Lil.lian Mier hend en Offerte igholt mit eusne Wünsch und hetted dett über 3000.- allei für d Blueme ohni Deko zahlt. Drum findi 1500.- human Finde ez de Apero i dere Bar no recht tüür für das wasme bechunnt, bzw. mier wärs uf jedefall ztüür. Da würdi eher eifach mit de TZ und Partner go esse und deheime en Apero mache. Hed eh meh Charme findi.
Nala Ja denn vill Glück mit de Pompoms. Isch echt mega eifach zum mache, glaube nöd, dass da viel falsch chasch mache. Uf jedefall wirdi denn brichte vo de Kate, wennmer de Termin gha hend… Imfall wegem Coiffeur: Ich han 4 oder 5 Offerte igholt und usnahmslos alli sind um die 400.- gsi. Drum hani das ebe fascht ned chönne glaube.
Littlefoot Ich has zerscht au mit Serviette usprobiert. Mit Siidepapier gahts aber miner Meinig nach liechter und gseht au filigraner us. Uf de Page vom Zumbi Beck findi gar kei Hochziits Torte, cha das sii? Stimmt scho, en genaue Tagesplan findi au enorm wichtig. Ohni wird’s im Chaos ende denki. Das Manne das nöd verstönd isch glaub echt normal Mier hend eus da drüber aber no gar kei Gedanke gmacht. Das wird denn so als nächsts mal in Agriff gno wennmer alli Ameldige hend.
Daenu Nei, am Zivile chömed nume mini Eltere, mini Schwöschter & Partner, am GG sis Mami und eusi TZ. Mier wend au gar nüt grosses organisiere denn. Gönd de eifach alli mitenand go esse und fertig. Chunntmer gad i Sinn dases öppe Sinn macht neumets zreserviere am Valentinstag Mini TZ isch immernochli de Meinig, dass sie nume will trinke und fäschte, das muessi ihre no ustriibe. Stimmt, eui Fotografin isch ja sicher meeega tüür. Für eus isch eifach wichtig gsi, dasmer eis, zwei Bildli wärded ha vom unterschribe z.B. Aber da findi, das chan guet mini Schwöschter mache. Mier gahts fascht wider guet, danke Chan zwar noni 100% schaffe aber die meischte Bewegige funktioniered wieder. Ich bin ja öppedie mal zKN, uf jedefall meldi mi nächstmal wenni nöd erst so spat abfahre. Vlt hesch ja de sponti Ziit
Malinchen Ich han au zerscht alles welle sälber baschtle (Min Hochziitsthread heisst ja DIY) aber es isch eifach nöd machbar am Hochziitstag selber. Klar es reut mi chli aber anderersiits wemmer ja au, dass de Tag nöd sone riese Stress mit sich bringt. Hey viel Glück bi de Prüefig!!! Bisch echt scho fertig? Isch guet gange?
Me GG hed jetzt grad es Vorstelligsgspröch uf en Job als Gschäftsfüehrer. Ich bin sooo ufgregt und nervös... Hoffe so fescht, dass das klappt, will er ja im Moment no Schicht schaffet und vorallem d Nachtschichte sind mega müehsam. Vlt nützts wenner mier alli helfed d'Duume drucke?
@jane: Min Duume si gaaaaanz fest drückt! Wär ja mega cool wenn das würd klappe! Ha hüt no die letschti Prüeffig u mues no chli drhinder...
Ja du hesch rächt, es wär definitiv z stressig das a üsem Tag sälber z mache. I ha mir insgeheim scho überleit Location z wächsle us däm Grund, aber GG würd wahrschinlech adr Dilli chläbe weni das würd vorschlah - v.a. nur wöui sälber wot d Deko mache. Duesch de du sälber bastle und sie duet när eifach dekoriere oder duet sie när alles mache?
Boa ihr gend voll gas Tag nid gschriebe und scho chamer mehreri Site zrug luegä, mini Jungs bim schaffe hend scho so gluegt was ich immer wieder uf mis Handy schielä
Also i ha na welä zu paarne was schriebe...
lil-lian: Hey, selbstverständlich chasch du mir e PN schicke falls irgendwelchi Frage hesch weg de Hochziitsreis. Viellicht gseht ma sich jo au am 1.Februar Also ich hans mir iplant...
