@malinchen: hmm jo isch scho cool, aber ebe weiss ned obs klappt! S’haaaperet eifach bitz was d’zeremonie abelangt! Mache 3 chrüz ad telli wämer öber fix händ! :p wäg de villa häd leider ned klappt aber han mol agfrogt obmer si eifach so för 1-2 stund miete chöntet för zum föteli mache :) jo voll söl si doch uf ibiza häsch rächt! :p
Ooh schön händer so vil zyt gha för öich :) duet ebe amigs scho mega guet :) jo demfall chunt sicher zumene spötere zytpunkt es nöis super VW-Büssli ;)

@pricana: hey cool laufts so guet mit öichem tanz! :) ich reg mi meeega uf was das abelangt! Han mim alte tanzlehrer vor so langem agfrogt ober öis würd de hochzytstanz bibringe und chume eifach kei klari antwort öber! Sust sölemer doch öber anderst empfehle oder eifach absäge aber hettets uh gern bi ihm gmacht! Tja mol luege…
Jo doch inzwüsche häd si sich gmäldet si hädmer sogar es chärtli gschickt, es guets nöis gwünscht und sich bedankt und si fröi sich sehr ächt härzig gsi! :) findi en guete plan mitem fotograf a de mäss unter d’lupe näh! ;) wennd glück häsch bechömed ihr sogar rabatt wäner ade mäss buechet! ;)

@pfingstrose: ooh welcome back! :) bini schön froh, häd sich alles wider zum positive gwändet! :) hey cool gohts vorwärts mit iladige bstelle / homepage und so :) öisi isch jetzt inzwösche au fertig, fallsd mol wetsch go güxle ;)
Jööö so härzig de countdown wot gmacht häsch! =))))

@claudilein: hehe so guet wägem gschäft häsch rächt wänn die so umezickt :p ich bin die wuche ehrlichgseit au nonig so produktiv förs gschäft gsi (han au ned voll de stress..) weiss au ned aber im läbe muessmer doch eifach prioritäte setze ned haha :p ah cool döfmer es chärtli bestuune? :) super händer en fotograf buecht ! :) woooow hammer gönder uf d’maledive hihi :) muesch dänn brichte ;)

@Namensänderig: hihi ich go im mai es weekend d’kollegin in madrid go bsueche – dänn änderet jo min name scho und ich heisse nüme glich! Weiss öber wie das lauft obmer jetzt scho mitem nöie name chan bueche?? Merci för tipps! :)

@torte: wie vil tällergäld zahlet ihr, wänner d’torte extern lönd loh mache? Mir würdet 5.- / person zahle – isch das ok oder z’vil? Han kei ahnig… aber ev. lömer si au im montana loh mache – si händ sicher gueti…

@öbis witzigs: hihi kollege vo öis (ned mega ängi – si sind eifach am apéro iglade) sind schwanger :) s’bebeli chunt mitti mai :) und si wartet jo scho soooo lang ufen atrag.. jetzt isch er dra am atrag plane – duet sich aber mega schwär (weiss das alles will mini TZ d’fröndin vo sim beste kolleg (TZ) isch :) jedefalls de hammer: er isch scho alles am plane also sin TZ plant scho s’polterweekend (a dem weekend vo mir s’zivile händ :) und 1 wuche druf würdets hürote also er häd scho ufem standesamt aglütet und so! :p aber si isch glaub die einzig wo no nüt vo ihrem glück weiss :P soooo typisch ma hey goht gar ned :p dänn häd mini TZ ihn gfrogt ober dänn a alles dänkt heig ring und so: und er jojo er heig öbis im chopf.. und si: und d’grössi weisch die? Er: ou scheisse man a das hani ned dänkt ! menoooo :p er duet sich eifach sooo schwär mit dem atrag debi wär a de wiehnachte doch perfekt gsi hehe :p aber verfolges gspannt :) ;)

