@dänu: Ah ok, u wenn de Din GG haut eifach ällei oder mit sim TZ gugget, wenn si Vater nit cha. Mir hei 15 Lüüt iglade , jänu, wott ja GG ou nit Lüüt näh, wo ihm enorm wichtig si.
@nala: Ou so cool, Gratuliere!
@Pricana: Wow, 4h are Hochzytsmess! Isch die Züri de so gross?! Süsch chönntet ihr ja e Teil vo dere riise Torte mit Styropor (oder wie me das ou immer schribt) lah mache. Oder ging das nit?
@Claudilein: Bi Sunne u Schnee? Ganz schöni Ferie u gniessets
@Sue: I hoffe eigentli si si hüet acho, dass wäri dr Plan gsi. Wüu de isch es genau 2 Mönet vor am Zivile! Aber nee Rückmeldige hei mir bis uf mini TZ wo sech bedankt het (ha ihre hüet gad persönlich gäh) u sim Mami wo sech ou bedankt het, u gmeint het mir heige es härzigs Foto gno no nüt. Aber ebe, sim Mami hei mirs ou persönlich gäh. Findes no so speziell, zumau Lüüt drbi si, wo eigentli nit planet wäri gsi E zwöiti Chance wettisch ihre de nit gäh? Oder steit das gar nit zur Debatte? Meinsch wiis uf silber gsehsch de guet? I würdi es schöns näh, oder beidi
@sasileu: Hoffe das di andere 3 ou no achöme. Aber isch no schwierig, mir hei ou eis uf Australie gschickt, aber e Rückmäldig hei mir nie brcho
@Malinchen: mir si aus Kind immer im Herbst i dFerie, entweder ga wandere oder uf spanie
@me: Bi hüet mit mire TZ gas Kleid abstecke, u es isch no schöner aus i in Erinnerig ha gha! Drfür drücke dSchueh no mega, muess di bim ne Schuehmacher lah uswite. Weiss gad öbert e guete ir Umgebig Bern?
I fang mol nöd vo hinde aah, sondern vo vornä und schriib eiifach solang ii mag. Bii gad chlii erschlage vo all dem, wa ii machä sött und dass ii miinä Ferii Aber Bachelorarbeiit isch fertig, usdruckt und bunde. Am Friitig chönt mirs dä Dozentin problemlos binde. Yiiipiiiiiii!!!
Malinchen: Gratuuliärä isch es so guät gange! Druck diir dä Duume für dii kommende mündliche Prüäfige! I ha au scho gseh, dass dä Body-Shop da macht. Find ich es genials Agebot. Bins mir also au am überlegge gsii. Aber mittlerwiile han ii jo en Empfehlig vo dä Kollegin, wo d'Frisur macht. Dert wart ii eiifach no uf eh Antwort
Sasileu: Vo dem Fotiautomat han ii scho ghört. Da isch dä wo's so Werbig machät? Bin denn also gspannt! Wenn s'dir dä so atuä het, aber z'viil Platz brucht het: Wiä wärs den mitere Polaroid-Kamera? Wenn hend iihr denn Karte verschickt? Bii uns isch au no keiis Kärtli im Usland achooh und hends doch Ende Dezember verschickt. I mach mir mittlerwile au Sorge I ha scho beobachtet, dass nöd soo viiel ins Gäschtebuäch ineschriibet. I glaub, dass darfsch nöd persönlich näh. d'Lüüt nehmet glaubs eiifach lieber persönlch Kontakt uf…
Lilian: Suuper hets diir so aah dä Hochziitsmess gfallä. Macht mii gad glustig uf das Wuchenned, wenn d'Mess uf SG chunt I het jetzt au spontan Australie vorgschlage. Mii GG würd sich gad ii euem Gepäck verstecke :toungue: Dert hets eiifach für alli was Isch wirkli schwierig mit dä Ring. Es giit sogar en (alte) Thread über das: http://www.heiraten.ch/forum/board/versc...ng-16_50_2.html Aber ob diä Alternative eu entsprechet… I gseh, aah euem Hochziit isch für Programm gsorgt. I finde, da söttet Gäsch und TZ respektiere. Da chunt scho guät
Taeboyana: I finde d'Farb vom zweite (violette) Kleiid wunderschön. Das wär so typisch mini Farb. Aber dä Schnitt vom roote find ii dä hammer! Stot diir meega guät! Wart doch no diin Favorit ab, viellicht haut dii denn dä eiifach ussem Socke
Lula: Wooow, so schön wenn meh siich nomeh ins Kleiid verliäbt. Scho döörfe abstecke, das tönt so ernst und dass d'Hochziit immer nöcher ruckt. Meega kuul! Leiider chumi gar nöd us dä Region. Aber google mein Freund und Helfer wüsst alles
Bibi: Polterabig ii dä Skii-Hütte tönt meega hammer! Chönt mir aber vorstelle, dass es denn churz vorem Hochziit denn vermissisch zum diis baldige Mrs-GG-Werde fiire? In SG giits d'Villa Wahnsinn, diä isch immer so chlii im Après-Ski-Style. Viellicht giits in diiner Region öpis ähnlichs?
