Sasileu
Wow de zweiti Schueh gfallt mer mega guet!! Aber die sind ja riiiiesig die Absätz. Mini Füess dönd mer nur scho weh bim aluege
De Fingerabdruck findi mega schöön bi dim Ring!!

Malinchen
Ja das findi ebe au mit de Grosseltere. Ich fänds uu schad. und 6 vo 8 wohned würkli grad ide Nächi, all öbe 10 Minute mit em Auto äweg.
D'Flip Flop wo bstellt häsch gfallemer sehr guet und de Haarschmuck isch au no hübsch.

Janedoe
Das klappet sicher mit em GG!! :) Drucke de Dumme!
Ja gäll bi dene Föteli mit dene Schueh wierds mer schier schlächt.. Sie sind zwar wunderschön, aber es paar Zentimeter zhöch
De vo dier wär mier also au scho zhöch..

Accessoires
Ich möchte eigendli es Thomas Sabo Chetteli alege. Das mit de wiise Perle (und natürli passendi Ahängerli) und den wiisi Perleohrering. Abr meh weissi also nonig..

Schueh
Ich weiss eh nöd öb ichs en ganze Tag i Ballerinas oder eher zuene Schueh ushalte. Ich han ebe gar nöd gern Ballerinas ah ohni Söckli. Im Summer wenni Röckli oder churzi Hose ahan (ohni Strümpf) hani eigendli immer Sandale oder den Flip Flop a. Mal luege . Und Strümpf unter em Brutchleid macht sich nöd sooo guet .

Zuletzt bearbeitet am 16.01.14 13:48

Schueh: Cooli Schueh händ ihr da alli usegsuecht! Richtig "Tönders" zum Teil. Ich find au uf de Fotis gsehts immer mega mässig us aber ich würdis nöd welle allege zum umelaufe. Und ebe min GG isch num 5-6 cm grösser wie ich daher wottis eh nöd. Wo händ ihr den eui Schueh kauft? Kännt niemert en super Onlinesho? Ich blibe glaub bi Sandalette... :) Peach oder Mint fändi am schönste wills zu eusne Farbe passt.

Fara: Hehe, gell mir sind schlimm. Aber es riise kompliment d Fotis sind mega schön und ihr gsehnd so harmonisch us. COOOOLLLL!!! Und ich freu mich scho dass ihr sie a de Hochziit hend und mir wieder Fotis chönd aluege will mir ja au die glich hend... Hihi!

Me: Bin gad am Zündholzschachtle als Mini-Give-Aways am bstelle. :) https://www.etsy.com/de/listing/119952626/100-sonderanfertigungen-matchbox

Zuletzt bearbeitet am 16.01.14 13:51

@littlefoot: uf verasposa.com hets im allgemeine so brautschueh, es het au dört paar spezielleri/schöneri (wie mehs gseh wil) drbi
accessoires: ich ha jo scho ohrrinh bim kleiderkauf vo minere TZ biko, den hätti no gärn e fiins chetteli miteme "diamant ahänger" drzue und das wärs glaub. evtl no es thomas sabo arm chetteli (wo i den mine TZ's au schänk und mir ali s gliche ah hän..) was hesch du dir de übrlegt bis jetzte?? ah jetzt hani grad de kamm gseh, mir gfalle die kämm im allgemein zimli guet
hmm susch so.. aso drunter eher kei korsett, isch glaub z warm im summer. für am obig fändi e clutch no härzig, de dag dure mues halt e tz si ufbewahre hihi. jäckli weissi no übrhaupt noni, fän eigetli so en hoodie mit MRS XX no cool, aber so e fiins strickjäckli wär au schön. am fues hätti gärn mis taufchetteli, so als "something old" aber das seht jo de niemerts..

@lula: goht den das dr absatz kürze? isch das den nid wägem stand chli blöd?

@fara: ihr gäbet jo richtig gas.. ah ich bi au scho gsi go luege ufem blog, tolli fotis hets gäh..

@malinchen: ou de wäri aso sehr froh wen ndu mir de mitteilsch vo wo meh die bstelle ka huuups jo louboutins kömme bi mir leider au nid grad i frog. heieiei.. immer die türe schöne schueh! ha uf pinterest mol no es paar super schöni gseh. ha mi grad vrliebt, bis ich gseh das si vo jimmy choo sin nid mini priisklass..
die frisur und dä hoorschmuck gfallt mir meeeega guet!

