nicht registriert

Guuuätä Abiig iihr Liiäbä

Schöön wiä's do sprudlet, denn leg iich doch au mol loos

Sue: I ha keii Ahnig was Limoncello isch… Aber d'Farbe gsehnt suuuper us uf Google I finde Limoncello het was fetzigs während Essig und Öl an d'Huusfrau erinneret. Vo dem her würd ii dä bevorzuuge. Wenn's um dä Alkohol got, wiä wärs miteme Sirup für alli Schwangere?

Janedoe: Schaad chasch ned derbii sii. Hoffentli es nächsts Mol.

Littlefoot: Ojeeh, diä Polaroids sind jo echt nöd gad günstig… Schaad, cha das ned klappe.
Wiä wärs mit Einwegskameras ooooder Digitalkameras als Alternative?
http://www.saycheese.ch/site/hochzeit/ Für das wiird amigs Werbig gmacht do uf dere Page…
Ha Priise aber no niiä aguggt

Daenu: Daaaanke das so schnell nagfragt hesch. Es isch schön zum ghörä, dass schwärmet. Denn hend mir uns viellicht richtig entschiide? Demfall au kaii Reisebüro. Morn chunt s'Mail vo däre Frau, mal luägä was diä uns so empfiehlt…
Mii GG wott au in Strelson und ii luäg chlii soo will es sind jo ned würkli Hochziitsanzüg. I han ihn denn au probiert vom David's überzüüge. Aah dä Hochziitsmess hend ihn denn Priise umghaube I hoff fest er got jetzt dert hii

Claudileiin: Werum giits Absage für Hochziitsturte? Sinds z'ufwändig? Find iich jetzt also scho chlii komisch, denn das isch doch eh Inamequelle für es Gschäft… Wünsch diir viiel Glück bim wiitersuächä!

Snicki: I ha dä Termin au öpä im Mai. Mini Friseurin het da vo allai vorgschlage, damit sii weiss wiä mini Vorstellige sind und sii teste chan. Aber ii denke, eh Friseurin bringt das au ohni Probetermin hii. Es got meh drum zum sich und d'Wünsch vo dä Bruut kennezlerne und das Bruut eh gwissi Vorstellig het. Am Hochziitstag selber het meh jo nöd so d'Ziit zum usteste was am beste wär.


Malinchen: Suuuper isch diis Prakti so genial! Froiie iich miich für diich! I han ii zweii Wuche au endli wiider mol Prakti und im Moment bin ii nu am hypere deswege…
Dini Uflistig isch genial, i ha Sachä diin entdeckt wo ii muä sägä "aah, genau seb muä jo au no drii"
Wünsch diir viiel Kraft und Motivation fürs abhackä vo eurer Liste!
Und wiiterhin guäts glinge im Prakti!

Me: Im Moment liiget mir zweii Sachä ufem Herze. s'Einte isch dä Azug vo miim GG. Dä got mii jo eigentli gar nixx aah. Aber i mach jo es rosa Bändel aah miis Kleiid. Wiiä cha mii GG unserem Farbmotto grecht werde? I find eh rosa Krawatte gseht so buäbisch und z'wenig festlich us…
Hend iihr Idee?

Wünschä eu eh guäti Nacht und schöni Tröiim*

Guete Morgäääähn

@daenu
Din GG wird bestimmt was uh tolls usgsuecht ha. Glaube wenner sone gueti Beratig gha hed, cha ned wirkli viel schief gah :tongue:

@lil.lian
Juhu ha gester chli inegluegt i Pinterest. Chönnt was werde ;)

@Snicki
Ich mache uf jedefall en Probetermin. Hett viel zfescht Schiss, dases denn am Hochziitstag nid eso usechunnt wie ichs gern hett und de Tag somit scho chaotisch und schlecht startet…

@Lula
Wow, bi eu ischs ja echt zimli gnau mit de Planig… Huiui, chume innerlich gad in Stress
Iladige becho? Hmm verwechslisch du mich evtl mit de Pfingstrose?

@malinchen
Au eui Lischte isch soooo detailliert. Kopiere die glaub grad und picke die Sache use wo bi eus no fehled, haha. Uf eui Homepage bini soooooo gspannt!!

