse go sueche und das hani au kauft ha gad de katalog becho vom chez janine (hane mal vor monate bstellt), gseht echt hammer us det ine. weni nid scho eis het
la mariee: de sticker isch denn cool...!
janedoe: oh wow so lieb vo dim GG !
lilian: het super tönt di london trip ! bini no nie gsi ? cool weg de turte !
me: bi ois isch einiges gange...am fritig 27.12 standesamt vorreservierigstermin hends aber nid gschaft uf die 8.00, sind denn uf die 10.00 gange. de het sie gfragt wasi gern het, min 15:00 wunsch ging aber nid. ich so hä ? sind so vill da gsi scho ? nei aber eine heb am 11.00 und eine am 16:00 scho reserviert und sie mached kei pausene, sie müssed ja de saal miete usw, eifach nur aschliessend..sie het denn gmerkt dass es mich chli agurkt 15:40 was isch denn das :) ha denn gfunde sig chli komisch, sie het denn als antwort nur ge, das isch bi ois halt so..sehr nett momoll..de name isch au passend gsi...chani wohl nid schribe da ine oder ?
de het sie gseit ich chän vo 15:30 usga, da eh all 10 min früener dobe müessed si. ha de de schatz gfragt (er isch dusse gsi mit de chline)...halb vieri isch au ok :)
ha de 100.- azahlt und sie het das ganze so troche gmacht, echt s letscht ) s git ja vill wo nüme chirchlich tönd, aber die uf dem schalter hends no nid begriffe. egal. hoffe de d beamtin oder de beamte wod trauuig macht isch denn nid so
de het mis mami no gseit mir chäned de ruhig e wuche id flittis 
sie nimmt extra 1.5 wuche ferie für mis hochzit. so super !
d gäschtelischte für d iladige isch so guet wie fertig, mönd etz denn nur no bstelle.
ha entschiede dasi mir de turtestress glich nid atue und bi denn uf dsuechi..fündig worde ! e beck in unterägeri macht englischi turte für 8.50-9.50 pro person. aso unter 500.- zha. so cool ! une unterägeri isch nid wit zum hole, da laht sich sicher öper la finde
de hani no mit ere kosmetikerin ursula riedweg kontakt gha. ganz en netti, wo für 300.- probe schminke UND frisur macht ! findi hammer. und ke afahrtsweg (chunt vo zh...) muss eifach de probtermin det go mache.
aber de het sie gmeint am hochzit rechni sie 3 std (!) für langi haar und make up.puuh das isch mer zlang. säge ihre de scho bim probetermin, ich wett ja eh nur wenig makeup :) ganz natürlich, das wird nid so lang ga. und für d frisur wird sie hoffentli nid länger ha als 1 stund omg :)
ja ich glaub das wärs mal vorläufig :)
|
|
|
|
06.01.14 13:59
LaMariee
|
Re: Bräute 2014
Hallo Froue
@nala: klar darfsch das nache mache mitem Sticker  mir hei diä übrigens bi Smartfoto bsteut…  wüui äbe gärn ha rundi wöue… Eckigi hätti ou angerne orte gfunge..
Hoffe hesch dMotivation gfunge ;-) ömu aus guete für dini Prüefige 
@daenu: hani ou gseh gha wägde 15ner Brütlis ;-)
@lil.lian: oh je schad wägem Brutchleidshopping.. hesch scho ä nächste Termin nöime angers?
Drfür tönts doch sehr guet mitem Apero 
@littlefoot: botz bi dir isch ja einiges gloffe  schön heitdr chöne reserviere ufem Standesamt  schad nid ganz denn weder heit wöue… dänke mängisch für üs aus Brautpaar isches sone spezielle momänt dert zreserviere u aues u für si eifach so alltag u normau… aber chli fründlech si chame ja glich ;-)
Ah u sehr ä gute Priis für Schminke u Frisur  u wes ir nechi isch, isch doch super gäbig… 
Me: mir hei iz fasch auii Iladigskarte verschickt… u hei ou scho paar mega härzigi Reaktione becho 
När hani mit mim Mami, zuäkünftige Schwiedermami u mire TZ ä Termin abgmacht, am 31.
Januar geits ga Brautchleid-Shoppe  iz muessi de mau no Termine reserviere.. 
|
|
|
|
06.01.14 14:33
malinchen
|
Re: Bräute 2014
Hey liebi Brütli! Wünschä öich ou no alles Guetä für üses Jahr!!!