@lil.lian: bisch au e thomas sabo fan??

@pfingstrose: i find sandala au wunderschön! nur wil ich so klei bi woti gärn chli absätzli i find steve madden het no tolli sandale zum teil.. und susch bini letscht joor in milano gsi im summer und ha alles nur wunderschöni sandale gseh.. würd sich aso e kleine shoppingtrip evtl lohne ;o)
die zündholzschächteli find voll cool welli farb nämet ihr?

Pfingstrose
Ja sind no herzigi Zündholzschachteli.. Was möcheder fürtigi? Dönder die den noimets zentral ufstelle oder das bim usegah jede no eis mitneh chan?

Littlefoot
Ja so wiit hani nonig dänkt. Korsett fändi no lässig, es Jäggli weti uf kein Fall und evt. e Clutch, die findi au no kuuhl. Muen eifach irgenwo mini 1000 Sache chöne verstaue :)

Nala05
Ich han gad gester die Rainbow Schueh aglueged.. Die gfallemer gaaar nöd.
Ja bin voll de Thomas Sabo Fän.. Wobi momentan hanis nüm so vill a..

Malinchen
Ah ja, das hani gar nöd gwüsst.. Isch ja voll scheisse mit em uflade!
Den fändis natürli agnehmer mit de Schueh.. Den sind eifach Peeptoes nöd so geignet findi, wenn den vorne d'Naht vo de Strümpf gsesch.
Suuuuuuuper!! Gratuliere und fiir guet!!

Hallo zäme

Ufff i bi froh isch gli weekend bi mega k.o. vo dere Wuche….
Immerhin scho Donnschtig;O)

Janedoe
Ou das tönt doch super bi de gspannt wasd fürne offerte bechunnsch….isch de das inkl blueme und dass sis göh go dekoriere?
Das tönt doch scho super zu 90%??;O) vo wo hesch de du Schueh für 10.- gfunde??!!;O)

Nala
I ha auso ou nume der wiehnachtskatalog chönne bstelle;O)
Wow das tönt ja super was würdisch de fürne torte mache?? Jööh die schueh si uuuu schön und mir würde si gad genau i dere Farb gfalle;O);O)

Malinchen
Wooow die Lachs-farbene Hochzitskleider gfallemer mega…..!! merci füre link muess de gad absprichere für aube chli go inspiriere lah;O);O) die zwöite schueh Jimmy Choo si meeega schön…heisst de das du choufsch evlt. glich o no höchi?;O)

Littlefoot
Ou nei tuetmer leid megder Prüefig…machsch ize e pouse oder fangsch gad wider a?
Super hei si d Karte i andere Farbe bi ja scho gspannt wie si de usgseht!!

Littlefoot und lilian
Mir het die Adresse aschribi art ou mega gfalle has ou gad witerpinnt und probieres hüt abig gad mal us;O)

Sasileu
Woooow das Fingerabdruck-Herz und di Ring si meeega schön…!

Lil.lian
Hmmm mir hei ja letscht summer ner eifach es grille gmacht nachem zivile und das isch meeeega schön gsi….chöit ja guet aber ou eifach bi öich es apero mache und ner mitde TZ go esse oder evlt. chönteter ou bi öich grille und jede söll mitneh waser wott?

Schuhe
Sasileu die Bischpil gfallemer ou sehr wo du aghänkt hesch! Mir gfalle die typische brut-schueh ou nid so und i ha immer de troum gha mau i Louboutins z hürate und hamer ner letscht jahr bstellt (gfällschti natürlich) und zwar die im Ahang

Apéro
Ha mau e Frag, mir werde es Catering ha fürs Apero nachde Kirche. Wüsset dir scho wieme das mach, tüe si da dekoriere oder me selber oder wie?!;O)

Datei-Anhänge

christian-louboutin-you-you-85mm-peep-toe-pumps-red-sole-shoes.jpg (33x) Mime-Type: image/jpeg, 47 kB

Pfingstrose
ja ds Madrid und London wirsch sicher fündig für Schueh
muesch de ufpasse dassd nid ZU FüNDIG wirsch