nicht registriert

Guuuätä Moorge and TGIF!!

LaMariee: Uuuuund sind Kärtli scho bii de Empfänger achooh und Rückmeldige itruudlet?

Lilian: Find d'Idee mit em Buäch vo euem TZ also au suuper! So sparrsch du diir d'Arbeiit und Koordination wiird gad viiel eifacher! Woow, schön wiä's bii eu lauft!
Mir hend bii dä Apéro-Gäscht üsi Homepage au agääh und dört wiird jo denn au d'Wunschliste sii. I kenne das nur so, ha no niä dradenkt, dert nixx hiizschriibe
I findä besser allnä sägä, was iihr wönd anstatt nachher immer gfragt z'werde. Wer nöd wiill, dä muäss denn jo au nöd?
Ich finde, wenn iihr keii Biträg wönd, denn söll das so sii. I finds sehr schön, hend ihr eu chönä fiinde, dass alli z'friide sind. Wiie stellet ihr eu den dä Abiig vor, wenn's wenig Biträg giit?
Suuper, wegem Tanzkurs. Hoffe fest für eu, dass es klappt!

Daenu: Woow, es tönt scho nachem Endspurt! d'Ufgabe wo no offe sind, siind doch wunderbari Ufgabe. En Azug suächä und siich gnau dä Tag vorstelle mit dä Fotografin und dä Location. I wünsch diir fest, du chasch das au gniässä, nebst all dä Elteregspräch wo jetzt denn chömet?

Littlefoot: I glaube Männer chönt weg Dekosachä nöd in d'Höchi gumpe (exgüsez, viellicht irr ich miich au und en andere Maa wiä min cha da ) I zeiig em scho immer alles und ii wott au, dass es iihm gfallt. Er saiit denn au sini Meiinig und das isch guät so. Er leiit denn defür meh wert uf anders (Esse, Homepage, Musik, Unterhaltig am Abiig, Huushalt iirichte, ...)
Mir machet immer alles zämä, aber so traiit wiä d'Hauptverantwortig wer anders
s'Wichtigst isch ja, dass er denn dert stot zum dii hürote!
d'Frisur find ii fantastisch schön!! I chönt mir au no guät drin Blüämli oder so Perle vorstelle?
Bii dä Karte muän ii sägä, gfallt mir dä dritt am beste. Diä andere zweii sind au würkli sehr schön. Aber s'dritte het no so öpis gheimnisvolls und gliich natürlichs debii. Da find ii so schön.

Pfingstrose: Hesch da jetzt für uns alli usgrechnet Danke viiel mol. Finds suuper so en Überblick z'ha!

Laprincipessa: Ja nett wärs, wenn's würdi öpis sägä. Und ii verspriche, vo jetzt aah wenn ii eh Iladig bechum, tuän ii mii immer melde. Vorher isch mir gar nöd bewusst gsii, wiä wertvoll das für es Bruutpaar isch Ojeeeh, ii befürchte muän mii bii tuusig Lüüt go entschuldige
Also das find ii denn en Kindergarte. Beleidigt, will meh nöd ans Esse iglade isch. Meh weiss doch selber wiä viiel meh mitem Bruutpaar z'tuä het und dass meh denn viellicht nöd z'oberst uf dä Liste stot. Dass so es Hochziit tüür isch weiss meh doch au, sött doch verstoh, dass meh do ned hinz&kunz ilade chan I hoff fest, dass ihr no wär finde darfet, mit dem iihr eu richtig wohl fühlet!
Dä plant ja s'ganze Hochziit fast allai. Fiind ii zwar meega herzig, aber ii würd umbedingt so Sachä welle mitenand machä. Viellicht fürchtet er sich vor dä Brautzilla
Verzellsch uns denn wiä er dä Atrag gmacht het?

Fara: Welcome back
Für das, dass ned in Hochziitstimmig bisch, giisch doch recht Gas mit planä. Suuper was ihr alles abhöcklä chönt!
Giits es Foti vo diim zivile Kleiid uuuund ii würd liebend gern eui Fotis gseh

Nala: So kuuul gots uf London! Viiel Vergniiägä wenn's denn sowiit isch. London lauft ja ned devoo, dini Schwester und du chönt sus ja mal no gooh. Giit sus jo denn au anders lässigs Züüg zum krömlä

Malinchen: Woow, meega eleganti Farb! Suuper sind klappet. Jetzt hoff ii mit diir, das d'Wuche vo dä Prüäfige für diich schnell ume gönd Wiä wotsch es denn gstalte?

