Ich bin gester ade Hochziitsmäss gsi. Han sie würkli super gfunde. Bin au letzt Jahr (öbe im November? Weiss es nüm so gnau) a dere in Zug gsi, die hät mer aber nöd so gfalle.
Mier händ vorallem wege Flitterwuche glueged (es wächslet chli im Stundetakt was mer gern würded mache und wohi mer wännd gah und au wenn ), wege de Ring und au no wegem Chleid und em Azug.

Zersch zum Ring.. Han jeze eigendli de Ring gfunde wo ich gern heti :) Han ja en Verlobigsring becho und wet de eigendli bhalte. Und je ein Ring anere Hand weti eigendli nöd aha. Ich han den eine gfunde, ganz en dünne (öbe 1.8 oder 2 mm) mit ganz villne Steindli und de chani den unterem Verlobigsring alege. Min GG hät den au es paar Ring agha, er isch eifach scho nöd so ganz warm worde demit :(. Er hät halt eifach gar kei Schmuck a und zum schaffe wärs au zgfährlich mit em Ring. Diheime hani den bi de Konkurenz (Trauringlounge) no chli Ring gsuecht und han für ihn en ganz eifache Wiisgoldring f gfunde wo au nöd so tür wär und mine wär den au nomol einiges günstiger. Mier wärded sicher demnächst dete en Termin mache zum wege de Ring go luege..

Flitterwuche.. ganz es schwierigs Thema.. Mier händ eus überleit mal chli länger id Ferie zgah und no chli go reise. Und mittlerwile simer de Meinig, dass mer im September, Oktober müssted gah. Im Früehlig gahts eus us diverse Gründ eifach nöd.
Mier händ den ganz e gueti Beraterin no verwütscht. Mier händ vome riese Hufe o verschiedeni Chärtli chöne ussueche, wo eus spontan asprechend. Und so hät sie eus die beste Regione chöne zeige, wo für eus am ehnste in Frag chömed. Und lustig isch no gsi, sie wohnt im gliche Dorf wie mier :) Sie leit eus den no en huufe Katalög in Briefchaste
Und am beste zum Honeymoon mache wär den ebe de indischi Ozean. Zum Reise het sie eus den Südafrika empfohle oder z.B. uf Dubai oder au uf Thailand zgah. Und Afrika chunt eigendli nöd so in Frag und Thailand isch sehr au heikel wegem GG (er hät e Poulet-Allergie und gwüssi Gricht mit Eier dörf er nöd esse) und in Thailand häts halt eifach scho viel Poulet drine und au d'Eier im Riis..
Sie hät eus halt au Amerika empfohle, abr den erst im Früehlig, will halt im Sept/Okt Hurricane-Ziit isch (bin ja im 2012 sälber im Oktober in NY stecke blibe). Und au zum Reise wärs günstiger in Amerika. Jez wüssemer halt voll nöd was mer sölled mache Entweder halt eifach "nur" eis bis zwei Wuche Maledive/Mauritius/Seychelle oder villicht glich Amerika.
Mich reuht den halt scho chli soo vill Geld uszgeh, für eis bis zwei Wuche am Meer umeligge. Sicher isch es mega schön und au en Traum, aber ich würs halt scho gern mit öbisem anderem no verbinde. Mier sind eifach voll hii und her grisse. Die ander Idee wo mer no gha händ, wer Westküste vo Amerika und den no Hawaii z'mache..
Het öber vo eu no Tipps oder Idee wege de Flitterwuche?

Und sletzte Thema Chleider. Aso so richtigi neui Chleider wo mer gfalled hani nöd gseh. Mier sind die halt eifach z'pompös und händ zvill drah. Defür isch bim Liluca genau das Chleid nomol dete ghange woni scho agha han (das mit em graue Band). Ich glaube, ich entscheide mi den defnitiv für das :) Gahn den nomol dete verbi .

@Sasi: schön bisch wieder da!

@Taeboyana: I finde ou beidi Chleider mega schön... u ds rote chasch ja ou so chli im casual Stil trage wedä äs gröbers Strickjägli drüber aleisch oder so. Wägem Mini luegi mal mit GG was er meint, er ghört chli meh ihm aus mir.
Dr Schlosspark in Oberhofe isch natürlech ou mega schön, cool het das klappet!

@Bibi: oh nei, isch ja mega schad wägä dr Chille!!! I weis gad nümme wenn das dir hüratet, aber chäm ä Trouig unter freiem Himmel nid i frag? Das wär ja villecht no ä Alternative wenn dir kei passendi Chille findet...

