ahh, das sind übrigens no mini Brutschueh! Han au immer gfärbti welle, aber zum Schluss hets eifach nöd passt zu mim Kleid
Makeup: ich bin chli am Inspiration sammle für mis Brautmakeup. I weiss, das isch so es Thema wo mer sich striite chan...di eine mögeds mega natürlich, anderi heftig. Und me mues sich ja au wohl fühle. Ich wett gern chli dAuge betone, aber scho nöd grad es Obig-makeup. Aber d'Auge müend scho PENG mache! Han mal 2 Bilder aghenkt
@malinchen Alles zämä würd mi 80.- choschte. Findi nöd d'Welt. vorallem will sone Gürtel i de Brutmodegschäfter i de Schwiiz einiges meh würded choschte und au de Schleier woni im Gschäft agha ha isch über 100.- gsi... Aber wenn de halt alles scheisse isch, denn reut mi s Geld glich..
@Bibi schöööni Ferie. Gnüsses!
@daenu Ui ja die tönt ja wirkli chli doof. Finde au, dass, vorallem wenn früschverhürateti Päärli chömed, mer sich chli cha mitfreue! Sie muess ja nid juble. Und vorallem will öpper go Bourginon esse, en unnötigi Bemerkig. Und ganz nebebii chunnt mer no in Sinn, dass iher ja das Sääli wend reserviere. Denn chan halt im Notfall mal öpper ned dett go Fondue esse, iher möched ja genauso Umsatz. So doof echt. Ich find au, dases absolut langet fürs Zivile wennmer ja denn am 'grosse' Tag en Profi hed. Ich han en Verordnig für 18x Physio becho, han aber nach öppe 6x denn mit de Therapeutin abgsproche dasmer ufhöred. Ich han s'Gfühl gha es bringt mer gar nüt. Und dFortschritt sind nachher au öppe glich gsi wie vorher. De GG hed leeeider no kei Bscheid, er muess nomal zume Gspröch mitem Chef vom Regionalchef und jetzt ischer am warte dass de sich meldet. Wenn alles no im Januar über dBühni gaht chönnter am 1.März scho afange, da er bim jetzige Job nur ein Monet Chündigungsfrischt hed. Das wär ebe meeega geil. Also wiiiter drucke Bäääh, muess morn au go schaffe, fühle also mit dier!
@daenu Dini Bruutschueh hani agha und ha no überleit obis söll chaufe. Aber bi 200.- schlafi de mal lieber no 1 oder 2 (oder 836) Nächt drüber.
@Makeup Ich han no keeeeeeei Ahnig. Was mier aber überhaupt nid staht sind Blautön, sprich s Makeup wo du postet hesch würd mier gaar ned cho. Mit dine blaue Auge würd das aber sicher hammergeil usgseh! Ich möcht wahrschinli öppis in Bruun/Goldtön... So Smokey Eyes mässig irgendwie. Und dLippe natürlich. Ich bin gar kei Lippestift Typ...
Oh, ich bin chli Alleinunterhalter, tschuldigung für dier viele Posts, chunnt vlt devo, dasi no bis am 9i muess schaffe :/ aaaber @littlefoot: Wo bstellsch du d'Süessigkeite in DE? bi worldofsweets?
Mir sind produktiv gsi. Wuhuu, aber da dezue une meh.
Zersch no mini Kommentär zu dem, wo mer chli is Aug gumpet isch (sorry, irgendwie schaffis immer nonig, mich z vertüüfe im Momänt).
@malinchen: Die Badwanne-Idee isch de absoluti Hammer! So geil! Wäg em Iis: en Kolleg vo mim Verlobte hät letschti e Party gmacht bi sich und d Getränk i de Duschi küelt. Da dezue hät er d Duschi voll so grosse Iswürfel gha. Er hät gseit, er hegis us em Rio Getränkemarkt. Ev. wäris also sogar möglich, d Getränk und s Iis grad bim gliiche z bstelle. Ich würd mich da mal bi de Getränkeliferante erkundige.
@Sue: D Tischdeko mit dene Orchideä im Topf gseht u mega schön us. Ich glaub, wänn v.a. Orchideä möchtsch in Szene setze, dänn würsch das mit em Kerzehalter chli verstecke. Ha mir no überleit, dass ev. chlini Orchideätöpfli rund um de Kerzehalter chöntisch platziere. Aber d Kerze würd d Blueme dänn immer no überrage. Aber ev. chans au guet usgseh.
