@littlefoot Haha, definitiv bisch da nöd die einzig. s'isch so luschtig gsi: Mini Zwillingsschwöschter und ich hend beidi nöd direkt mit 18ni agfange, jetzt simmer 26i und im November han ich welle endli de Nothelfer mache und wirkli afange. Han mi agmolde und denn schribt mini Schwöschter mier es SMS (Sie hed nüt vo mine Plän gwüsst) "Hey ich fange mit de Autoprüefig ha, ha das Theoriezüüg kauft" :D Ich ha soooo müesse lache. Da ich ja denn aber de Unfall gha ha, hani de nid i Nothelfer chönne und sit denn liit widermal alles uf Iiis. Ich druck dir aber uf jedefall d Duume dases bim nächste Mal klappt! Mercii füre Tip mit de Lampions!
Dini Organisation tönt ja cool, wo lönder dTorte mache z Unterägeri? Hend iher scho de genau Tagesablauf gmacht? Tönt grad chli so...
@nala Min GG und ich hend ebe scho immer a de Beziehig müesse schaffe. Bi eus heds nie die 'rosarot Brülle' und das blinde Verliebtsii geh. Unromantisch, aber defür konstant und real Uf de Page gsehtme ebe gar ned sooo viel. Ha sie a de Hochziitsmess entdeckt und ihre Stand und de Tisch wo sie dette dekoriert hed hätti am liebschte mit i eusi Location gno Ich han schomal selber PomPoms gmacht. Es isch wirkli bubiliecht, s einzige Problem woni ha, isch, dasi nöd die richtig Farb Siidepapier gfinde und dass die Dinger zum Teil nöd komplett rund sondern eher oval wärded. Hänke mal sone Testpompom a :)
@me Jez hed grad mis Schwiegermami in spe es SMS gschribe, das ich ha ime Monet scho en Tag verhüratet bin. Wie sich das afühlt? Und dass sie sich mega freut. Hani grad au mega freud gha dass sie so a eus denkt! :)
Janedoe Es isch glaub eifach es virtuells Kässeli :))) und hützutags chunt mer mit 20 Rappe au nüme so wiit. Aso en Kaffi wierds chum geh defür Ja findi aber no ok mit em Priis wenns Deko und Blueme sind. Oder was muemer für d'Blueme so rechne? Han kei Ahnig.. Han gad no glese häsch sie ade Hochziitsmess gseh, wär au no grad mini Frag gsi :) Bin au gspanne was es den aber definitiv wür choste.. So e härzigi Frag vo dim zuekünftige Schwiegermami . Wow de Pompom gseht ja super us!!
Nala05 Han au mal de Katalog uf de Homepage bstellt. Aber mer hät würkli nur de Wiehnachtskatalog chöne aklicke. Mal luege was den chunt .
Dekoriere Mier händs so dänkt wegem dekoriere. Hürate dömer ide Chile bi eus diheime (3 Minute z'Fuess) und de Apero isch bim Nachber äne. Und mier gönd den mit em Auto richtig Luzern und möched den unterwägs no Föteli. Und ich han dänkt, dass eusi Schwöstere oder e Kollegin den würded Tisch und alles dekoriere. Es wär den no gnueg Ziit vörig am Namitag zum das z'mache. Und bevors den wiitergaht chani no e KONTROLLE mache öb alles passt . Aber mier müssted au no frage, es isch nu mal so e Idee gsi vo eus.
Den hani no e anderi Frag.. Mier sind no am überlege wie mer das mit em zivile wännd mache. Debi wäred sicher Grosseltere, Eltere, Schwöstere, TZ mit Partner und mier, den wäremer scho 20 Lüt. Mier wüssed eifach nöd mit wem das mer sölled go esse gah. Entweder es giht nach de Trouig gad en Apero und mier gönd eifach mit de TZ und Partner go esse oder mier gönd mit allne go esse, es wür den eifach jede sälber zahle (ussert TZ) und jede chan entscheide öb er weti mitcho. Wemer en Apero wennd mache, söt er ebe würkli gad bim Stadthuus si. Wet den nöd no e halbi Weltreis mache. In Züri isch es den halt eifach gad mega tür. Han da no was im Internet gfunde: http://www.barfussbar.ch/index.php/apero-im-kreuzgang.html http://www.barfussbar.ch/index.php/kreuzgangapero.html Ich finds uu schön aber es sprengt eifach den scho euses Budget wenn das au no dezue chunt. Die ander Variante wär mit em go Esse gah und sälber zahle. Wie findet iher das? E anderi Idee wo ich no spontan gha han, wär bi eus ide Gmeind z'hürate und den de Apero bi eus diheime zmache. S'Esse chöntemer vome Beck organisiere und Sitzglegeheite müsstemer eifach no luege und den müsstemer eifach no de Vermieter fräge öb mer bi eus d'Wiese chönted benütze. Und dänn würemer eifach mit de TZ und Partner go esse gah.. Was meined iher?
