lilian, jo sicher. Chan ich mache. Has nur ned grad bi mier hüt. Nimms morn mit und scannes mol i.

Nei bi nonig ide Migi gsi. Ich wet äbe au so Silikon-Förmli chaufe. Mues de au grad ide Migi luege öbs das git. Es gäbt jo sogar söttig, wo une am Bode so es Muster hend. Blueme, oder Härzli oder so. Das wür sicher au grad no herzig usgseh. Ich han gester sogar im Inet gseh, wie mer so Silikonförmli cha selber mache. Aber das wär mer de zviel Im Internet chöntsch so Förmli bstelle, sogar bi Zalando hani gester gseh Zudem hetti mer denn grad merheri Seife uf einisch gmacht. Anstatt nur mit 1 Förmli, chunsch jo de ewig über

Iladigs-Chärtli. Mier hend do es chlises Problem. Mier hend eigentlich pro Familie welle 1 Charte schicke. Jetzt wohnid natürlich viel vode Cousin/Cousine nüme Deheime. Findit iehr das doof, zum denn nur 1 Charte schicke für alli zäme? Wie möchid iehr das? (Es gäbt bi üs grad 25 Charte meh, wemmer jedem eis schickid)
Wenn mer nur 1 Charte schickid, hemmer no es anders Problem. Am Schatz si Onkel isch sin Götti. Dä isch natürlich am Abig au iglade. D'Chind, Cousin/Cousine aber nur zum Apero. Was für e Charte schickimer denn? Apero oder Abig Charte? (Chömid 2 versch. über). Oder sellid mer z.b d'Abig Charte schicke, mitere Ilag für Cousin/Cousine?
Weiss ned was mache

Snicki:
Auso bim Hochziit vo minere Cousine het sie denn eifach d Charte a mini Eutere gschickt u o mi ufem Couvert erwähnt gha. Ig ha das abr uuh schad gfunde, dassi kei eigeti Charte becho ha. Miner Eutere wohne jetz nid grad um de Egge (ig ha denn z Winterthur gwohnt u sie z Burgdorf), so dassi d Charte eigentli nid würkli gseh ha, sondern mis Mami hets de mau erwähnt gha. Zudem het mini Cousine nume ufem Couvert druffe aui üsi Name agschriebe u inne drinne nume "Ihr seit eingeladen...". Denn het mis Mami z Couvert zerscht no wägschmisse ohni gnau z luege u irgendwenn het sie mir de gseit: ah du bisch imfau o iglade a z Apèro vom Hochziit vode Daniela. Ig bi mer denn chli doof u es bitz ungwünscht vorcho, wieui äbe kei eigeti Iladig becho ha.
Auso drum würdi dir de Tipp gäh, d Iladige jewieus denä Lüüt direkt hei z schicke! Denn erübrigt sech z Problem vode verschiedene Iladige Abe / Apèro nämli o u es isch für aui klar. U denn tönts nid eso: auso Zbsp Max u Moritz si bim Abe iglade u de Fritz imfau nid

Lula
Nei luege dueni eigendli au nöd so.. Verstahn also au nöd grad all Regle.. Ich chönt jez au nöd ei Stund vor em TV hocke und am Bölle hi und zrug nahluege.. Da findi Iishockey scho spannender

Snicki
Oh mega nett! Danke!!
Ja s'Problem isch ebe s'Oberteil vom Cupcake z'finde (Topping) und das mers chan güsse.. Und da hani no fascht nix gfunde. Nur bi etsy hani bis jez Silikonforme gfunde für obe.
So meini:
https://www.etsy.com/de/listing/62869847...search_type=all
Wege de Iladige, ich würs au allne separat schicke, ussert es wohnt jeze no öber diheime.. So wies eigendli d'Claudilein scho gschriebe hät.

Ups han wieder mal nöd aktualisiert! *KLIRR*

Lilian: Ich han eimal so Cupcakes gmacht mit Topping. Isch jetzt no guet usecho und zwar ohni so Förmli. Bruchsch die würklich? Ich hans eifach mit em Sprützsack gmacht... Weisch wini meine?

Iladigs-Charte:
Danke für eui Meinig. Ich glaube, so möchid mers au, isch glaub am eifachste Das wär eh no die Variante gsi, wo ich eigentlich han welle. Hans obe nur vergässe gha zum schribe

Förmli:
Ah jetzt verstohni was du wetsch mache sorry, han ich ned ganz begriffe gha. aber jo, das wird allwäg schwierig. Mitem Sprützsack wird au ned go, do d'Seifi no ganz flüssig isch. hmmm ... und wenn quasi nur halbi Cupcakes machsch? au doof, he ...
Und wennt Seifi chli lohsch "fescht" werde, und denn nocher im Sach druf tue, denn sofort i Chüehschrank. Chönt mer vorstelle, dass das wür funktioniere.

Pfingstrose:
Wenn ich au antworte dörf Die isch total flüssig i dem Moment Aber ich denke, wenn die chli lohsch lo ushärte, und denn in Sprützsack, würs glaubs goh, villicht
Ich tuen am Samschtig oder Sunntig das teschte mit de Seifene. Werde de natürlich brichte