Pfingstrose, was für en GRANDIOSI (!!) Idee. Die sind jo uuuuuuh herzig!
Ich han gestern hin und heeer überleid, was echt giengt. Müesst jo glich wasserfescht si. Ich chönt jo, es sprudlet grad nur so dete d'Näme vo jedem druf schribe, und das sogar als en Art Tischchärtli näh!

Janedoe
Nei die Strümpf hani definitiv no nie gseh, gsehnd lustig us..

Squishy-fishy
Ja mer achted sich würkli uf ganz vill Sache, wo eim susch vilicht gar nöd so ufgfalle wäred..
Und wie hät eu d'Hochziitsmäss susch so gfalle? Händer no vill Sache gfunde?
Dämfall vill Glück und *Dumme druck* für dini Jobssuechi!!

Munggi87
Nei bin nöd us dere Gegend..

Claudilein
Jaaa ich het ebe au gern eini vo Miyuko. Mier händ mal en Besprechigstermin gha, de hani abr nöd so guet gfunde.. Mier gönd den mal no is Kaffi verbi go probiere und den hoffi, dass mers nomol chli gnauer mit ihre chönd aluege..

Snicki
Oooh das isch würkli no e lässigi Idee mit dene Seifene.. Ich han eigendli wölle Badecupcakes mache, sisch mit em Topping id Hose. Muen den mal en wiitere Versuech starte..
A Seife sälber mache hani au scho dänkt.. Bi dem Link wo gschickt häsch, duet sie eifach die schmelze und den mit de Murmle ushärte?

Guete Morge liebi bald Ehefraue

Janedoe: wie hesch entschiede? Hesch dSache bstellt?
Okay, denn drucki wieter d’Düüme für din GG.
Weg de Brutschueh…mir isches genau glich gange. Han die Schueh im Brutlade probiert und sie sind eifach soooo bequem gsi. Sind jo so herrlich polsteret, aber eifach mega tüür. I ha denn im Görtz (isch im Lago KN) dä Schueh bstellt für 130 Euro, Usfuhrschin gnoh und 20 Euro wieder becho – also 110.- Euro zahlt.
Lustig dass uf dem (vo mir) postete Makeup für dich Blautön z’gseh sind. Blautön bringed ja nöd de Kontrast zu mine blaue Auge. I gseh brun, brun-grau und gold. Jedefalls glaubi au dases guet chönnt passe! Wani eifach unbedingt wett, und au chan empfehle, isch matte Lidschatte ohni viel Glitzer. I fang eh scho schnell a glänze, denn mueses nöd uf dä Auge no so glänze a dem lange Tag.
Du hesch glaubs so grüen-bruni Auge oder? Me grüen als brun – denn wär susch dMila Kunis no es guets Makeup-Biespiel
PS. So tolli Strümpf hani no nie gseh!

Fara: Makeup – danke, find ebe au beidi sehr schön und glaub es würded beid zu mine blaue Auge passe. Di harsch Linie isch mir gar nöd ufgfalle. Das isch so wenns mit Chläberli abchlebed, haha. Das wetti nöd – und öpper wo’s im Griff het brucht hoffentli au kei Chläberli *hihi*
Tönt super weg de Ring *wow* Gell es isch eifach mega toll wemmes chan nachem eigete Wunsch macheloh.

Chueh vom Reserviere im Restaurant:
d’Cheffe vom Resti sind mega nett, aber die Serviertante wo sTel abgnoh het isch echt chli lausig. S’Esse isch det halt MEEEEGA fein und dPrise voll i.o. Jedefalls wetti mir etz nöd weg dere Chueh alles verderbe loh, ha mir aber überleit obi doch no was söll sägä/schriebe…finds immerno recht unsensibel und stupid!

Taeboyana: Di rote Schueh und roti Haarnadle würdi etz grad echt no geil finde!!!!

Lillian: würkli e dummi Nuss
Ja denn hender no chli Ziit zum entscheide. I bi mir sicher, dases e gueti Möglichkeit git, dass ihr alli Liebste debi hend und eu trotzdem nöd grad finanziell ruiniered. Und für dFamilie isches sicher au meh als ok zum chli öppis zum Knabbere bringe, ganz sicher!
Tönt nocheme schöne Tag wo ihr gha hend bi diner TZ ihrem Hochzit. Was hends für es Lied gha bim inelaufe? Hüroted sie auno kirchlich?

Squishy: Danke! Jaaa, die Schueh sind voll bequem, chan der sie mega empfehle! Lauf sie immer chli ide Wohnig i. Kenn au 2 Paar wo uf KapVerden gsi sind (nöd Flittis), hend alli mega gschwärmt. I chönt froge bi wem sie buecht hend, wend willsch!?

Snicki: ooooh, tolli Lieder. I mues IMMER mega hüüle bi „ich schwöru“ vode Sina und em Büne Huber *LOVE* i wets vlt am Zivile. Am Kirchliche hemmer e Sängerin und das Lied isch eifach als Duett so wunderbar. Die Seife als Gastgschenk gsehnd mega toll us!

nicht registriert

Guuuätä Namittag

I tuä liieber chlii schriibe, statt dii nächste Lektione plane
Chlii pausä muäss sii!

