Littlefoot Ja aso London lohnt sich uf jede Fall.. :) Ich find ebe au, e Turte ghört doch eifach däzue Gratuliere zum Standesamttermin :) Bin au scho ganz gpsanne, öb de Wunschtermin klappt wo mier gern hetet… Wännder den ohni Chind id Flitterwuche gah? Wow drü Stund isch wüürkli mega lang.. phuuu.. Das mit em schminke hamer au scho überleit, wie ich das söll mache.. Kei Ahnig.. Mier händ ja scho am 11i am Morge Chile..
LaMariee Nei ich han no kein andere Termin abgmacht. Ich gahn am Wuchenend ad Hochziitsmäss und den gsehni dete vilicht no was.. Ich han au die andere beide Chleider nonig abgschriebe wo mer no gfalle hetet.. Mal luege. Wünsche dier dämfall vill Spass den bim Bruutchleidershopping
Malinchen S'Beschte isch den no gsi, am Schluss frägt sie mich und chan ich dier s'Favoritechleid ufschriebe? Ääääh Favorit? Han ja gseit es gfallt mer keis.. Ja so Ferie sind doch schön. Eifach chli hääänge :) Ja das dönt nachere stressige Ziit wo chunt.. Nei ich han no nüt wiiters abgmacht. Möcht no ade Hochziitsmäss chli umeluege.. Und die zwei andere Chleider wo mer no gfalle händ, hani nonig abgschriebe.. Vilicht gahni au no anen andere Ort. Weiss es nonig…
Hallo liebi 2014-Brüütlis, ich wünsche eu nachträglich es guets Nois, dass wird euses Jahr vodä Liebi !! Sinder all guet gruetscht und hender schön gfiired?
Ich bin me oder weniger am schaffe gsi über Wiehnacht/Neujahr leider, han mir aber fescht vorgno das Jahr nüme so viel z schaffe und mich vorallem die nächste Wuche wieder meh am HZ z widme :) Wie gsehts im Moment so us bi eu? Mir müend als nächsts e Fotografin sueche (1.Prio!), hend eifach immer no niemert wo so richtig passt.. Gester bini d Usstellerliste go aluege vodä HZ-Mess in Züri am Weekend und han na es paar Adressene gfunde, han also namal 3 agschriebe gester und vorallem vo einere gfallemer d Bilder meega, sie isch es bitz über eusem Budget aber ich hoff sie het denn na ziit.. Für die lang hend ihr eui Fotografe bueched?? Denn simer eus im Moment intensiv am usenand setze mit eusem Tanz. Mir sind ja fliessig i eusem Tanzkurs jede Sunntig und sind grad d Grundlage am lerne für de Englisch und Wiener Walzer, Disco Swing und Jive. Mir hetted gern en HZ-Tanz womer afanged mit Walzer und denn übere gönd in Jive und Salsa. Ez hemer aber na kei Ahnig wege de Lieder und obmer das so anebringed.. Macht öpper vo eu au en speziellere Tanz mit Wechsel idä Lieder? Tüender die selber zämeschniede? Ich han gester u viel lässigi Mix gseh vo so Tänz aber bidä meiste hettsmer ebe z viel Wechsel drine gha, denn hani gfunde es wird fascht langwilig mit de Ziit zum zueluege..
@Claudilein: Din Brutkleidershopping-Bricht het super tönd :)!! Gratuliere zu dim Chauf, heschmer echt auna es Fötteli zum bestuune :)?
@Nala: Dis Kleid isch uuu schön, stahtder würklich mega !!! sooo schön! S christmas tattoo isch super gsi, muesch luege, dass das jahr chasch gha :) Es isch auna im Fernseh cho am 24igste aber isch nie so über echo wie live, würklich suuper gsi! ez hetti natürlich au gern so e riese dudelsackmannschaft für min apéro am HZ :p hehe
@lil.lian: Hehe ja das mit de Ring isch würklich so e Sach, hoff eifach es passt denn wies isch :)! Jep hans gseh mit de Gratistickets und han mini zwei scho bech,o, mir gönd am Sunntig und ihr? Nimmt mi u wunder und freu mi uf en Tag voller HZ-Sache :)!! so schad wäge dim Termin im Zoro :(! Verstahns echt nöd, wennmer so klar sini Vorstellige dure git dasses denn so usechunt!! Hesch na en wiitere Termin neumeds? Defür tönd das mitem Wii-Buur ja super :)!!
@janedoe: wie isches gsi in London?? Isch ja es meeega Gschenk gsi :)!! Ou und tuetmer u leid wäge euem Pfarrer, hans ez grad gläse.. wüsseder ez scho wieners mached, lönder ihn vo Düsseldorf iiflüge? Uuu so schön dä Ring wod becho hesch!!