Bibi77: Ohh sorry, in Olte kenni mi leider nid us und weiss au nid grad irgend e schöni Chile aber het jo viellicht chöne si, ufjedefall lueget nachi witer, ihr findet bestimmt no eini nach eune Wünsch Dini Iladigsvariantene findi übrigens sehr edel und natürli au herzig, aber i finds u schwer zum segä weli das mir am beste gfallt, sind alli WOW Hend ihr eui scho entschiede?
janedoe: Hoihoi, ich finds super flüegt für eui extra de Pfarrer ih, nei sogar genial:-) So wird eui Trauurig so oder so speziell und er bringt sicher au die gwüssi Stimmig übere, i mein sust würer jo nid iflüge weners nid au sehr gern wür mache Weg dim Pris vo de Coiffeuerin&Make-up...HAMMMMER, will au so günstig ha und happy si Hee die kateswedding, isch das die vode Hochziitsmess wo agfrögt hesch? Bi gspannt uf dini Rückmeldige
malinchen: Ich cha di verstah das unbedingt wotsch s'Kleid nomol aprobierä aber ebä jo au nachi wotsch abneh...gaht mir den glich im Frühlig...Ich wür dir empfehlä dass eifach emal vode Längi sicher apassisch lahsch und ganz eng, seisch ihne ald wieso. Ich denk prislich machts eh überhaupt kein Unterschied ob alles i 1x gmacht wird oder 2x weniger lang. Mini Sorg isch, dasi die passende Schuh nonig gfunde ha.
@Sasi: stimmt, das isch ou ä gueti Idee! I gloub i gange mal verbi und frage wies vom Priis här isch. I ha mini Schueh ja eigetlich scho, vo däm här chönntis mit dr Längi scho lah apasse. Aber jetz het GG plötzlech d Idee er chönnti en Zylinder alegä... De chönnti mir natürlich ou überlegä Highheels z näh. I träge eigetlech gärn höchi Schueh aber i bi när äbä paar cm. grösser als GG. So im Alltag ischs mir egal aber am Hochzyt findi gsehts doof us... Jetz bini äbä glich wieder unsicher.
Findi gad guet spreched ihr das mit de Schueh ah... Fänds cool wenn paar ihri zeige chönted oder vorstellige wo sie hend. Ich han kein Blasse und söttis langsam aber sicher au ha... Haha!
Ich fändi Sandalette (flachi) eigentlich am schönste. Und suscht Ballerinas... Aber ich find die Hochziitsschueh amigs garnöd so schön. Oder wenn den dänki die Schueh sind schön aber fest "bestickt" oder so und den isches zviel mit mim Chleid wo scho volle Spietze und fiine Pailette isch. Und suscht findi passt s Wiis nöd... Schwierig, schwierig.
Daenu16 Ja das mit em Schleier weissi nonig. So wiit bini nonig :) Weiss ebe au nöd wege de Lüt am zivile :-/. Es sind halt bi eus scho recht vill wege de Grosseltere. Mier händ beid no alli und den sinds halt eifach grad 8 Lüt meh. Und irgendwie fändis au schad, wenns nöd chönd debi sii.. Abr mier müends nomol überdenke..
Nala05 Ja das isch würkli no vill :-/ Oder mal nahfräge öbs öber privat macht und zu dier heichunt? Das mit em Apero findi e gueti Idee. Händer gad zuegschlage :)
Munggii 87 Ja isch en guete Priis :)
Malinchen Ja das weti ebe nöd, dass es den öber anders wür überneh :-/ S’wierd den halt uu tür wemer das miteme Catering würded mache :( Am See wär ebe scho lässig.. Vill Glück bi de Prüefig hüt!!
Janedoe Und ischs guet gloffe bim GG?
Sasileu Ja ich bin am 1. Februar au debi :) Bin uf eu scho mega gspanne =)))
Schueh Ich stell mer eher flachi vor oder es bitz Absatz (er isch nur ganz wenig grösser wie ich und ich han eigendli nie höchi Schueh ah) so Ballarina-mässig oder Peeptoes. Die gängige Hochziitsschueh gfallemer halt au nöd… Und farbigi heti eigendli au gern, wenni was farbigs im Chleid ha :).
Zivil Danke villmal für eui Kommentär!! Ich möchte ebe au nöd das sich am Schluss öber verpflichtet fühlt zum alles zahle. Und bi de ältere Lüt ischs halt eher no es bitz komplizierter als bi jüngere. Bin jez eher bim Apero diheime z'mache und den am Abig mit de jüngere go esse gah. Das mer eifach nöd nur TZ mitnehmed, sondern au eusi Schwöstere und je nach dem no Kollegin/Kolleg wo au no ad Trauuig chämted..