@janedoe: jööö das ischde härzig vo dim schwiegermami das si so an euch dänkt! dä pompom seht ämel super us! das mitem oval wär mir glaub nid mol ufgfalle hättis nid gläse den wirdi das i mine ferie im februar mol usprobiere.. und wenni mi z dumm astell weissi scho wär froge bi jo gspannt was den seisch vo ihre, wil uf dr page dunggts mi jetzt ehrlig gseit fast chli mager. p.s. konstant und real isch sowiso besser as rosaroti-brülle vrliebtheit!
@lil.lian: i hoff si schicke mir grad e katalog mit dr bstellig mit, susch bstelli de au no e katalog und hoff s kunnt de nid dä mitem wiehnachtszüg ;) hmm das mitem standes amt isch ächt schwierig.. übr das hämir uns au d köpf zerbroche. mir maches aber jetzt so: mir hürote ufem standesamt wo mitem auto ca. 15min vo uns entfärnt isch, de kömme mir zrug zu uns und mache e apero grad bi uns am rhy.. s het sone inseli mit park ufem rhy.. z nacht gits de worschinli drfür nüd sondern eifach de apero. aber gäl uns ischs au nid so wichtig. mit go ässe go hätte mir au s problem wägem budget. sälber zahle fini persönlig nid so e gueti idee, meistens sin jo das sowiso scho die lüt wo eher meh gäld fürs hz usgäbe, de findis blöd miesste si das sälber zahle...
janedoe: super,dä pompon. uf pinterest hani gse dass es au mit serviette gaht...? aaah witzig wegem nbothelfer :) de muni etz ebe au wieder mache (9 jahr her de letscht) und GG macht en grad mit mir endi januar :) nei, er het d autoprüfig au no nid haha :) was heisst immer müesse schaffe a de beziehig ? :) normal, oder ? :) jöö dis schwiema, so herzig !
hamer de tagesablauf scho mal chli dure chopf la ga, jetzt wo de trauigstermin staht. und de rescht chunt halt eifach wenn mer öpis buecht, oder findet..au wil euse verastalter nid es resti isch, sondern halt e "private", wo nid alles selber direkt abüted usw...üsi location isch chli speziell, zwüsched resti und pfarreisaal wennd so wetsch. obwohl sie alles würded mache aber eifach nach ihrere art...wenn gnaui vorstellige häsch musch halt no chli selber dehinder... da machi mir halt eifach immer grad chli gedanke, bi halt scho e ganz gnaui dureplaneri :) de GG het scho gseit ich täg alles scho abspiele (aso de tag) und totrede, das nervi...aber ich tu mer eigetli nid de inhalt vom tag abspile. :) nur halt organisatorisch :) und ha scho uf vill blogs gläse dass gnaui planig sehr wichtig sig. GGs tschegged das eh nid :) mini TZ/Schwö hät au scho gseit: musch mer denn gnau de ablauf gä usw..aso gseht mer da guet wie fraue ticked :) ich denke sie muss denn au mal d location vorher go aluege, zum wüsse wo d lampions montiere usw...und de hani ebe no kontakt mit dere vom schminke, de wetted nini girls wüsse ob sie au gschminkt chönd werde, de muni afräge....de chunt automatisch denn eifach mal de gedanke weg de zit haha :)
turte muni ebe zerscht go probiere. ha nachem elle langem sueche ufem internet plötzli de zumbi beck gfunde wo ebe so englischi (mega schön gsends us) macht für 8.50 oder 9.50 pro person. isch de hammer wil susch isch es mind. 13.- ufwärts. drum hani sie ja welle selber mache, aber das hani mir etz überleit und drum witergsuecht. es lohnt sich :) muss nur no fein si :)
lilian: äh, chume nid drus.ihr hürated i de chile in züri (oder wo gnau?) und denn chömed ihr uf luzern go fiire ? ich würd am standesamtliche glaub eifach es apero mache, es grössers. je nach zit vo de trauig gahts ja denn au länger. de chasch ja a de engschte immer no säge am sibni oder so, he mir gönd go esse, wer chunt mit ?
