Guete Morge iher Liebe

Mein Gott, ha s Gfühl dasi z Gschäft erst grad verlah ha und jetzt sitzi schowider sit zwei Stunde da.

@Fara
Huu ja, tönt scho chli nach Dilemma. Wie gross isch d Wahrschinlichkeit denn öppe, dass sie muess ispringe? Ich denke es Risiko igah isch gföhrlich, ich würd glaub scho luege, das öpper chan ispringe. Oder vielleicht hesch en Kollegin wo das chönnt überneh? Mini bescht Fründin z.B. isch überhaupt kei Profi, aber ihre würd ich mich im Notfall avertraue und vorher eifach irgendwo no en Fixierer kaufe, falls de Fall würd itrette...
Gratuliere zum Azug und zu dene tolle Ringpriise. Tönt also recht unschlagbar, da hesch recht. Und falls die ander Offerte no günstiger wird, umsobesser :)

@littlefoot
Aso mier hend zum Teil scho dSüessigkeite postet im November. Und die sind wiiiiit über euses Hochziitsdatum haltbar. Sind im Haribolager in Düsseldorf/Neuss gsi :D bstelle denn aber au no paar Sache im Internet.
Oh das mitem Chalkboard Papier tönt cooool
Cha mier bitte mal öpper erkläre wases mit dene Kuvert uf sich hed? Irgendwie hani das Kalligraphie Thema glaubs verpasst.

@Taeboyana
jöööh, din GG isch ja meega härzig mit dem Kurs, haha
Das mit de Smokey Eyes hani genauso, schwarz würdi nieeeeh neh als Lidschatte. Ich han vom GG mal sone Palette becho mit irgendwie 130 Farbe woner extra i de USA bstellt hed und dett heds sooo viel Bruun/ Gold und Beige Tön dinne wo ebe nöd so viel Glitzerpartikel dinne hend aber glich nöd matt sind. Die hani ez de bald mal ufbrucht, nachher hani de öppe es Problem :D
De Stämpel isch de hammer. Gfallt mer meeeeega guet. Hesch de Link evtl grad dezue?
d' I DO Sticker wetti mier denn au no bstelle. GG will welchi mit 'Help me' :D
Bim Haarschmuck bini sooo unentschlosse. Mier würded so Bänder gfalle, aber au Kämm und natürlich Blueme. Bin ratlos :/
Aso du darfsch gern meh als einisch i de Wuche wider mitschribe, au gern immer Monschterbiiträg :D hihihi

@me
Ich glaub ich bstelle jetzt eifach die Sache vo jjshouse. Wenns denn wirkli schlechti Sache sind, hani halt Pech gha. Aber anderersiits chani ja ebe au mega Glück ha drum mal luege :)
Ich han doch vor Wiehnachte de schön Ring vom GG becho. Jetzt heder sich in Chopf gsetzt, daser de no möcht graviere lah mit 'Eigentum von xx.xx' (Aso sin Name) und dasi denn de Ring nach em Hochziit aha statt de Verlobigsring (woni ja nöd sooo gern ha :/)

Wow da isch gester aber no recht was los gsi.. :)

Janedoe
Ou du armi, bisch hüt am Samstig schaffe?
Nei das hani nöd gwüsst wege de Strümpf für Peeptoes. Hani no nie gseh.. Mueni mal go sueche gah :)
Ich glaub ich würs au mal wage mit bstelle, aso zum es Chleid z'bstelle heti zwenig Muet abr für Accessoires würis wage.. Ich finde de Bolero chönti den mit Chleid und Schleier eifach chli zvill werde.. Und öbs den würkli dezue passt mit de Spitze?
Das mit em Eigentum von .. findi ja voll de hammer!! Und help me au!!