Wägem Polterabe isch würklech nid ä eifachi Entscheidig. Wenns dir wichtig isch, dass sie drbi isch würdi halt scho warte bis sie zrug isch. Oder du machsch eifach 2 Polteräbe, einä mit dinä anderä Fründinne wo dir göht ga Schiifahre und einä nur mit ihre wo dir drfür när chli witer wäg chöit gah? I ha ou scho mal ä Polterabe ghulfä organisiere und det gmerkt, dass vieli nid so bereit si gsi, viel Gäld uszgäh... Was ou absolut verständlech isch, einigi si no am Studiere gsi dennä, anderi hei scho Familie gha. De überleit me sich halt scho, ob me gad mehreri hundert Franke fürne Polterabe wett usgäh...

@dänu: Also mir gfallt die Frisur meeeega guet! Ds 2. Bild mitem Schleier gseht mega schön us! Findes meistens ou schöner, wenn unterem Schleier no Haar füre luege, süsch gsehts würklech oft so sträng oder scho fasch Nonnemässig us.

@nala: wow, mega cool wäge dr Fotografin, das isch ja super!!! Dä Katalog isch bi mir ou mal eifach so inegschneit und sithär liebi ne... Dä isch sooo toll, i ha mini Hochzytsschueh det bstellt. Het würklech immer mega schöni Sache drinne...

@pricana: cool dass sich d Mäss so glohnt het für öich! Hihi, das tönt luschtig mit derä Torte... Aber wenn di GG scho so fröid dranne het isch ja guet. Und wägä dr Band verstahni ou, dass dir i däm Fall eher zumnä DJ tendieret, isch ja würklech viel günstiger...

@Lilian: Dir sit ja ou rächt erfolgrich gsi adr Mäss, schön! Wärs für di GG ev. ä Möglechkeit, dr Ring amne Chetteli z träge? Mi Schwiegerpapi macht das so, wöu er früener ou kei Ring het chönnä träge bim Schaffe und jetz isch ers halt eifach so gwöhnt... Isch halt scho doof viel Gäld uszgäh fürne Ring wo er när praktisch nie anne het.

Hmm, wäge d Flittis verstahni ds Problem guet... I liegä ou nid gärn tagelang am Strand. Australie würd nid i Frag cho? Oder Südamerika?

@me: Bi mir isch ga nix Hochzytstechnischs gloffe am Weekend, ha sogar vergässe minere TZ d Pocketfolds zeige wo sie gester isch cho Znachtässe... Aber ja, wird gli besser.

Malinchen
ja es het würkli nüm nach mir usgseh ds Make up hetmi dünkt....iz luegi ernschthaft ou obis de selber mache...oder vilicht no EI VERSUECH nöime und süsch lahnis de;O)
du motiviersch mi gad mache mau e Marke mit grimasse parat zum luege wies usgseht;O)
ohje wenn hesch so alles gröbschte verbi und wider chli ruhiger mit Prüefige??

Hoi mitenand

@Taeboyana:
Superschöni Kleider hesch dir cho lah, ich persönlich find s’rote schöner, de Rugge gseht so entzückend us
Hesch di scho entschiede?

@Bibi77:
Oje das mit de Chilesuechi kenni echi, aber i wür nid uf das verzichte wens dir wünschisch...es muen jo nid grad die nöchi si...wo isch den eues Restaurant?undwo sind ihr? Viellicht chani dir jo helfä.

@Pricana:
Hey, die wo en Apero für 27.- pro Person abütet hemer au gseh...aber i weiss nonig so recht, irgendwie hets mir persönlich echi z'viel sandwich cha...min GG hets easy gfunde, naja münd mal nachi luege ide negste Wuche. Aber an sich ischs es super Agebot, au mit dem Herzlibrot etc.
Hend ihr eui demfall scho definitiv für die entschiede?

@Lil-lian:
Hey, also mir reiset jo mitte September bis mitte Oktober, und imfall de Weste vo Amerika wer problemlos. Also so SanFrancisco, LA, Vegas, etc gaht guet. Eifach so de Küsteteil bi Florida isch heikel. Mir gönd jo darum au in Weste und verbindets na mit Hawaii
Ha denkt i seg dir dos mal, viellicht wers jo was für eui.

