@eternal
Herzlich Willkomme bi als aktivs Mitglied im Forum Soo cool, en Silvesterhochziit. Mega speziell. Isch da ned alles zuesätzlich no tüürer wegem Datum, sone Location z.B.?
Mir hend eus ebefalls kei Gedanke um en Mitternachtssnack gmacht aber so wie mier das ez besproche hend, werdemer eh locker bis am 10ni, halbi 11i esse. Und dTorte wird so geg die 12i serviert. Es Candybuffet hemmer au no, vo dem her hani ned wirkli sGfühl, dass dLüüt denn nomal Hunger bechömed.
Hend iher denn scho en Ablauf im Resti planet? Will chönntmer scho au vorstelle wenn iher sehr früeh fertig sind, dases Sinn mache würd..

@Sue
Genau so hemmers vor mit de ‚Umfrag‘. Kläred das ganze vorher guet ab. Aber am Abig klappet das leider nöd will ebe alli chli usere andere Ecke chömed. Und drum denn de Bus.
De Link für dBox: http://www.etsy.com/de/listing/172037962...p_home_active_1
Also mier hend no CD im Auto, haha. Mal luege, vielleicht brennemer eifach mal so 20Stk, isch ja ned wirkli en grosse Ufwand. Und da au no de Link zu de Hülle: http://www.rockmywedding.co.uk/d-i-y-fri...place-settings/ Oder mer chönnt natürli wie uf mim erste Bild eifach zwei Papier zämänähe…
Hey cool wegem Fotograf, gratuliere!
Wow, de Pfarrer isch ja goldig <3 En uh schöni Geste und daser sich so viel Gedanke macht isch eifach suuuper

@munggi
Haha, ich ha die Lischte au nume ufgrund vom ‚Druck‘ erstellt wo das Forum eim macht
Du hesch ja recht was vor die Wuche, cool. Hesch denn de Probetermin fürs Hochziit oder gahsch eifach suscht zum Coiffeur? Was würdeder denn für de Beck zahle wenni frage darf?

@malinchen
Gueti Idee mitem delegiere :D Mini TZ hed mi also mit vielne Vorschläg unterstützt aber irgendwie wetti das doch unter Dach und Fach ha bald. Das wegem Uswiis weiss, ja, han das eusem Kurier au gseit und er hed de gmeint, das seg keis Problem, er heb da scho d Bewilligunge. Hoffe mal das stimmt.
Mini TZ isch vor Freud usgraschtet wege dem Bullriding Mier hend sone Hochziitswhatsapp Chat mit de TZ und TM und GG hed dett nomal öffentlich gmacht, das er das wünscht und die einzig wos voll toll gfunde hed, isch sie gsi
Denn drucki mal de Duume, das eue ‚Favorit‘ im Budget liit und alles klappet. Wenn würded ihr denn d Band neh? Fürs Fäscht oder de Apero?

@snicki
Finde das mitem Text au guet, chasch uf jedefall so schribe findi.
Das mitem Car würdi uf jedefall erwähne oder wenn, denn uf de Homepage, falls d Charte suscht zvolle isch.

@Lula
Hui das gaht ja zackig. Nur no sooooo wenig Ziit. Bisch scho ufgregt?

@me
D’Iladige sind abgschickt! A die wo gfragt hend wegeme Bild… Ich ha total vergässe, nomal eis zmache. Han aber vor es paar Mönet schomal eis ufeglade gha, vlt mögeder eu erinnere? Suscht würdis nomal usesueche :D
Mier hend leider scho die dritt Absag becho für s Fäscht… Am GG sini Cousine cha nöd cho, will sie leider Prüefige hed am Mäntig druf und sie a dem Weekend 15Stunde müesst umefahre für die Hochziit und das ischere eifach zviel. Das chani verstah. De Fründ vode Schwöschter vom GG hed Zügnisübergab in Cambridge :D und hüt hed grad au no en Schuelfründin abgseit, ihri chli Schwö hed Erstkommunion. Ich hoffe ez eifach, dass das die einzige Absage blibed… Defür hemmer au e huufe Zuesage becho. Mich erstuunts uh mega, dass jetzt plötzlich so viel Lüüt a dIladig denked wieder. Mier hends ja für die gladne Gäscht scho afang Nov verschickt und ich bi zwüschedure mega enttüscht über die wenige Rückmeldige gsi. Hett nie denkt, das jez so langsam vor Ameldeschluss sovill Lüüt sich doch no meldet.