Make Up @daenu: Finde beidi sehr schön. Finde das au e gueti Mischig zwüsched zwar gschminkt, aber nöd grad riise Abiglook. Bim zweite Bild (mit em Schleier) stört mi irgendwas a de Farbe, aber ich glaub, s isch meh ihri Augefarb, wo chli photoshoppt usgseht (wobi, falls sie's nöd isch, hät die Frau absolut faszinierendi Auge). Bim andere Bild würdi mir no überlegge, öb au sone harschi Linie am Usselid wetsch. Das isch ez glaub mega in, aber ich würds für s Hochsig glaub nöd welle. Danke no für de Ring-Tipp... Ich dänk, mir werdeds da umenand bstelle (siehe unten).
@janedoe: Dini Make Up Bilder gfalled mer au. S wär mir aber vor allem s erschte Bild chli z vill für mis Hochsig, wils chli vill Glitzer hät. S zweite bini unsicher, öb ich das für mich nöd au chli z fescht gschminkt fänd. Wobi: so sind mir au alli verschiede.
@me: Ich ha gar nonig verzellt, vo mim Make Up Dilemma... E Fründin vo mim einte Brüeder würdis mir ebe welle mache, sogar gratis, und sie hetti glaub mega Freud. Allerdings isch sie no Make Up Dozäntin (sprich; sie isch glaub würkli würkli guet) und hät für euses Datum nur so halbe frei übercho... Wänn öper andersch chrank wär oder so, müsst sie ispringe. Jetzt muessi mir überlegge, öb ich öper andersch nimm oder s druf acho lahn. Oder öbi öper find, wo wür ispringe, falls sie nöd chan. Phuu... Immerhin hani au scho en guete Tipp, a wer ich mich suscht chönt wände. E gueti Fründin vo mir muess sich mängisch professionell schminke lah, und kännt öper au suscht persönlich, wo ihre das amel macht. BTW: Besagti Fründin isch Sängerin und hät mit ihrer Band am 1. Februar Plattetaufi... Falls di eint oder ander vo eu s Brutträffe no würd welle chli id Längi zieh und sich is Züri Oberland würd wage, nur zu... *gg* (Ja, jetzt hani s Forum schamlos usgnutzt zum Werbig mache. Achja: Ashes to Beauty heisseds.) Sie wird übrigens au a eusem Hochsig singe.
Dänn hämmer quasi us Versehe (sind eigetli wäg de Ring unterwägs xi) no en Azug gfunde für min Bald-Gatte. Mir händ per Zuefall es super Gschäft gfunde in Uster; de Suozzi. De laht qualitativ hochwertigi Sache (min Verlobte chunt da bizli drus und hät gseit, dass d Stöff würklich sehr gueti sind) uf Mass zumene sehr guete Priis mache. De Azug wird öpe 900 Franke choschte. Also, falls ihr no uf de Suechi sind: ich chan ihn würklich wärmstens empfehle. Klar, s Resultat hämmer nonig gseh. Aber ich mach mer voll kei Sorge.
Ring: Eus gfalled d Ring vo Michel H zum Teil sehr guet. Vor allem die zwei: http://www.michelh.ch/images/alliances/b...8-Fortaleza.jpg http://www.semarier.ch/upload/produit/2/...x2953-max-1.jpg Bizli komisch findi aber, dass er au "Herzlinie"-Ring abütet (mer chan uf de Ring di eiget Herzlinie abbilde lah). Klar, isch wohl eher en Gag us sinere Sicht, aber mit Handläse hani würklich nüt am Huet. Jedefalls suechemer chli so öpis mit enere rächt grobe Struktur. Händ es paar Ring gseh, wo rächt kuul wäred, aber nöd ganz dran ane chämtet. Dänn hämmer no bi Michel H nach de Priise gfrögt (in 14K macheds es nöd, das wüssemer scho) und no zwei Goldschmiid gfrögt, wie tüür s chämt, wänn sie's würded mache. Vom einte chunt no en Offerte und vo de andere hämmer en Hammerpriis erfahre. Sprich: das wär min zweite Tipp für hüt: Antigoni im Niederdorf. Das isch e Griechin, wo in Züri und in Griecheland isch. Sie isch sehr günstig (sind wohl eher griechischi Priise) und macht wunderschöni Arbet. De eint Ring vo ihre würd eus au rächt gfalle und sie chent au eine i de Michel H-Art mache und würd au e 14K Version abüte. In 14K chämted die Ring, wie obe abbildet, öpe uf 2200 für beidi Ring... Und das, obwohl sie's extra für eus miecht. Das dunkt mi zimli unschlagbar. Plus: mir hetted en Ring extra für eus.
