Hehe mier imfall au! :D ich han au ned wirkli Ahnig vo Photoshop und Co. Das mit de Brushes kenni aber us de Jugend, dett hani no viel demit gmacht. Wüsst gar ned, ob ich hüt no drus chämt ;)
Hey Mädis! Sinder alli im Usgang? Mier isch tooootlangwilig, bi nid so zwäg und GG isch am schaffe.
Mier hend im Moment grad en mega Schub sitmer am Friitig d Aperoiladige fertig gmacht hend Ez simmer hüt au relativ produktiv gsi. Han wider riiichtig Luscht uf dHochzit und mega de Plausch
Wegem Transport hemmer jetzt es paar Unternehme agfragt und warted no uf d Offerte. Allerdings befürchtemer, dases eifach viel ztüür wird… de bescht isch aber, ich ha mit minere Chefin gredet am Donnschtig, das mier das mega Sorge macht und so. Mier hend bi eus im Gschäft en Typ wo Kurierfahrte macht und mini Chefin hed ihn denn eifach mal gfragt ob er ned Ziit und Luscht hett das für eus zmache. Vor es paar Mönet hemmer en 11Plätzer Bus provisorisch agmietet bi eusem Garagist für 120.--. D’Idee wär, dasmer d Gäst guet planed uf alli Autos und uf de Bus zverteile und das de Tag dur eifach öpper vo de TZ oder TM fahrt z.B. und am Abig mit dem Bus quasi als Taxi gstafflet umezfahre und euse Kurier denn de ‚Taifahrer‘ git :D Er verlangt 30.-/Std. Wenner jetzt also vom 22:00-03:00 z.B. da wär, wär ja das total easy… Findi?
En detaillierti TO DO Lischte hemmer au endli erstellt mit de Vorlag vo de malinchen, hihi. Sind chli erschrocke, wie viel das tatsächlich no zerledige isch. Vielleicht hemmer darum au soviel Hochziitssache gmacht das Weekend Hend eus no für es Gästebuech und en Ringbox entschiede (etsy ) GG hed d Box usgsuecht, ursprünglich han ich es anders Chüssi welle aber findes so schön, das er sich dett ibringt und mier gfallt d Box au uuuh mega. Zuesätzlich zum Gästebuech bstellemer denn no en Fingerprinttree.
Usserdem hemmer es Datum mit eusne TZ und TM chönne fixe für es Treffe, am 15.2…. ein Tag nachem Zivile. Findes zwar ned soooo optimal will am GG sini Muetter us DE denn da isch aber mier hend Doodlet und es isch bis Endi Februar s einzige Datum wo gaht.
Denn hani no en Idee was Gastgschänk betrifft und ha mal eui Meinige welle ghöre... Ich han uf Pinterest (ja, ich bin jetzt au chli süchtig scho, dankeschön ) d Idee gseh, CDs zbrenne. Das fändi irgendwie no recht cool mit de Lieder wo i de Chile z.B. gspielt worde sind und vlt eusi Lieblinglieder.. (hänke da au no es Bild a)
Hmmm und denn no was anders: GG hed bi ‚Trau Dich – den Rest erledige ich‘ uf sixx en Hochziit gluegt und dette gseh, das en Typ Bullriding organisiert hed und jetzt redet er sit Monate immer wider vo dem Bullriding Ich überlegg mier, obi ihn echt demit söll überrasche aber frage mich halt au glichziitig ob das wirkli ane Hochziit passt?!
So, das wär min Egopost. Sorry, hoffe sisch ned zviel und freu mi uf eui Antworte
Ich bi jetzt grad heicho vo minere schicht und ha din post gläse :) Also ich find eui Ringbox sehr herzig,blueme sind nonig dine,oder? Chasch jo au so rose neh und ig mitti ring mache miteme drahtboge.nur e idee D'idee mit de CD's findi au na cool,mir hetet jetzt wahrschinli zwenig spezielli Lieder,also lieder womer speziell verwendet.abgseh vom hochziitstanz.