Mis Mami hed mier vorher aglüte und verzellt, dass sie es Agebot gseh hed für es eigentli recht ghobnigs Restaurant. Ich kennes nöd, aber sie schwärmt mega devo. Die möched 2für1. Wennmer zweimal s gliiche us de Charte bstellt, aso scho für zwei verschiedeni Persone, denn muessmer nur ei Person zahle. Und da s Restaurant sowiit ich weiss recht tüür isch, und mier eus das ned wirkli wend leischte im Normalfall, hani ez mal aglüte und gfragt, ob das au für en Hochziitsgsellschaft würd gelte. De Herr am Telefon hed de gmeint, das seg keis Problem und sofern kei grösseri Gruppe sich ameldet, würdeds eus en Saal offeriere, quasi als Hochziitsgschenk. Hend no nüt fix abgmacht, willer uh im Stress gsi isch. Lüüte de im Verlauf vo de Wuche nomal a. Jetzt fragemer eus eifach wasmer i de Zwüscheziit sölled mache. D’Trauuig isch am Namitag am 14.00 Uhr und go esse chömmer erst am 18.00. Hed vielleicht öpper vo eu en Idee?

@munggi: Ah so, heit dr de am Fritig dBesprächig mit am Schloss?
Mas ou nit verliede, u ha no gfragt, u si hei gseit, es segi nit dinne.
Isch aber ou mega eklig vor suva, dass si Dir das nit gloube! Chasch de da nüt mache, mit ärztlechem Guetachte oder Ussage vo Mitarbeiter?! U de dIV?
Was würkli? Isch aber e cooli Story, hani aso no nie ghört!
Mir hei für Palladium-Rotgold mit 5 Steindli guet 1'200 zahlt, hei aber no 20% gha.

guete morge

eternal: herzlich wilkomme :) so cool e silvester hochzit :)

jane: mir fraged eus ja au, dass null rückmeldige (oder fast) chömed uf eusi iladige. das isch wohl normal :) mega herzigs ringböxli ! so cool wegem resti, wo isch das

snicki: mir hend au fast ke infos uf de iladig. mini TZ schribt allne no en brief mit infos druf wie übernachtig, gschänk, dresscode, darbietige (hoffentli nid allzu vill) etc.. :) susch chasch ja luege obs so gieng wegem car.

munggi: wow cool s lauft :) ich has ja nid so pressant mit de schmetterling, nid dasi di no stresse gäll :)

probetermin: hani gad gester abgmacht. 31.mai...sie hät echt guet tönt, het verstande wasi so will usw..hoffe muss mer danach ke anderi sueche no .)

sue: jö de pfarrer ! cool mitem fotograf...sind au voll dra...

ich bi hüt in bulle/fr bimene chund mitem chef.
schöne tag !

Guete Morge!

Lilian: Ja nach de Bstellig hämmers ca. nach 8-10 Tag übercho. Isch also würklich sehrschnell gange.

Salü liäbi Mitbrüütlis

Botz, ig ha im Moment so vieu z tüeh bim schaffe, dassi nume zum läse, abr nid zum schriebe chume. Hoffentli änderet sech das gli wieder...

Eternal: Härzlich wieukomme. WOW e Silverschter-Hochziit isch ja echt öpis bsundrigs. Auso vode Deko här, isch mer grad spontan isch sinn cho, dass mer ja so Tischbombene cha säubr mache. Auso irgendwo hani das gseh gha. Das wär ja öpis Silveschterigs u doch persönlich. Wägem Mitternachtsbuffet. Auso ig fänds no toll. Bi mire schwöschter hets denn so am eis odr so no Wiiswürtschtli u Bretzel gäh. Isch mega guet acho! No mau öpis salzigs uf de alkoholisiert mage tuet doch geng guet

Snicki: Ig fänd die Idee vode Lil.lian o am beschte. eifach schriebe dass sie a z apero iglade si. Denn u dert. Denn wärs ja für mi klar. Abr muesch haut de scho demit rächne, dass tieu chöme cho Spalier stah...

Janedoe: Wo isch öies Zivile u wo z Ässe? E Schifflifahrt odr Stadtfüehrig fändi no guet. S git z bärn sone Romantischi Stadtfüehrig, viellecht gits das z Züri o. (Faus dr z züri hüratet...). Odr faus dr Schläckmüüli sit, bi irgendöperem (zbsp. bide Claudia, faus sie das abietet). gah cupcakes dekoriere. Odr e Wiidegustation. Odr zum Sprüngli ane Füehrig.

Ah aui wo das Iladige u Homepages zeige: Darfi o gseh?

Me: mir hei am Wucheändi üsi Iladige fertig baschtlet. Jetz wartemer no uf d Briefmarke u de ab die Poscht. Tue de no es Föteli dri, cha da im Gschäft abr grad nid istecke.

Janedoe: Also ganz erhlich ich finds au sehr schad vo dene Lüt. Was münder mit ihne den genau bespreche... Isches würklich nötig scho nomal zträffe? Oder wender eu de Zirkus no chli ufsparre. Oder sie selber mache lah? Weiss hald nöd um was es konkrett gaht. Und suscht am 15.02. gad als Brunch träffe. Den hetteds den de Rest vom SA und SO no "ihres" Wuchenend. Uf kein Fall würd ich das jetzt aber so ifädle dass ihr eue Hochziitstag nöd so gstallte chönd wie ihrs wend. Das wirsch ewigs bereue... Das wer also sehr schad. Kopf hoch! Vieliecht hät din GG e gueti Idee...