Guguseli allersits!

Puh han jede Tag welle schribe die Wuche und bin eifach nie dezue cho! :p han jede tag chli nogläse und gschrebe aber min lange post chani erst hüt loswerde (sorry för d’längi aber han uf alli welle igoh :p)

@Fara: cool händer so vil Sache chönne erledige! :)

@il.lian: aaah merci förs ufkläre wäg de feriemäss! :) zo dem atrag chumi dänn spöter unde no.. bin nämli stinksauer!!! Mir sind am Sonntig gsi aber am Namitag! Häd jo soo vil lüt gha haha has so witzig gfunde! All die päärli I dere riise mass! :p dodegäge sind mir brütli usem forum grad mega wenig! :p ah ok super merci för d’info wägem pass / ID! :) lute demfall mol ufem standesamt a! :) gäl d’hochzytsmäss isch ächt super gsi? hey cool wäg de ringe! Mir sind au bim kuoni gsi und händ das spili gmacht mit de chärtli mega witzig gäl? :) si häd öis au ächt guet berote! =) wägem standesamt: mir gönd eifach mit eltere, gschwöschteti und TZ mit partner go ässe am obig sind dänn au 14 lüt..

@lamarie: jo voll das wär cool hihi :) oh nei so en scheiss wäg de hoor :( würd glaub au avo hüüle.. aber super häd din andere coiffeur si chönne rette!!! :)

@nala: ui das mitem coral kenni du :p bereitet mir au immer wider chopfzerbreche :p hey so cool wäge london hammer! =) hey das isch jo mega cool wäg dinere schwögerin! :) super chan si d’fotis mache und dass sis öich sogar grad schänkt isch jo mega! =) so findi ebe au söts si bi änge frönde / verwandte.. aber schinbar gsehnd das ned alli so.. oooh danke för d’homepage muessi dänn go güxle ich liebe nämli so shabby chic sache! =) oh weiss genau wasd meinsch wägem TZ vom GG bez. bi ihm sinds d’kollege! Han jetzt au sones treffe organisiert bi öis dihäi und die 2 kollege vo ihm (best men) händ öis 2 woche kei antwort chönne gäh wäge de date so müehsam gsi! und mi GG häd gfunde söl si nedso stresse das sind halt manne und so blabla grrrr!!! Han au dänkt sust sölet sis eifach loh si!

@malinchen: danke jo s’isch teilwis würkli deprimierend (siehe weiter unten) naja.. verstoh di – kenne das jojo ich lüte dänn a und dänn machet sis glich ned :p jo öberlegs dir guet – mängisch sich extern ebe scho besser – bin do ebe mit minere tante au gar nüme sicher.. ich han de abstecktermin endi april – bis denn weti ebe au no abnäh – ich würd demfall scho nonig goh! Aber chasch sicher verbi goh und so oder so mol drischlüpfe! Es sich jo DIS chleid ! :p oh de hoorschmuck gfallt mir mega! :) hey gratuliere zode bestandnige prüefige das isch jo hammer! :) hihi also fallsd no en badwanne bruchsch – mini kollegin häd doch tatsächlich eini uf ricardo ersteigeret und weiss jetzt ned wo äne demit :p si häds för shootings welle zum fötele, aber si häd sich nedso vil debi öberleit jetzt häd si eifach en badwanne :p oje hey vilicht bruchsch eifach mol es weekend chli ruhig damit di voll erhole chasch? Oh di ned vo de andere lüt loh stresse! Muesses mir au immer wieder sälber säge!!

@pricana: han mim tanzlehrer sicher scho 3x gschrebe und aglütet – wenner ned will willer ned! aber dänn chaners doch säge ned?! naja.. werdet öis anderstwitig orientiere.. nenei uf eigeni chöste.. glaube mit 50‘000.- isch öises budget def. usgschöpft :/// gäl d’hochzytsmäss isch super gsi? :) hey cool weiss wele caterer sind det au no öbis go knabbere bevormer hei sind hehe cooli sach und ächt voll günstig ! :) hmm und wie sträng ischs bi de band? Chönted ihr no storniere?