Und i ha die hochziit uf sixxx au gsehklar wend manne so öbis,hahahaha Also uf e hochziit chamer eh alles neh und es wer bestimmt de hingucker schlecht hin
E frag...derfi die to do liste au emal aluege?bittteee Und weisch du...mumer es Ringkisse ha? Mini schwe isch ebe Floristin und sie wür mir es Rose herz mache und den woti Ring ide Mitti befestige.
Joo ansonste lauft bi mir nid enorm viel,ich und min GG sötet entli mal nachi vorwärts mache betreffend Hochziit aber ebe ha s'gfühl für vieli sache bini no z'früh.... Hürate jo erst im sept und glich findi mir sötet mal gas geh.
Hesch du mir viellicht no en Tipp betreffend Hochziitscorsage?also Unterwösch
@Ringbox Die isch scho mit de Blueme, da müemmer also nüt meh extra organisiere :) Aber merci füre Tipp! Ich weiss nöd obermer es Ringchüssi muess ha. würd aber sägä, dases jedem Paar selber überlah isch und dIdee mit dem Herz isch doch super herzig. Das chönder sicher so mache. Hürated iher kirchlich? Denn fröged doch mal de Pfarrer.
@CD Aso mier würded eifach die Lieder brenne, womer i de Chile hend, euse Hochziitstanz und eusi Lieblingslieder. Wird eus relativ eifach falle, da mier zimli de glich Musikgschmack hend und will mier sehr Konzertagfresse sind, würd die Idee ebe au wider sehr guet zu eus passe. Han jez au e Aleitig gfunde, wie mer ganz eifach cha en Hülle baschtle.
@Bullriding De TZ vom GG findet, dases usegschmissnigs Geld seg. Ez bini verunsicheret
@To Do Lischte Da wär sie, es fehled aber bestimmt no tuusig Sache, ergänze sie regelmässig - DJ kontaktieren (Songs, Hochzeitstanz…) - DJ Rechnung bezahlen - Aperoeinladungen auf Post - Pfarrer treffen & Ablauf besprechen - TZ & TM Treffen, Planung - Gästelisten & Tipps für Gäste drucken (wichtig für TZ) - Termin Kates Wedding (sonst Deko kaufen) - Termin Restaurant, Besprechung Zeitplan, Sitzordnung, Menü, DJ, Deko… - Probetermin Haar und Makeup - Schuhe und Gürtel GG - Accessoires ich - Kleid abstecken - Brautschuhe - Unterwäsche - Musik für Kirche bestimmen und wedding crashers kontaktieren - Wedding Crashers Rechnung bezahlen - Trauspruch und Eheversprechen besprechen - Zeitplan/Tagesablauf erstellen - Tagesablauf mit Fotografin besprechen - Apero definitiv auswählen () - Tanzkurs - Transport organisieren - Cake Topper bestellen - Pompoms basteln - Kirchenhefte basteln - Ringkissen bestellen - Kerzen kaufen - Kerzenständer abholen - Holzplatten organisieren & basteln - Gästebuch bestellen - Fingerprinttree bestellen (Stempelkissen nicht vergessen) - Bilderrahmen kaufen - Digitalkamera, Fernauslöser, Stativ organisieren - Photoboothartikel - Taschentücher besticken lassen - Reis-/Konfettitütchen basteln (Nähmaschine Mami!!) - Spitze/Tischordnung basteln - Sitzordnung bestimmen - Gastgeschenke basteln - Stuhlhussen bügeln - Süssigkeiten kaufen - CDs brennen - CD Hüllen basteln (Nähmaschine Mami!!)
@Unterwösch Da bini au offe für Vorschläg, han nämli kein Plan!