Malinchen: Ojeeh, wa söll denn da vo dä Lüüt? Find ich gar nöd okaii. Sii wisset jo wenn's isch und alles ander het no Ziit. I dä Checkliste stot jo amigs, dass d'Karte so 4 Mönet vorher ussechömet. Da sind iihr jo no suuper ii dä Ziit. Tuuät miir leiid für diich, hesch so en Stress bechooh. Vor allem wenn jetzt no s'Prakti chunt, söttsch darfsch dii würkli z'erst uf das konzentriere. Wiiä lang hesch denn s'Prakti?
Luägäts mir positiv aah, ned nur Bruut chas chum erwarte bis s'Hochziit isch, sondern alli Gäscht gad au
Wa hend denn iihr für Details uf eurer To-Do-Liste. Uf unsere hets nu so grossi Aspekt und ii ha s'Gfühl dii Chlinigkeite gönd no bii uns unter...

Daenu: Wenn d'Servierdüüse diä Chuäh isch, denn Lüüt doch nomol aah und verlang direkt de Chef. Viellicht cha er diir besser bestätige, ob iihr Säli bechömet. Also ii finde, es Hochziit het definitiv dä Vorang!
Wär meeega liiäb, wenn du das für miich frooge chöntisch!
d'Kuoni-Frau (hmm, wiä saiit meh dene? ) het gmeiint, es segi no so afrikanisch und nöd touristisch und het uns drum eher nöd empfohle. Und ii ha denkt, wenn iich's jo europäisch würd welle und nu touriste chönt ii au uf Mallorca gooh

Lilian: Danke fürs Dumedrucke. I wird jede Tag no nervöser
Miir sind scho paar Mal an dä Hochziitsmess gsii. Immer so zum Spass. Vo dem her, hets sehr wenig Neus gäh. Aber am beste het mir dä Pierre gfalle, ha mii so gern frisiere looh
Mini TZ het au es Frisürli gmacht uuund iisch am Abiig so in Usgang. Sii het gmeiint, Männer seget Schlange gstande Sus hets eiifach uuh viiel wo mir gar nöd bruchet, iisch wiä z'spoot gsii. Fotografe, Bands, … hend mir jo alles scho. Es isch eiifach schön gsii mit miine zweii Liiebste Ziit verbriinge und tröiime

Munggi: I ha Nänikä sogar googlet zum luägä, ob ii ned vo dä nöchi bin. Aber leiider isch dem nöd soo

Claudileiin: Froii mii, dass schöni Ferii hesch darfe ha. I hoff du bisch wiider top erholt
Bii dä Tuurte chan ii ned helfe. Mir hend Cupcakes wo direkt vom Resti gmacht werdet. Da isch mir erst jetzt so richtig bewusst worde, dass mir jo soo unser "Problem" vo keii Turte glöst hend

Pfingstroose: Exgüüsez, du bisch das jo gsii! Het mii echt s'Bild verwirrt
Miir hend ebe nöd sooo lang Ziit zum flittere. So knapp zwische 7-9 Tag. Derum wönd mir nöd z'fest hobse. Mir bliibet gern uf Sal und het gheisse, meh chönt guät Tagesusflüg machä und tauche isch uns meega wichtig. Gern chumi paar Tipps vo diir über I wellem Hotel sind iihr gsii? Wa hend iihr für Usflüg gmacht? Wo cha meh guät Esse?

Me: Beräus gad, dass alli Flyer und Katalög vo de Mess bii mim GG sind, ii würds jetzt uuh gern durchwüähle Sus giits nixx noiis. Uf unser To-Do-Liste stot Trauring Lounge am Samstig, Tag mit unserm TZ (er het au zweii Kuchiirichtige, wo er no paar Sachä chönt abgäh) und den endli d'Wunschliste online stelle.

Wünschä eu allnä eh suuper guätä Fiirabig

(kaiin neue post, also ab di post )

Hoi zämä

Chume haut eifach nit drzue, so schön regelmässig zschribe, ämu nit i dere Grösseordnig

@dänu: Finde beidi schön! U das mit am Peng verstahni sehr guet! Auerdings findi bim erschte dr üser Lidabschluss zhert

@jane: Dis zwöite MakeUp gseht sehr schön us!

@Fara: I gloubi mir wäris ä zheisse! Wüu de am Schluss ohni öber da zstah wetti nit, aber dFrag isch haut, wie wiit lahsch Di ufs Risiko iih? U hättisch ggf no wer anders, wo Di chönnti "rette"?
Hesch es Foi vom Azug?

@Taeboyana: I wirde mini närne eifach äuä zu Jeans alegge, finde das aube no so ne gueti Kombi.
Isch 4cm, u bi süsch ebe max bi 3,5. Aber da dr Absatz ou mit Leder igfasst isch, het mir dr Schuehmacher drvo abgrate, zumaus no ne würkli nöiie Schueh isch. U mit 4 cm bini ebe ou fasch glich gross wie GG, aber easy.
Üas geits gad wie Dir mit dr Deko am Apero, aber wenn üser TZ was wei mache, de dörfe si sicher.
Cooli Ideene, Hesch äch e Link vom Stempel? dSchueh gseh super us! dIdee mit am Stämpfu findi super! U d "I do" Sticker stöh ou uf mire Bstellliste no, auerdings in Blau Dr Haarkamm isch sehr schön, ou vo Etsy?

