Guete Morge zämä!

@squishy
Hehe, ischs wirkli so uffällig das ich andauernd beschenkt wirde vo mim GG? :D Hmm nei, vo de Kapverde han ich glaub nie verzellt, obwohl mier eus das mal überleit hend. Jedefalls bini no nie dette gsi
Demfall drucki au feeeeescht d Düme dases klappet, und loogisch, chas au scho bim erste mal klappe!

@Claudilein
Welcome back, schön, dasers so gnosse hend
Mir wärded eusi Torte bi macarons etc. mache lah. Miyuko wär für eus au en Option gsi aber da s andere Gschäft direkt gegenüber vo eus dihei isch, und sie en echt liebi isch wo voll uf eusi Bedürfnis igaht, hemmer eus de für sie entschiede. Mier zahled um die 750.- für en recht ufwendigi 4 Stöckigi Torte inkl 30-40 dezue passendi Cupcakes.

@Snicki
Gratuliere zum Datum! So schön!
Wie wärs mit de Trauring Lounge z Wädenswil?
Huere cooli Idee mit de Seifi! Wär evtl für eus au no was, ha nämli nid wirkli gwüsst bis jez was ich wett….

@daenu
Ich ha no nöd bstellt. Warte no ufne Antwort zum Gürtel, will mier plötzli i Sinn cho isch, das die Blueme ja unter Umständ wiss sind und nöd ivory, jetzt müends das no abkläre. Aber denn bstelli
Ahhh denn hetti ja nomal en Grund uf Konstanz zfahre! Danke füre Tipp!!
Ich bin vlt chli Farbeblind, i Grautön gseh ich immer mega schnell z blau use. Weiss au nid.
Ja stimmt, bin no gar ned so uf dIdee cho, bi Promis chli nach Makeups zluege, hehe, danke!

@malinchen
Ohjee, das gestresse immer. Lah di nöd beiflusse und s isch doch wahr, hend ja alli s STD becho. Und, wie hed dis Praktikum agfange? Hesch es guets Gfühl?

@Lula
Oh Gott d Ziit raaaaaaast! Müender no viel mache usser GG fertig ichleide?

@Sue
Nei, ha no nöd bstellt. Warte no ufne Antwort zum Gürtel, will mier plötzli i Sinn cho isch, das die Blueme ja unter Umständ wiss sind und nöd ivory, jetzt müends das no abkläre. Aber denn bstelli Ez falltmer grad chli en Stei vom Herze, dass du gueti Erfahrige gmacht hesch, das ermuetigt mi :D
Ich ha dini Idee mitem Limoncello vo Afang a meeega cool gfunde. Aso drum würdi glaub debii blibe.

@me
Iher Liebe, ich muess am 1. Februar leider absägä Mini Chefin isch a dem Samschtig ned da und drum muess ich ispringe Ich hoffe ich blibe die einzig wo abseit und iher hend es super Träffe!

guete morge :)

malinchen: oh nei das findi au chli denebed. wie isch s prakti ?

sue: find limoncello super ! ja chas der per pn schicke...sind nid so worde wie ich ha welle, isch extrem schwer, aber sind ja nur couverts und schön isch es glich findi.

janedoe: die gürt gits imfall au bi etsy gäll sind eifach scho tüür.
das isch denn aber billig die turete mit cupcakes !
bisch bi pinterest ? det hetti die couverts druf..aso eifach schön agschribe, mit no chli linie und herzli usw. cha der susch au e pn sende :) ah demfall chani d süessigkeite ja würkli bstelle haha :)

lilian: de bini gspannt uf din entscheid wegem chleid :) übrigens witzig dass ihr in luzern chömed go fiire. warum eigetli ? wils so schöööön isch bi eus :)
wie gaht denn das gnau mit dere lieferadresse..? muss mal luege uf dere site. danke :) mis mami hät ebe e postfach adresse in frankreisch gmacht aber irgendwas funktioniert det nid.

lula: omg das gaht ja etz de ganz schnell :)

snicki: cooli idee, ich ha au mal seifene selber gmacht mit de chind...

fara: ou ja wegem makeup isch chli blöd. aso ich würd definitif öpis bueche, wär mer denn z riskant wege stress usw.

taeboyana: di GG isch echt de hit, en high heel kurs.. chämt mine nie druf haha :) er wett ja eh nid dasi dere alegge, er häts denn amel nid so gern wenn ich 5 cm grösser bi als er :)
dis zitat (Aufrappeln, Dreck abwischen, Krone richten (wichtig! ) und weitergehen) gfallt mer :)
d wimpelchetti hani au zerst selber welle mache aber wenn ich 3-4 verschiednigi stoff i mine farbe muss sueche und chaufe chumi echt türer
cooli sache hesch da postet, d schueh sind cool. finde sone kontrast ebe no lässig..überlege au pfirsichfarbnigi schueh z ne i do stickers hani au welle ibaue (GG und ich hend ja mal drüber gredt converse azlege mit some i do hinedruf) d haarsache gfalled merr au guet. mit dine haar wär rot de hammer !

strümpf: nei aso ich lege sicher keni a. ha ja de reifrock für das het d verchäuferi gmeint...isch ja eigetli nur ganz en agnehme stoff, nid mit vill reife. sie het ebe gmeint wegem ribsche, wil de untersti stoff vom chleid nid so agnehm isch..