Hoi zämä, mäude mi ou mau wieder, u schaffe di letschte 7 Sitene chli uf
@laMariee: Wie um Himmels Wille hets de die gschafft, dass Diner Haar Blau-Grau si gsi??
@principessa: Viellech het er sech heimlich doch chli meh mit am Hochzyt usenand gsetzt, u isch de so mau drüber gstolperet. Aber hei, isch doch mega genial das er bim ne Dim ähnleche Kleid so Fröiid het zeigt, us ihm mega het gfalle! So härzig, dass wird sicher es zügle wo ihm ihn positiver Errinerig wird blibe! Gratuliere zum nöiie Outo! Was isch de im Moment los, dass es überall Hyundai's git? Jaaa, Fotis si doch immer super! Was hei de siner Kollege am Huus uszetze? Cha de Di GG nit nomau mit ihne rede? Findes zviel was Dnii Tante verlangt, gad wenn ihr se no am Fescht würdet ilade. dHälfti wäri ggf no ok, aber aus andere isch eifach zviu. I würdi ihre säge, dass ihr zu däm Priis nit bereit sit, u witer gugget. U faus si sech uf ne Rabatt würdi ilah, Du muesch di andere Tantene nit ilade, wüu Du ladisch si ja aus Merci ih. Das isch allerdings e krassi Story, u völlig drnäbe!! I chämi mir da ou als Frou extrem verarscht vor, so null Eigeninitiative!! Wieso findet de Dini TZ das nit so schlimm? U was söu de das mit am Pouteri?? I gloub i würdi mau es ärnschts Wörtli mit ihm rede. Wenn si Dir nit gfalle, würdis lah si, isch ja schad, wenn Di närne nume drüber närvsch!
@jane: So sehr detailiert dünkts mi ebe glich nit, u zgrobe hei mir haut zmeischte scho gmacht, hei süsch ou nie so ne Detaillischte gha. Tönt mega romantisch öiches Date... Aber fröiit mi, sit ihvom Ergebniss so überzügt. Du hesch e Hochzytsschrank? Isch aube ärgerlich so Sache, u wenn de no dr GG am nervösele isch, machts gad nit besser. Hoffe es geit ihm u Dir besser? So super bisch de fertig! Gratuliere! Gits Fotis? Wäg dr Carfrag, wäri evtl ou NezRouge e Option? Die tüe gloubs ou unter am Jahr für Aläss fahre. Findi dRingböxli u ds Gästebuech wunderschön. Bir CD bini mir nit so sicher, da Musik immer sehr öbis persönlichs isch, u nit aune zgliche gfallt, aber süsch findi dIdde wunderschön!
@Snicki: Chunnt sicher guet, chli Nervös si ghört doch drzue. Wäg am mitnäh, i bi ganz normal gange, u ha de ersch zum abstecke dr trägerlos BH u dSchueh mitgno, resp anegha. Wie lehrsch de Du Geduld? Das setti gloubs ou no mau lehre!
@lil: Härzlechi Gratulation zum Kleiderkouf!! Dörfti äch ou es Foti gseh?
@malinchen: Dörfti Dini Detailplanig äch ou no gseh? Meinsch nit ihr chönntet mit am DJ gugge, obs nit biiliger würdi, wenn ihr zganze Material würdet stelle? U wenn de mau so ne Ushang würdisch mache, im ne Musikkonservatorim oder are Uni, viellech het öber es guets Händli drfür u würdi sech chli öbis druze verdienne? Dume sind drückt!!
@nala: Schöns Kleid! Was het Di GG ane, oder was si öichi Farbene? Süsch chasch ja dAssecoires i de gliche Farbe ha wie dim GG sini Krawatte
@Sue: Und wie si öichi Treffs gsi? Tönt aso spannend! u dIdee mit dr Orchidee findi wunderschön Mega härzig agschriebe öichi Couverts!
@littlefoot: Wie isch dr Nothelfer gsi? Aus guet gange?