Namensänderig:
Ich ha bi öberdem vo eui das Thema gläse, betreff Flug scho bueche mit neuem Name etc.
Ich ha eui nur welä säge, dass das falsch sehr en heisse isch.
Und zwar isches so, dass ma zwar scho en neue Pass cha in Uftrag geh mitem Name, de aber erst i denä Täg womer au hüratet zuegstellt bechunt. Und wemer jo es Flugticket buecht muemer jo genau de Name ageh wo den au ufem Pass staht und oft au na Passportnummer, und die wüsset ihr erst wener de Pass dihei hend und für alli wo irgendwie in Kontakt mit Amerika chömet, vergessets! Das klappt niemals wenn au nur 1 Ziffere nid stimmt.
Mini Quelle hani direkt vom Flughafe Zürich, Zoll & Fluggsellschaft Swiss & Reiseberaterin.
Ich mein, ich flüg jo au direkt nach minere Hochziit mit mim GG id Honeymoon und wär mega gern scho mit mim neue Name am Reise aber leider leider gahts nid...nanu

Hochziitsmess Zürich:
Ich und min GG sind jo am Samstig au gsi und i weiss gar nid gnau aber mir sind au so 4-5h deht gsi und hans uuu schön gfunde Nur leider irgendwie scho fascht es bitzeli spat, letst Johr wer besser gsi aber deht hemer nid chöne/welä will jo min GG frisch operiert gsi isch.
Egal, also mir hend wege folgende Sache no welä luege:
Auto, Apero, Hochziitstorte, Azug für GG, und den nachi Idee betreffend Hochziitsdeko im Resti und i will unbedingt sones klassischs Hochziitsalbum, so mit Stoffhüle womer selber cha Bilder iklebe...

Also Azug het min GG e paar tolli sache gseh, 1Stand wo Massgschniderti Herreazüg macht hetem sehr zuegseit und prislich ischs würkli praktisch glich wie eine vom Mery oder so...
Torte hemer au paar schöni gseh, aber isch jetzt nonig so das seg ohh deht werdetma sie unbedingt bstelle, weissi weiss isch i wot kei so Cupcakes sondern e richtigi Hochziitstorte. Die mit dem Wasserbrunne hemer übrigens au gseh
Album hani nix gseh, und wenn den leider überseh. Aber ha nur so profi Album gseh cha.egal.
Hochziitsdeko mol hani scho echi was gseh, aber i find es het sich in Grenze ghalte.
Auto hemer es paar Tolli Abüter gseh aber deht überlahni alles komplett mim GG, er isch de Autofreak (glernte Mech) und er liebt Oldtimer und vorallem Amerikanischi...het aber echt tolli Autos cha.

Was mir gseh hend und de absouluti Fun gfunde hend und au grad uuuu gern würet bueche hetemä meh platz wer de Fotiautomat, für all wo gsi sind, hender au Fotos gmacht???

Polterobig:
Hets au paar lässigi Idee ade Hochziitsmess cha, so Partybus recht tür aber sicher lässig. Ich und min GG fiiret euse Polterobig klassisch getrennt und 1Woche vor de HZ. Was mir machet wüssema nonig, bi mir wirds wahrschinli grössteteils mini TZ organisiere und bi mim GG sine. Irgendwie hani nonig so über das noh denkt wills eh no es willi gaht und zerst alles andere muen fix si.

@me:
Bi mir het sich Hochziitstechnisch nid soviel da, ebe mis Kleid hani au und ha würkli no recht lang amigs a das andere mega Prinzessinekleid denkt und nid recht gwüsst obi s'richtige ha, aber schlussendlich ischs eifach so dasi au sust im Alltag hamigs mal chic/elegant wot si und emal typisch meitli und echi bling bling
Mittlerwile segi mir momol es isch eh s'richtigi sust heti mi nid guet gfühlt und zuegseit, isch ald eifach leider viel z'gross gsi bim aprobiere. Usserdem kriegts den eh na e chlises extra und es isch scho s'richtige
Den hend mir im Dezember no bi eusne Ring Gravur mache lah und ich ha usgsuecht wo Brilliante igsetzt werde söllet, ca. endi Januar afanf Februar sinds den komplett fertig, freui mi scho zum nomol aprobierä
Ansonste bini echi entdüscht isch das so niemerd uf de Homepage sich am ustusche isch Und vo eusne 4 Kärtli wo uf Brasilie sind, fängs gester die 1 acho isch

Joo das wars vo mir