Pricana: Mir hend http://www.ao-fotografie.ch . Dä Stefan kennet mir ebe und au wenn ers "nu" hobbymässig macht. Find iich's suuper genial mit ihm. Und do miir ihn jetzt scho länger kennet, isch es meega persönlich und au nöd so en Krampf vor dä kamera

Es folgt der Ego-Post

nicht registriert

Me: Miir machet keii grossi Sprüng, aber defür chlini und mehreri:
- I ha endli dä Messmerin gschriibe, damit sii uns kiirche so richtig zeiige tuät und mit uns bespreche. Si wartet uf unseri Antwort siit em September!!! Miir sind echt Holzköpf
- Mini Fründin wo s'Apéro macht het gsaiit, mir chönt da im April gnau bespreche. Sind mir gad froh, will im Moment nimmt Studium uns voll und ganz iih.
- Denn het d'Friseurin mir no es Mail gschriibe und mii gfragt, ob ii mii bii dä Kosmetikern gmolde han. Natürli han ii das au nöd (ii holzkopf ) Ha da aber gad nogholt. Jetzt wart ii au uf d'Antwort.
- Und denn hend mii GG und ii diä usdruckt Wunschliste umeligge looh (mir holzköpf ) Und sini Eltere hends natürli entdeckt. Sii sägät immer, mir söllet uns so richtig tüüri Sachä wünschä. Kaii Ikea sondern au Pfister und so, es tüürs Porzellan, tüüri Gläser und und und. Aber mir hend liieber viiel normali Sachä wiä nur wenig wo meega tüür isch. Jetzt het anschiinend siis Grossi gsaiit, wiä viiel Geld sii uns schenke möcht. Und sini Eltere hend gmeiint, das wär genau Kennwood, wenn mir eiifach nöd dii chlii sondern dii grösser und tüürer nehmet
Es isch zwar nu eh Chliinigkeiit, aber ii will ned gross und türs, wenn's dii chlii au tuät
- Und ii platz jetzt denn scho vor Spannig, morn innere Wuche gönd mir an d'Hochziitsmess in SG Juuupiiii!! I warte druf scho es halbs Jahr!!

Wünschä eu allnä es guäts Weekend und erholsami Täg!

Hallo liebi Brütlis und TGIF!

Hüt woni frei ha, chumi ääääääändlech wieder mau drzue, hie mitzschriebe... jetz wo d Ferie (bi de meiste) verbi si, louft gad wieder chli öpis!

I ha aso nid ganz aus chönne mitläse und cha drum ou nid uf aus igah.

@littlefoot: U schöni Sache vo etsy!! Hesch die scho aui bsteut oder sis eifach afa Favorite? Mini etsy Favoriteliste isch uuuu läng, aber bsteut hani bis itz no nid so viu. Ha äbe o u schöne Schmuck gseh, wett gärn öpis mit Perle und Swarovskisteindli. D Hösli si würklech witzig, aber füre Name drufzdrucke bruche si äuä e gwüssi Grössi (aso bi mim Name würds schwierig ufme String )?
D Frisur findi o schön, aber i gloub es wär no schwierig, dass de die ou dr ganz Tag het, wüu si so locker isch (het mir mini Coiffeuse gseit). Ig ha eigentlech immer d Vorstellig gha, no e Teil so chli offe zla und uf dr einte Site vom Haus chli la abezhange, aber bi mim Chleid geit das itz äbe nid guet, süsch verdeckts die ganze Stickereie bim Neckholder... Drum wirdi se sicher ganz müesse ufestecke.
Auso mi GG gheit o nid vor Begeisterig hingeuse weni vo Dekozügs afa rede Bis jetz ha ig me dr Lead u säge mir sötte de no hie u no das... aber är macht immer mit. I ha aber o meh Zit wüui 90% schaffe und letscht Jahr no bi chrankgschriebe gsi e zitlang. So Dekosache si mir o rächt, wenis meh oder weniger elei oder mit de TZ cha mache, mache das ja gärn. Aber itz hani so die nächste Pünkt uf üsere To do-Lischte agluegt und es paar Sache ufgschriebe, wo är guet cha übernäh (Offerte afrage für d Flittis ir Lodge vo sire Gotte, erkundige, wo u wie tür asme e geeignete Mini cha miete, mau e Menu-Voruswahl träffe...). Er isch aber u härzig, zwüschine weni ne frage, ob de das für ihn o stimm, nid dass ig eifach aus nach mine Wünsch plane, seit är immer wieder, i machi das super . O wo am Afang chli isch Kritik vo üsne eitne TZ cho, dass ig mir viu zgnaui Vorstellige miech, isch är mega uf mire Site gstange u het gfunge, es sig super so. Das steut mi de aube uf.

@malinchen: U schöni Pocketfold Chärtli, gfaut mer die Farb. Und dä Glanz wosi hei isch de schön. Nimmt mi de o wunder, wie dir itz de bastlet! Mmi Brüetsch sött nächst Wuche mau e Grobofferte füre Siebdruck becho u de chunnt de us, ob das würklech i Frag chunnt vom Budget här. Ir Zwüschezit sötte mir üs mau a Fiinschliff vom Text mache... findes no schwierig, irgendwie müesse soviu Infos druf... u z'überlade sötts ja de o nid si.