@laMariee: schickmer dini Website auna ? würd gern chli go gwundere :)! Ich finds fascht schad isch die ziit scho ume woni han chöne adä website bastle bevor sie ufgschalte worde isch :):)
@laprincipessa: oje tönd ja echt schief eues treffe mit dere theologin! Aber isch ja super bisch eso uf das cho idä family :)! Hesch e Nachricht becho vo dinere Kollegin? Hehe verstahn dich imfall, ich würd au am liebschte bi dene Lüüt amigs go luege und über Egge go nahfröge ob sies becho hend ;)
@malinchen: wie hender eu entschiede mitem VW büsli, hender zuegschlage :)`? ahh ez hanis grad gläse, ihr findet sicher i paar mönet namal so es guets agebot :)! Hey guet hender chli chöne entspanne, hender demfall würklich bruucht!
@littlefoot: hm ja so unfründlichi lüüt gits amigs leider :( isch echt blöd wie kompliziert das das amigs isch mitem standesamt! bi eus ischs ja so, dassmer uf de tag gnau erscht 3 mönet vorher dörfed go de termin reserviere und mer müend denn beidi gha, s langed nöd nur öpper. unter umständ müemer denn eifach en morge lang iiplane will sie kei termine mached unds ja denn evt. na anderi päärli het a dem tag. voll blöd.. aber hey wäg de torte und de flittis isch ja super :) het die kosmetikerin e website? tönd ja super das agebot! Aber ich glaub mer muen imfall scho viel ziit iberechne für frisur und make up :)
@chlini22: uui ez isches denn sowiit, am 10te oder 11te? Bin so gspanne uf de erschti Bricht vonere 2014 Bruut :)!! Wie lauftzder, bisch scho sehr nervös oder isch alles dureplant und chasch dim Tag entspannt entgege luege :)? Isch mitem Huus, Zügle alles na guet gloffe?
soo ich muen dringend go schlafe, wünsch eu en suuper schöne Abig :)!!
Guete Morge und Happy new Year und das Jahr hüratemer alli;O)
Lil.lian Mir si ner eifach mit üsne TZ uf Bad Säckingen e Nacht gange;O) hei ner glich de über Wiehnachte/Neujahr scho so viu abgmacht gha dases witers nüme glängt hätti aber isch ou schön gsi;O) Ui das tönt ja gar nid guet megem Zoro? Hätti ize meh erwartet…isch ja super mege öiem Nachbar das tönt doch guet!!!
Nala Wooow aruba gseht ja mega schön us bis gad go google;O) Wünsche dir e ganz gueti Prüefigs-Zit!!
Littlefoot Gratuliere zum Standesamttermin!! Und zur Turte! Isch ja super dass dis Mami gad Ferie nimmt! Bi öich isch ja gad einiges gloffe;O)
Malinchen Oooh das tönt doch nach wunderschöne und erholsame Ferie….! Het sicher guet ta…!! Mi hets gestern ou mega hert gha wider izstige …. wünsche dir emu no e super Start witerhin und scho gli isch mitte Februar!!;O)
Einladungskarten/Druckerei? Ha ize d Endfassig vo üsne Einladungskärtli becho vo mire Kollegin!!! Ha mega fröid;O) Ize müessemer no luege womer die chöi la drucke wette so wiene Postkarte und vore und hinde la bedrucke hätti evtl. öpper e Tipp wome die chönnti la drucke??
Me Mir hei die Ferie so viu süsch gha dasmer gar nid so dezue si cho öpis fürs Hochzit z mache…und glich hani ize mega fröid wüllmer mitde Kärtli gad e grosse Schritt vorwärts si cho und nume no müesse la drucke;O) ner müessemer Gästeliste mau gneuer mache und mitem Fotograf e Termin abmache und für am 14/15 Februar hani Termine abgmacht in Lörrach für Brutkleidshopping;O) ah ja und ide Ferie hani für üsi 2 Bluememeitli no so Blueme-Haarbänder kouft;O)
lilian, malinchen: jep ohni d kids mal einisch...hoffentli schaffemers ohni sie e ganzi wuche
schminke: omg, aber finds mega lang 3 std.
malinchen: wowo ei wuche festival, das wird sicher cool
lilian: die isch würkli chli belämmert gsi im zoro mein gott
pricana: wow de tanzkurs gaht ja ab, findi super cool. hend au scho überleit eine z mache, wil mer gern tanzed eifach so nebebi, nid fürs hochzit. dafi das da schribe ? ursula riedweg us bonstette wär d makeup artistin.