@squishy: Bi üs hets am Donnschtig chli tah, bi aber mega froh gsi, hets nit meh u ernsthafter tah... Wärde sicher super, öichi Flittis! Verstah, dass es Di mah, das gad soviel Hochzyte sind, zumal Du ja würkli no jung bisch! U i verstah ou Diner Bedänke, dass de öiches Fescht untergeit, u eifach no eis vo vielne wird! Aber lah Dir dLuune nit lah verderbe! Für öich isch es es bsunders Jahr, lah Dir dFröid u dBegeisterig nit lah näh, schliesslech sit ihr di erschte gsi, u di andere si haut eifach Nachzügler. Aber mir giengs glich, würdi mi ou enorm närve drab, füehl di Drückt!
@Sasileu: Süsch chasch ja dr Bulle am zivile oder am ne runde Geburi organisiere, wenns Dir fürs Hochzyt nit so zueseit. Oder am TZ dr Tipp gäh für am Polteri!? Wäg dr Corsage, i ha mi trägerlos BH vo hie, di hei super Sache u ou gäng umi Aktione http://www.fashionwear24.ch/de/unterwaesche/
Mii GG isch gad bii siim Cousin und ii ha Ziit gnutzt zum Praktikum vorbereiite… Aber jetzt isch d'Luft dusse und ii lenk mii do chlii ab
Pfingstrose: Mersii viiiel mol für all dini Top Infos! Miir sind meega froh drum! Hihihi Denn isch gad guät, sind diä Schuäh usverkauft. Viellicht findet ihr no eh zweiiti Variante zum Barfuess? Wär aber siicher mol öpis noiis
Malinchen: Danke für dini liiäbä Wort. Es isch so schöön, dass ihr Verständnis hend und ned denket: "Diä doof squishy, als ob nur sii hürote darf!" Du hesch recht, innerhalb vo 5 Mönet plaane isch eh riisige Stress. I bii so froh, hend mir uns für all unseri Entscheiidige chönä Ziit näh… Duume sind druckt für eui Band. Hend iihr scho was ghört?
Lilian: Woow, ii find s'Kleiid wunderschön und es stoot diir meega guät! Dä Gürtel find ii au toll, i find nöd, dass dä umbedingt muä ustuscht werde! Mir gfallet so farblichi Akzent! Und viellicht isch es genau da, wo's Kleiid vo anderne unterscheiidet? Gratuliärä herzlich zum Kauf!
Janedoe: Danke fürs Verständnis, ii bii froh, hend iihr das nöd in falschä Hals bechoh I froii mii jo für all, dass d'Liäbi gfunde hend… Yeah's gratuliärä zur vollendete Tat! Sind Karte scho achooh? Giits es Bildli? So schön, gad als ersti Tag als MRS GG wiird s'kirchlich Hochziit besproche. Da isch no guät. Viellicht isch s'Mami vom GG gad no froh. Miis Mami wott sich also umbedingt mol no mit dä TZ treffe, will sii au Idee het. Mir gfallt eui Ringbox usgezeichnet! So schön wiä's presentiert werdet! CD find ii eh schöni Idee und isch stark mit schöne Erinnerige aah eues Hochziit verbunde. Aber ii weiss ned, wiä Ziitgemäss CD's no sind bii all dem Youtube und Itunes? Bullridin am Hochziit? I het Angst um mini Frisur, miis Kleiid und miis Make-Up. Meiinsch nöd viilnä vo eune Gäscht würd's ähnlich goh? Es wär siicher es genials highlight. Viellicht chönt siich da würkli in Polterabig iibaue looh? Aber wenn dä TZ findet, das säg usegworfnigs Geld, isch viellicht no schwierig Dini Liiste isch super! Danke diir! Tuä mol miim GG zeiige, er wiird siicher so Auge machä
Nala: Miir hürotet ebe leiider nöd am Afang, sondern mittedrin. I hoff eiifach, dass dä Gäscht nonig zum Hals usehenkt Miis Mami het uns au so Swirls uf d'Karte tuä. Sii hets irgendwo ussem Internet abeglade und denn biim adobe program igfüägt. Gseht würkli hübsch us Söll ii nafrage, vo wo siä diiä het? Oder isch das für alli Fotoshop-User klar?
