@jane: Das Transportproblem hei mir ou... Hei das aber gad üsnä TZ delegiert, wöu mir ou kei schlaui Lösig gfunge hei! Wägem Busli muesch eifach de luege, me brucht e spezielle Uswiis we me mit meh als gloub 6 Persone umefahrt! Mi Brüetsch mues dä grad mache wöu er wott Gfangenetransport mache u da si offebar när zviel Persone als me mitem normale Uswis dörft umefahre...

Wägem Bullriding... Das chunnt halt ganz druf a, bi üs würd das jetz no so inepasse, wöu mir ja eh so chli es lockers fescht hei. Wenn dir aber eher so es klassischers fest wettet, findis nid so passend. Aber isch uf jedä Fall ä originelli Idee!

Bim Polterabe würds natürlech ou mega guet passe... I dänke es würde eh fasch nur Männer druf gah, d Mädels chöi ja scho nur wägä dä Chleider wahrschinlech nid.

@lula: Also, weli Detailplanig meinsch du jetz? Dr Tagesablouf oder die To-Do-Liste woni ha postet?
Ja, das hani mir ou scho überleit mal no sone Ushang ga ds mache... Isch villecht würkli die günstigsti Variante.

@pricana: oh nei, das würd mi ou närve wägä dr Fotografin, findi guet heit dir öich umentschiede. Wäge dr Torte isch ja ou mega schad, het sie dir ou kei Tipp chönnä gäh, wo du süsch no chönntisch afroge?
D Chleider si meeeega schön! Gfalle mir beidi sehr guet...

@squishy: ueeee, flittis buechet! so cool... Gäu das cheibe Präppe bruucht immer so viel Zyt. I ha gester ou dänkt i mache "nur schnäll" par Sache parat für am Di. und woni z nöchschte Mol ufd Uhr luege si 3 Std. ume... Wie lang geit dis Prakti no? Isch ds Schlussprakti gäll?

@eternal: Welcome to our forum!!! Mega cool, e Silvesterbrut... würklech ä sehr originelli Idee!

@pfingstrose: iiiiiiiiiig!!! pn bitte!!!

@me: GG und ig hei am Weekend no mega viel Site agluegt mit Bands und DJ's und all däm. Hei när no öper gfunde wo für 900.- würd cho uflegä. Das isch immerhin nur 100.- über däm was mir budgetiert gha hei. Wahrschinlech nämä mir dä... Warte aber no ufnä Offerte vo eim vo Bern wo mir o scho öfter i Clubs hei gseh. Wenn die höcher isch, isch dr Entscheid gfalle.

D Band wo ig agfragt ha, isch denn leider ou nid verfüegbar. Aber dä Typ het när gschribe, dass er no so es chliises Label füehrt wo er ou Bands vermittlet und het üs sini Hilf abote. Jetz hei mir ihm chönne üses Budget agäh und er macht jetz paar Vorschläg. Er het scho 2 us Dütschland empfhole, offebar si die würklech bedütend günstiger als CH-Bands. Ou wenn mir denä no Hotel und Areis etc. müessä zahle! Findi ächt krass... Die eintä si würklech super, mir hei när glich gseit er söll mal no 2-3 Vorschläg mit CH-Bands mache, süsch näme mir wahrschinlech die einti vo denä...

Denn hani no d Bestätigung fürd Créperie becho... De isch das scho mal erledigt. Nachem schaffe wotti de no schnäll id Papeterie go Bastelsache hole dasi no mal ä ächte Prototyp fürd Charte cha mache. Süsch steit gad nix a bi üs... Aber das längt ou gad für e Moment.

sue
so herzig, eue Pfarrer. Ich find das schön, wenn sich öpert anderscht (egal öb Pfarrer, Kollege oder Eltere) au Gedanke machid zu "üsem" Tag.

lilian
jo sicher! Chasch mer dini Mail per PN schicke? Es isch drum es PDF und ich chans do ned verschicke.
Danke für d'Kompliment. Also mier gfallt der Schmetterling au no

willkomme eternal

@snicki: i finde das chasch guet so schribe. Wägä dr Chille würdi nüt erwähne, süsch chömä die när glich ou det härä... Und dä Gladene würdi sägä wägem Car, süsch göh die ja drvo us, dass sie ds Outo bruuche?

@eternal: hmm, mir hei kei so Imbiss plant... Aber mir mache e Candybar wo so chli i üses Dessertbuffet integriert wird si. I stelle mir vor, dass das züg när eifach alles stah blibt dass me immer wieder härä cha sich öpis go hole...

Bi üs gits bim Apéro scho Crépes à Discretion und denn bim Resti no mal so chli Knabberzügs bis alli acho sind, denn Grillbüffet und denn äbä no Desserbuffet und Torte, i gloub da chani när nix z Ässe meh gseh bis am anderä Tag.

Chunnt halt mega uf öie Ablouf druf a? Wenn dir scho am 8i / 9i fertig gässe heit, chas scho si dass scho wieder deu hunger hei. Wenn dir aber ou ersch so gägä die 11i mal fertig sit mitem Dessert findi, dass me das dä Gäst scho cha zuemuete när nüt meh z ässe...

@ lula jo är het scho gmeint gha är würi mit sich lo redä.. jedoch heter ou "nur" brot zügs im angebot was haut es resti ned het :) u nur meterbrot, painsupris, u beleiti isch für mi ned soooo e uswau:)
ringe aso nickufrei müesse si umbedingt si!
ansonste würd richtig siuber go aber so im internet is no cheibe schwär zum säge wiesi de würkli si :) aber so e polieti( iss matt) oder wime däm ou imer seit würdmer no gfaue u ganz sicher so 2-3 steindli wäre ou ned schlächt ;) wöu für 9 bechumi ned über für üsi johr :)

@lula leider dörfe mir uf em schloss nur üs 3ne usläse.. heimer am afang ned gwüst gha aber itze haut i chame gloubs mit em hotel anranschiere aber mir gses de am fr wies genau usechunt:)
weises ned genau nicku hets no cheibe viune orte dinne.. ha sitemene johr nur komedie wäge dere allerie sprich emu a de rächte hang da i ou rächtshänder bi bi mit de suva u iv scho ir verhandlig wöui jo ir konditorei sehr viu chromstau ha.. u mir d suva ni gloubt trotz aune allergie stest wos git.
jo prislich hätte mir so umene 1000fr wöue si
üsi verlobisgs fründschafts ringe si us em ricardo ;) u beid zäme um ca 50fr inkl gravur
aber mau luege eb gsemer de öbis angers womer bis itze no gar nie a gluegt hei:D
gloube 9steine wäre de grad es angers budget