Ohh wow was alles so lauft bi eui! Isch uuu spannend zum lese und mitfühle,au wens nid immer schöni Sache sind,wie zb. Bleachingerfahrige oder Atrag kopiere... Bitte verzeihet mir,dass momentan e sehr e passivi Forumsmitglied bin. Ich schnurre den am 1. defür stundelang Ich find das Forum super und bi au immer sehr gspannt was bi eui lauft und euri Meinige/Tipps....ABER mini Jungs sind momentan nid so fit und das heisst für mich dasis u streng ha,viel überziit etc und wenni den en Tag frei ha isch deh au im nu verbi mit.
Bruttreff
Isch öberd vo eui au vo Winterthur umenand? Den hetma ev. zäme chöne areise :) Cha bitte nomol öberd,Ort&Ziit segä??? DANKE
Soo i wünsch eui e gueti Ziit bis bald! I liesse meh oder wenig fliessig echi mit
@Chleid vo GG's Mami: Mir si bim Wartmann gsi. Mues sägä bi no überrascht gsi, het also würklech schöni gha. Villecht ou ä Tipp für die wo no öpis fürs Zivile sueche... Isch scho eher klassischi Mode aber würklech schön und gueti Qualität.
@La Mariee: omg das isch ja dr absolut horror!!! I cha dir so guet nahfüehlä, ha ou scho sehr schlächti Erfahrige mit Coiffeuse müessä mache. Zum Glück het sies wieder chönne richte und du gsehsch sicher bis zum Hochzyt wieder so us wies dir gfallt! Was het de die anderi gseit wos so scheisse isch usecho? Hesch sogar no öpis müessä zahle drfür?
@principessa: Also wägä dr Tante findis ehrlechgseit ou drnäbä! I würd das ou nid zahle, de chasch ja würklech öper anders näh wo dir när nid no as Fescht "müesst" ilade... Also i finde so 50% Reduktion wär würklech ds allermindeste wo sie öich müesst entgägä cho.
Und ds andere mitem Atrag isch ja würkelch dr burner! Nei sorry, so öpis bescheuerts hani jetz würklech no nie ghört!!! Da isch ja kei Atrag besser als so öpis... also würklech! Chasch gad sälber fasch nid gloube, regt mi irgendwie ou gad sälber uf. Ds krassiste fingi würklech ou, dass sich däm sini inzwüsche Verlobti nid über das het ufgregt. Also i hätt da äuä gseit "nei - überleg dir zersch ä eigenä Atrag!" Geit ja würklech gar nid... Dä Kolleg het sicher no extra di GG "usghorcht", untersti würklech! I verstah ou dass es öich stresst. I meine isch ja klar, dass det villecht anderi ou scho dr Atrag becho hei oder so. I bi sicher ou nid die ersti wo i däm Resti dr Atrag het becho, aber das isch öpis GANZ anders als wenns so ängi Bekannti si wos de sogar no mitem gliche Lied und Cherzli etc. mache!!! Das nimmt öich irgendwie ou d Individualität wäg, ou wenn dir z erst sit gsi... Duet mir ächt mega Leid!!!! Und dass dini TZ no mitghulfe het chani ou nid nachevollzieh... So schaad! Zum Poltertermin dueni mi lieber gar nid üsserä süsch wirdi no gsperrt oder so.
@pfingstrose: oh wow, die schueh wärä ja würklech dr hammer gsi... So schaad gits die nümme. Hesch scho mal uf Kleiderkreisel oder so gluegt?
@lilian: oh dörfti ou es föteli vom Chleid ha? Es tönt ömu scho mal wunderschön, bi gspannt für was du di jetz hesch entschiede!
@me: GG het ändlech dr DJ agschriebe. Dä verlangt 1'300.- ab 9.00 bis open End. I fänd eigetlech es geit no so. Aber GG findets viel z tüür. Er würd das lieber eifach sälber mache... Resp. er seit immer er machi ä Playlist, aber es isch IMMER ds gliche ou we mir homepartys hei oder so, er steit när glich die ganz zyt det und duet lieder umsortiere etc. Ideal wär, wenn mir öper würde finde wo die Alag cha bediene und när eifach genau die Lieder spielt wo GG ihm vorgit. Wird wahrschinlech nid eifach...