nala05 Wie dönd iher den de Apero gnau mache? Nämeter eifach d'Sache sälber mit?
littlefoot Hihi ja sisch glaub chli verwirrend. Aso mier händ zivil und Chile nöd am gliche Tag. D'Chile isch grad dete wo mier wohned (in Weiningen ZH, isch bim Gubrist ) und den s'Fäscht am Abig in Vitznau. Und zivil wür ich gern in Züri hürate. Ich fänds ebe no lässig wemer den go esse gönd und den am Abig no chli gmüetlich an See würded gah.. Es sött ja den warm si und d'Sunne schiine S'Problem isch bi dene 20 sind ebe scho die engste debii!! Alli Grosseltere (8), Eltere und Gschwüsterti (6), TZ und Partner (4) und mier zwei. Und ich wür gern au no e anderi Kollegin debi ha..
Nala: Ja sicher, mir schaffed das scho die To-Do-Lischte abz’schaffe. Erlediged eifach vorzue was mir grad chönd und versueched ebe grad nonig so z’hyperventiliere…mal luege wies denn i 2 Mönet isch Zeigsch denn es Foti wenn die bstellte Kleider vo impressionen toll sind? Dä TZ isch ja en glatte Chaib…wemme zuesait für sones Amt mues mer doch au demit rechne, dass mer was organisiere mues. Üse TZ isch au voll unerfahre, aber er git sich mega Müeh. Din GG stressts nonig, und dich?? Pompoms: Sind echt eifach zum bastle. Hani scho mit Chinde gmacht!
Pricana: Wow, das Agebot für de Apéro tönt toll. Sinder scho wieter cho ide Entschiedig ob Band oder DJ?
Lillian: Uuuuh, das isch denn geil. 2 Frisure ha würd mir au gfalle. Aber i ha dCoiffeuse halt nöd debi. Hesch du au en Schleier? Din Ring tönt mega schön! Ich han au ganz en schmale woni über de Verlobigsring chan alegge. Wänder denn so vieli Lüt am zivile? Mir macheds im chline Rahme (10 Lüüt). Das mitem Apéro dihai findi auno e gueti Variante….oder jede bringt öppis mit zum Esse – so à la „bring your own party“
Sue: Danke! Ach dooof, wegem Makeup..
Malinchen: Genau das isches…es gseht mitem Schleier eifach streng us! Nr. 2 gfallt mir au. Es isch eifach recht eifach…weisch wani mein? Wegem Kleid: mis Kleid isch im Dez acho und i bi etz eifach go aprobiere – NÖD abstecke und han de Termin so spot wie mögli abgmacht, ebe wegem Abspeckprogramm. Bi mir laufts aber chli unmotiviert – trotzdem dasi etz e Deadline ha…hachhhh Mannnnnn!
Sasileu: Wooow, bi eu isch ja mega viel glauffe. Tönsch jedefalls voll begeisteret und inspiriert vode Hochzits-Mess! Mir sind letscht Jahr im Jan in SG gsi und s’het mir nöd so gfalle. Aber ZH isch sicher viel grösser und ihr sind etz au amene andere Punkt als mir letscht Jahr. Jetz simmer nüm gange will’s ja nurno 3 Mönet goht, und mir scho alles Grosse plant hend. Hets ade Mäss au Sportwägä gha? Ich weiss du überlohsches mitem Auto dim GG. Aber vlt het er en Tipp für mich. Ich wetti min GG am Zivile miteme Sportwage überrasche. Hend ihr evtl. en Prospekt mitgnoh?
Lula: Sie hends etz uf dä Samstig verschobe. Ich han de ganz Tag Wieterbildig und sie chönd ungstört go en Anzug aprobiere. Hoff es chunnt nid wieder was dezwüsche!!! Ja nu, 15 Lüüt gaht ja no!
Squishy: oooooh kuulio! Gratuliere zur Abgab! Ja hesch recht! D’Coiffeuse wet sich sicher au chli kreativ betätige und weiss au was chönnt passe. Weisch, i mach mega viel und au ufwändigi Frisure selber…au bim Schminke bini mi voll nid gwöhnt, dass da öpper andersch macht. Gfallt mer denn amigs selte. Drum fallts mir glaub so schwer das abzgeh! Und i wett mir nöd öppis doofs ufschwätze loh…au wenn’s mir amigs nöd gfallt fallts mir schwer zum sägä „es gfallt mer nöd“ !!! Hey Squishy, da tönt super weg dim Kleid! I glaub da isch genau s’richitg für di. 2h nacher vorem Spiegel – soooo mueses sii. Ah und die Schniederinne im Joys macheds sicher guet. Juhuuu, happy for you!