Zum Thema Schuhe Also ich bin leider numa grad stolzi 167cm und min GG isch stolzi 193cm,dass isch bi eus e ganzi Kopflängi inkl. Hals Ich selber träg sehr gern hohi Schuhe,also so Pumps mit 10-15cm chani guet laufe und i will au a minere HZ 15cm Pumps ah...ald eifach wie bi di meiste vo eui,damits au optisch stimmt wemer binenad stönd...hihihi Klar wirdi den irgendwo mine liebste es paar Ballerinas unterjuble für spöter fallsis den bruch. Was Farb agaht ischs eso,dass mir die klassische wiise ide Brutmodegschäfter nid gfallet.i will unbedingt es paar sehr schöni am liebste mit Glitzer,farblich wirds wahrschinli eher schlicht.obwohli nid abgneigt wer mit hellblau oder rosa...i henk mal paar bilder ah
I zeig eui na es Bild vo eusem Fingerabdruck-Herz womer gester bereits hend chöne aluege,wills scho im Ring isch...i weiss i weiss,s'Foti isch nid so scharf aber glich wotis zeige Und i lieeeeeeb min Ring,wunderschön am funkle mit mine Brilliante wo verteilt sind
@Lilian: also i würd d Grosselterä uf jedä Fall ilade! Mir hei nur no eis Grosi und das isch sooo schad! Die hei ja ou meistens ä riesä Fröid a so sache und da dänki ischs när weniger wichtig wenn dir halt eifach es Apéro bi öich dehei heit, drfür chöi sie drbi si...
@Sasi: wow, so schön di Ring!
@Schueh: also i ha ja eigetlech die flache bling-bling-Flipflops scho bstellt äbä bi impressionen. Da isch dr Link: http://www.impressionen.ch/shop/produkt/.../5203538?query=*&sortScore=desc&seoPath=//mode/schuhe/sandalen&origPos=1&pos=37&origPageSize=9&pager=true&page=1
Aber weni höchi würd näh, würdi entweder so glitzerschueh oder farbigi wähle. Mir gfalle die klassische Hochzytsschueh äbä ou überhoupt nid... Hänkä mal paar Bilder a!
Malinchen Ich han ursprünglich alles selber welle baschtle und ihre denn geh aber ich glaube, dass sie relativ guet usgstattet isch mit Sache wo mier gfalled (z.B. Serviettesäckli us Jute und Spitze) und denn denki dases schlussendli günstiger chunnt, das eifach bi ihre uszlehne. Aber mal luege was sie de meint.
Sasi Ja, de Diakon hed au mega dureblicke lah, daser sehr gern für eus iflügt und sich au mega geehrt fühlt super also!
Schuhe Ich träge so guet wie niiiiiiiie höchi Schueh, und wenn, denn nur so 3-5cm Absatz oder Keil. hett am liebschte Ballerinas… GG meint aber, dasi mind en chline Absatz sött träge, eifach wills halt e vill schöneri Haltig git. Das stimmt ebe scho.. Ich han goldigi Schueh kauft miteme (zumindescht für mich) Mörderabsatz. Sind 10.- gsi und han denkt, dasi ja scho für dümmers Geld usgseh ha. Aber glaube nid, dasi länger als 10Minute i dene ushalte, haha
Me S Gspröch vom GG seg super gloffe, er muess jetzt aber nomal zume wiitere Gspröch mitem oberste Chef… De Regionalchef hed aber gmeint, daser de Job zu 90% hed, er brucht eifach no s’OK vo disem. Hed also gnützt, s Duume drucke Dankeeee
Anmelden
Mier hend eus da drüber aber no gar kei Gedanke gmacht. Das wird denn so als nächsts mal in Agriff gno wennmer alli Ameldige hend. 
Chan zwar noni 100% schaffe aber die meischte Bewegige funktioniered wieder. 
Also ich hans mir iplant...
Dini Iladigsvariantene findi übrigens sehr edel und natürli au herzig, aber i finds u schwer zum segä weli das mir am beste gfallt, sind alli WOW
Ich selber träg sehr gern hohi Schuhe,also so Pumps mit 10-15cm chani guet laufe und i will au a minere HZ 15cm Pumps ah...ald eifach wie bi di meiste vo eui,damits au optisch stimmt wemer binenad stönd...hihihi