@principessa: ah isch ja super dass dir öper ir Familie heit wo chönnt d Zeremonie leite!!! Das het sich ja perfekt ergäh so... Das mit dr Villa wär ja ä meeeega cooli Idee!!! Die Videos/Föteli würde sicher dr hammer wärde det... und wenn dir ja eh 2 Nächt müesst bueche chönntet dir ja würklech gad die ersti Nacht det si! Wär ja perfekt...
Mega schaad wägä dire Kollegin, aber de isch villecht würklech besser wenn sie gar nid chunnt, we sies dir när nid mah gönne u nur ä Lätsch schriisst dr ganz Tag söu sie doch lieber uf Ibiza denn... 
@Lamariee: jöh, mega härzig dä Kalender! Weisch scho wo dass wettsch ga Chleider luege?
@squishy: Hmm, i würd gloub wennschon ou vorgäh was genau dass dir öich wünschet bi de chline Sache. I bi halt det düre ou rächt heikel, has nid gärn wenn d Sache när nid zämä passe (z.b. ds Bsteck zum Gschirr zu de Gleser etc.)... I ha z.B. zwöi verschiedeni Bsteckset, eis passt zum Zmorgegschirr u eis zum normale Gschirr... Aber grundsätzlech fingis ou ä cooli Idee, da dir eh no kei eignä Hushalt heit. De chöit dirs so richtig traditionell mache und öich so Sache wünschä. Fürd Chuchi bruchts ja eh meeeeega viel Zügs we no Mixer, ev. Chuchimaschine, Doseöfner u weis nid was alles drzue chunnt...
@nala: mir geits gad glich, ha ire Wuche die ersti Prüeffig und sött mi ufs lerne konzentriere... Aber irgendwie hani so viel anders im Chopf.
Üsi Chärtli si leider immer no nid da, het ja irgend es Gstürm gäh wägä derä EORI-Nr. wöu offebar die Person wo üse Versand het bearbeitet nit het kapiert, dass d CH nid ir EU isch. Drum si sie ersch churz vor Wiehnachte verschickt worde... Hoffe i cha de im Februar ou afah bastle, süsch wirds de glich no stressig... 
Aruba gseht meeeega cool us!!! Wär sicher dr hammer det!
@Lillian: oh nei, mega schaad bisch so entüscht worde im zorro!  Das isch bi mir im eine Gschäft ou so gsi, dass sie iiiiimmmmmer wieder het Chleider vorgschlage wo irgend öpis gha hei, woni klar nid ha wöue... Hesch jetz no witeri Optione wode chönntsch go luege?
@littlefoot: oh je, das isch ja würklech nid so toll gsi bim Standesamt... Finde ou, die chönnte sich chli zämänäh ou wenn's für sie halt Alltag isch. Dis Mami isch ja aber meeega härzig!!! Duet sie de ufd Chind luege i derä Zyt oder nähmet dir se mit id Flittis?
I ha imfall bi mim Zytplan ou 3h grächnet für das... Und i gloub bim schminke bruche sie trotzdäm lang, egal ob när natürlech usgsehsch oder nid. Sie düe ja trotzdäm mega viel Grundierig und Puder etc. druf dass när nid glänzisch uf de Föteli... Also kennä mi nid meeega guet us mit make-up, villecht geits scho ou schnäller.
@me: i ha die Feriä sowas vo nötig gha... I bi die ganzi Zyt dehei ufm Sofa glägä, ha gschlafe, chli DVD's gluegt, wieder gschlafe und ab und zue chli Güetzi knäbberlet. Nid mal am Silvester si mir wäg, hei alles abgseit und dehei für üs allei gfiiret. Hei nach däm ganze Stress chli zyt für üs brucht und es het mega guet dah. I wär hüt morge am liebste i Träne usbroche wöu d Zyt so schnäll verbi gange isch!
Dr VW-Bus si mir när nid go aluege. GG het gfunde mir warte jetz - Punkt. Es wär zwar scho es guets Agebot gsi, aber ha när no chli witergsuecht und ou anderi gseh wo i däm Priis si gsi und ou cool wäre.
Drfür hei mir Tickets fürs Sziget buecht, si hüt gad idr Post gsi! Fröie mi riiiiiesig uf das Festival, bi no nie im Usland a eim gsi und ä ganzi Wuche wird sicher dr burner... Abgseh vo däm hei mir aber nix fürs Hochzyt gmacht. Jetz hani äbä de ou Prüeffige, Prakti und no ä Arbeit woni mues schribe und wirde äuä ersch mitti Februar wieder viel Zyt ha fürs Hochzyt... 
|
|
|
|
|
|
|
|
|
|
|
|
1 .. 277 .. 551 552 553 554 555 .. 776 .. 997
|
Anmelden