@squishy: jo ich bin zwar immer eini gsi wo grad gantwortet häd uf iladige aber s’sind halt wörkli ned alli so gäl :/
Jo ebe das mit minere tante isch rächt speziell (han unde no meh dezue gschrebe) und wägem typ mitem atrag: NO COMMENT! Bez. les unde sälber….. jöö hehe d’hochzytsmäss isch ächt super chasch di würkli fröie – also in züri hani si mega gfunde! :) wow isch jo mega toll wäg de feriewohnig! Mega schön chönder so vil öbernäh und am GG sini eltere sind sicher au froh :)

@claudilein: jo das mitem tällergäld isch leider so.. finds zwar scho chli öbertribe aber s’git no vil türeri.. no comment zo dem thema wäg dem „kollegepärli“ wämer das no so chan nenne… (siehe weiter unten) jo ebe finde die öbernachtigsmöglichkeite au rächt cool aber leider ischs ned allne guet gnueg schinbar… naja.. haha han grad müesse schmunzle :p min GG isch öbe glich motiviert a die hochzytsmäss mitcho :p

@taeboyana: jo ihr händ rächt wieners machet mit de torte wenn öberhaupt dänn am namitag wäner no dessertbuffet händ! würdi au so mache! :) ah dönt cool wäg dim köfferli hihi :) so öbis söti ebe au no bstelle uf etsy oders o.. aber händ jo no bitz zyt.. hey voll cool wägem shooting! :) ou sind würkli beidi chleider sehr schön und passed super! Ev. luegsch was din GG aleit damits chli harmoniert? :) chasch jo würkli beidi näh wänn si abegschrebe sind dänn chasch no entscheide ;) hey cool wäg de arbeitskollegin! So sache düend amigs guet gäl? :)

@bibi: oje duetmer leid ischs dir nedso guet gange aber schön bisch wider besser zwäg demfall! hmm hoffe ihr findet öichi chile gli! Und cool wäg de apérolocation! :) jo sicher ich schick dir grad en PN wäg de homepage :) jo bez. zeremonie sindmer no sehr unschlüssig (siehe weiter unten) wow mega schöni musteriladige! =) mir gfallet die 1. Und die 3. Am beste! :) wobi es sind alli uh schön! =) hey das sind jo tolli news wägem zivile! =)

@sue: grrr chas grad nüme ghöre – jo er häd ihre de atrag jetzt gmacht.. aber wie und wo und so – les sälber witer und und bin gspannt uf dini ehrlichi meinig! Ich finds absolut denäbe naja.. gäl chasch nüt säge wägem B&B? :) mir händ d’iladige endi dezember verteilt / verschickt för im juli also es halbs johr im vorus und finde das no guet.. s’git au sörnigi wo säget ui schön früeh aber mir händ jo keini save the date chartene gmacht sprich chunt chli drufa obmer das häd oder ned findi? Wäg de frisur / make up: ich han jo am 1. Februar de termin bi dere rollende friseure wo au make up machet – jenachdem wienis gfunde han chani si dir sust empfehle! Und sust halt mini gueti fröndin si isch de hammer! =) wart mache unde grad chli werbig för si! :) wooooow die schueh sind de hammer!!! Sinds bequem?? Ich bruche för s’zivile no so glitzerschueh hihi – döfi froge wod si bstellt häsch und ob si zahlbar gsi sind? Wänn si gfälscht sind dänk scho oder? ;)

@sasileu: am 1. Februar uf die 1 in aarau im restaurant einstein (hinterem meissner) isch s’brutträffe – nur mir brüt würdi säge ;) ich bin gsi aber has leider erst jetzt gläse ;) gaaanz geili schueh! :) ich chönt nie laufe demit aber sind hammer!! ;)) und schöne ring! =) mir händ öis das mitem fingerabdruck herz au öberleit :)

@lula: jo ebe kei kommentar betreffend atrag vo desne! (details witer unde) d öbernachtig zahlemer eifach de verwandte vom GG – müendmer ebe fast und de kollege aber ned nur de TZ! Hehe nei ich verstoh au nüt vo tennis :p häd mi irgendwie au nie interessiert ehrlichgseit :p

@daenu: ich finde die frisure alli mega schön!! :)

@littlefoot: klar han dir en PN gmacht :) hmm cha di guet verstoh wägem mami vo dim GG – ich han das chli mit mim papi.. wahrschindli nedso schlimm aber er isch au ganz en schwirige und halt psychisch chrank und das isch mägnisch scho unberechebar mach mir au uuh vil sorge immer :(