Me: I ha am Friitig no dä Trauring-Lounge aglüte und sii het gmeiint, es heggi keii Termin freii und ii ha so doof nogfragt obs no eh anderi Möglichkeiit giit Sii het denn gfunde wirkli nöd und drum sind mir denn au nöd spontan verbii. Wär ja schad um dä Weg, wenn's denn gliich nöd klappt. Jetzt hend miir am Mäntig dä Termin. Bii hüt scho go schnoiige und ha mii Favorit gfunde. Luägä ob dä au mii GG überzügt Usserdem han ii endli am Zivilamt aglüte. Will mii Pass isch jo lescht Summer abgloffe und ii ha eiifach niiä eh noiie gmacht. Ha ja gwisst, dass siich's nüm lohnt. Ha denn da am Herr gsaiit, er het glachä und gmeiint, solang meh mii ufem Foti no erkennt, darf ii au mitem abglaufene Pass hürote. Bin ii frooooh! Denn gönd mir am Ziistig no zum TZ, er het zweii Kuchiirichtige und mir dörfet dert chlii go schnoiige. Denn chönt mir endlich unseri Wunschliste ufschalte Usserdem sind d'Ferii definitiv buächt. Jeaaaahhh!! I froiie miich soooo!!!
Wünschä eu allnä no es guät Weekend und morn eh guätä Wuchestart!
Wow über 20 Siite zum nahläse, ez hender aber grad wieder Gas gä :D Ich bin sitere Wuche jede zweit Abig am mitläse und min Teil am schriebe aber hans nie fertig gschafft und immer wieder müesse wiiterschriebe wills nois gä het :p
@lil.lian: Jep isch würklich super gsi :)! Oh ja muesch unbedingt go luege im Modissa, mir sind am SA gsi und han mir grad mis zivile Kleidli kauft, und de 20% Guetschii isch super gsi :p mini TZ het ihres Kleid au grad kauft, lohnt sich uf jede Fall mal go luege! Hey tönd ja super mit de Ring, hender scho en Termin gmacht? Und im liluca?Also mir wäred ja wenns s Budget und d Ziit zuelah hetti uf Hawaii und Amerika, dass wär en Traum, denn chasch grad alles mitenand verbinde! Und Maledive sötted halt aber au mega schön sii :) Mir gönd ja ez 2 Wuche ad Westküste, so gsehmer au vieles und freued eus total.Hey gratuliere zum Chauf vo dim Traumkleid!! Schickschmer auna es Fötteli :)?
@Sue: jep hetted de Band leider scho voll zuegseid gha aber ohni Vertrag odr so =/..
@Sasileu: mhm ja es het scho viel Sandwich gha, aber dass findi ebe na guet :) gaht ja doch na paar Stund bis zum Znacht und je nachdem wenns heiss isch muenmer e chli Bodä haa zum trinke und es het ja auna viel anders gha mit Frücht und Gmüessticks. Ja mir hend grad vor paar Täg d Offerte unterschriebe zruggschickt, hend eus def. defür entschiede und bin froh, hemer das endlich gmacht :) Han ja soo viel agfröget gha und würklich nienets es günstigers Agebot gfunde. Hey de Fotiautomat hemer au gseh, de wär sicher meega witzig :)! Wie tüür wär denn dä gsi?
@Lula: ja soo gross isch d HZ in Züri scho nöd, aber glich gnueg gross zum sich laang drin verwiile, vorallem wennmer a praktisch jedem stand stah bliebt wie mir :). Ja genau das mitem Styropor hemer au denkt, dass sötti eigentlich scho gha!