@Nala: so cool mit London! Da chasch di freue.

@Laprincipessa: Mir müesste bi üsem Resti gloub sogar 6.- Täuergäud zahle, wemer d Torte extern würde bsteue. I finde das würklech zviu, wüu we du das uferächnisch, chönntisch mit däm Gäud bau nomau e Torte choufe... drum luege mir wenn fürne Torte (oder Cupcakes / Cakepops) de am Nami bim Apéro, wüu am Abe heimer eh no ds Dessertbuffet (das mues si!) u de wärs sowieso fasch zviu...

@squishy: I würd uf jede Fau luege, dass dir die Sache uswählet, wo DIR weit u nid eui Eutere. ISch sicher lieb gmeint, aber es isch eues Hochzit, eue Hushaut und eui Wahl.

@Claudilein: Die personalisierte M&Ms findi äbe o dr Hammer u GG o, är liebt M&Ms eh. I bechume itz aube dr Newsletter vo dere Site u mängisch heisi o super Aktione. Isch aber gloub nid sehr günstig. U sie liefere nid id Schwiz, aber das chame ja easy mit somne spezielle Lieferdienst (hani gloub da inne irgendwo drvo gläse...) löse.

@me: Mir si o gad meh so chlineri Sache am abhäggle. Ha vori gad bimne Schlosspark aglütte wo bi üs ir Chile ir Nechi isch u wo mir vorhär gärn wette d Paarfotos mache. Weiss äbe nid ob das öpis chostet und ob me dä cha/mues reserviere. Isch aber leider niemer umegsi u ha müesse ufe Beantworter schnure. As nächsts chöme sicher d Iladige dra u de im März mau Träffe mit Floristin und Apérocaterer. Müesse mer aber beides no abmache. U wäge Musig ir Chile und am Abe heimer o verschiedeni Empfählige, womer mau sötte Offertene ihole. Aso längwilig wirds sicher nid, aber i dänke mir hei glich no guet Zit.
De hani bire Chäuer-Ufrumaktion ide Ferie ändlech mis gliebte chline Köfferli gfunge (sones chlises us dunkubrunem Läder) u ha gad u Freud gha, wott de das ufsteue mitme sore härzige Wimpuchötti am Apéro für d Chärtli dri. U süsch bini immer chli uf Chleider- (für ds Zivile) und Schuehsuechi...

Häbet e guete Tag und es schöns Wuchenänd!

Nala05
Drum findet er ebe England so kuhl. Es gaht nüt über Fuessball . Mier wierds den amigs chli zvill..
Wetsch den nöd lieber die personalisierte M&M's chaufe? Wege de M&M's hämer no chli Diskussione, er meint, die werded ja sicher den schmelze im August und drum isch er (no) dägege muesch ja den en riese Berg M&M's hei neh? Abr de TZ hät d'Idee vome Candybuffet genial gfunde (guet wenn ihm en Sack Gummibärli aneleisch, chan er nüm ufhöre esse :) )
Ah voll kuuuhl mit London!! Und wenn gönder?
Wege de Deko chan der nöd witerhälfe, han nur Chleider und spezielli Essware (im Whole Foods, ich liebe de Lade!! Det findsch alles und isch viiiill günstiger wie bi eus) postet .

Malinchen
Dini Pocketfolds gshend guet us. Danke für d'Föteli .

Pricana
Ich glaub mier dönds au nöd erwähne wege de Gschänk für de Apero. Mier händ eus jeze eigendli für e Homepage z'mache entschiede und den schriebemer mal so de Grundsatzwunsch hi und warschindli no eusi Kontoverbindig und für meh Info's sölled sie sich doch bi de TZ melde. TZ schriebed eifach de igladne Gäscht am Abig en Brief und wenn sich no öber vo de Apero-Gäsch wet aschlüsse, chönd sie sich ja bi de TZ melde..

Squishy-fishy
Ja mier möched eifach uf de Homepage en Hiiwis, nöd idem Sinn e Wunschliste. Und wenns meh wännd wüsse, chönds mit de TZ Kontakt ufneh.
Das verstahni mit de Sache wo günstiger sind, defür meh Sache wünsche. :-/
Jaaa ich freu mi au unglaublich uf d'Mäss. Mier chönd scho das Wuchenend gah (so fies gäll).