@squishy
Phuu, schwierig wegem GG. Und wenner denn eifach en rosaroti Asteckblueme hed? Ich fänd en rosaroti Krawatte ez ehrlichgseit au nöd so prickelnd… Oder rosaroti Socke? Als Gag? :D

@Tennis
Oh Gott ich bin schier vergitzled vorem TV

@Pinterest
Also ich bin jetzt offe für eui Benutzernäme, um eu zfolge bitte PNs :) dankeee

@me
Geschter hed eus de Pfarrer us Düsseldorf aglüte zum mal mini Stimm ghöre :D Mier hend chli gredet und usem Gspröch use nimmi, daser seeehr offe isch für eusi Ideeä und überhaupt nöd Konservativ *juhuuu*
Mier hend de gad abklärt obs okay isch, wennmer kei Chilelieder singe wend (btw.. macht das öpper vo eu?).
Denn hani gester dank de daenu (danke nomaaal ) euses Lied füre Izug gfunde.
http://www.youtube.com/watch?v=ff8UwvPK0G4
GG hed sich Sweet Child O’Mine gwünscht und ich ha das immer chli doof gfunde, söll ich zu dem Lied id Chile inespringe oder was?! ha denn aber vo ihre en Link zunere Pianoversion becho woni grad soooo perfekt gfunde ha und au GG hed schier afah brüele :D

GG und ich hend hüt Jahrestag Dur das, dasmer aber so i dem Hochziitstrott sind, chunnt gar ned so Stimmig uf hani sGfühl und usserdem hed GG uf hüt de Termin bim Zahni abgmacht für eus zwei zum Zähn bleache (das heder mier doch vor paar Mönet gschänkt für dHochziit ) Genau hüt!!! Das isch also euses DATE, haha

Zuletzt bearbeitet am 22.01.14 07:49

Janedoe: Danke tusig für di Tipp vo Macarons etc. Sie het tatsächlich Ziit u mir wärde jetz de e Termin abmache, um mau vrbi z gah!!
Gratuliere zum Jahrestag! U vieu Spass bim Date

Snicki: Auso mini Cousine het Scharlachrot idr Chieuche vo einere singe lah mit Klavier-Begleitig. Isch mega schön gsi u de Tegscht het irgendwie scho passt
Ig ha de Probetermin für d Frisur erscht e Wuche vorher. S geit eifach da drum, dass sie scho mau cha luege wieni mini Haare wett.

Sue: Ja genau, drü hei jetz scho gseit, dass sie zu däm Datum kei Ziit heige zum e Turte für üs mache. Abr jetz heimer dank de Janedoe öpert gfunde, wo schöni Turte macht u erscht no Ziit het!

Lula: Auso mir hei imfau nid esoooo wahnsinnigi usgfaueni Vorstellige für üsi Turte. Foti hani grad nume ufem Handy. Mir hei o nume fängs nachegfragt, öb sie überhoupt Kapazität hätte. Abr haut nid bimene 0815 Beck sondern bi so Hochziitsturte-„Experte“. U die mache haut nid x Turtene für eis Datum u Mitti Juni schiint no beliebt z si… Ig ha o gmeint, mir heige no Ziit bis im April. Abr woni die erscht Absag becho ha, bini de scho chli nervös worde. Jetz heimer abr dank de Janedoe öpert guets gfunde wo Ziit hätt. Göh de dert mau gah bespräche u degustiere. Wenn dir scho gnaui Vorstellige heit, vo wäm dir d Turte wettet lah mache, denn würdi scho mau nachefrage u reserviere. Nid dasses öich de glich geit wie üs…

Squishy-Fishy: Nei z ufwändig si sie nid. Abr drü hei jetz scho gar e kei Kapazität meh gha, wieu sie scho usbuechet si gsi. Mir wei äbe kei 0815-Turte vomene „normale“ Beck sondern chli öpis speziells. U die chliine Hochziitsturte-„Experte“ si haut guet buechet wieu die nid so vieu Turte uf z mau mache. Abr mir si miitlerwiile zuevrsichtlicher.

Me: Üses Hochziitsturte-Drama het sech beruhigt. Mir hei danke de Janedoe öpert gfunde, wo denn Ziit het. U usserdem heimer jetz miitlerwiile no vo suscht öpertem e Besprechigstermin becho. Auso gar nid esooo schlimm. Abr drü Absage z becho isch auso scho speziell. Nid wieu üsi Turte so ufwändig odr extravagant isch, sondern wieu die eifach scho z vieu z tüeh hei.

Kennt öpert vo öich "casa di Falcone"? Dert chamer ungr angerem so chlini Truckli für Gaschtgschänk odr so bsteue. Het öpert erfahrig?

ah und Casa di Falcone kenni. Finde d Homepage mega schön und d Sache druf au mega! Aber ha no nüt bstellt, tue denn aber glaub scho no :)

Guete morge liebi Mitbrütlis

Squishy:
Isch no schwirig wegem Rosa. Ich würd au entweder d’Blueme Asteck-ding ( LoL ) evtl es Rosa Schleifli näh, oder Rosa Blueme, oder het din GG evtl so en Istecktuech? Wo er obe ine Steckt? Evtl das?