Mir überlegeds eus no, händ ja di ander Offerte au gar nonig. Aber ich han de Verdacht, dass es sie wird. Isch übrigens au die, wo mer als allerersts mal ine sind vor es paar Mönet.
Janedoe: haha so guet isch doch völlig ok Ja genau det :) susch ruiniert mi die candy bar wil ich ja doch no grossi gläser ha. Und die 5 grosse töpf für 47 euro isch echt easy. Hoffe eifach so eis füllt es ganzes glas chani die scho gli bstelle? Wird ja nid schlächt oder :)
Fara: ja das tönt ja merveilleux das ganze! Super Ha de blog übrigens gse, sooo supee schöni bilder!!
Und ich im chaufrusch imene chline lade bim karate vo mim sohn hani es chalkboard papier gfunde für 10.-, so cool. Aso us dem ding chani vill rähme zum beschriftä mache. Das chosti susch 50.- De hani e fake hortensie topf ksuft für 10.-, zum mini deko z teste
Sooo, allne es nice weekend, ich tu wohl couverts beschriftä Hani scho gschribä dasis au ustestet ha mit de kalligraphie. Gaht super uf dene couverts, muss nur no chli üebe no langsamer z schribä :)
Es isch eifach schlimm, i chume nume am Wuchenänd zum schriebe hie und hami zersch mau dür au euchi schöne Fotos und Idee müesse luege
Ha ke Chance uf aus izga, aber dir heit gad so viu interessanti Theme wo bi mir ou aktuell si...
@Schueh: Ou bi mir ganz es schwierigs Thema... I wett wenn irgend möglech nid wissi (bzw. ivory), finde die fasch chli brav und weiss nid, weni die när no wett alege nachem Hochzit... wett u gärn roti, würd zu üsne Farbe passe und GG fänds Hammer. E chli Absatz mues bi mir uf jede Fau si, i bi gueti 20 cm chliner as är (i schaffes nur uf 1.63m ) und ha o süsch gärn u viu Absätz anne. Aber mitme 10cm bini de sicher nid wou dr ganz Tag. GG isch so härzig gsi, er het mir wöue e "Fit in High heels" Kurs sponsere (gits ir Migrosklubschu) damit i de besser wou sig mit Absätz Genau das hani mir ou überleit dass weme Absätz het und ds Chleid entsprächend abgnäiht, dasses ja de mit Ballerinas am Abe zläng isch?
Mir gö ja im Februar uf Venedig und ha mi scho gfragt, obi auefaus dert öpis würd finde, z Italie gits doch immer so tolli Schueh...
@Lula: Finde dini Schueh härzig! Aber wieso wettsch dert no dr Absatz chürze, fändi itz schad we sie flacher wäre? Und er isch ja nid sehr höch. Oder hesch gar nie Absätz anne?
@malinchen: Yeeeeah, aui Prüefige düre!!! Gratuliere, hesch no guet gfiiret? Sooooo e cooli Idee mit dr Badwanne, hani o scho gseh! Mir chiem itz spontan i Sinn, bimne Buur ga zfrage, die hei doch aube so auti für d Chüeh Müesstisch se ja nur uslehne.
@littlefoot: Oje du Armi, hat nicht sollen sein... am beste vielech fürne Momänt lasi und la ruihe, neue Muet u Motivation fasse u wieder drhinger. Wie seit me schön: Aufrappeln, Dreck abwischen, Krone richten (wichtig! ) und weitergehen. Dini Wimpuchötti findi u schön. I liebe die Dinger eh. Hamer uf Pinterest o scho paar Sache pinnt zum evtl. eini säuber mache.