Sue87
Het der no e anderi Idee mit de Orchidee. Gester bim Esse häts bi jedere Frau e chlini Orchidee uf em Tisch gha. Den chöntisch doch de grossi Cherzeständer ide Mitti druf tueh und den die chline Orchidee. Es hät emel super usgseh gester

Malinchen
Ja a Tankstelle chasch au so Säck normals Iis chaufe, oder den vilicht so i CC's, Protega's oder Alligros? Dete söts sicher au Iissäck ha..
Und d'Idee findi würkli voll genial!

Littlefoot
Ja genau muesch mal luege uf: www.deutsche-lieferadresse.com, han scho öbe 5 Päckli a sonen Ort liefere lah, funktioniert aso tiptop! Und den zahlsch eifach no was chlises wenns dete abholsch.

Bibi77
Den wünschi dier schöni Ferie!! Gnüsses.

Daenu16
Ja das isch ja würkli e dummi Nuss am Telefoni gsi. Voll dänäbet.. Heteder kei anderi Alternative? Sie chan eu ja würkli das Sääli geh..
Ja d'Grosseltere wäred au bim chirchliche debi. Ich glaub mier möched würkli en Apero bi eus und den gömer im chlinere Rahme go esse, nur mit TZ und evt. no Schwöstere und Kollege wo evt. debi wäred..
Mier händ abr no chli Ziit zum eus z'entscheide, eifach am 21. Februar müemer den uf dem Zivilstandesamt wo mer den wännd hürate, go reserviere gah Bis den müemer eus entschiede ha..

Fara
Ja es isch würkli chli blöd Ich wür glaub au öber sueche wo chönti ispringe.. Will wenn sie am Schluss nöd cho, isch es voll scheisse.
Haha Achtung Schliichwärbig Das dönt ja voll super mit em Azug und de Ring!! Die Priise sind würkli unschlagbar!

Taeboyana
Das isch ja voll härzig mit em Highheels-Kurs :)
Das mit em Stempel mit euere Adresse findi no e kuuuhl Idee!! Au s'Föteli dezue findi super! Ou ja häsch no en Link dezue?
Die rote Schueh uf em erste Föteli findi gsehnd hammermässig us!!
Das macht doch nüt mit em Monsterbiitrag. Es isch au seeehr vill gschriebe worde..

@lil.lian
Ja, so ein zwei Sämstig im Monet breichts mi amigs zum schaffe. Aber da ich bis Endi Monet nur 70% schaffe wegem Unfall, chani wenigstens am 3 scho gah :)
ha dier mal es Bild aghänkt mit dene Strümpf, ha die im Dütsche neumets kauft. Aber ich denk die gits au daumenand.
Ja das wegem 'dezuepasse' isch halt scho so chli d Frag. Da mis Chleid ebe sehr schlicht isch mit Bestickige, machi mier ned so Sorge das d'Spitze zvill isch. Ach ich wags ez eifach :D
Haha gell, min GG isch halt eifach e Luschtige Er hed de Spruch scho id Ehering welle schribe aber das hani denn doch nöd chönne zuelah. Für de Ring jez findis aber echt luschtig und ha freud :D
Gah jez grad gschnell ide Pause zum Goldschmied go frage obs möglich isch mit de Gravur will de Ring ja relativ fiin isch.

nicht registriert

Guuuätä Abiig ihr liiäbä Brütlis

Ojeeh, ii ha Ferii und ii ha gliich fast keii Minute freii I ha globs was falsch gmacht
Aber jetzt nimm ii miir gern Ziit zum wiider was schriibe:

Lilian: Schön hend ihr es schöns Hochziit mit diiner TZ fiire. Meh gsehts nomol ganz andersch, wenn's bii eim selber au glii sowiit isch, gell?
I hoff für s'Paar fest, dass viel Ballon-Karte retour chömet

Janedoe: I find Gravur no schön und ii finds meega herzig, möcht er diir das machä. Finds so schön, wiä er diich immer beschenkt! Düüme sind au vo mir druckt für dii GG, scho was noiis?