Daenu: I finde d'Frisure uuh schön, wo du dir usegsuächt hesch! I denke aber, dass ned zu dä Friseurin go muäsch und sägä: "zagg, das will ich" sondern meh in welli Richtig und eiins, zweii Bispiiel… Will eh Friseuse isch ja selber kreativ und gniässt viellicht Freiheiite. Wenn sii ghört halboffe und diich aluägt, denn chunt ihre denn viellicht diä perfekt Lösig?
Pricana: Woow, es hammer Agebot vo dene DJ's. Hend ihr Konditione vo dä Band? Meiistens isch doch früäh's abbuächä kostelos? Denn würdet ihr ohni Problem chönä eh DJ ahüüre. I würds versuächä, wenn eu DJ so überzügt. Finds eigentli no kuul, will en DJ cha alles und d'Band het siis Repertoire.
zu mir Mir sind d'Inhält vom Ferii-Hüsli go aluägä und es isch eiifach unglaublich wiä viiel tolli Sachä dört uf uns gwartet hend und dass alles dörfet mir eiifach ha! So hets zum Bispiel wiises Gschiir mit gaanz fiiner pinker Musterig. Als obs es extra für miich dert hiigstellt hettet I bii fast an Decki gumpet vor Froiid! Denn hend Eltere vom GG eh Kollegin, wo eh Schwester het, wo Imobilie-Marklerin isch. Sii het uns aboote d'Auge und d'Ohre offe z'ha für eh Wohnig. Denn würdet mir diä unter dä Hand bechooh. So wiä's d'Fara gsaiit het, gönd dii meiiste Wonigä weg eiifach ohni jeh ins Internet gstellt werde. Jetzt sind mir au so Bschiiesschögä Aber schönst isch am Friitig gscheh. Mini TZ-Nr2 het miich ja immer scho unterstütz ii miim pinke-etwas am Kleiid. Sii isch choh und mir hend testet wiä s'Kleiid usgseht miteme pinkige Band (ok es isch ned knall pink, sondern anderi wiä iich nennet das zart rosa. Ihr chönt eu eh helli Gerbera vorstelle ) Und ii ha mii ins Kleiid verliäbt. So isch es nüm s'Kleiid wo ii vo miiner Schwester bechooh ha, es isch miis TRAUMKLEIID I bii zweii Stund vorem Spiegel gstande und ha mii bestunt Mini TZ-Nr1 het denn s'Foti gseh und gmeiint, sowas fänd sii also au genial. Wo mir denn dä Bändel wiider weggnoh hend, isch s'Kleiid gad leer gsii. Was so es chliises öpis uslöse chan Jetzt bruch ii nur ä Schniiderin wo mir das macht. Daenu, ii ha vor in Joys z'gooh Jetzt no 5x schlaafe und au iich darf an d'Hochziitsmess. Points to do: Azug, Ferie, Ring
Wünschä eu eh guäti Naacht und morn en guätä Start in neue Taag!
Sasileu Ah so kuuhl mit de Hochziitsreis. Ja mier sinds eus jeze au am überlege. Wenns no ide nächere Uswahl blibt, schrieb ich dier mal e PN Joah da häsch scho rächt mit em Name, Pass und Amerika. Det muen alles stimme. Da würdi s'Risiko au nöd in Chauf neh.. Bi eus dönd au TZ de Polterabig organisiere. Da mueni also nix mache :)
Malinchen Ja das hani mi au gfrägt, wo all im Herbst id Ferie gönd Das mit em Bodyshop hamer au no überleit. Ich han eh au die meiste Produkt vo dete..
Squishy-fishy Super mit de Bachelor-Arbet :) Bisch sicher erliechteret.. Joah den duen ich gad mal de alti Theard aluege, danke villmal für de Tipp :) Dönt ja mega guet mit em Ferie-Hüsli und au das d'Maklerin für eu d'Auge und d'Ohre offe bhaltet!! Isch ebe scho lässig, wenn iher so zu Sache für eui Wohnig chömed. Das mit em Chleid isch doch super!! Hihi chamer das gad vorstelle, zwei Stund vor em Spiegel . Den wünschi dier vill Spass ade Hochziitsmäss und das iher eu no chli chönd inspiriere :)
Fara Bisch du uf em Blog? Bin gad uf de Homepage gsi und go luege und han gseh es hät neui Föteli druf.. Sind ja meeeega härzig. Gfallemer sehr guet .