@Fara: hey das tönt de super wäge Azug und Ringe! So chlini persönlechi Boutique si haut aube am sympathischte und hei de mängisch eh no super Agebot.
@Strümpf: Bitte säget das nid... I HASSE Strümpf und we das würklech es Muss isch, wird das Horror für mi... i cha würklech UN-MÖ-GLECH im Ougust bi möglecherwis 30 Grad Strümpf alege, das überläbi nid! O wenns besser usgsäch, i bi ächt nid wou weni viu zheiss ha unger mim Chleid... aber wägem uflade vom Chleid: Mi dünkts es Chleid ladet sech doch mit Strümpf drunger no viu eher statisch uf, oder nid?
@Deko: Ig ha o scho viu Idee gsammlet, aber wär ases de ufsteut, sowit hani no nid überleit... hoffe dass das üsi Floristin evtl. cha übernäh. Am Apéro mache mir ziemli sicher nüt Grosses, mi dünkts nid soooo wichtig dert wie am Abe und ir Chile. Mir hei aber so höchi Bartischli mit Hussene und evt. chönnt me dert o die rote Schleife drum mache womer de o am Abe hei. Wasi mau ha gseh si so Papierserviette wome mit de Näme cha la bedrucke, das fändi no witzig.
@Makeup und Haar: 3 Stund dünke mi o gad e chli lang, aber es schaffe ja o aui verschiede schnäu u we sie so lang brucht u drfür när d Frisur Bombe isch, wieso nid? I gloub mini machts ir Heufti und es wird mi ca. 150.- choschte (ohni Farb, wäsche und Schnitt, aber das sött me eh gschider vorhär mache). Dünkt mi super. I bi o chli hin- und härgrisse wägem Makeup. Wett scho dasses speziell isch und ou chli meh as normau, aber bi mir mueses sicher öpis i Naturtön si, wie bi dir Janedoe so brun- und Goldtön. Das passt eifach am beste zu bruune Ouge... e chli schimmernde Lidschatte darf si, aber nid zviu. Wasi mi de mues dra gwöhne isch ds Makeup uf dr Hut, das bruchi säuber nie u schminke eigentlech geng nume d Ouge.
@Zivil: Das isch bi üs ou sones grosses Fragezeiche gsi und haut o sehr e Choschtefrag. I wett drum u gärn d Eutere und Gschwüschterti o drbi ha, bi mim Brüetsch si mir ou aui iglade gsi. De si mir aber schnäu mau 15 oder meh Lüt u das wird schnäu tüür, wemer aui wei ilade zum ässe. Itz hani gester d Idee gha, mir chönnte eifach es feins Zvieri-Apéro mache nach dr Trouig für aui und am Abe eifach no es feins Dessert (sübergmachti Torte oder Cupcakes oder so) mit de TZ bi üs dähei. Ha de mau schüch GG gfragt (är isch ja dr Choch bi üs und ha dänkt er wöu de sicher es richtigs Ässe) und er hets e super Idee gfunge! Bi gad happy.
@me: Merci viumau für euchi liebe Rückmäudige und Komplimänt wäg de Chleider ! Ig hami itz würklech entschiede, beidi znäh Ha drum no e Guetschin gha und zahle so für beidi zäme nid mau 100.-. Und es hei beidi u viune gfaue, drum dänki machi nüt fausch
Letscht WE heimer no chli textet für d Iladige und i gloub es chunnt guet, aber es brucht no chli öpis... uf etsy hani so Stämpu gseh wome cha la afertige mit de Näme und dr Adrässe vo üs für när uf d Couverts z'stämple as Absänder. So eine weimer gli bsteue (tue de es Biudli dri wemer hei usgläse, git so viu).
ou läck i schriebe zviu (und itz liegt no mis Büssi uf mim Arm und i chume no haub so schnäu vorwärts
@Fara: D Föteli si würkelch wuuuuuunderschön!! Aber was wottme angers erwarte bi somne härzige Päärli und sore talentierte Fotografin
@littlefoot: Du bisch mega am ichoufe und bastle, so cool!
@daenu: das isch auso würklech e blödi Täsche vom däm Resti. Hallo, es Fondue Bourgignonne wome jede Tag cha ässe söu Vorrang ha amne Mänti Mittag?! Es angers Resti chunnt de nid i Frag? Oder isch das es bsungers Feins?