Janedoe:
Woooow, super Lied!!! Uh schön! Oh, Zäh bleache ... Cooli Sach!! Gisch de Bscheid wie’s gsi isch? Es isch mer au scho dur de Chopf. Obwohls schier übertribe isch für mich persönlich. Aber ich muess zuegäh, de Gedanke hani gha

Sue:
De Termin hemmer scho hinder üs, also de erschti Termin. Chunt denn nomol eine
Also mier hend gar kei Lieder wo d’Lüt mitsingit, mier hend au kei Orgle. De Ablauf het er üs gäh, es Plan quasi, wenn was wo. Hend iehr das ned übercho? Müend iehr das selber mache? Bi üs stoht de Ablauf also fix fescht. Mier hend eifach mit Brüeder, wo d’Lesig macht, und mini Nichtie und Neffe lesid d’Fürbittene. Sus macht alles de Pfarrer selber. Mier hend au kei Kommunion. Er het üs das überloh, öb mer das wend oder ned.
Chan der de “Plan” sus mol schicke went wetsch. Ich würklich gäbig, es stoht alles det druf.
Danke fürs Föteli. Das isch genau so öpis, wo ich mier vorstelle Ich wür de miteme Stift entweder “Danke” drufschribe, oder ich würd die Seifene quasi als Tisch-Charte näh. Mueses z’erscht teschte, öb mer das denn überhaupt dur die Seifi düre chan läse.

Claudilein:
Aaaah so schön, Scharlachrot. Ich finds eigentlich au ok, de einzig Satz wo mich stört isch “wie wenn’s öppis schön z gwinne gäb für di & für mi, im schlimmschte Fall nume e Nacht” Ich wet ned nume e Nacht LoL
Handcherum, wer lost scho sooo gnau ufe Text?! Hihihihi

Lula:
Sorry hani ersch jetzt gseh, dass du wegem Lied gfrogt hesch. Mier werdid “ich schwöru” vode Sina ha (also üsi Sängerin singts) und es isch halt ned s’Original, das isch halt immer chli anderscht, wenns öpert anderscht singt (macht Sinn )

Malinchen:
Scharlachrot, doch!!! Ich gfinde immer meh Gfalle dra

Probetermin:
Ich gohn hüt einewäg zude Coiffeuse (bitternötig ) denn mach ich das ab mit ihre. Han nur welle wüsse, wenn ungefähr iehr das möchid. Danke eu!!
Nehmid iehr eui TZ au mit as Probefrisiere?

So das wärs glaubs, hopp Roger!!!

Hoi zämä

@munggi: Ach so! Nee ilade müesst ihr sicher niemert! U süsch chöit ihr ja besagti Tante eifach as Apero ilade, u guet isch .

@malinchen: WOW, bi öich steit ja no einiges uf dr Lischte! Fürs ZSA heit Dir scho aues?

@squishy: U de es Rosa Istecktuech, oder Manchetteknöpf? Was liegt Dir de süsch no uf am Herze?

@jane: Wieso chunnsch de Du wäge üsere Planig in Stress?
Sorry!!
Mir hei zAmazing Grace dinne (aber eifach nume uf dr Orgele), finde das aber ou no schön, u süsch het si üs no eis dri ta, hei aber dBesprächig mit dr Pfarrer no nit gha, viellech laht sech das no lah usenäh.
Aues Gueti zum Jahrestag!! Wünsche ech es wunderschöns Date

@Sue: Üs gfallt dOrgele ebe no, daher hei mir se. U zum mitsinge hei mir eis Lied vo üs u eis Kirchelied, aber ebe, viellech chame das no usegheie, hei dBesprächig no nit gha!
Schöni Steine, u ne super Idee!

@Claudilein: Muess gloubs mau mit mim GG rede, er setti derte no mit sim Götti gugge, ob er se cha mit achenäh.

@snicki: Ou cool, u ja cha si dass es bi öbert anderem chli anders tönt...
Nee, gange älleine, schicke ihre de es Foti oder gah vrbi, je nach je, muess de no gugge. (Mir hei aber ou fasch 1h Stund Wäg drzwüsche u si schaffet unregelmässig)

@all: Gugget ihr aui Tennis? Das isch iwie e Sport woni nie verstande han...