| Bräute 2014 |
|
|
1 .. 278 .. 553 554 555 556 557 .. 777 .. 997
|
|
|
|
|
|
|
|
|
|
|
08.01.14 10:34
Claudilein 
|
Re: Bräute 2014
Ui schön Pfingstrose bisch wieder retour  Und dass jetz aues wieder passt u besseri Stimmig isch, da fröienimi für di! 
Wüsstet dir de scho vo wo dass dr d Ring wettet? Auso mir hei imfau üsi o no nid. Wärde die abr am Wucheändi a de Hochziitsmäss bsteue. Denn gits nämli no Mässerabatt, vou praktisch, da mir eh d Ringe vo Rhomberg hei wöue.
Wo göht dr gah Turte degustiere? Die isch bi üs no gar e keis Thema, meinsch mir müesstet emau vorwärts mache? 
Sue: WOW öii Iladige si ja sehr schön Das mit de Säckli isch de ä härzigi Idee. Denn tüet dir das aune direkt übergäh? Bi de uf d Homepage gah glüsle, isch no luschtig z gseh, jetz woni di scho "live" kenneglernt ha. Mega schöns Chleid hesch ade Standesamtliche Trouig anne gha!
Littlefoot: Genau eso Art vo Chetteli hani imfau uf Etsy ouscho us Favorit markiert. Es het ja mega schöni Sache u gar nid eso tüür! Ig würd bide Chartene u Gschänk o nid uf Dütsch "Karten und Geschenke" schriebe. Sondern viellecht irgendwie es Päckli zeichne (ufem Kalkboard) oder so. Änglisch findeni je nach dem o unpassend, wenn suscht aues Dütsch isch.
Me: Hätt eigentli mega vieu z tüeh im Gschäft, abr mini Chefin het mi grad eso gnärvt u umgestresst wäge gar nüt, de hani gfunde, jetz tueni zerscht emau chli Hochziits-Sache umeschnöigge 
Mir hei am Sunntig no Chärtli baschtlet. Sobaud mer ganz fertig si, wirdeni nech Bieudli zeige! Denn heimer jetz definitiv e Fotograf buecht. Suscht geits langsam langsam vorwärts. Irgendwie hani no nid eso de Stress. Mir göh im März no 2 Wuche i (uf?) d Maledive (vorzognegi Flittis ). U ig dänke bi auem: ach das het no bis nach de Ferie Ziit... Mau luege öb das e guete Plan isch odr öb mer de no i Stress chöme
|
|
|
|
|
|
08.01.14 10:46
squishy-fishynicht registriert
|
Re: Bräute 2014
Guuuätä Morgä ihr liiäbä
Nala: I ha gad Aruba müässä google. Ha no niä was devo ghört! Es gseht wunderschön us! Hend ihr eu scho entschiide?
Daenu: Da isch doch wunderbar das so an d'Fiiplanig got  Denn isch es scho gli sowiit und du wirsch MRS GG sii  Chömet ihr voraah?
Gell 2015 Brüütlis gönd voll ab. Erinneret mich aah uns läscht Jahr. Has chum chönä globä, dass imene Jahr unser Jahr wird sii und denkt da got no eeewigs! Und jetzt isch es endlich so wiit!
Lil.lian: Woow, suuper hend ihr so viiel chönä erledige! Vor allem dä Wii-Buur tönd sagehaft!
Schad hesch so eh schlechti Erfahrig im Zoro müässä machä. Schiint gar keii kompetenti Beraterin z'sii… Hesch scho eh Idee wiä dini Suächi nachem Traumkleiid wiitergot?
Littlefoot: So liiäb vo diim Mami, dass sii extra freii nimmt und ihr eui Ferii zweiite so richtig gniässä chönt
I ha mir no gar niä recht Gedanke gmacht, wiä lang style vo dä Bruut got  Dreii Stund tönt scho nach wahnsinnig viiel. Aber ii vertrau jetzt mol ihrer Erfahrig. Das erklärt au, werum Bruut immer so viiel früähner wiä dä GG ufstoh muän.
Malinchen: Find ii guät eue Entscheii zum warte! Es giit siicher wiider es guäts Agebot. Vor allem wenn ihr sägät, dass es jo au jetzt scho ähnlichi Agebot ume het!
Viiel Kraft für diä streng Ziit mit all dä Prüäfige und Praktis!
Bii uns gsehts leiider ähnlich us. Un dii fürchte, das dehnt sich bis im März us 
Pricana: Schön vo diir z'lese
Also im Package vo unserem Fotograf isch abem Morge bis am Obig 00:00 Uhr. Das sind jo meh als 12h Han ii no niiä so betrachtet… Kuuli Sach
I würd s'Zämäschniide miim GG überlooh. De chönt das siicher. Meiinsch dii GG het au chlii s'Händli defür? Oder irgend en Kolleg vo ihm?
Find eui Idee no lässig. I bii scho froh, wenn ii en normale Walzer anäbechum
Sue: Woow, eui Iladige. Voll guät wiä iihr eu do driigänd, eues Motto umsetztet und d'Lüüt no beschenket. Finds suuper herzig!
Pfingstrose: Schön bisch wiider do, welcome back!! Froii mii für eu, dass ihr jetzt wiider ganz positiv in Zuäkunft chönt luägä und dass ihr eh Lösig gfunde hend. Darf meh fraage, wiä iihrs klärt hend?
Zankyou kenn ii gar nöd. Es gseht aber meega guät us! Darf meh denn go spiienzlä wenn sii fertig isch?
Claudileiin: So schöön. Vorzogeni Flittis und denn no uf d'Maledive! Traumhaft!
