Janeode
Jo e bstelle s material be einiere in Düütschland. Si hettmer ou die iladige gstaltet. Denne hets so Stämple, Ausstanzer und wases ou alles no get. Und bastel duenise denne deheime nach ehrer aleitig! 
Ui scho imene monet verhürotet? Wow toll!!! Bimer gohts nochli! 

Janedoe
Ah no wägem Make up und frisur. Make up fendi mega gönschtig metem Probetermin! D hoor chani ned säge… be noni so wiit! 
Frisur allgemein: geschter hani im TV en zämefassig vode Golden Globe gse. D Frisur voder Julia roberts hettmer meeega gfalle!! Ha das grad müesse fötele. Genau so chöntismir vorstelle!  eifach no meteme Diadem! 

Iladigscharte:
Danke a alli womer do retour gschrebe hei!  mer gfallt die erschti ou rächt guet, weiss eifach ned en dä mond und die rakete ned echli chindlech usgseht… aber so dr spruch esch scho mega schön und sesch ou toll metdr Wältcharte. Wörd ou zu üsne Themetische (bereisti Länder vo üs) passe…

Malinchen
Jo secher, gang doch eifach mol verbie!! Abstecke chöisis jo denne ou no es anders mol!

Me
Juhui e freumi gad mega! Mer wette jo am 18.7 zivil hürote. Das esch üse johrestag! und uf üsem Standesamt sind scho fascht alli termine usbuechet. Womer aber letscht SA si ga üsi Aperolocation aluege, hets dörte en mega schöne Ruum gha, no meteme alte Ofe denne und sone schöni Decki, wosi ou döi Ziviltrauige abiete. Höt hani grad aglüüte und gfrogt eb das wördi go, ou wenn das öberhaut ned i üsem Ort esch. Und si mache ou uswärtigi Trauige. Am 18.7 esch ou no alles frei und mer chönte för 250.- meh als normal dörte üsi zivili Trauig ha! Mega toll! Freumi gad sooo!

@Bibi
Ischs per Zuefall Stampin'up? Eusi Iladige sind ja au vo einere wo min SU schaffet gmacht worde. Erinneret mi chli drah :) Und die erst gfallt mier ebe bsunders guet wegem Spruch
Ha grad gschnell müesse google, stimmt, d Julia Roberts hed e mega schöni Frisur gha. Sehr klassisch.

Coool, gratuliere zu dem tolle Trauuigsort und au zum Termin!, tönt wirkli mega schön. Gits da au es Bildli dezue?

Janedoe
jo genau Stampinup! Hesch ou met däm gmacht? e ha äbe no gar nie dermet gfaschaffet, e hoffes e chas de ou! :-)
jo chasches Google. Kommende in Reiden. de settsches grad fende. esch ned riesig aber chli schlössli ähndlech und en härzige Innehof! :-)

nala
doch doch me cha alles kombiniere wemers wett. wett gloub äbe oue eher grüen als Farb.

@nala
Es isch doch ganz normal, mich würd das au nerve obwohl ich nöd wüsst wies usechunnd. Mir chönd d Deadline scho no ändere, ja.. Ha ez aber grad gseh dass d Aperogäst sich uf de 15.3. müend Amelde und die gladne Gäst uf de 15.2. also eeeasy :)

@Bibi
Nei ich has nöd selber gmacht. Sie hed mier alles ufem Deckel vo de Charte gstanzt und zemekläbt und ich han das ganze nur no uf eusi Charte müesse chläbe. Isch aber glaubs nöd sooo schwierig :)
Oh isch ja wirkli mega härzig. Freue mi für eu! :)

@bibi: ah den isch jo super wen ihrs de gnau so könnet kombiniere wie's euch gfallt!

@lil.lian: jomir hän scho mol dänkt das si chli für d unterhaltig am obig könntet sorge.. aber wie gseit, vilicht machi mir au z viil sorge und nachem erste träffe reglet sich das chli. mi gg macht sich uf jedefall gar keini sorge zu däm momentan

@janedoe: ah super den händr no chli meh zyt zum bastle, susch wärs jo wirkli grad chli stressig worde

@pfingstrose: mini zwei TZ's störts aber wen är ihne alles abschiebt…
är hets jo bis jetzt nur akündigt dases ihn aschisst organisiere und är das mine zwei wot übrloh und nüd mache. wüsse jo noni wie's de usekunnt, wie gseit vilicht machi mir au scho unnötig sorge.

mörgeliii :)

puh so vill zum kommentiere, hoffe schaffes ohni öpe rz vergesse
mini chli het sa/so über 40° fieber gha und am mäntig hets de mich gno. ha mi denn ganz schnell müsse kuriere wili gester ja d autoprüfig gha ha und hets fast gschafft, nur nach 50 minute hani ei grobe bock gschosse (falschi richtig i de fahrspur) und er hät müesse igrife. scho wieder verpast, ich het chäne hüle. autofahre isch nüt für mich aso dafi etz grad nomal de nothelfer und theorie (zum 3.!!) mal mache..denn dafi wieder es paar fahrstunde ne (wo nimis geld her fragi mi)..mi GG isch denn aber herzig gsi und het gseit musch dra blibe gaht scho irgendwie.