Daenu: Dini Make-Up-Idee find iich dä hammer und diin Bruutschuäh isch mii absolute Favorit! Mit dem tuän ii au scho länger liäbäugle

Fara: Phuuu, da isch wirkli es Dilemma mitem Make-Up. Isch zwar meega schön, wott diä Fründin diir gern machä. I cha mir guät vorstelle, dass sii no besser uf diich und dini Wünsch igooh chan, will sii dii und dini Wünsch besser kennt. Aber es isch en heisse, falls sii denn eiifach muä go schaffe. Het sii connections und cha dii öperem no empfehle? De chönt jo denn als Ersatz iispringe?
Wooow, mir gfallet diä beiide Ring au meega guät. I find so eiinfarbigi Ring mit spezieller Musterig au meega schön! Dä Priis tönt würkli guät, vor allem will's jo denn no es Unikat sind!
Gratuliiärä zum Azug vo diim GG. Ihr hend ja würkli gad es glücklichs Händli!

Taeboyana: Woow, wenn also für beiidi so wenig zahlsch, denn darfsch ja ohni schlechts Gwüsse zuägriffe. Gratuliiärä zu de Schnäppli. Und ii nimme aah, eues Zivile wird nöd dii lescht Glegeheiit sii, in dii hübsche Gwändli z'schlüpfä
Dii roote schueh sind hammer! I find rot giit so eh gailhe (sorry ) Kontrast zum wiise Kleiid!

Me: Mir sind aah dä Hochziitsmess gsii und hend gluägt weg dä Flittis. Janedoe gell du hesch mol vo dä Kapverde verzellt? Bii wem hend iihr das buächät? Kuoni het gmeiint, da heggets gar nöd offiziell im Agebot aber sii würdi für uns gugge… Aber bii tui, hotelplan, … find iich's uf dä Page au nöd. Mal gugge, am Donnstig werdet mir wiider was ghörä….
Sus bin ii meeeega froh, wenn ihr mir Duume drücket. Mini erst Bewerbig isch dusse Es isch eh wunderbari Stell, aber es wunder wenn's gad s'erst Mal klappt.

Guuuät Nacht und morn en guäätä Wuchestart!
s'Nächst Weekend wartet scho uf uns

Guete Morge mitenand!
WOW da isch ja richtig öpis gloffe i mine Ferie. Ha gar e kei Ziit im Moment um uf aues izgah...

Schueh: Ig ha ganz klassischi Hochziitsschueh usegläse. Het mir grad uh passt u si mega bequem gsi. Ig ha d Lavender vo Brautschuhe Pink.

Make up: Da tueni de mau mit derä Kosmetikerin luege. Wett abr o chli mit Glitzer-Glimmer. Bi o suscht täglich gschminkt u es bitzi Glitzere darfs gloub de scho

Me: Mir hei äbe üsi Ferie gnosse u ig ha guet Ziit gha, zum aui Prospäkt und so vode Hochziitsmäss düre zluege. D Mäss het üs mega guet gfaue. Was mer jetze grad dranne si isch no d Hochziitsturte!

Hochzitsturte: Vo wo wärdet dir öichi Turte ha? Mir tendiere zwüsche Miyuko u Sweet-Treat. Mir wettä gärn sone englischi Turte, am liebschte Drüstöckig, demit mer de oberscht Stock de no chönnte igfrüüre. Wie vieu zahlet dir ungfähr für öi Turte?

Squishy: Ich han mal verzellt vo de Kapverde! Mir sind letscht Jahr gsi. Mir hends selber bueched. Und zwar hämmer de Flug über E-Bookers bueched. Wenn würded ihr welle gah? Würdeder mehreri Insle welle mache also 2 oder 3? Chan der gern chli Uskunft und Tipps geh.

Snicki: Ich finds e cooli Idee mit de Seife... Evt. so natürlichi Steiherzli? Wer das öpis... Oder was händer suscht so für Deko uf em Tisch gäbtis öpis wo gad passe würdi?

http://www.rakuten.de/produkt/raeder-design-natursteinherz-klein-preis-je-einzelherz-2910441.html?sid=3020bc5445911a78495c90aa119ffce2