@Janedoe: Drücke ou fescht d Düüme für di GG (und natürlech o für di, du hättsch ja ou öpis drvo ). Aber so wie ig d Erfahrig ha gmacht, isch das würklech es sehr guets Zeiche we sie scho so positiv rede. I liebe Smokey eyes (Haha üsi Chatz heisst Smokey ) nei aber i has a mir würklech o no gärn - eifach nid auzu stark und vor auem nid auzu schwarz. Was JJ's House ageit, muesi leider em malinchen zuestimme, ha scho viu negativs ghört und sig rächt viu fake.. Aber itz für so Accessoires chönnt mes vielech je nachdäm glich wage? Was ig chli Angscht hätt, obs de vom wiiss här passt. Bim Schleier findi dr schlichter eidütig schöner, fänds süsch mitem Bolero würklech chli zviu. Aber i bi sicher o nid die Beschti Ratgeberin i Sache Schleier wüu ig säuber kene wett.
@Sue: ig ha es ähnlechs Dilemma wäge so Cherzeständer bi üs ir Abelocation wie du. Finde di uuuuu schön, aber sie si de äbe scho sehr dominant und "verschlücke" je nachdäm die übrigi Deko fasch echli. Und das drumume müesst natürlech de niedriger si.
Liebi Froue, i 2 Wuche gseh mir üs fasch aui ändlech mau persönlech!! Freue mi mega druf. Geit vo de Bärner öper mitem Zug (ja i weiss es geit no 2 Wuche, aber i schaffes ja nid so oft hie ine )?
@Accessoires: Ig wett uf au Fäu chli spezielle Schmuck, ha o süsch immer es Chötteli und Ohrringe an. Mir gfaue die Kombis us Perle und Swarovski. Ha scho x etsy-Favorite und wirde wahrschinlech dert de paar Sache bsteue, die si zum Teil rächt günstig (guet, sicher o nid weiss nid wie hochwärtig, aber für mi mueses kes Vermöge wärt si). So Haar-Kämm gfaue mer o mega guet oder je nachdäm o es Band...
Hänke mau no paar Sache a wo mir würde gfaue:
- roti Schueh - Stämpu - I do Schuehstickers - Here comes your girl-Schiud
Übrigens gits bi Fashionfriends immer wieder gueti Schmuckagebot. Im Momänt heisi gad Thomas Sabo, aube o Swarovski etc. Würd sech vielech o no lohne.
@sasileu: Dr Härz-Fingerprint i euchem Ring findi dr Hammer!! Mir wette eigentlech ou u gärn e Fingerabdruck, aber üs het dr Juwelier gseit, dass sie bis itz nid si zfriede gsi mit de Fingerabdrück bi de Diadoro - Ringe (mir hei settegi) und dass sie üs drvo abrate wüus d Abdrück zfescht verzerrt. Aber itz bi euch gsehts super us!! Hm, vielech chönnte mir das süsch nöime la mache? Fänds würklech u schön...
Anmelden
I wett wenn irgend möglech nid wissi (bzw. ivory), finde die fasch chli brav und weiss nid, weni die när no wett alege nachem Hochzit... wett u gärn roti, würd zu üsne Farbe passe und GG fänds Hammer. E chli Absatz mues bi mir uf jede Fau si, i bi gueti 20 cm chliner as är (i schaffes nur uf 1.63m 
Genau das hani mir ou überleit dass weme Absätz het und ds Chleid entsprächend abgnäiht, dasses ja de mit Ballerinas am Abe zläng isch? 
) und weitergehen. Dini Wimpuchötti findi u schön. I liebe die Dinger eh. Hamer uf Pinterest o scho paar Sache pinnt zum evtl. eini säuber mache. 
I HASSE Strümpf und we das würklech es Muss isch, wird das Horror für mi... i cha würklech UN-MÖ-GLECH im Ougust bi möglecherwis 30 Grad Strümpf alege, das überläbi nid! O wenns besser usgsäch, i bi ächt nid wou weni viu zheiss ha unger mim Chleid... aber wägem uflade vom Chleid: Mi dünkts es Chleid ladet sech doch mit Strümpf drunger no viu eher statisch uf, oder nid?