@me: die wuche bini grad chli flissig gsi :) han mi dehinter gmacht und s’hotel buecht för öisi band (mega schwirig gsi öbis halbwäg zahlbars z’finde..) plus hani jo die geili villa welle bueche för d’kollege aber die isch dänn leider scho usbuecht gsi und wär doch vil türer gsi und gar ned günstiger als es hotel – (schaaad – das wär die perfekti Location gsi zum Fötelis mache!! Aber han jetzt mol agfrogt, obmer d’Villa ned au eifach so 1-2 Stund chönt miete zum Fötelis mache ;) mol luege obs klappt!) dänn hani aber es meeega cools B&B Hotel gfunde in Luzärn wo 21 Lüt max. Platz händ – es isch super und goht grad uf! So chömer öisi ängste Kollege, mini Muetter und Schwöschter, de Brüeder & d’Fröndin iquartiere – perfekt ! :) Und s’beste isch: s’chostet nur 60.- / Person inkl. Zmorge!! Hammer unschlagbare Pris för Luzern City!! Plus hämer för d’Family vom GG inkl. Verwandti in Italie au en härzigi chlini Villa grad am See gfunde (perfekt gläge – 5 Min. vo de Aperolocation und 5 Min. vo de Obiglocation! :) för 10 Persone zahlemer för die Nacht 500.- also au voll s’Schnäppli und si sind schön unter sich! :) Bin richtig froh und grad chli stolz uf mis Organisationstalänt :p Was mi chli närvt isch, dass d’Kollege vom GG wo öis extra agfrogt händ wäge Öbernachtigsmöglichkeite und gjammeret händ wie tüür s’Montana sig (350.- / Doppelzimmer - wasi jo au verstoh, dass si sich das ned leiste wänd / chönd!!) ned grad zuegseit händ sondern so à la: jo mir prüefet no Alternative.. Sorry öbis günstigers findet si def. ned und es isch meega schön!! Alles renoviert und d’Leiterin woni am Tel. gha han an mega liebi! :) Naja müend si halt ächt sälber wüsse… Das Huus bringemer so oder so locker voll! @Nala: fallsd no Tipps bruchsch – cha dir gärn meh dezue verzelle wänns di interessiert vilicht för dini Gäst?

Dänn hani mol no es whatsapp usegloh a öises hochzyts-OK för en kick-off termin :) hoffe s’klappet gli :)

Womer eifach ned witerchömed isch wäg de Zeremonieleitig :( Hmm hoffe de Chnopf goht do gli uf hey!

Sust chömemer vo allne Site so super Feedback zo öisne Iladige & Homepage öber, was richtig guet duet! :)

Am SA oder SO wämer ad Hochzytsmäss uf Züri :) Wer vo öich chunt au und wenn? :)

Laprincipessa
D'FESPO isch d'Feriemäss. Die isch vom 30. Januar bis am 2. Februar ide Mäss Züri. Aso am gliche Ort wie d'Hochziitsmäss.
Mini TZ hät eh gfunde, sie wür au chli meh mache.. Abr finds uu schwierig, es bringt ja nüt wenn sie z.B. e Offerte ineholt und am Schluss dönd ja den glich mier entscheide. Abr vo de Idee bini würkli begeisteret. Und gester hät sie no gfunde mier sölled eus eifach überasche lah
De Kolleg chönt ja eifach en Atrag mache, wer vill eifacher und den chöntes zämä plane . Abr ich finds irgendwie glich härzig was er aalles macht.. Abr ich würs eigendli scho au gern wölle wüsse..
Ja das dönt ja würklich perfekt mit de Übernachtsigsmöglichkeite!! So hät jede öbis passends :)
Mier gönd am Sunntigmorge ad Hochziitsmäss, warschindli gad wenns ufmacht. Und du? (hamer au scho überleit au no am Samstig zgah, han ebe vier Billet dihei und mit em Auto bini so i 15 Minute dete, wierd den aber glaub doch chli zvill )

Fara
Schön vo dier z'ghöre :) S'isch aber doch no einiges bi dier gloffe i de Zwüscheziit
Oh bin gspanne uf eui Föteli vom Engagement-Shooting. Mier händs ja den no vor eus :)
Ja ufs Pfarrer-Gspräch bini au no meega gspanne.. Han au no es paar Befürchtige, mal luege wies usechunt.. Aber schön isch es bi eu so guet usecho und es Kompliment häsch au no becho
Han mer no überleit öb ich no was bache söll, wenn er chunt. Finds abr den doch chli fescht z'Klischee-mässig
Ja das mit de Wohnig isch ja jez au ruck-zuck gange..
Au wenn no vill mache muesch, döfsch di schlussendli eifach nöd z'fest stresse lah :-/