Me Han gester no mit eim gredet vom Gschäft, er isch gad vo de Maledive (oder Mauritius?) heicho. Ich gahn mit em nächst Wuche mal go z'Mittagesse und er duet den chli verzelle Und er hät sicher au no suscht no de einti oder anderi Tip. Er isch scho a villne Ort gsi..
Pricana Idr Region Zofige, Willisau, Sursee… mer sind geschter nomol ga Chilene aluege aber so das mega schöne esch ned derbi gse. Mini TZ esch äbe 3 Mönet in Asie… aso ned grad umeegge. E hami jetze entschiede dassmer halt im März id Schwiiz nöime gönd, uf Arosa oder so und denne halt ohni mini Schwöster. Durdas chunts denne ou chli gönstiger för alli… Wow, bi Bricht vodr Mäss tönt jo super. e wett denne uf Luzern no go. und wägem Catering ou! Fendi absolut ou en faire guete Priis! Ah e ha gläse dass du am sueche bisch wägde M&Ms. Me cha imfau ader düütsche gränze ou es Postfach mache. De hettme en düütschi adrässe und chases ou sache lo hänelefere. Bem abhole zahltme denne eifach pro Paket öppis.
Claudilein Hihi, e gang nöchst Woche ufd Bettmeralp id Skiferie!  gniessest emu no! 
Lil.lian Jo mer wörde im März ga skifahre. Es goht jo vor allem ums Apres ski!  aber e hoffe scho dass denne no öppis los esch… hei jetze an Arosa oder Laax dänkt… Ah und wägde Flitterwoche: mer gfallt halt Amerika und Canada scho mega guet. In Canada beni scho ader West- und ader Ostküste gse. In amerika beni gad letschtsjohr 4 Woche gse. Ebe zerscht 5 Woche in Toronto gse und när äbe no 4 Woche go reise id USA. De simer vo afangs Sept bis Afangs Okt. Gse. Es chunt halt chli drufa wo ider USA. Aber im Sept und Okt chasch scho… was wettisch denne genau die Flitterwoche? Schöni Hotel, Strand und Mietauto? Oder eher Camper, Landschaft und Lagerfüür? Ah und ad Ostköste vo Canada z.b. chasch ou nur 2 Woche go. ebe ou scho im Okt dörte ga umereise. Esch mega schön gse. Hader de no en Tourevorschlag, falls das in Frag chäm!  Mer chöi ou ned mega lang ferie nä. Drum leischtemer üs äuä mol Maledive för 10 Täg als Flitterwoche und göi denne im 2015 werde längers id Ferie… Malinchen Mer hürote am 04. Oktober… s goht aso nochli. Äbe gäu, es esch wörkli ned jede bereit 600.- uszgä före polterobe. E chönt ou ned henderdäm stah und drum hani jetze entschiede dassmer id CH göi ga skifahre. Hoffe das klappet und es cha denne ou öpper. Esch äbe scho im märz…. Und halt ou chli früech welli erscht im okt hürote. Esch das chli doof?? Goht scho oder? am SA beni denne äbe grad chli verunsicheret gse. Eschmer grad alles chli vell gse. E wett äbe allen alles rächt mache und das esch denne so schwerig…de hani es schlächts gwösse gha, welli jetze ohni mini schwo poltere, de hanis doof gfonde dass halt scho so früech esch und jetze eschs scho weder es anders datum. Am beste hätti doch kene gmacht… mi frönd hettmi de aber werde chli ufbout! 
sasileu mer wohnet ider nöchi vo olte. Und fiire dömer idr mangerie in Egolzwil. D Aperolocation esch in Reide. Do simer äbe chli bonde, well die üs so gfallt… die wunderschön Chile wär in St. Urban gse. Chunsch du denne ou vo dörte?
squishy-fishy mer döi chirchlech im Okt hürote und denne äuä zivil im Juli a üsem johrestag. Denne wär dr Polterobe halt 4 Mönet vorem Zivile… esch scho chli früech… aber e wett scho gärn ga skifahre!  jetz halt…
e hänke üch no d Föteli vode Muster Iladige a. be aso gspannt uf üchi rückmäldige!