Claudilein
Achsoo isch es mit de Flitterwuche. Ja den würi glaub nachher au nöd grad nomol a sone Destination id Ferie. Ussert eu gfallts so guet und iher buched grad nomol .
Abr isch doch au schön, dass iher nach de Hochziit no uf Paris gönd:).
Ui den hät dini Cousine abr no richtig vill ztue gha grad nach de Hochziit. Drum chönt ich mier glaub nie vorstelle, gad sofort id Flitterwuche zgah. Eifach zum sganze dezwüsche no chli zverarbeite und den Päckli uspache und den irgendwenn id Ferie zgah .
Ja die personalisierte M&M's sind würkli lässig. Han au gmeint, sie liefered nur uf Dütschland.. Muen gad mal de Link no aluege :)

Turte:
Mier händ glaub au ursprünglich CHF 6.- drufe ghaa zum abgeh. Da mier Turte mit em Dessert servieret, entfallt ja für de Verastalter, s'serviere vo de Turte. Sie müssted sie eifach chüele, bringe und den aschnide. Drum hämer de Betrag uf CHF 3.- chöne abehandle .

Me
Mier händ gester no endli de Vertrag vo de Fotografin becho. Jez hämer am andere no chöne absäge :).

Lil.lian
Finde die idee mitem öpis ad Flitterwuche schenke wome selber cha usläse mega guet!
Schön heiter sone gueti erschti Sitzig gha! Bi öich isch ja einiges gloffe;O)
Mir schribe eifach ufde Homepage wasmer öis wünschet und d Homepage steit ufem Kärtli wod Aperogest und di gladne bechöme…

Lula
D Iladige schicke mer öppe Ende Februar dänki…;O)

Littlefoot
Auso mi GG springt ou nid id Luft und versteit nid warum dasses wichtig isch was d Serviette fürne Farb werde ha oder dass d Iladigskarte scho müessi zum Thema passe etc;O);O) aber er luegt aube drüber wüu igs ihm ufdränge;O)
D charte findi di zwöiti mega schön…die dritti gfalltmer sehr aber d farb isch u düster…was werdet ihr so für Farbe am Hochzit ha??

Laprincipessa
Ou wow was fürne überraschig für die schwangeri Kollegin vo dir…;O) wenn wotter si de iweihe?!;O)super gratuliere zude übernachtigsmöglichkeite wott buechet hesch!! Isch würkli en super priis 60.- !!

Fara
Super megem pastamobil da bechumi gad hunger;O) ou jaaaaaaaaa würdi de sehr gern Föteli gseh vo öiem Shooting!! Super hesch es Chleid gfunde fürs zivile!
Hmm und wend de chli wiene Ziitplan würdisch mache wenn dass öppe was wetsch erledige dassd ner nid mega i stress chunnsch..? i mueses ize de mau so mache…

Name/Flugticket
Ig bi ja gad 3 wuche nachem zivile uf thailand gfloge. Mit altem Pass und altem Name!
Mir hei die im Reisebüro gseit i söu gschider aues ufe alt Name bueche wülls süsch nöime chönti verwechslige geh und die nid drus chöme zB in Thailand anre stell wo si mi alt name im PC hei und i chume mit nöiem pass….so hets super klappe und ize hani mittlerwile nöie pass und ID mit nöiem name;O)

Nala
Jööh merci vielmal….;O) bisch du de im Stesa gsi nöime??
Petrol / violett tönt doch ou superschön chani mir gad sehr guet vorstelle;O)
Ou so super mege London!! Mega cool heter das gmacht;O) was wotsch de so go poste??

Malinchen
Wooooow die Pocketfolds gfallemer sehr! Finde d Farb mit dem Perlmuett oder wieme dem seit mega schön und bi de gspannt was dir gnau drus machet;O)

Squishy-fishy
So hesch emu ize viu pendenti sache mau gad chönne erledige;O)

Wann Einladungen abschicken
iz glich mau no gad e Frag, wenn schicket dir oder heiter d Iladige öppe gschickt auso wieviel Monat vorem Hochzit??

Wünsche aune ganz viel Spass wo ane Hochzitsmess gönd

Claudilein
Ja das mit de persönliche Dankeschärtli, aso es Föteli vo dem wo mer becho händ, das hani mer au scho überleit. Wenns nöd zvill Ufwand gid, würis den gern mache
Und ja es gaht würkli mit de M&M's zum id Schwiiz bstelle..

Malinchen
Ja das glaubi, dass langsam nervös wirsch wegem DJ, Bänd.. Vilicht mal chli weniger dezent?
Das mit de Crepe chani au no verstah.. Abr wärs nöd chli fies, wenn am Kolleg würsch absäge? Durs Unternehme heteter natürli den au meh Sicherheit.. :-/

Sue87
Wie lang chamer no die alti ID / Pass bhalte? Weisch das zuefällig? Ich wür glaub au no eher mit de alte Uswiis den furt gha..
Mier händ vor d'Iladige so im März/April zverschicke.. das wäred den so 5 bis 4 Mönät vor de Hochziit. Bi de Ameldigsfrist hämer ein Monät dänkt.