Janedoe: seeeeeeeeeeeeeeeeeeeehr bald! Hend ihr en grosse Ziviler? äääähm jo…das hender super gmacht wegem TZ, glaub da hetti au nöd lang gfacklet! Dini TZ isch sicher au froh het sie chli meh Hilf – oder? Etz hend ihr au en Diakon wie mir! Mega toll das da klapped het und dä jetzt sogar kostelos iflügt. Freut mi mega für eu! Mir hend am zivile HZ e Fründin wo Fötelis macht…auno dFotografin wär für üs eifach z’tür gsi. Gohts dir besser nachem Unfall? Ich chan ja nöd a das Bruttreffe cho, aber vlt bisch wieder mal in KN?
Bibi: Meeeega schön! Nr 1 und Nr 3 gfalled mir am beschte!
Me: danke für euri Rückmeldige bezüglich Frisure. Ansuschte simmer am To-Do-Lischte abarbeite wie di wilde!
@lil.lian: nei mir hän e apero bstellt.. uf dein deal isch grad für ide region basel e apero druf gsi und do hämir de grad zuegschlage. mir näme de eifach d getränk sälber und ich mach evtl. no e HZ-Torte sälber. und ebe mir würde de dr apero zu uns hei liefere loh und s züg den an rhy transportiere, aber das isch z fues nur 3min, sötti aso kei problem si. was hesch dr den jetzt übrlegt?
@daenu: dochdoch mi stressts eigetli scho, aber i due jetzt eifach mol no abwarte. jo wen die kleider de öbis sin zeigi gärn es foti aso guet de wird ich die pompoms sicher au anekriege!
@me: ich ha grad e paar coiffeure aglütte und gfrogt wägm hz.. und alli hän gseit das si am erste august zue hän.. nur de deint het gmeind si miesste no luege, aber dört kostet hoor und makeup inkl. probe 460.- das isch mir eigetli z viil. i suech jetzt mol no nach so styliste wo nid zumene coiffeur ghöre sondern ellei schaffe, vilicht isch do öper bereit am 1.aug mich z'style
hoi zäme so wet ou wider mau chli mit schribe u bi gläget heit no es verspötets guets nöis wünsche ;)
@bibi dini ichartene gse de hammer us aber am beste gfaut mer nr1 :) u wägem änglisch test fing i ned sooo schlimm :) i chas die sproch ou ned u verstoh duetmes glich mir hei jo fangs cheibe viu wörter womer so bruche de vo han de bi üsem voguchefig ou gseit ich schribe cards ane u de hets ou zersch gheisse nei chasch doch ned aber de bi vo postcarde isch de befriff ou nüme wit:)
@ littlefoot ou nei so doff wäg dere prüefig u de no wöu aues no mau muesch mache.... aber das isch de e blöde expert gsi aso i ha dene ou i de letschde 10min e bok gschosse u de het dä mi a gschnoutz u i bi so imene züg ine gsi ha däm grad umegä nachane het dä mit mir kes wort meh grett gha de hani ou dänkt gha itze is verbi u de bini glich dürecho ;)
@ liliana 20lüt no z verchöschdige mitemene ässe wäri scho no mau e pris frog :) aber i gloube so wini verstange ha wetteter lieber go ässe aus es appero!? de würdi das eifach grad so komunizere so vo wäge dir wöuget am obe go ässe ( wöus ou gäbiger geit) aber si müesi das eifach säuber zahle wöu dir jo de nos grosse fest heiget u dörte de aues zaut wärdi.
@me bi gester bir gwafföse gsi u de hetsi gmeint so ca2h bruchsi u zumene stunde a satz vo 70fr gloube isch ned sooo schlächt
u bim florist bini ou no grad gsi si fasch nabenang i wet so es rose chugeli aus zepter aus stuss :) u de hetsi gmeint das sigi so um die 120-150fr je nach grössi finges ok es brucht jo de ou läääängi rose :)
u schüsch gg het ändlich d iladigs chartene fertig gmacht so dasmers am week i packe u de ändlich chönte schike aber die meiste wüsse jos datum scho...
