@munggi: bi euch isch dämfall au chli öbis glofe! dä priis findi aso au super!
@malinchen: viil glück bi dr letschte priefig, bald heschs übrstande
@janedoe: ha d duume fest druggt! hoff ischem guet glofe! wär jo super wenn är nüm mues go schichte, ka mr guet vorstelle das so nachtschichte asträngend sin! ha jetzt no e anderi gfunde für 390.- ha scho e termin, meh drzue unte ohh, grad no schnäll aktualisiert, so schön ischs dim gg guet glofe. drugg witrhin de duume! hihi die schueh sin doch toll! ha mir au übrlegt ganz silbrigi oder goldigi z kaufe.. fürs prinzässine gfühl jo ziehsch die den ah zum ine laufe und nochär wächslisch uf d ballerinas
@lil.lian: wäg de hoor/makeup het sich no öbis do.. zu mir hei ko bringt bi mir sowiso nüd, do mir jo z luzärn hürote abr z basel wohne.. und i wot mi nid scho do fertig mache, den no uf luzärn fahre miesse.. tönt doch guet wäge eurem zivile!
@sasileu: wow mega schön dä finger abdruck i eurne ring
@malinchen: mir gfalle die hellblaue schueh meeeega guet! vo wo sin die?? d flipflops könntsch jo den guet für e obig no bruche, die si au mega schön.
@schue: ich bi au no chli am schwanke zwüsche farbig und wiss. do ich au nid grad die grössti bi (nei sogar eher en zwärg^^) woti uf jedefall hochi schueh. so 8cm hani mol dänkt söte guet go. i hänk mol au es bildli ah vo eim wo i mega schön fänd, aber d farb nid soooo mini isch susch hani dört wo i s kleid kauft ha en zimlig schöne gseh, wo meh au ka ifärbe.. i lueg de bim mim accessores termin nomol
@me: ich ha gescht no chli umetelefoniert und im internet recherchiert und ha jetzt e stylistin in weggis gfunde. ha den mit ihre telefoniert und si isch e mega liebi gsi, het gmeind das i mi de au grad bi ihre umzieh und alles ka jetzt hani im mai scho de termin für d probe.. s kostet öper 390.- für alles.. das isch ok, mini persönlig obergränzi isch so 400.- gsi.. und do ich gmerkt ha das es wägem datum eh mega schwer wär imene coiffeur das mache, isch das voll ok!
@Jane: oh cool, das si ja super news vo dim GG! Es witers Gspräch isch immer es guets Zeichä!
Ah ok, ja wenn sie die Sache eh scho het wo du süsch würdsch bastle isch natürlech super so... Bi de o gspannt was du vom Gspräch mit ihre verzellsch!
Hmm, i bi mirs eigetlech rächt gwöhnt i höche Schueh z loufe, aber i weis trotzdäm nid obis de dr ganz Tag mah ha. V.a. wöu bim Apéro isch alles ufm Rase, de müessti mir no so Stöpsle choufe. I weis äbä nid rächt ob das stimmt wägä dr Haltig, also anatomisch gseh scho... Aber i stellä mir vor, dass me im Hochzytschleid sowieso schön ufrächt louft u nid wie nä Hampelmaa id Chille gwagglet... Und uf dr andere Site chas genau so doof usgseh,wenn me genau gseht dass sich d Brut nid wohl füehlt ide Schueh und sich nid gwöhnt isch drmit z loufe...
Nala Oh so cool wege de Stylistin. Wär i dem Priis au schiide und allefalls färbe mit debii? Das isch immerno sone Frag woni überall ha welle abkläre. Ich möcht die Schueh eigentli nume us dem Grund, willi so gern e Foti wott mache wo nume eusi Füess druffe sind, ich lüpfe mis Chleid und de GG zieht evtl chli sini Hose ufe. Weisch wieni mein? Und da ich finde, dass das mit Ballerinas nöd so wirkt, chönnti eifach die Schueh denn alegge. Doof ich weiss. Inelaufe.. id Chile? Ich glaub denn laufi wiene Storch, das chani mier und de Gäscht nöd atue, das git ja denn es riese Glächter
Malinchen Ja denke au dases es guets Zeiche isch. Bi richtig hibbelig. Es wär en rechti Entlaschtig au finanziell gseh. S einzige wo chli scheisse wär, hemmer jetzt grad gmerkt: Mier chönnted ned id Flitterwuche Halt spöter irgendwenn... Aber de Job hed priorität
Es git Stöpsel für ufem Rase? So geil!
Verzelle de gaaanz sicher mega viel vo dem Gspräch, aber sie isch ez erstmal bis mitti Feb i de Ferie.
@malinchen: das mit ufem rase laufe hani mir au scho übrlegt, i kauf de aber wirkli so stöpsel.. nur wo bekunnt meh die ächt?
@janedoe: hm kei ahnig ob schniide und färbe drbi wär, das kunnt für mi eh nid in frog, wil ich ha mini naturfarb und wot das au so bibhalte bis zur hochzyt und schnide losi se lieber bi minere richtige coifffeuse.. ach sooooo.. jo den legsch die schueh den für das föteli ah! i ha gmeind du wotsch i däne laufe ebe wäg dr haltig. aber wenn de nur umestorchlisch sin ballerinas definitiv besser sones bild woti imfall au gärn mache.. find die mega cool. ha aber chli angst das das bi minere schueh grössi eher doof usseht. bi ebe en zwärg uf grosse fiess ha dr es bild vo däne stöpsel aghängt
janedoe: yeah gratulierä dim GG (aso fascht :)) ! ohh die schueh..wo häsch die gseh ?
malinchen: au vill glück vo mir !