Me: Mersii für all eui Rückmeldige! Mir werdet genau agäh was mir gern möchtet.
Jetzt chunt aber imfall dä oberhammer Mini Schwigis-in-Spe hend es Ferii-Hüsli. Da wönds scho lang verkaufe (siicher siit dem ich's kenne ) und jetzt het sich wer gmolde, wo's gern möchti. All ihri Möbel und Kuchiutensilie und und und us dem Hüsli bruuchets jo denn nüm. Und sii hend gfunde, mir dörfet uns bediene. Jetzt müänd mir mal go gugge, was unserem Gschmack entspricht und denn müänd mir unseri Wunschliste wiider apasse. Wer weiss, was uns alles agumpet dert
Sus lauft leiider gar nöd viiel. Mii GG het jetzt denn sini Prüäfige und chum sind diä duure, han ii miis Diplomprakti. So wiird bis im März nöd viiel laufe. Das macht mir scho chlii Sorge 
Wünschä eu allnä ä guätä Taag! See you soon
|
|
|
|
|
|
|
|
08.01.14 13:32
lil.lian
|
Re: Bräute 2014
So fertig gesse und wieder am schaffe :)
Sue87
Du häsch ja no scho gschriebe, iher würdes den sälber verteile. Has irgendwie nöd gseh 
Me
Aso bi eus isch gester viiiill passiert. Eusi TZ sind ja bi eus gsi und mier händ eusi ersti Hochziitssitzig gha. Mier händ alles mitenand besproche, ihne gseit was mer alles scho händ und verzellt was mier eus so vorstellet.
De TZ hät den au no e gueti Idee gha wegem Hochziitsgschänk. Mier wünsched eus en Betrag ad Flitterwuche.
Ich han dänkt ich duen es Buech bastle und dass jede den chan ineschriebe, was sie eus wännd schänke. Den hämer diskutiert, isch eifach chli blöd, wenn mier zu allem en Betrag ineschriebet und jede gseht den was de ander den eus für en Betrag schänkt. Und das es chli doof isch, wenn jez nu no grossi Sache offe wäred und öber eifach nöd so vill chan schenke. Und das es halt mit de Koordination schwierig wierd, dass jede das Buech rechtziitig wür übercho. De TZ hät den gfunde, es wär au no lässig wennd eusi Gäscht öbis würded gstalte für eus. Das mier eigendli mal öbis würded ufschriebe, was mier wännd mache die Flitterwuche: Flug, den Taxi, Hotel, Cocktail, z'Nachtesse, Hotelzimmer, z'Morge, Transport, Usflug, etc.. und das den jede öbis chan ussueche und für eus den chan zämästelle. Aso das de XY eus de Usflug schänkt, s'Glace am Strand und eus de Betrag wür überwieseo und no öbis wür gstalte. Ich finds mega e kuuhli Idee :) (Ich finds viiill besser als wenn mier s'Buech im vorhinein würded mache.) Und so chan jede würkli das usepicke wo ihm passt, au wenn im schlimmste Fall all würded den s'gliche usepicke
Den schriebed mier eifach öbis uf d'Iladige, mier wünsched eus öbis für d'Flitterwuche und das den TZ uf sie würded zuegah..
Schriebed iher bi de Iladige für d'Aperogäscht au ane, was iher wünsched? Oder dönder bi dene Iladige nüt erwähne?
Gester Abig, nach em Gspräch, wos den gange sind, bini den aber no voll unsicher worde und han voll nöd guet chöne schlafe Es isch den so chli vo de TZ duredrunge das ich halt scho no chli z'fest Kontrollfreakmässig bin :(( Und dasi halt scho es bitz schlimm bin idere Hiisicht. Will zersch hani gfunde , ich wet eigendli nöd gross Biträg vo de Gäscht, wet kei Überaschige, etc. Mier händ eus abr den druf geinigt, wenns würkli schöni Sache sind und au persönlich, isch es scho ok. Eifach nöd zvill. Ich han den hüt au nomol alles ufgschriebe (eigendli alles wo mer so besproche händ), und han au nomol erwähnt, dass es ok wär es paar wenigi, schöni, persönlichi Biiträg vo de Gäscht. Und das Dokument dömer ihne den schicke. Und jez hani eigendli e guets Gfühl. Dänke es chunt guet :)) Abr gester bini würkli voll verunsicheret gsi..
Den hani gester au no am Pfarrer aglüte. Mier treffed eus Endi Januar mit ihm. Bzw. er chunt bi eus verbi :))
Und mier gönd no wege eusne Flitterwuche ad FESPO (mier wüssed würkli no gar nöd was mer wännd mache, d'Idee wär au no es bitz länger weg zgah und no chli go reise). Die isch Endi Januar, Afangs Februar in Züri. Den chömer luege und den treffemer eus wieder im Februar mit de TZ zum wiiterluge.
Und das wegem Tanze isch ja au no gsi. Irgendwie sind de TZ und sini Fründin druf cho, öbs wennd zäme inen Tanzkurs. Ich glaub er hät sie gfrägt und sie isch voll devo begeisteret
E Nachbarin vom TZ gid au no noimets Kürs und duets mal abkläre, öb mer bi ihre en Kurs chönd go neh. Findi e meega lässigi Idee!! Und den lernemer au sini Fründin no chli besser kenne, sie sind nonig allzulang zämä und mier händs sie bis jeze nonig so oft gseh..
So fertig 
|
|
|
|
|
|
1 .. 278 .. 553 554 555 556 557 .. 777 .. 997
|
Anmelden