Bibi77 Mier gfallt d'Iladig 2 am beste, aber lieber ide Farbe vo Iladig 1 und 3 Ja wege de Flitterwuche eher schöni Hotel, ganz vill Strääänd und Mietauto. Wo bisch den in Amerika gsi? A Kanada hani jeze eher weniger dänkt.. Müsstemer mal aluege. Und es muen halt scho gnueg warm si, zum im Meer go bade
_janedoe Woooow ime Monät scho Und händer eu wegem Pfarrer entschiede? Und wie isch es in London gsi? Häsch no viel zum mache?
Bibi: Wow die Iladige sind wahnsinnig schön! Mir gfallt die ersti am allerbeste.
Fara: Han au gad welle fröge ob's du bisch ufem Blog??? Wo du gseit häsch dass ihr bald chömed bini jede Tag go luege gange... Gwundernase!
Janedoe: Läck no ein Monet!!! Gits ja nöd... Wahnsinn!!! Und bisch scho nervös oder chasches glich nonig glaube? Bi eus sinds gester no 5 Mönet gsi... Das findi scho isch nüme lang. HILFE! Hihi...
Hans ez immer nur gschafft im Mai Thread mitzschribe aber ez schribi mal en churzi Zämäfassig vo mier: Euse Pfarrer isch ja gstorbe und ich bin echt chli de Verzwiiflig nöch gsi will i dere Chile wirds kein neue Pfarrer geh, also hemmer kein Ersatz gha. Min GG hed denn uf Düsseldorf am Diakon vo sinere alte Chilegmeind aglüte und jetzt flügt de doch tatsächlich kostelos (aso für eus ) i und traut eus. Am Sunntig Abig isch bi eus alles chli drunter und drüber gange. GG hed mit sim TZ in Dütschland telefoniert weg ere Frag vome Gascht und denn seit de GG nur so nebebii 'wenn chunnsch du eigentli am 14.2.?' und de TZ so 'wege? ich muess schaffe'. Er hed vooooll eusi Trauuig vergässe. Au s kirchliche Datum. Mier sind de beidi chli verunsicheret gsi und hend eus überleit, obs es überhaupt bringt, wenn er sich so rein gar nöd interessiert (im letschte 3/4 Jahr hemmer vlt 3x vo ihm ghört) und drum hemmer eus schlussendli entschiede, de Poste Trauzüüge neu z besetze. Das alles isch jetzt unter Dach und Fach und min heimliche erste Favorit hed jetzt das Amt überno
Kennt öpper vo eu Kate's Wedding oder hed Erfahrige demit?
@lil.lian Wegem Pfarrer hani dobe gschribe :) London isch meeeeega gsi, aber viel viel zchurz. Mini Schwö und ich hend wirkli voll Powershopping gmacht. Am zweite Tag hemmer d'Winterjacke und Schäl im Hotel glah und sind direkt eso dur dStadt will mer am erste Tag esooo gschwitzt hend s Wätter isch de hammer gsi und s'Geld und de Platz im Koffer nullkommanichts weg Du bisch au gsi oder? Ime Monet hemmer ja erst die standesamtlich Trauuig. Da eus die voll ned wichtig isch, müemer da gar nöd viel organisiere. Paar Blüemli, e Fläsche Chämpis und fertig :) Alles schriftliche und d'Ehevorbereitig hemmer letscht Mäntig erlediget
@Pfingstrose Ich bi gaaaar nöd nervös. Es isch es mega unwirklichs Gfühl, dases jetzt wirklich sowiit isch. Ich han letscht Wuche zum erste mal min 'neue' Name ufeme Blatt Papier druckt gseh und schier müesse brüele wills mi voll überwältigt hed. Aber es isch eifach sones meeega freudigs Gfühl. Gar nöd nervös :)
Janedoe: Hey super dass es sich so ergäh hät mit em Pfarrer. Anderst wer natürlich schöner gsi aber das isch doch die besti Allternative woner nume hetted chöne finde. Hm, speziell mit dem TZ. Wenn händ ihr Standesamt und wenn d Chile? Super hät din erste Favorit chöne ispringe. Isch ja au nöd gad selbstverständlich. Muss ja jetzt i churzer Ziit dri cho.
Haha, in London händer ja meeega Vollgas geh wenner sogar d Winterchleidig diheime gla händ. Häsch no Geld ufem Konto?
Herzig wegem Name! Isch scho no speziell. Hach freu mich au scho mega! Und am aller meiste freu ich mich eigenltich uf die schöne Fotis am Schluss!‎ Wo für immer hebed... Und d Erinnerig natrülich! :)
Anmelden
, jänu, wott ja GG ou nit Lüüt näh, wo ihm enorm wichtig si. 
So hets zum Bispiel wiises Gschiir mit gaanz fiiner pinker Musterig. Als obs es extra für miich dert hiigstellt hettet 