Hallöchen Zäme :-)

Littlefoot: isch doch härzig, di GG isch eifach de dert u tuät di hürate ;-) u das isch ja zwichtigste.
Azso bi üs isches so dassi bi dä Sache wiä Deko, Blume u so eifach Vorschleg de mache wasmr chönte… u är de öpe si Kommentar drzuä git.. u ig versuche chli nid gad jede Tag vom Hochzty rede (chönt ig ja guet ;-) ). Aber ihm wärs de öpe chli zviu.. drum hocke mr eifach zwüschine mau zäme u tüä bespräche was so afaut.. aber völlig begeisteret vo Blume, Farbkonzept u Deko ischer nid wük ;-) seit eifach was ihm gfaut u was nid..

Wägde Iladige: zwöite gfautmr mega guet :-) gseht schön us mit dene Lampions.. zdritte isch ou nid schlächt, aber eifach chli fiischter… u dFrisur isch ou sehr schön :-)

@Countdown: wow bi teune geits ja wük nüme lang :-) bi aber ou gad froh hei mir no chli lenger zyt :-)

@laprincipessa: ah das isch ou cool ä säubergmachte Kalender :-) isch haut scho es speziells Jahr :-) Stimmt, de chani de hoffendlech am Brutträffe vomne glungnige Brutshoppingtag verzeue ;-)
Bi euch louft ja gad fei chli viu :-) supe hesch so gueti übernachtigsmüglechkeite gfunge :-)

@Fara: hallöchen :-) bi dir isch ja ou mega viu gloffe. Würd sehr gärn fotos luege :-)

Schöns Äbeli euch aune…

@daenu: wow 94 däg no! du bisch jo scho unter de 100dag gränze! wow! jetzt gohts wirkli mega schnäll, und i find au dases e anders gfühl isch wens das joor isch wo meh hürotet. ha grad afngs wuche öperem gseit das mir im august nägst joor hürote.. haha den hani gmerkt "ah nei das isch jo scho dis joor" hihi
aso i find d längi vo eurer to-do liste haltet sich in gränze do isch mini viiiiil länger nei, aso däng das sin sache wo ihr no guet anekrieget in däne 3 monet.. oder?

@principessa: danke für d pn! :D i lueg das mit de hotels den no ah. die villa uf airbnb hämir au scho gseh aber für 2 nächt wirds ebe au widr tüür. aber mir wäddes unsere kollege sicher mol sage, de könne die junge dört evtl chli untr sich si.. mol luege!
mir ischs au so gange, ha nonie öbis vo aruba drvor ghört, seht aber mega schön us.. mol luege obs die destination wird
wow du bisch wirkli flissig gsi und hesch einiges erledigt. oh je das isch de doof wäg de tante. und wenn ihr si drfür jetzt au zum fest ilade würdet wenn si eu traue? oder isch das im nochhinein chli blöd?

@fara: schön vo dir z ghöre. isch jo au einiges gange bi euch. bi scho gspannt uf euri föteli, gsng de in e paar täg uf ihr blog go spienzle ;)
kum in 3 monet bekunnt meh doch no so einiges ane und s isch jo nid so as hättet ihr no nüd! los di jo nid stresse, schaffet ihr scho!

@me: hz-technisch lauft eigetli nid sooo viil. user ads mir unser farbkonzäpt widr gänderet hän.. irgendwie het mir je länger je meh as coral kopfweh bereitet und zwar nid wils mir nid würd gfalle, sondern meh wil i angst ha das mir die farb eifach z wenig einheitlich umsetze könne. jetzt hämir uns (hüt) widr zum ursprünglige konzäpt petrol-violett entschiede. *augevrdreih* allzu oft könne mir nümi wächsle
den hani und mini schwöstr am wucheänd afoh plän schmiede zum uf london go.. s isch scho zimli konkret worde hihi. und am suntig obe seit mir de gg "ich mues dr öbis wichtigs sage, s hät iegtli e übrraschig sölle wärde, aber i ha geschtr nach däm du gseit hesch das du so gärn uf london würdsch für hz go züg kaufe, 2dag london buecht für uns" hihi mega härzig, obwohls mi natürli scho närvt hani ihm die übrraschig vrsaut.. mis schwösterli isch zwar bizli entdüscht das mir jetzt nid gön, ha abr gseit dasi vilicht jo nomol go mues uf jedefall gömir jetzt im februar no 2 dag uf london! und i freu mi scho soooo!
jetzt hani dorum au grad e frog an janedoe und lilian: händir e paar gueti läde mit hochzyts/deko züg gseh?