Denn dueni hüt no dr Crepe stand bueche fürds Apéro. Mir hei jetz entschiede, dass mir ds Personal ou drzue nähme. Mir ischs eifach z unsicher mitem Kolleg vo mim Brüetsch... (Brautzilla ahoi). Drfür düe mirs nid die ganz zyt vom Apéro sonder nur vo 12.00 bis 15.00, de spare mir 2 Stund i und das längt ja sicher für dass alli hei chönnä Ässe...
Malinchen So schön megem Kleid für dini Schwiegermuetter!! Mis mami wott de ou öpis neus, bi de gspannt;O) i findes mängisch no schwierig wo me öpis cha bstelle oder choufe für elteri froue….aber gange ou de öppe mal mit ihre i Wartmann oder C&A oder so;O)
Littlefoot Ou das tönt nachere schwierige Situation bi dim GG sire Muetter/Omi…das chunnt sicher irgendwie guet!! Dänke a öich!!
LaMariee Ooohje meg dine Haar aber gsesch ize immerhin weisch ize dass glich chline witere weg lieber uf di nimmsch und zu dire Coiffeuse geisch…stell dir vor so öpis wäri am Tag vom Hochzit passiert!!!
Nala Ou so cool isch würkli ou es eifachs rezept füre limoncello aber mega fein hani ou gfunde;O)ja klaaar – ha denn recht gsuecht und vergliche für Fläschli und ha ner bstellt und het alles suuuper klappet! Luege deheime hüt nami de wie die firma heisst und melde ders! Wieviel brucheter öppe?? Hmmm Haselnussschnaps tönt ou fein;O) Woooow es mega schöns Kleid fürs zivile!! Hmm hesch lieber Gold oder Silberschmuck?was hättisch der de obe i link ecke vom kärtli so vorgstellt? hesch scho öpis woder würdi gfalle??
Laprincipessa I weiss gad nüme wies heisst dete woni d schueh bstellt ha – luege deheim nache und melde ders;O) ou jaaaaaa bi de gspannt wasd vode rollende friseure seisch;O) Wooow thailand…!! Si ou gad am hotels bueche für Bangkok;O) Geeeeeeeeern es foti gseh vode Ringe;O) Findi u komsich ehrlich gseit voder Tante….mir kenne üse Pfarrer sit jahre scho persönlich und er wott nüt – sprich mir zahle ihm sicher so 200-300 also Dankeschön aber mir lade ne nid mal as ganze Fescht i und dir ja si scho?! Ohje das tuetmer leid..isch würkli doof dass si ize gad a dem Weekend de Polterabig mache?! Und ehrlich gseit i hätti ar stell vo ihre nei gseit. Und hätt gseit er söu sich öpis angers ifalle lah;O) nei ehrlich imfau!!
Lil.lian Woooow gratuliere zum Kleiderkauf!!!!
Me Ha Gestern no gad sone goldeni Orchidee-Brosche ersteigeret für 1.- uf ricardo woni de mim Mami wett schenke und sueche ize no eini für mim GG sis Mami;O) Morn heimer zersch Treffe mitem Fotograf in Spiez, ner treffe mitem Pfarrer in Aeschi und ner am Abig no mit Fründe abgmacht also gad recht Programm aber fröie mi;O) Fürne Trauspruch heimer üs scho lenger entschide, das wird 1. Korinther 13, 4-8
@janedore: jo wär cool du wördsch mi informiere, wännd d’prise weisch :) ui nei du häsch do glaub öbis falsch verstande – isch au bitz kompliziert z’verstoh.. ned mini TZ häd de atrag becho!!! Dänn würdi si doch nie konfrontiere sprich wet au ned dass die wo de atrag becho häd no es schlächts gwüsse oder so muess ha si chan jo gar nüt defür.. also de wo de atrag gmacht häd isch en kolleg vo öis (ned mega äng aber si sind am apéro iglade) und de isch de best kolleg vom frönd vo minere TZ! Und mini TZ isch sogar no go hälfe vorbereite und alles am atrag! Statt dass si öbis gseit hetti dass das ned goht! mit dem han ich müeh! :( ui schön häsch schöni wissi zähnli :) han mir das ebe au no öberleit vorem hochzyt ;) aber hmm händer so schmärze gha?? Uiuiu ich bin eh mega schmärzempfindlich :( wievil chostet das dänn öbe? Würdsches glich witer empfehle? Und wie lang blibt das öbe schön? Oje du hoffe ihr chönd öiches romantische znacht am weekend oder so nohole! ;) hmm wäg de fotografin: chas si, dass si lieber s’fest gnosse hetti als fötele würd und drum chli igschnappt isch? bi öis wärs jo ned eso.. muess jetzt mol no mit minere andere tante rede und dänn luege..