nala: cool weg de stylistin in weggis ! chasch ja es bild mache woner ufeme mürli hocked :) ich wett das ev mit GG und beid converse, findi so toll de farbkontrast :)
schueh: oh wow die sind all so hammer ! wo hender die so gseh ? ich lieb so schueh aber cha a) nid guet laufe i dene usser sind monströs bequem also tür b) bini denn vill z gross, bi ja 1.79 und GG 1.83. die vom brutlade hät denn au gfragt wie gross GG isch und gmeint ich chön ballerinas alegge. aber GG hasst ballerinas und da summer isch tendieri au zu sandalette. flip flops eher nid, weg de haltig wie janedoe scho gseit hät undem umeschlurfe :) ich han denn au denkt i letschter zit, ich muss mind 3-4 cm absatz ha mit somene chleid...nur findi die meistens nid schön. pumps sind halt eifach die schönschte, aso mi gschmack sind peep toes. etz muni de grad mal gügsle obs so öpis git, de halt 5 cm absatz. ha ebe no denkt converse z mache mit strass steinli aber isch eifach z heiss. :)
stopper: ha die au uf pinterest. ha die mal welle bstelle um als gastscghänk inere grosse schüssle anezstelle für d ladies..aber das so vill verschiednigi absätz git, nid nur high heels, au die eckige werded vill aha, hanis gla. au wil ich nur homepages gfunde ha wos recht tür sind. aber da ich ja etz etsy bstellerin bin, tuni det luege. gibe bscheid falls ich chent grösseri mengene bstelle, de chönders bi mir bezie :)
accesoires brutchleid: hender da eigetli au scho drüber nahdenkt/öpis kauft ?
sasi: ou wow de ring isch hammer. ha au uf pinterest gse dass me eine cha mache mit fingerabdruck...GG hets toll gfunde. mal luege ob mers mache länd :)
Oh Mann, irgendwie schaffis doch nöd, richtig dra z blibe im Forum.
Aber für es churzes Post langets grad.
@Schue: Ich bin au no am Schwanke... Han altrosa Ballerinas (die werded sicher für de Abig mitgno) und dänn no zwei paar mit emene chline Absatz. Eis in peach/korall/whatever und eis au in zartem altrosa. Han alli für s Hochsig kauft, wird sie aber sicher au suscht chöne alegge. Ha ganz günstigi kauft, defür grad mehreri. *gg*
@Zivils Hochsig: Mir ladet dete d Grosseltere nöd ii, wil mini drü eifach z wiit weg wohned und z wenig fit sind, dass ich ihne zwei grösseri Reise würd wele uferlegge innerhalb vo churzer Ziit. Mir händ vor, i de Nöchi vo de Eltere vo mim Fründ z hürate. Und nacher würdemer bi ihne dänn en Apero mache. Ich hoffe, mir bechömed dete au würklich en Termin im ZSA.
@me: Ich bin fliissig a de Iladige und hüt und morn gahts zu Juwelier für d Ring. Mir wänd sie ebe extra afertige lah, händ au gwüssi Vorstellige... Di schwirigst wird ev sii, dass es söll 14 Karat Gold sii und nöd 18. Das isch nämlich günstiger, gseht genau so schön us und isch härter und hebed so au länger. Aber vili bütet nur 18K-Ring a.
(@sasi: Übrigens sehr en schöne Ring. So eine mit so chli Struktur wänmer au.)
Usserdem hani grad no en Doodle uselah für zum en Termin finde zum mit de Trauzüüge und Tätschmeister zäme sitze. Das hämmer nämlich nonig gmacht und mir hüratet ja i weniger als 3 Mönet. Das isch chli knapp. Anderersiits muessi ehrlich gseit au säge, dass ich eui TZ verstahn, wänn sie vili Mönet im Vorus nonig so voll am mitplane sind. Wär ich als TZ vermuetlich au nöd, ehrlich gseit.
Aber @janedoe: Eue TZ isch ja echt en luschtige, äfach de Termin verhänge... Isch sicher richtig gsi, händer jetzt öper andersch gfrögt.
Ah, das uf em Blog vo de Andrea bin tatsächlich ich: http://andrearufener.com/blog Das händ ihr Gwundernäsli also ganz richtig usegfunde. *gg*
Sodeli, ich haus mal wieder... Sett no d Bachelor-Arbet vo mim Brüeder wiiter korrigiere.
@nala: i fragä mal mini Besti, die het scho settigi bstellt mal... Die hällblaue si äbä Louboutins, chömä gloub priislech nid ernsthaft i frag bi mir. Ha die nur mal gseh und gad abgspiicheret i mire "Traumschueh-Bibliothek" Weis ou nid obs die no würd gäh, isch scho es zytli här dasi se gseh ha...
@Littlefoot: Ja Converse fändi ou meeega cool, aber i hoffe ou dasses denn z heiss isch für die... Und jaa, würklech bequemi highheels si schweineteuer... Die Erfahrig hani ou scho paar mal gmacht: Mega cooli Schueh gseh irgendwo für 20.-, einisch aglegt, fasch gstorbe und sithär diene sie als Usstelligsmodell ufm Schuehschrank.
@Accessoires: I ha ja bi mim Chleid die bestickte Träger, drum weisi gar nid obi no söll ä Halschetti alege, wahrschinlech wärs när zviel... I gloub i due nur Ohrringe, ev. es Armband (ha scho lang sones meeeeega schöns im Chopf woni mal ha gseh - blöderwiis weisi nümme wo) und was i äbä no cool fänd wär so Haarschmuck. Hänke no es Bild a...
Anmelden
jo ziehsch die den ah zum ine laufe und nochär wächslisch uf d ballerinas 
I weis äbä nid rächt ob das stimmt wägä dr Haltig, also anatomisch gseh scho... 
Halt spöter irgendwenn... Aber de Job hed priorität