@janedoe: ooh das isch spannend wäge kate’s wedding ich han si au gseh ade HZ mäss und ihri vintage sache uuuh schön gfunde! =) weisch du ihri prise? Ich chume uf de homepage ebe ned drus und han no kei zyt gha zum alüte!! Ich bin ebe au so en kontrollfreak und das wär ächt mega wenn si das chönt öbernäh! :) jöö das isch dänn härzig wäg öichne TZ :) ooh nei mega schad chasch end cho am 1.! :( aber hey gratuliere zum johrestag im nochhinein! Cool händer en lässige pfarrer demfall! :)

@accessoires: do isch mir öbis blöds passiert.. mi GG häd mir extra en guetschin vom rhomberg gschänkt uf d‘wiehnachte wili es chetteli gseh han im katalog woni unebdingt han wele! Jetzt gits das aber nöme! :( maaan!
Aber schinbar wärs eh ned wie ufem foti gsi sondern ganz glänzig drum häds wohl so müesse si – närv mi nur bini jetzt so bunde a de guetschin! :( naja mol luege…

@frisure & make up: also wer no öber suecht för frisur und make up: en sehr en gueti fröndin vo mir schminkt hammer & macht au schöni frisure! Si isch visagistin & maskebildnerin und macht das hauptbrueflich! Si wohnt in rupperswil (nöchi aarau) dänke de probetermin wörd bi ihre stattfinde aber go schminke wörd si öberall hi cho! Ich chan si wärmestens empfehle, falls öber si wet chönder mir en PN schicke und ich geb öich d’nr. dure ;) und dänn chani no si empfehle wo mir zerst d’frisur gmacht hetti,a mim datum aber ned chan: http://www.vivianedaino.com/ oder dänn ebe allefalls si woni am 1. Februar de probetermin han för d’frisur – chan öich jo dänn am brutträff grad bscheid gäh ;)

jetzt folgt no mi egopost..

@Sue
Aso sobald mier chli es intensivers Gspröch gha hend, chani meh dezue sägä!

@Lula
Dini Lischte isch sooo detailliert und mier hend immerno die Grob Lischte vor eus und denked ‚ahh mier hend ja scho fast alles’, debiiiiii!!!

@Snicki
Mier hend au pro Hushalt es Chärtli gschickt. Wenns Apero und gladni Gäscht getrennt git, denn hemmer sogar zwei pro Hushalt gmacht. Finds so viel klarer.

@malinchen
So cool wegem Chleid! Gratuliere! Gits es Bild devoo?

@littlefoot
Tönt chli heavy mit GGs Mum… hoffentli artet da nüt us! Isch e verzwickti Situation, chani mier vorstelle. Aber wieso will de sOmi nume cho, wenn dMuetter au chunnt?

@LaMariee
So schön dass eui TZ so interessiert und engagiert sind! Das isch gold wert!
Das mit de Haar tönt ja schlimm!!! Gottseidank hed das dini Coiffeuse chönne rette!!

@principessa
Ich weiss ihri Priise leider nöd, nei… Sie isch ez i de Ferie bis Mitti Februar und meldet sich erst denn. Ich denke das isch au je nach Ufwand total unterschiedlich… Aber tue mi de melde wenni meh weiss
Uiuiui heavy, die Gschicht. Chani absolut nachvollzieh, dass dich das mag! Würkli! Dass dini TZ das natürlich trotzdem mega süess findet und total glücklich isch, chamer ihre ja irgendwie glich nöd verüble… Aso daser da nöd glicher Meinig sind? Findes eher gaaaanz schlimm vo ihm, so churz nach eu, dim GG eifach sini Idee go chlaue. Irgendwenn wird’s ihm dini TZ vlt vorwerfe, wenn ihre bewusst wird, das er sich nüt eignigs überleit hed. Oh s tued mer echt mega leid für dich. Drück di fescht!