@squishy: hey tönd ja super mit de wohnig und de vielne schöne sache, und au das die imobilie-maklerin d auge und ohre offe phalted, dass isch gold wert! Hesch es Fötteli vo dim pimpte Kleid :)? Tönd nämlich eeecht guet!! Ah und mir hend ja au d Farbe Pink und Rosa und er wird aber nüd söttigs alegge, das tueni ihm nöd a :p aber evt.e rosa blueme als Astecker liit sicher dine, aber das weissi erscht wenni mal weiss was ich denn für Blueme wet ;) Hm ich verstahns sehr guet wassd meinsch mit de viele Hochziite, dass gits bi eus zum Glück nöd (oder nanig?) und bin echt froh drum.. Ich denk aber glich, dass jedes Hochziit uf sini Art speziell wird und schlussendlich isch’s wichtigste, dasses für eu beidi perfekt wird und eue schönsti tag, und das wird’s ganz sicher! Und das wird denn sicher au so usgstrahled vo eu und denn werdet sich alli na lang a EUES hochziit erinnere :)!
@Bibi: oje ja da kenni leider würklich gar kei Chilene, und wenner suscht eher nachere Burg oder so usschau haltet, anstatt grad ganz uf öppis „bsundrigs“ z verzichte? Wird sicher glich en lässige Polterabig, und mit dinere Schwöster chaschen ja suscht immerno nahfiire :)! Ah merci wäg de m&ms, das mit de Adresse in DE hani au ghört aber bin grad chli z fuul extra es postfach z eröffne für das :). Wow eui iiladige gfallemer meega guet, 1 & 2 wäred mini favorite :) hender eu scho entschiede? Ahh ez hanis grad glese wäg dinere location und de trauuig, tönd ja perfekt jetzt :)!
@janedoe: super het sich das alles so gfüegt mitem Pfarrer und mitem neue TZ :) wow tönd ja super das agebot für haar und make up!! Bisches schomal go usprobiere dete? Das mit kateswedding tönd ja au super, weisch scho wies priislich usgseht? Jö eue neu TZ isch ja herzig, soo schön dasser sich so engagiert! Ou chöntschmer nöd auna din Torte-Kontakt agää :)? Was hender denn budgetiert für de transport? Mir sind eus nanig sicher wiemers wänd mache willmer nanig gnau wüssed, ob das vo eusne gäst gwünscht wird. Mir hend aber am afang es carunternehme agfröget und ich glaub det wärs so 1500.- gsii für en tag wenni mi nöd tüüsche, hans uf jede fall nöd soo tüür gfunde. Hey aber das mit dem Kurierfahrer tönd ja au super :)!
@Fara: uu schöni Fötteli vo eu uf de Website, sind soo es herzigs pärli!!
@littlefoot: ou nei tuetmer uuu leid wäg de autoprüefig! Aber isch herzig wie din GG reagiert het und dasser dich wiiterhin so unterstützt drin und er het sicher recht, du schaffsch das schono :)!! HAHA ooo littlefoot das hani aber ghört, ich han übrigens am 4. Februar Geburtstag :p hehe
@Taeboyana: Haha en „fit in high heels“ kurs :D? machsch dä :)?
@munggi: isch ja luschtig, die firma bobasai decor muen praktisch min nachber sii und hani gar nöd kennt :p ich schaffe übrigens grad dete fallses na bruchsch!