so :) weiss gar nid wo afa...

iladige / GG: hey merci für all eui rückmeldige. de bini glatt froh dasi nid die einzig bi wo ned jedes detail mitem GG stundelang diskutiert .) ich han etze nachegfragt obs anderi farbe het vo de baum iladig (die gfallt eus au am beschte)..tatsächlich, peach, grüen, violett, blau...hend eus für grüen entschiede. ha sie etz gester bstellt (mit express). wenns de da sind chani ja es bild poste :)
de hani no grad u pinterest gse wie me cha adressiere mit kalligraphie (aso ich machs de eifach ähnlich, cha ja das nid), ha mega herzigi idee ge aber bi chli unsicher weg de adressierig i de CH...chunts de echt a wenn me chli anders schribt ? ich weiss nur dass d sortier maschine vo unde ufe liest, aber de selleds halt die 35 iladige vo hand sortiere, isch schliesslich ke rächnig :)

squishy: gaht ja glich öpis

pfingstrose: danke für de countdown. .)

claudilein: haha, so guet wegem farbkonzept schöpn hesch ferie gad :) gniesseds !

malinchen: super weg de prüfige. ha der de duume druckt :) wow pocketfolds sind u schön !
würd au eher de profi ne für d crepes, wenn ja s budget kes problem me isch. de kolleg isc sicher iglade oder ? de chaners de besser gnüsse :)

sue: mir händ peach mint und wiss :) aber nachdem d nala gschribe het sie hebs konzept gänderet, hani au umeghirned, dass es eifacher wär mit mint und ere andere farb, weg de blueme (wett ja wissi hortensie ufem tisch und de isch es eifacher mit gäl oder so)..aber bi nid wegcho vo minere erst wahl. lampions chasch ja spraye i dene zwei farb, und tischdeko bringi scho ane :) de isch ja nur de d wimpelchetti und candybar, wo eh nid alles i dene farbe wird chöne si vo de süessigkeite.
weg de iladige häsch ja gläse, hoffe sind inere wuche da, denn no couverts schön aschribe und abschicke. frischt isch bis 15.3, finde das längt, wüsseds ja all scho eigetlli. hürate tömmer am 27.6..

nala: ou so cool mit london. da musi etz glaub würkli mal hi
ah endli hesch gfragt :) so guet ! jaaa, impressionen kenni. .) zum glück nid z guet, susch wäri wohl ruiniert :)

taeboyana: d etsy sache sind all im warchorb gsi .,) mittlerwile hani d dankes girlande, d candy bar säckli und d schmetterling bstellt. freu mi scho wenns chömed :)
haha ja ebe euse name isch au länger, gaht wohl nid uf dem string.
chentsch recht ha mit de frisur, ich han aber relativ dicks haar, bi mir hebt das züg alig relativ guet mit spray und susch bini de halt am abig mal chli weniger gstyled, isch doch glich
finde s rote au vill besser.

lilian: de hoffi ihr hürated nid während de WM wenn bi dim GG nüt über fuessball gaht

namensänderig/ ID: so cool danke, da hetti nie und nimmer dra denkt :) d flittis werded sicher uf mi alt name buecht. villicht längts de für d familieferie im auguscht mitem neue name :)

bibi: die iladige sind ja de hammer. find die erscht und die zweit super !
bisch doch vom luzerner hinterland, oder ? wetteder nid in luzern hürate ? de hets so schöni chilene :)
ou wegem polterabig, bi au scho a eim iglade gsi (aso natürli nid so öper engs, e kollegin eifach), und het über 320.- zahle müesse, da hani au abgseit. ha mer das gar nid chöne leischte, als mami gaht das nöd. aber frag doch mal schüch wer da was bereit isch zum zahle :)
eusi iladige sind vo zazzle. det isch jewils en abüter druf wod ebe chasch kontaktiere, euse isch etz vo kalifornie. mega en nette, wo ebe jetzt s wort "wedding celebration" für eus gänderet hät und eusi näme anegschribe hät. isch mega :)

laprincipessa: dafi au d homepage gse ?

fara: ich ha ke fotis gse vo dir, dafi au no ?

lula: ui gaht gar nüm lang :) d text han au ich gschribe bi de iladig :) hend ja ganz en eifachi, wil mini TZ ja denn en brief mit allne infos schribt. ha denn aber glich no en satz oder es zitat welle druf, und ha eis gfunde : e grossi liebi brucht nid vill wort: mir hürated!. het am GG mega gfalle :)

sasi: welcome back !

daenu: danke :) ja sie werded sicher denn erst gse was mer alles gmacht hend :)))
aso bi dir gfallt mer die zweit mitem schleier au mega.

pricana: ah das lohnt sich ja no glatt die messene :) aso für eus nid, wegem budget. de gurkts di nur a wenn nüt chasch bueche haha :) aber mit de guetschine usw..selli echt au no schnell in luzern verbi

Zuletzt bearbeitet am 15.01.14 09:42