@me
Ich verzell eu jetzt mal vom Bleache gester:
Mier sind dett anecho und beidi grad sofort drah cho. Sind ine Ruum cho wo zwei Zahnarztstüehl direkt nebenand gstande sind, hetted fascht chönne Händli hebe Mier sind denn au beidi glichziitig behandlet worde. Zerscht hemmer beidi sone Sperri is Muul becho wo eim so richtig schön d Zähnd zeige laht :D Denn sind eus d Zähnd greinigt und poliert worde und denn s Zahnfleisch isoliert. Aschlüssend isch sones Bleaching gel uf d Zähnd cho und denn isch das 3x15 Minute usghärtet worde. Mich hed die Sperri mega gstört und hed de au irgendwenn recht weh gmacht. Bim 3. Mal ushärte hend mer d’Zähnd soooo afange schmerze und steche, es isch echt fascht nümme uszhalte gsi. S’Ergebnis isch de HAMMER Würkli mega natürlich wiss! Aber nachher isch de de Wahnsinn cho, mier sind usegloffe und beidi stahblibe schier mit Träne i de Auge. Sone Schmerz hani no nie verspürt! De Zähn wird während de Behandlig Füechtigkeit entzoge und es hed sich agfühlt wie Blitz wo dur dNerve schlönd. Und das isch denn de ganz Abig bi eus beidne so gange. Am GG glaub no schlimmer als mier. Trotz zwei Gramm Dafalgan. Also wenner mi gester gfragt hetted, hetti gseit, dasi das ganz sicher niemeh mache. De Schmerz isch hüt praktisch ganz weg und jez gsehni au das schöne Ergebnis und freue mich sehr.
Leider isch denn s’romantische Abigesse mitem GG weggfalle, mier hend denn mit schmerzverzerrte Gsichter e Suppe gschlürft

Hüt Morge hani mal no es Doodle gmacht für eusi TZ und TM, damit mer endlich en Termin findet wo eus allne passt.
Denn hed mier am GG sin Brüeder es SMS gschribe, obi scho nervös seg und dass er eus heb welle überrasche am zivile (da chunnt ja nume sis Mami, suscht niemer vo GG Siite, wills vo Dütschland eifach zwiit isch für die 15Min) aber jetz hebeds ihm eifach de Urlaub gsperrt willer en Fortbildig muess mache. Mega schad. Hetti mi jez glich gfreut drüber…

LaMariee
Ah so schöön mit em Treffe mit eune TZ. Mier händ im Januar au no es Treffe gha und es isch au suuper usecho. Voll härzig mit de Idee wos no gha händ bi eu..
Uuuui voll schlimm mit em Coiffeur!!! Zum Glück häts den die ander Coiffeuse no chöne rette..

Laprincipessa
Ja bitte gern gscheh :)
Ich han d’Hochziitsmäss super gfunde!! Wüür gad nomol gah, wenn sie nomol in Züri wär :) Es hät würkli vill Pärli gha. Ja genau es isch de Kuoni-Stand gsi. Du chasch das Spiel au no online uf de Siite vo Kuoni mache, has den grad nomol gmacht. Und mier händ praktisch nur Strand- und Meer-Föteli gha Sie hät eus jez au scho en Katalog in Briefchaste grüert, abr mer wüssed immer nonig wohi, dass mer sölled gah.. Weiss jeze glich nonig öbs würkli was bringt wemer ad Fespo no gönd.
Joah chöntisch mer das mal duregeh mit dinere Kollegin wo duet schminke? Bin da no uf de Suechi und weiss nonig wie ich das söll löse..
So härzig mit em Wellneshotel. Voll die kuhl Überaschig :) Und das mit em zügle :) voll gemein
Joah ich wür gern s’Föteli gseh vo dim Ring :) Ich wet den gern au nomol dete verbi gah (bin scho mal gsi wegem Verlobigsring, de GG hät en dete kauft und er isch den aber leider zgross gsi). Mier sind ja bim Rhomberg gsi ade Hochziitsmess und ich han den au nomol chli bi 123gold glueged.. Dete wär er den halt scho no es bitz günstiger..
Ich finds scho au chli komisch vo dinere Tante :-/ Dass sie vilicht chli meh wöt als 200.- oder 300.- Franke chani scho no verstah (chunt halt au no druf a, wie guet das sie kännsch und wie vill Kontakt das mit ihre halt häsch..), aber das sie den grad 1200 Franke verlangt findi scho chli vill :-/. Vorallem halt au, will sie den au no ilade duesch..
Uuuuuui nei voll üüübel mit em Atrag!! Vorallem au mit em genau gliche Lied und drine genau glich mit em Herz, etc. Aso wenn ich die Person gsi wo wür hälfe, heti aso au was gseit.. Und ja als Fründin chunsch der ja au voll beschisse vor :(((
Und das mit em Polterabig isch no s’Tüfli uf em i..
Ohjeee duet mer mega leid für eu!!

_janedoe
Hihi so herzig mit de beide Zahnarztstüehl. Chamer eu gad vorstelle mit de Suppe Ihr chönd ja das Esse no nahhole..

Zuletzt bearbeitet am 23.01.14 11:37

YES!! Super Stan

Bravo Staaan! Jez nur no de Final gwünne, Federer hin oder her :)