@pfingstrose: jo bin halt widermol uf alles und alli igange gäl :p danke vilmol för die liebe, ehrliche wort!! Duet mega guet!
@lil.lian: jo gäl händ au z’wenig zyt gha würd au grad nomol goh! :p hmm han mini kollegin mol gfrogt wägem schminke und si häd gseit si isch scho so usbuechet das johr mit termine, dass sis leider nedso gseht sorry! Aber die ander (Viviane Daino) die macht das vollbrueflich und isch au super! :) jo ich hoffe er häd fröid dra!! Ok ich hänke öich es foti vom ring a :) finde si händ würkli mega schöni ringe!! Hmm jo aber weisch es isch mini tante! Ich würd niemols gäld verlange vo öberem us minere family! Jo isch grad alles nedso guet gloffe.. ah am atrag: s’gliche lied häder scho ned gspilt aber sust ischs zimli identisch gsi.. aber han mi wider bitz beruhigt.. danke förs mitfühle! Ooh so cool gratuliere zum chleid! :)) döfi au es foti gseh? :)
@nala: haha de hammer typisch manne! :p hmm nei wet ned dass öber mini tante „öberret“ dänn chunts jo au ned vo härze weisch wieni meine? :/ ach meno weiss au ned.. schön gsehnd ihr das alli au so wägem atrag… naja.. probiere vergässe.. und mit minere TZ bringtses glaub ned no witer z diskutiere.. si häd ihri meinig und ich mini.. ooh es mega schöns chleid häsch dir usgsuecht !!! =)
@sasileu: am 13.00 Uhr in Aarau im Einstein findet s’brutträffe statt :) grad hinterem meissner also chasch guet vom bhf her laufe und sust würdi s’parkhuus city oder behme empfehle oder s’casino (isch eifach türer) ;) för die wo im behme parkieret, dene chani sust dänn usfahrttickets gäh müessti eifach wüsse wievil ;)
@malinchen: gäl isch nedso cool? :p s’häd eifach so en fade bigschmack… ich weisses imfall ned ob sini verlobti sich ned ufregt? Währendem atrag häd si jo chum chönne.. aber im nochhinein jo vilicht scho? Kei ahnig.. aber ebe mich stresst er wo de atrag gmacht häd – sini armi verlobti chan jo nüt defür und ebe mini TZ… finde de pris mitem DJ eigentli au no ok! Ev. chönder no chli abemärte? Und wägem crèpes stand dönt super! :)
@sue: jo isch guet wär mega cool! =) und sind si einigermasse bequem? Jo ich verzells öich dänn grad am 1.2! :) han jo am morge de termin – also wenni zspot würd cho wüsset ihr wieso :p s’foti vode ringe hänki a :) gäl isch scho schreg wäg de tante.. naja… und s’andere: no more comment :p jöö härzig wäg de orchidee broche :)
THEMA SCHUEH: Ich han mir jo uf jjlhouse schueh bstellt und bin mir jetzt sooo unsicher! S’positive: si sind sehr bequem! Klar müesst si mol de ganz tag aha dihäi oder so aber si fühlet sich sehr bequem a.. s’negative: uf de fotis sind si viiil schöner! und live händ d’rüscheli dra eifach so en rägebogeglitzer druffe wo mir gaar ned gfallt! D’frog isch obd das gsehsch! Wämers fötelet gsehtmers ebe au ned hmm bin jetzt chli hin und her grisse.. due öich mol fötelis ufelade vo de schueh wie si uf de homepage usgseh händ (halt wiss und ned ivory) und dänn mini gfötelet vo wiitem und vo nöchem.. merci förs feedback! :)
Malinchen: cool weg de crepes, denn isch das gfixed :) 1300.- findi au nid so tür aber mir händ ja gar kes budget für musik dj (GG wetts au sälber mache mit de playlist, nimmt mi de wunder)
Laprincipessa: omg spinnts denn dem ? s letscht! Wasi verpasst ha isch das mitem polterabig, was isch det passiert? Tante findi au chli de gipfel, aso ich würd das für mini nichte (weni hett) gratis mache sowiesi wenn ich no iglade bi!