@jane: Oh so schön heit dirs so guet gha gester, so Momente bruchts eifach mängisch!
ah das tönt ja würklech no guet vo däm kateswedding. Bi o gad schnäu ufd Homepage ga luege... das ganze Dekozügs macht mir ou no sorge! Würds am liebstä sälber mache, aber das isch unmüglech, i mues zu derä Zyt ir Chille si.
jööö, dini Schwimu isch mega härzig!
@littlefoot: ah ok, das wär ja sogar no mal e Grund id Ikea ds gah und mal es Testobjekt z choufe... Danke füre Tipp!
@lillian: hmm, isch würkli no schwierig! Mir hei bim Zivile ds Apéro alli sälber lah zahle (resp. am Ändi heis üsi Papis teilt ) und drfür ds Znachtässe zahlt. Si aber nur 14 Persone gsi... I dänke d Gfahr besteit halt scho, dass wenn dirs ihne überlöht när öper sich verantwortlech füehlt und's när übernimmt?! U je nach däm ischs ou no schwierig, wenn dir nid à la Carte chöit bstellä, chunnt halt när ufs Resti druf a. Aber mir hei es Menu gha und de isch für üs eh klar gsi, dass mirs zahle wenn mir bestimme was ufe Tisch chunnt. Aber es chunnt halt när scho tüür... I gloub i würd i däm Fall halt eifach es riichhaltigs Apéro mache, chönntet ja das villecht irgendwo am See mache?
@Dänu: ja das stimmt, verstah guet was du meinsch... Aber gäll, du hesch de no dis wunderschöne Chleid anne, villecht spezielle Schmuck, dr Schleier etc. und da gsehsch när sowieso scho hammermässig us! Das gseht när glich viel edler us als wenn du dir die Frisur im Alltag machsch... Ah cool, de machi das ou so wägem Chleid! Hmm, villecht purzle ja glich no paar Gramm bis denn und i dänkes bi mir immer so: jedes woni los bi isch supi und wenns halt nid geit isch ou egal, GG hüratet mi ja ou so... Mi frustrierts süsch nur weni mir z viel Stress mache.
@munggi: ah ja voll, das si super Priise findi!
@me: i ha z Gfüehl i sött sooooo viel mache und ha soooo wenig zyt. Aber jetz hani morn no mini letschti Prüeffig u när sötts de chli besserä... Am Weekend hei GG und ig no fasch nüt vor und wenn das so blibt chöi mir villecht mal afah ade Iladige umebastle.
Anmelden
.
.
den wirdi das i mine ferie im februar mol usprobiere.. und wenni mi z dumm astell weissi scho wär froge 
obwohl sie alles würded mache aber eifach nach ihrere art...wenn gnaui vorstellige häsch musch halt no chli selber dehinder... da machi mir halt eifach immer grad chli gedanke, bi halt scho e ganz gnaui dureplaneri :) de GG het scho gseit ich täg alles scho abspiele (aso de tag) und totrede, das nervi...aber ich tu mer eigetli nid de inhalt vom tag abspile. :) nur halt organisatorisch :) und ha scho uf vill blogs gläse dass gnaui planig sehr wichtig sig. GGs tschegged das eh nid :) mini TZ/Schwö hät au scho gseit: musch mer denn gnau de ablauf gä usw..aso gseht mer da guet wie fraue ticked :) ich denke sie muss denn au mal d location vorher go aluege, zum wüsse wo d lampions montiere usw...und de hani ebe no kontakt mit dere vom schminke, de wetted nini girls wüsse ob sie au gschminkt chönd werde, de muni afräge....de chunt automatisch denn eifach mal de gedanke weg de zit haha :)
Zeigsch denn es Foti wenn die bstellte Kleider vo impressionen toll sind?
so dasmers am week i packe u de ändlich chönte schike aber die meiste wüsse jos datum scho...
) und drfür ds Znachtässe zahlt. Si aber nur 14 Persone gsi... I dänke d Gfahr besteit halt scho, dass wenn dirs ihne überlöht när öper sich verantwortlech füehlt und's när übernimmt?! U je nach däm ischs ou no schwierig, wenn dir nid à la Carte chöit bstellä, chunnt halt när ufs Resti druf a. Aber mir hei es Menu gha und de isch für üs eh klar gsi, dass mirs zahle wenn mir bestimme was ufe Tisch chunnt. 
I gloub i würd i däm Fall halt eifach es riichhaltigs Apéro mache, chönntet ja das villecht irgendwo am See mache?