@laprincipessa: wow ihr hend es budget vo 50‘000? Ja das isch eso, ihr findet sicher na öpper anders guets zum tanze :)! Hehe isch ja herzig mitem Chleid und dim GG, dass git doch grad na chli es bessers gfühl :)! Ouu ja hesches foti vo eune traumring? Mir hend eusi ja au vo dete :)! Also ich finds recht frech vo dinere tante soo viel geld vo eu zverlange, ihr sind schliesslich familie! Hender eu ez scho entschiede? Oder hender sie namal druf agsproche? Oh mann also das eu die gschicht nervt vom kopierte aatrag chani echt zu 100% nahvollzieh, dass gaht sowas vo gar nöd !!! finds uu schad hetter das so gmacht und het dini TZ na ghulfe und ich finds au schad für die zuekünftig bruut wo en kopierte atrag becho het! Und das sie ez usgrechnet de polterabig a EUEM weekend mached isch e unverschämtheit, es gäbti doch na gnueg anderi wuchenend wo sicher nöd es kollegepäärli na hürated! Ich wüsst ehrlichgseid nöd wie ich mit dem würdi umgha wenni eu wär, isch eifach echt schad und blöd so öppis :(.. Ahh ez hani d ring gseh, so schön :)!! Und d schueh gfallemer au, aber de rägebogeglitzer gsehtmer glaub scho recht guet? Wie isches gsi mitem bstelle uf jjlhouse, het alles klapped?
@nala: ou so es schöns kleid fürs zivile, gfalltmer meega guet :)!
Brutträff: wie viel simer ez eigentlich na, hend ja glaub es paari abgseid :(? Ich fahr übrigens mitem auto ab usem Züri Oberland falls sich öpper wot aschlüsse oder ich neumeds sell es umwägli fahre zum öpper mitneh :)!
@me: ich han leider gar nöd so viel ziit im moment fürs hochziit, bin wiedermal nur am schaffe, ässe und schlafe :(.. aber irgendwie sind glich grad paar Sache näbedbii gloffe :). Mir hend eus def. für de DJ entschiede, will eifach viiel meh defür gsproche het! Denn hemer am Sunntig de Band e Absag gschickt und em DJ zuegseid und hend vo beidne am DO es Mail becho, d Band het churz und knapp gschriebe isch oke und de DJ wird mit eus Kontakt ufneh :) und han es sehr guets gfühl däbii und dänk, dass isch die richtig entscheidig gsi! Denn hemer na die def. Offerte becho für de Apéro womer gseh hend adä HZ Mess und hend sie untschriebe zruggschickt, findes nach wie vor es guuets Agebot :)! Deennn hemer eus eigentlich für e Fotografin entschiede vodä HZ Mess, die hettmer denn am DI gschriebe das sie mir wird alüte bis am FR amene Abig und hets nie gmacht.. So Sache nerved mich amigs mega und ich wot eifach Lüüt a eusem HZ womer 100% chönd vertraue und drum hani mi ez scho wieder gege sie entschiede :p ez nehmemer e anderi ;). Denn hani na es uuu herzigs Lädeli gseh im Dorf woni schaffe wo Cupcakes und Torte macht, cake-boutique heissts glaub. Han det welle eusi Torte mache lah und bin verbii am DO Abig aber sie het a dem Weekend scho e Torte zum mache und het kei Ziit für eusi leider :( Ez findi eifach niemert wo mich überzüügt fürd Torte, will ich eigentlich nöd e grossi Chetti han welle beufträge demit.. Und denn bini letscht Wuche am Samstig na in Modissa mit minere Schwöster/TZ zum go luege wäg mim Zivil-Kleid und ihrem TZ-Kleid und mer sind fündig worde :)! Bin uu zfriede mit mim Kleidli willi gnau so öppis han welle :)! Henke grad es Bildli a vo mim wiise Kleid und ihrem blaue Kleid ! So und ez hani glaub d Helfti vergesse vo dem woni na han welle schriebe aber hoff ich chume bald wieder amene Abig dezue und es falltmer wieder ii ;)
Wünsch eu allne ganz en schöne Sunntig Abig/ Nacht und en guete Start i die neu Wuche!!