Sasi: keis problem schribsch wieder wenn magsch .)
Nala: d iladig chunt guet limoncello & haselnuss tönt doch super!
Sue: ui ja grad chli programm, aber isch doch lässig!
Me: d munggi hät mer abote bi mim schmätterlingsdilemma z helfe :) so lieb
muchas gracias munggi!!!
Aso muss würkli säge ihr sind all so hilfsbereit, null niid, finds toll da ine!
Iladige: mir händ bis jetzt nid grad vill rückmeldige becho.. Isch glaub normal dass mir würdet erwarte dass all grad schribed Aber doch 3-4 hämmer, das isch doch super!
So fertig haar färbe und de am abig und mirn nothälfer-bäääh- defür mit GG
Lilian Gfindsch de sicher no öpis anders als Gurt. Do gits doch sicher e Huufe Ring – ich finds no krass, wie mer alles chan abändere dete. S’Git jo tuusigi Möglichkeite. Überforderet mich liecht
Nala Danke es goht, mich dünkts, d’Lischte wird immer länger, wills jetzt langsam um die cheibe Details goht jo han das alles aglueget mit de Coiffeuse. Sie het gseit, am beschte so 2-4 Wuche vor em Termin. Lieber no 2-3 Wuche vorher, will sie denn no wüsst, wie’s öpe setti goh Ehering dings, sorry. Ich meine natürlich das 123gold.ch in Wädenswil. Me chan dete mol z’erscht quasi en Grundring ussueche, denn alles selber verstelle. Breiti, Höchi, Form, Stei, also würklich alles. Isch mer schier echli zviel wo mer selber chan mache LoL. Jööö dis Zivil-Chleid isch mega herzig. So öpis schwebt mier au vor, allerdings sött mis echli länger si. Am liebschte bis a d’Chnü. Wegem Schmuck. Also e Chetti würd ned wähle. S’Chleid isch ume Hals ume gnueg Schmuck, mines Erachtens. Evtl es schöns Armbändeli, irgendwie chömit mier sofot Perle in Sinn Chasch jo passend zum Armchetteli no es Fuesschetteli wähle. Went no meh wetsch, chasch jo evtl i d’Hoor au no öpis tue. Zviel würd ich persönlich jetzt ned. Schueh, joooo das isch so en Sach Ich finde jetzt, so mit Bändel wie sie ufem Foti het no herzig. Aber do müesst mer denn grad öpis gfinde. Wedges wärid sicher herzig! Evtl mit Kork? Weg em Chärtli. Ich würd do so dekorativi Blüemli (Swirls wie du seisch) wähle. Z.b im Violette inne settids wiis si, und im wiisse inne violett. Evtl obe links, im “blutte” Ecke es Härzli?
Principessa Ich gsehne was du meinsch wegem Glitzer... Ich glaub das würd mich au chli störe. Wobi gell, öb mer das denn gseht isch würklich die ander Frog. Sinds vore sogar no Plateau-Schueh? Gsehns ned recht ... Aber schöni uf jedefall!
Ablauf Chille Ich han das jetzt i-gscannt. Wer also de Ablauf möchti, bitte churz PN an mich, sus chumi nümme drus
Tennis Oje, erscht Satz verlore. Sell sich mol chli am Rieme risse, üse Herr Federer! LoL
@nala: SORRY i ha di vori vergässe... Ds Chleid fingi meeeeega härzig!!! Vo de Accessoire här würd sicher vieles drzue passe. Chunnt villicht ou no druf a ob du no Sache wosch kombiniere wode scho hesch oder alles neu chaufe? So pastell-Farbe si ja wahrschinlech dä Summer ou wieder voll im Trend, de chönntisch irgendwie mit mint oder peach-Farbige Accessoires? Da würdsch sicher viel finde im Moment. Oder wenn's dir gfallt würd sicher ou Gold drzue passe mit Sand /bzw. bruune Schueh?