me: hole etz offertene i vo günstige fotografe..s gseht so us dass ich sicher 4-5 stund öper chönt bueche für 700.-. das musch scho rechne, billiger gahts öpe nid. mal mit GG luege
kateadams wär guet & günstig gsi aber die isch scho bueched...und bi einere wärs echt günstig, mit portraits und alles aber sie wett sie denn uf ihri hp is portfolio ne...weiss nid ob mer das wänd.
ach isch echli en mischt...s budget weissi ja nid gnau, GG hät det nie gseit wieviel er rechni bim kolleg..ha immer mit 500.- grächnet...
eusi iladige sind zu 90% use hüt, mit a poscht. bis gspannt ob d lüt da scho öpis degliche tönd oder nur sich ameldet bis 15.3

janedoe: weissi ebe nöd. mich würds nid so störe wenn 4-5 druf wäred...aber GG isch da nid so fan. mussen mal fröge :)

ha no öpis vergesse vorher : GG hät ja immer e photobooth welle. aber womer d prise gse hend...naja. und etz hani e cooli idee gseh gha: en alte rahme ame ascht im garte ufhänke wo denn d lüt chönd mit ere polaroid fotis mache, hetsch ja au chöne so photobooth artikel bruche. nur isch es etz so dass ich gseh han wie tür die fotiblätter sind für polaroid ! s git ja sogar neui kameras, und det hani gseh, s günstigscht isch 14.90 für 20 blätter und kamera 65.-...aber bi 50 gäscht brusch ja sicher mind 100 blätter....bi chli enttüscht, wil de GG mini idee voll cool gfunde gha hät und mir ja de fotograf eigetli nid werded ha am fäscht...

Malinchen: Du hesch vollkomme recht! Es hend alli dSTD-Karte übercho und drum sölleds etz nöd stresse. Besser als bi üs wo dLüüt nach so langer Ziit alüted und s’Kärtli nüm hend mit de Adresse für dHomepage
Nuuur kei Stress! Viel Glück im Prakti !

Squishy: Jo ich überlegg echt zum nomol alüte – aber i wett au nöd als Brautzilla gelte nur will sie sich nöd so gfreut het wie ich’s mir wünsch. Eigentlich denki derzit eifach „es isch eh unwahrschinlich, dass öpper im April amene hundskommune Mäntig go Fondue esse will“! Oder? Aber sie mached sich scho chli sGschäft kabutt!
Kap: Aaaaaalso…i ha nochegfröget und folgendi Antwort becho:
Mir hend absolut INDIVIDUELL buecht. Flug über swoodoo (TAP) und Hotels au separat. In SAL chan ich üses All-Inclusive-Hotel total empfehle: RIU GAROPA (super!) und in SANTIAGO simmer in Tarafal im KING FISHER gsi (es Taucherhotel mit super Wohnige, aber voll weg vo de Touriweg, sind fast die einzige Wisse gsi im Dorf)
Sie hend sooooo gschwärmt imfall!!!

Lula: Gell, sPeng mues eifach si !! wie stellsches du dir vor bi dir? Oder wartisch was bim Probetermin gmacht wird?

Sue: Würkli, hets der gholfe? Ooh das freut mi. Was wetsch für e Farb Orchideä? Danke, bin scho gspannt was dKosmetikerin zu dem Vorschlag seit – hüt innere Wuche!!
Ide Fläschli: Badesalz, Chrütersalz, Sirup, Chrüter- oder Chilliöl. Oder ebe Limoncello, mmmmh!

Lillian: och schad, da het mi etz grad wunder gnoh das Lied. Isch sicher grad e schöni Stimmig wenn no es Lied lauft bim inegoh. Ohhh ja…es isch würkli schnell recht tüür wemme es au nur es mittelgrosses Fescht macht…und wenn denn no es Chind do isch..! Defür chönd sie sich etz uf DAS grosse Glück freue.

Janedoe: ja gsehsch ich liefere dir direkt scho d’Gründ wieso du söttsch uf KN cho, haha!
Ah ok…ja hoffentlich passt denn dFarb. Mues grad nomol ide PNs dis Kleid go aluege, denn chanis mir grad vorstelle.
Pinterest: chönti dir au erkläre. Chasch mich mal go sueche, kennsch ja min Name!


Littlefoot: Das mit de Polaroid Kamera findi e mega gueti Idee. Und chunnt ja denn no billiger als 1h Fotograf und isch glichzitig grad es Obigprogramm!

Me: GG isch am Samstig endlich mit sim Dad gsi go Anzüg aprobiere. sie sind zerscht in Strellson da ich Krüzlinge, aber es het vorallem Business-Anzüg gha (das hemmer scho gwüsst) ohni Weste, und die isch mir ebe so wichtig. Find das isch scho so DAS wo de Brütigam rein vom Azug her komplett macht. dWeste isch eifach sexy
Jedefalls sinds denn in David's Mode Kreuzlingen. Sie sind grad vom Chef berote worde und er het direkt welle wüsse: Hochzitsdatum, Farb vom Brutkleid und Haarfarbe der Braut.
Er het etz di kompletti Aleggi: Azug, Weste, Kravatte, Hemd, Schueh, Gürtel
und das het 1800.- kostet, Änderige sind gratis (türer als mis Kleid). Defür mues er nix meh ha...alles isch passend und ich gseh's erscht wenn er mis Kleid gseht!!