wünsch euch allne e schöne obig! und hey morn isch fritig

Hoooi zäme

@littlefoot: de schmuck findi meega schöön :)! Hehe mit mim GG isches s gliche, er zeigt au selte begeisterig und nimmt alles seeehr easy ;) aber denn gits au wieder situatione woner mi überrascht und woni denn wieder merke, dasses ihm au sehr wichtig isch :) mir gfallt die letscht meega guet, hesch agfröget weg de farbe? Und d frisur isch au mega!! Über das hani mir na gar kei gedanke gmacht =/

@laprincipessa: hm hesch dim tanzlehrer denn namal gschriebe? Viellicht isches untergange? So müehsam wennmer eifach nie e antwort bechunt vo so lüüt :( ou kul mit dinere kollegin, denn isch ja guet :)!! Jep uf de rabatt hoffi ebe au ;)) isch super mitem hotel!! Das müemer ez ebe auna luege bi eus. Zahleds ihr eune gäscht oder ischs uf eigeni chöschte? Iiiich gahn au am SO :)! Also „mir“ :p

@Fara: schön wieder vo dir z lläse! Bisch ja au mega fliessig gsi! bin scho gspanne uf eui Fötteli :)!

@nala: hm leider nöd, bin die wuche wiedr nie under 10h usem büro cho :( aber im februar chani glaub na paar freitääg iibaue hoffentli :) ja gä, find die würklich au mega :)! Ah super, muenmer das grad mal aluege vo adobe! Bzw. zerscht müesstemer doch mal na d lieder haa ;).. jep ich finds ebe au kul die dudelsäck, chume immer grad gänsehuut über wennis ghöre! Wow so kul mit london!! Isch ja e super überraschig :)! Schad für dini schwöster aber ich glaub london lohnt sich au mehrmals z gha ;)

@malinchen: meega schöni farb vo dine pocketfolds!!

@Sue: wow eui Iiladige sind echt schön worde!!

@Pfingstrose: Au da namal: welcome back :)!! Ja säg nüd, bin au mega gspanne wassmer hüt imene Jahr so verzelled :p

@Claudilein: ooohh ufd Maledive, soo schön!!

@squishy: danke :) ah kul, was hend denn ihr füren fotograf? Hehe nei mine het leider na weniger es händli für so sache wie ich :D er isch de bescht i allem handwerkliche, aber für sache am pc bin eher ich zueständig :) aber muen mal luege wiemers mached, irgendwie gaht das denn scho :)
Hey isch ja super mitem hüüsli, perfekte ziitpunkt :)!!

@lamariee: ou merci fürd PN, gahn denn grad go luege :)!

@lil.lian: merci viemal, hoff au uf viiel inspiration und kontäkt adä mäss :)! Hey wow bi eu isch ja grad chli öppis gloffe! Findi super mit dem flitterwuchebiitrag! mir wüssed ebe au nanig obmers erwähned wegem gschenk uf de apéroiiladig, aber glaub eher nöd. Mir gend wahrschinlcih au de link vodä website a und det würds stah für die wo wetted, aber erwarte eigentlich nüd vode apérogescht :).

Das hani ebe leider amigs au, ich han au gern alles under Kontrolle und gibe au de TZ nur ungern sache ab =/ aber mini schwöster/TZ meint, dass wär die glegeheit zum das „lerne“ ;).. müend wohl eifach druf vertraue das sie eus guet gnueg kenned zum wüsse was mir guet findet und was nöd.
Jee findi super mitem Tanzkurs :)!!


Hui ez hani grad müesse stresse mit läse und schriebe und muen dringend na mini 6h schlaf go iifordere, bis bald und schlafed guet!!