@Schönheitszyt:Mini Coiffeuse rächnet für MakeUp u Frisur knapp 2 Stund (Zivile), isch aber no nit sicher, git de no e Probetermin u guet 1 Stund für dFrisur (Kirchlech) denn gani ebe zersch zur Kosmetikere u die rächnet 30-45 Minute)
I ha im fau ou bruni Ouge, u nimme ganz viu grüne oder so grau-ilbrige Lidschatte. Ha ebe nit würkli gärn Gold.

@Zivil: Mir si ou 15 Lüüt u tüe gad wäg de Köste deheime Grille.

@Claudilein: Wenns bi üs eini git wird di füre Ziviler si vo hie http://www.lienert.ch/content/e2/index_ger.html
Das mit am igfüüre fändi ou sehr schön, aber es kostet de haut gad umi e Bitz meh, u de Platz ir Gfrüüri isch de ebe ou weg

@snicki: Härzlechi Gratulation zum Datum! Wäg am Lied, finde dr "ä Vogel ohni Flügu" no es mega schöns!
Es Härzli!! Mega cooli Idee imfau!

@malinchen: Und, wie bisch i Dis Praktikum gstartet? Hoffe Du findisch gli umi dEnergie für dKärtli u Di! Was isch de no aues uf öichere To Do Liste drufe, dass Dir fasch schlächt wird?

@lil: Hoi Du, wie loufts bi Dir so?

@me: Bi üs louft nit gad viu, hei süsch gad viu, u drbi geits nume no 52 Täg...
Mir si am Samschtig mit üsne TZ is Resti ga ässe, u es isch e mega luschtige u gmüetleche Obig gsi
GG setti aber immer no Schueh u Hemd ha, u de stöh no dEnd- u Detailbesprächige ah...

Janedoe
Wooow mega schöni Sache heschder usegsuecht, hesch scho bstellt?
Hmm wetsch de de Spitzebolero de ganz Tag träge? Mir gfallt de schleier mitde spitze meeega…der ander ou – isch sicher eifach schlichter…
I ha scho bstellt bi jjshouse!! Eifach schmuck also haarschmuck, Diadem etc und das isch emu alles super gsi und I bi zfriede;O) ou mini clutch hani vo dete und die gseht gar nid billig gmacht us oder so!;O)

Daenu
Merci vielmal fürd Bildli, ds zwöite gfalltmer mega wüll dete d Orchidee ebe o uno „lebt“ hamers gad abgspicheret;O)
Mir gfaut ds erschte augemakeup bild meeega….!!!

Littlefoot
Hesch es foto vo dine kalligraphie-couvets??

Taeboyana
Wooow de stempel isch mega schön…..und di rote schueh gfallemer ou sehr;O)
Ds Haarband gfalltmer meeeeega!! Dafi frage wo du das gseh hesch??

Lil.lian
Jööh das isch ou e härzigi Idee?? Auso ide mitti grossi kerzelüchter und de eifach bide froue
Obem teller e chlini Orchidee?? Du hesch äuä nid öppe per Zuefall es foto gell??;O)
Schön heiter sones schöns Zivils vo dire TZ chönne fyre…und ja säg nüt wenns gueti Föteli vo dir und GG het chöiter die ja ou gad bruche;O)

Snicki
Hmmm wie wäris mit emne Müscheli für id seife oder es Plastikblüemli oder es Föteli vo öich 2ne oder wenn der Duft zB Lavendel isch de Lavendel-Zweig dritue?oder herzli-Konfetti? Oder glitter? Das isch das womer ize ga so wäri i Sinn cho….;O)

Gastgeschenke
Ou ja guet Snicki dass du gad vo Gastgschenk schribsch..hätti da ou no e Frag id Rundi…ha scho lenger dänkt mau i wett selber Limoncello mache für d Froue als Gastgschenk. Mi GG wird ja selber es Hochzitsbier braue und allne Männer es Bierfläschli devo als Gastgschenk geh. Ize fragi mi plötzlich obi würkli Limoncello söll mache oder doch zB e spezielle Essig selber mache oder ha ou scho gseh so chilli-Salz oder so? d Fläschli hani scho vor öppemne Jahr kouft;o) also öpis im Fläschli müesstis fasch si;O) hätt öper e tipp oder idee?

Me
Süsch bini immer no am Adresse zämesueche und Couverts aschribe und chume nid so recht vorwärts…brucht halt ou mega zit und am gäbigschte wäri i hätti mau e Tag frei wome das chönti mache aber mir hei momentan meeeega viel los…
Hüt abig entscheidi mi mitem GG fürne Trauungstext. Am SA heimer de ds nöchschte Treffe mitem Pfarrer;O)