Hoi zämä

@Trouig: Wird bi üs ir Kirche si, isch für üs iwie ou "wichtiger" wies zivile

@Übernachtig: Mir wäre uf jede Fall im Hotel übernachte, u üs fröiie, wenn mir zmorge nit ällei müesse ässe

@ehevertrag: Wirds gäh, aber wie gnau, wüsse mir no nit so

@Trouzüüge: I nimme nit ah, dass mir ihne dÜbernachtig wärde zahle. dMüglechkeit für hei besteit, da mir aui säuber fahre, i würdi mi aber fröiie, wenn si würde dobe blibe. Ha dänkt me chönnti ihm es Reversblüemli u ihre es Bluemearmband, oder Frisur u Hemli, oder so. Mau gugge. Viellech gits de würkli gad "nume" zBlüemli, drfür närne e Guetschiin wo si säuber was chöi mache, mit de Partner.

guete morge zäme!

puh han die nacht richtigi alptröim gha dassis ned schaffe das hochzyt z'plane & alles usem rueder lauft & ich kei zyt meh han aiaiai zum glück nur en traum gsi :p

malinchen: danke du machsch mir muet hehe mol luege wies ziitlich usgseht finde zum kreativ z'si muessmer ebe zyt finde was chli mis problem isch aber who knows gäl ;))

übernachtig TZ: jo ebe gäl finde au si machet gnueg.. s problem isch nur dass mir näbe TZ (mit partner) no 2 brutjungfere (a tätschmeisterin & 1 brutjungfere) werdet ha also sinds scho 4 päärli dänn d'eltere wär nomol 3 zimmer (mini eltere sind nüme zäme) do wäremer bi 7 zimmer plus öises und je nach location chasch dänn grad nomol 1'500.- rächne!! :p oder findet ihr d'eltere chönd au hei go schlofe? oder wenn dänn sälber zahle? weiss halt ned.. isch jo eh no chli wiit ewäg aber sind halt grad so bim thema budget und so...

aber hey gueti idee mit de antwortcharte das machemer glaub au so!

und wägem standesamt: ich glaube mir machet do au keis grosses tamtam und gäbet no meh gäld us.. mini schwigereltere in spe händ gmeint mir chöntet jo es grillfestli mache bi ihne dihäi im garte :) d frog isch halt obs im april scho gnueg warm wär.. aber en gueti idee wärs allefalls :) will nomol mit öbe 15 lüt (TZ & gschwösteti mit ahang..) chic go ässe wird dänn glich wider tüür!

squishy-fishy: jo sägs ned hey mich beruhigts au dassi ned die einzig bin wo nonig so wiit isch :) wenn hürotet ihr dänn? Mir sommer 2014 also wahrschindli juni.. nei bin ned vo bärn hehe :) ich chume ursprünglich us luzärn (wänd au z luzärn hürote) aber wohne dueni in aarau :) und du?

Cool öichi gschichte wiener öich känneglert händ :) zo öisere: also mir händ öis eigentli dur en gmeinsami kollegin känneglert wo mit mim schatz gschaffet häd si hädmir amene gmüetliche obig (bin überhaaaupt ned druf us gsi öber kennezlere wili no a öbis altem umezchätsche gha han…) bi ihre es föteli uf FB zeigt: lueg mol die schaffet alli mit mir! Und ich so: ah cool alles jungi – häds kein hübsche drunter ? ;) (han gmeint für si will si scho so lang single isch!) und dänn zeigt si so uf de eint: doch de (min GG :) wär doch no eine für di! und wo si mir sis profil zeigt häd hani dänkt: wooow traumma hehe aber über s’interent kennelere isch gaar ned mini sach und das weiss si au dänn häd si ihm eifach gschrebe dassi ihn no süess fändi und so dänn häder mir en afrog gschickt dänn hämer 3 täg lang sooo langi mails gschrebe wieni si nie mit emene ma gschrebe han händ gmerkt wie ähnlich mir ösi sind! Am 3. Tag am obig hädermi gfrogt obmer ned mol wänd telefoniere – jo s’isch dänn halbi 4i worde händ 4.5 stund telefoniert haha am negste tag nomol s gliche und am 6. Tag nachem 1. Kontakt hämer abgmacht & öis sofort inand verliebt sozäge liebi ufe 1. Oder sogar vorerst blick will eifach aaaalles vo A-Z so passt häd :) das isch im april 4 johr her und wäni dradänke hani immerno schmätterling im buch =) <3 <3 <3

Übernachtig: Ja, das mitem Gschänkli ufs Zimmer isch ou ä cooli idee! ömu gad für die Gäscht wos sälber zalt hei... I fänds äbä mega cool wenn müglechscht viu lüt würdä übernachtä. stellä mir das u gmüetlech vor wenn när am zmorgä tisch nomal alli zämä chöme und chli chasch ide erinnerigä schwelgä...

Location: Ig bi ja immer no am luegä fürnä passendi location. Jetz hätti wieder öpis cools gseh womä aber nid cha übernachtä... *grml* Heit dir aui öpis wo d Zimmer gad im Hus si oder göht dir när witer inse Hotel ir nöchi?

aaah ich nerv mi grad chli. isch zwar nüt grosses aber regt mi jetzt glich grad uf
mier hend es cools restaurant gfunde wo mer scho känned die hend jetzt neu en schöne eventruum, de isch allerdings rächt gross. han denn es mail gschickt mit par frage, ab wie vill persone mers chan miete, was alles inklusive isch usw. 2 minute spöter chunnt d antwort dasi doch schnell söll alüte das mer alles chönd bespräche und er mier mini frage chan beantworte.
5 minute spöter lüüti dem typ a, und säge ihm ich heb ihm vori grad es mail gschribe mit par frage. denn säit er eifach nüt und säit ja um was gahts denn? er sig ebe grad nöd im gschäft... denn sägi nomal ebe um das mail woni vor 5 min. gschickt ha wäg em eventruum. denn fragt er was ich denn wott wüsse?! denn hani gsäit ich lüüti ihm doch spöter a wenn er wieder im büro isch nacher heder no irgendöpis gsäit aber er hed denn kei empfang meh gha und ich hanen nüme ghört.
ich mein wenn ich es mail schribe weiss ich doch 5 minute spöter no um was dases gange isch und wer mier das gschickt hed??!
sorry hani jetzt grad müesse loswerde

ich han em jetz nomal es mail gschickt das euses gspröch unterbroche worde isch und er mier doch glich schriftlich söll antworte

Zuletzt bearbeitet am 24.01.13 11:21

ja so ischs mer au vorcho! naja mal luege evt. schribt er ja no

@malinchen: Wettisch de Du so viune Gäscht dÜbernachtig zahle?
Mir hei es Hotel, u 10 Zimmer afe provisorisch reserviert. Müesse drfür ou früecher aus planet, dIladigskartene useah, damit si mit de Zimmer chöi plane.

Wo suesch de Du es Hotel?


@carole: Hmm, müehsam so Sache. Hesch de jtzt scho Antwort uf Dis Mail brcho?