sue: ja isch super cool vom mami zerst es paar täg zum helfe und de nacher zum hüete. glii darfsch au du ga go shoppe :)
ich han gester no chli uf etsy gstöbered wil ich ha mim GG ja transformers manschette chnöopf z amerika bstellt gha, isch super gange, ha ke versand zahlt. er het übrigens mega freud gha han ja welle girlande für candybar, und so einiges a deko (schmetterling us papier) selber mache aber ich han jetzt alles gfunde uf etsy, gar nid so tür, au de schmuck..wirdes wohl bstelle, das chunt ,er am schluss fast türer alles selber z chaufe..zum bispil d wimpelchetti i mint und peach, wiss...bis ich da de stoff gfunde ha und alles... au d schmetterling sind irgendwie 5.-, de musi nüt stanze. klar wärs schön chli selber bastle...aber s gaht halt scho eifacher so.
de bini no am studiere wegem chleid...het ja en gurt dra gha mit strass-isch mer z vill gsi...aber fänd glich eine no schön. musi de luege weni ga go abstecke
Pricana Joah mier händ de Fotograf zimli lang bueched. Bi eus fangt d'Chile am 11i a, den hämer sie ab em halbi 11i. Und den bis am Abig öbe am 11i. Sie chunt den vorher mal uf eus zue (am Abig den) und frägt wie miers gsehnd, öb sie söll gah oder öb sie no es bitz söll blibe.. Hät scho öber gantwortet? Mier gönd au Sunntig ad Hochziitsmäss!! :) Froi mi scho Vo wem us möched iher de Tanzchurz? Wet ebe eigendli au no en Kurs mache.. Abr öb mer den würkli en Hochziitstanz möched, wüssemer aber nonig.. Nei han no kein wiitere Termin abgmacht.. Ich duen mal luege was es so ade Hochziitsmäss no alles hät..
Sue87 Das dönt aber au guet wo iher gmacht händ mit de TZ.. Dörfi dini definitivi Iladigscharte gseh? Wür mi froie :)) Häsch gad mehreri Termin abgmacht wege de Chleider?
Littlefoot Ah das isch würkli lässig vo dim Mami!! Und den chönder eui Flitterwuche so richtig gnüsse. Und ei Wuche isch ja voll in Ornig, wenn iher ohni Chind gönd.. Hihi und am Schluss vermisseders den glich :) Ja eh chasch es ja no bim abstecke no aluege.. Das glaubi wegem Bastle.. S'Material chostet halt scho au gnueg.. Dörfi fräge was den so gseh häsch bim Etsy? Schicksch mer de Link? Bin ebe au immer wiedr dete am umeluege..
@Fotografin: Mir hei üsi ab de 11i für Paarfotis bis sicher am 00.30 u närne gugge mir de, ob si no mit i Partykeller wächslet, oder ob si hei geit. Hocke de sicher vorher mau no mit ihre zämä.
@Sue: Wäri evtl, Copyquick no was für Di?
@all: Ha jtzt gad nume di letschti Site nachegläse, hei zwar über dFesttäg ziemli was gmacht, aber ebe, zForum isch so chli liege blibe
Danke vieumau für die liäbe Wort zu mim Chleid Das bide Arme isch sones Bolero
Ha leider im Moment grad uuuuh vieu z tüeh bim Schaffe u de nid eso dr Ziit zum Schriebe (nume läse ) Nächscht Wuche hani Ferie u de chani wieder usfüehrlecher Bricht gäh u kommentiere. Ig hoffe, dir vrstöht das!
@Sue87: bisch ja doch recht fliessig gsi :-). Gits es Fötteli vo dine Charte, oder hesch schomal eis iegstellt? E Druckerei kenni leider nöd, han na nie so öppis drucke lah =/
@littlefoot: ja mir hend au e scho lang welle en Tanzkurs mache, finds au super :). Merci fürd adresse, gahn nachher grad mal go luege :). Isch ja super mit dine etsy-käuf, bin na nie druf gsi aber ez machts mi grad a zum au mal go stöbere :) :)
@lil.lian: was hend denn ihr ez füren fotograf? Ja die zwei woni am liebschte hetti welle sind beidi scho usbuechd a eusem datum :( und eini hetti ziit aber über sie staht gar nüd uf de website, dass hani amigs nöd so gern. Aber die wär adä Mäss in ZH und denn sprichi sie dete mal na a und machmer es eignigs Bild :). Mir mached de Tanzkurs ez in Pfäffike ZH inere Tanzschuel und ez simer eus ebe am überlegge, obmer nachem normale Kurs selled Privatlektione neh zum euse Tanz iistudiere, aber für das müemer zerscht wüsse welli lieder und welli richtig :). Hesch dir s Braut & Bräutigam Heftli mal kauft am Kiosk? Isch uu dick und nöd mal so tüür wie suscht die HZ-Heftli und het uu schöni Kleider drin, viellicht findsch ja dete na chli inspiration oder Adressene, het au viel vodä CH drine.
@Claudilein: Danke vielmal für dini PN, stahtder uuuu guet das Kleid, so schön :)!!
Anmelden