Janedoe Das Truckli isch jo meeega härzig!!! Mier sind au no uf de Suechi. Wüssid nonig gnau was mer sellid näh. Das mitem Transport isch halt scho au en Choschtepunkt, das stimmt. Aber mier findets no cool, das die gladnige Gäscht denn glich eis zwei dörfid trinke Und so wärs no cool, mit dem Büssli. Länget denn en 11Plätzer? Also würsch quasi Life-Ufnahme nochher verschicke? Oder d’Lieder in Original druf brenne und am Tag selber gäh? Finds no en herzigi Idee.
ToDoLischte Tuen ich mier im Moment erscht gar ned ah alles voreweg, sus chumi no Krise über
Lula Geduld isch no nie mini Stärchi gsi. Aber mier blibt schlichtweg nüt anders übrig jetzt. Ich mues uf so viel warte, sigs E-Mail antworte, oder oder oder
Pricana Uuuuuuh herzigi Chleidli, beidi!! Gfallid mer würklich sehr guet! Gratuliere
Flitterwuche Mier sind üs so unschlüssig ... Es isch ganz schlimm im Moment. Ich han immer denkt, ich freu mich mega uf die Flitterwuche, aber jetzt, wo’s quasi ums bueche goht, hani gar kei Vorfreud :( Ich weiss au ned wieso ... Evtl will ich no tuusig anderi Sache im Chopf han. Für üs isches eigentlich klar gsi, das mer uf Australie gönd. Min Schatz und ich chöntid beidi 4-5 Wuche frei näh (unbezahlt) und ab geht die Post. Ich han sogar vo mim Chef (er isch sone Schatz!!!) d’Offerte übercho, das er de Flug wür mit sine Meile zahle. Er het no so wahnsinnig viel, und mier dörfid sogar Business flüge!!! Wie geil isch DAS denn bitte! Aber ich han grad am Samschtig aglüte, ad Meile-Hotline. Und s’doofe isch, sie hend immer nur begrenzti azahl Sitz, wo mer cha mit Meile zahle. Z.B üses Wunschdatum goht scho mol ned :( Es isch iwie chli vermurxt.
Seife Ich han also flissig baschtlet letschte Samschtig Es isch imfall gar ned sooooooo eifach. Ich han d’Transparentseife welle im Wasserbad uflöse, aber de Seich het mega afoh schuuume und es isch gar nüt worde. Das wäre die Seifi obe links (vo dene 4). Das het kei richtige Seife gäh, eher so chli Schuum. Komischi Sach. Denn hanis die Mikrowelle gmacht. Das isch um einiges besser gange. Aber mer muess genau de Ziitpunkt verwütsche, dass es zwar flüssig isch, aber nonig ufgschumet het. Ich han jetzt mol en Stei dri tue. D’Farb vode Seife isch es Mü z’dunkel. Aber Grundsätzlich funktioniert das also. Denn hani no eis mit eme Relief gmacht. Han en Stempfel gno, de in Fimo drückt, Fimo bachet, und une ine gleit. Das wär dad mit em Schmetterling. Das funktioniert also au iwandfrei. Uf d’Form dörfid iehr nonig gross luege. Ich han jo no kei Förmli kauft gha. Hans erscht welle teste und han au nüt würklich gschieds gha, zums denn drileere Aber ich bin sehr zfriede mit em erschte Versuech. Im Ahang es paar Föteli. Cupcakes mache mit Seife: Das wird schwirig ... Wennt kei Förmli gfindsch, me chan scho warte bis d’Seifi chli verhärtet isch und denn mitem Sprützsack probiere, aber es isch schnell härt, und öb das schlussendlich klappet, bini ned ganz sicher.
Anmelden
bi nid so de hirsch in photoshop, merkt mehs? 
isch öpe eis vo de erste sache gsi wo i gmacht ha 
) d Idee gseh, CDs zbrenne. Das fändi irgendwie no recht cool mit de Lieder wo i de Chile z.B. gspielt worde sind und vlt eusi Lieblinglieder.. (hänke da au no es Bild a)
klar wend manne so öbis,hahahaha
Auge machä 