@nala: Luut Schuehmacher settis gah. Wieso meinsch wäg am Stand?

@malinchen: Härzlechi Gratulation u viu Spass bim fiire!

@Sue: Bi üs isch eifach Stehtisch mit Decki u Serviettene, Deko mache äuä TZ was, het ämu am Mäntig gad so tönt...

Ahhhwww mädels! Ha grad de countdown uf mim hochzitsapp agluegt... I täg gahtsja no.. I wuchä sinds no 23! Das isch ja nüüüüt omg kriiisä :) d liste isch no elle lang...!

So hani schnell müsse loswerde... good night to you all

TGIF liebi Mitbrütli!

@lillian: Also gäll i bi da ou kei Expert wägem Chleid wo sich ufladet, ha das eifach scho paar Mal ghört. Chunnt sicher no druf a was du gnau für Material hesch u so... Mir grauts eigeltech drvor denn Strümpf azlegä, mal luegä...

@Pfingstrose: Mega cooli Idee mit denä Zundhölzli...

@Sue: omg die schueh si dr burner!!!! I gloub weni sone Promi oder so mit mega Kohle wär würdi ou zu denä ghörä wo es ganzes Zimmer vou so Designer-Schueh hei...

D Deko mache mir bim Apéro äuä säuber. Mir hei ja eifach dä Crèpe-Stand und für Getränk und Knabberzügs mache mir när eifach Sälbstbedienig. I möcht äbä gärn sonä alti Badwanne mit Iis fülle und när det Bierfläschli und Champus etc. dri due... Das chöi mir ou scho alles am Fritig ga vorbereite.

Hmm, das Bild gfallt mir mega mit dr Tischdeko. Aber du hesch rächt, da passe d Cherzelüchter nümme drzue. I würd mi ou für entweder / oder entscheide. Dr Vorteil vo denä Schalä wär natürlech, dass d Orchidee no "läbä" die chönntsch när no bruuche... Wenn dr Cherzelüüchter nimmsch müesstisch d Blueme äuä gschnitte när irgendwie so ufe Tisch legä oder so?

malinchen
wooow die Badewanne Idee mit Eis fülle tönt suuuper!!! vo wo bechunnsch die de??
ja genau das dänki ou! wenn mer d Kerzelüchter nähme de müesstemer d Orchidee schnide und i Väseli tue oder so. e Müglichkeit wäri das natürlich ou aber weiss ou gad nid fändi "läbigi" orchidee ou no schön und de chönte d Gescht eini heineh wo wei....aber de wäris ohni Kerzelüchter...aiaiai...

lil.lian
wooow wünsche öich e wundervolli Hochzit hüt Namigniesses und lah der Vorfreud freie Lauf
mir si ehrlichgseit ner so lang bide Gästeliste blibe hange dasi no nid dezue cho bi couverts azschribe...evlt. am weekend und de machi süsch de es Föteli ja das stimmt mitde Kerzli....chami eifach no gad nid vom Kerzelüchter trenne

@nala
So cool mit dene Stopper, hani gar ned kennt :tongue:
Was hesch denn du füre Schuehgrössi? Mer gseht ja denn ufem Föteli nöd, dass du eigentli e Chlini bisch

@littlefoot
d’Schueh hani usem Dosebach
Wooooow, mega schön eui Charte!!
Die Skurar Vase sind ja meeega schön! Was hender denn suscht na uf de Tisch usser die Vase? Ich ha glernt, dasmer immer ungradi Zahle söll neh, also entweder eini oder denn grad drüü, will das viel stimmiger wirkt…

@Fara
Wow, meeega schöni Föteli
Merci villmal wegem Tipp mitem doodle für es Treffe, machi glaub au grad so.

@malinchen
Ich han im Chez Janine en ganz ähnliche Haarschmuck gseh wie du da postet hesch. Isch vo Eddy K. gsi. Ich wett aber glaubs Blueme i de Haar… schwanke nochli.
Hey gratuliere härzlich zu de bestandene Prüefig!!!

@lil.lian
Schön, dass da öper mit mier mitfühlt was d Höchi vo de Absätz agaht Mier gfalled zwar so Schueh meeeeega guet und ich ha au öppe 20 Paar mit riese Hake, aber die verschöneret wirkli nume s Schuehregal…
Wege meinsch, dass sich Strümpf ned guet mached?

@Pfingstrose
Mier möchted ja denn au Zündhölzli bstelle aber finde die bi etsy jez recht tüür, nöd?

@Sue
Jep, es wär inkl. Blueme. Aso ich ha ihre scho am Stand gseit, wenn sie eus dDeko würd mache, denn müessts scho mit allne Blueme, also au Bruutstruus, Chiledeko usw sii und sie hed de gmeint, das segi gar keis Problem.
D’Schueh hani ebe im Dosebach im Usverkauf gseh. Da ich ja eh weiss, dasi die nid länger als 10 Minute aha, müends nöd sonderlich bequem sii, haha :D
Jöhh Sue, das Danke chani aso nume zrugg geh!!¨
Schöni Tischdeko! Ich bin halt au mega Fan vo dene grosse Cherzeständer aber du hesch scho recht, im August isch ja lang hell und dett würded vielleicht eifach so Glasbehälter mit Stumpeherze länge. Ich glaub i dim Fall würdi au eher d Orchidee id Mitti welle…

@me
Am GG sin NEUE TZ isch gester bi eus gsi und er isch soooo härzig, er hed verzellt, daser d Homepage versuecht 'uswendig' zlerne, damit er chli i d'Materie inechunnt. Und er fragt uh viel, was er denn söll mache und was mier erwarted und und und. Denn sind GG und er gester no go en Schrank hole bi minere TZ. Sie isch aber nöd deheime gsi und die beide TZs kenned sich no gar nöd. Han denn gschnell mit ihre telefoniert und sie hed mer denn dur d Blueme gseit, dass er sich au scho bi ihre gmeldet hed um Informatione zsammle. Finde das sooooooo lieb und s macht mi meeega glücklich.

Sue87
Danke danke!! Froi mi würkli mega.. Nur s'Wetter isch hüt chli scheisse.. Abr da chamer nüt ändere..
Ja nimmt mi Wunder wies usechunt mit em aschriebe. Bin gspanne ufs Föteli .

Littlefoot
Danke
Wooow so schöön!! Und so schnell sinds cho! Vo wo sinds den cho? Vo Dütschland? Mier gfallets aso guet .
Wetsch den d'Vasene für Schnittblueme? Ha gad d'Vase no googlet.. Ich chönt mer aber vorstelle, dass den ei Vase zwenig isch ufeme Tisch. Ich glaub du müsstischs das mal so Probe mässig ame ähnlich grosse Tisch ufstelle.. Den chasch luege wies am beste wür passe..


Janedoe
Hihi so richtig höchi hani eis Paar. Bin mal mit minere TZ go shoppe und den hämer beid es paar Schueh mega schön gfunde. Sie hät sie glaub dänn eimal agha und ich no nie .
Han nur dänkt wenn d'Schueh vorne offe sind wege de Naht. Susch bini abr gar nöd uf d'Idee cho, dass mer allefalls Strümpf unter em Chleid ahäht. Vorallem im Summer nöd .
Ja das isch ja MEGA vom TZ. Voll härzig!! Da hät sichs würkli glohnt zum wächsle .