@sue: oh dä spruch gfallt mir ou mega guet. Sit ig "nur mit dir" ha gseh (dr erst DVD woni mir anno dazumal kouft ha, haha) loufts mir immer Chalt dr Rügge abe weni dä ghörä...
@principessa: hmm, ja i weis ou was du meinsch wägem Glitzer... ufem noche Föteli gseht mes chli. I gloub mi würds ou störe. Hesch de viel zahlt fürd Schueh? Aber äbä, ob mes de gseht isch die anderi Frag und für ufemnä Föteli wo de d Schueh "zeigsch" chönnt mes ja de wäg-photoshope. Wenn sie drfür mega bequem si wär ja ou ä Vorteil...
@me: GG fragt jetz no chli im Kollegekreis ume ob nid öper öper kennt wo sonä Alag chönnt bediene. Ds Ding isch halt scho chli, dass mir eigetlich alles hei (Alag isch im Resti vorhande, Musig hei mir ou füüüüüürgnueg etc.) vo däm här verstahni scho dass ers viel fingt. Aber mal luege...
littlefoot probieres ize no hie mitem Föteli vom Couvert, per PN geit irgendwie nid
laprincipessa woooow schöni ringe!! hmmm auso i hätti ize gseit me gsehts nid solang niemer gaaaanz vo nöch zu dine schueh abegeit go luege....aber wenns di meeega stört würdi luege aber ig ha ds gfühl wemes ja uf fotis ou nid gseht de störts vilicht wenn scho dich wüuds weisch aber süsch niemer...
malinchen nur mit dir - isch das nöime de mitder mandy moore???
Sasileu Ich chum eher vo Richtig Züri. Gad bim Gubrist . Du wohnsch in Winti? Joah muesch da mal luege => Dadrum hani jetz im EINSTEIN z Aarau reserviert. Es isch ab de 13.00 Uhr für ca. 15 Persone ide Lounge reserviert (uf Brutträff). http://www.heiraten.ch/forum/board/perso...14-17_90_3.html
Malinchen Joah schicks der au no . Ich fänd de DJ jez au nöd so tüür.. Abr iher chönd ja würkli mal no umeluege, vilicht ergid sich no was.. Das mit de Crepe findi guet händer s'Personal au no :) Den sinder halt nöd nur a ei Person bunde.. Lohnerhöhig-(oder Beförderig?)-sei-Dank .
Sue87 Danke :) Bin sooo froh, isch das eeeendlich erlediged Ja da händer wükli volls Programm.. De Trauspruch isch ja mega schön, han en gad mal googled.. Voll härzig mit de Härzli uf em Couvert :)
Laprincipessa Ich duens der au no schicke :). Ja den isch guet häsch di wiedr chli beruigt. Sind würkli gad villi komischi Sache ufs Mal gloffe.. Händer eu den jeze entschiede wege de Tante, oder nämeder doch de vo de Hochziitsmäss? Sind seehr schöni Ring Aso mier isch jeze d'Regebogefarab nöd ufgfalle uf em Föteli.. Abr wenn di nöd wohl fühlsch, würi no chli witerluege wege Schueh..
Littlefoot Häsch di entschiede, zums nomol probiere (wegem Nothälfer)? Findi guet, drucke dier de Dumme, dass es gliiii klapped mit em Autofahre…
Snicki Ja meh chan dete alles abändere. Min GG isch dete gsi mit sinere Schwöster, für de Verlobigsring. Er isch aber au chli überfordered gsi was mer alles chan mache und was es für Variantene gid..
Anmelden
Isch scho eher klassischi Mode aber würklech schön und gueti Qualität.
Was het de die anderi gseit wos so scheisse isch usecho? Hesch sogar no öpis müessä zahle drfür?
Und dass dini TZ no mitghulfe het chani ou nid nachevollzieh... So schaad! Zum Poltertermin dueni mi lieber gar nid üsserä süsch wirdi no gsperrt oder so. 
So schaad gits die nümme. Hesch scho mal uf Kleiderkreisel oder so gluegt?
Es tönt ömu scho mal wunderschön, bi gspannt für was du di jetz hesch entschiede! 
, nimmt mi de wunder
) gratis mache sowiesi wenn ich no iglade bi!
