| Bräute 2014 |
|
|
1 .. 296 .. 589 590 591 592 593 .. 795 .. 997
|
28.01.14 15:34
daenu16 
|
Re: Bräute 2014
Hoiiii Brütliiiis,
Ich bin 3 Tag gsi go Skifahre und vorher no chli im Stress gsi und schwuppi di wupp, sind wieder es paar Site verbi und sDänulein het vieles verpasst. Jo nu ihr Liebe, i hoff ihr verzeiheds mir weni nöd uf alles chan igoh (und susch Reklamatione bitter per PN  )
Janedoe: oooh, so schön dass etz sovieli sich amelded und Rückmeldige gänd. Hoff ihr chönd eu eifach freue über die wo chömed! Wer nicht kommt verpasst das Beste – oder wie heissts?
Das schöne Restaurant (2 für 1) wär für de 14. Feb? Hetis en See ide Nöchi für e chlini Schiffahrt? Öppis go aluege….oder is Casino!?
Etz hani grad vo euem Ärger glese…achh menno, das isch echt grad nöd fair. Immerhin hender doch Vorschläg gmacht. Hetteds sich ja selber chönne denke dass da denn 2mol hinterenand isch. Und wenner nomol en Doodle würded useloh statt etz euren Hochzitstag nach IHNE richte? Immerhin isch s’zivile au en wichtige Tag!!!!
JA du hesch Recht, es isch eifach d’Art und Wies. I verstoh di sooo guet. Aber mengmol glaubi eifach, dass d’Lüüüt nöd chönd nohvollzieh wie verletzlich mer i dene Moment isch und wie das bimene Hochzitspaar achunnt.
d’Gschänkli sind VOOOOOOLL härzig *LOVE* 
Feedback Chärtli: es isch unglaublich wie unterschiedlich dReaktione sind. Di einte schicked grad subito es WhatsApp mit Föteli wie sie sich freued, oder es romantisches Kärtli miteme schöne Spruch…anderi reagiered gar nöd und nämed eifach a es seg EH klar dass sie chömed. Aber i ha gmerkt, dLüüt macheds gar nöd extra, oder sogar böswillig. Sie freued sich au seeeehr. Aber es isch nöd de Mittelpunkt vo ihrem Lebe, au wemmer ihne wichtig sind.
Schlussendlich freui mi etz eifach drüber, dass alli zuegseit hend vode gladene Gäscht!
Sasileu: Isch doch super das ihr scho so wiet sind. Glaub mir, ihr chönd nur profitiere devo und sind denn au weniger im Stress vorem Fescht. Vlt hesch ja in nächster Zuekunft mal no en Alass wo du dMöglichkeit hetisch zum dCoiffeuse usprobiere? Schmuck zum Kleid hesch? Strümpf bruchsch?
Musig? Wo wänder d’Föteli mache am HZ Tag? Wo übernachtet ihr nochem HZ? Wer bringt dRing? Ringchüssi? Bluememeitli?
Ich finds jedefalls super, dass ihr so gnau wüssed was ihr no z’erledige hend. Immerhin hender jo no chli Ziit und i gseh us eigeter Erfahrig, dass etz (2,5 Mönet vorem HZ) schono chli was z’tue isch…au wemme früeh dra isch. Die Fiiinplanig bruchts eifach viel meh Absprache no mit mehrere Lüt und Locations.
Me: Sooooooo happy ihr Ladies...chönnt nur umegumpe und tanze vor Freud! Bin hüt gsi go Probefrisur und Makeup mache und bin immerno ganz gflasht. Freu mi sooo fescht dases die beide Fraue sooo guet gmacht hend und ich mich pudelwohl und wunderhübsch gfühlt han  noher hemmer alles wieder zur Sau gmacht, dass GG nix gseht. Hend beidi 1 Wo Ferie
Geschter simmer no ide Obiglocation gsi und hend so chli s'letschte Gspräch gha. Hend alles nomol durebesproche, sogar dZiite wenn wele Gang serviert wird, Priise, Getränk, Dessertbuffet nomol verfineret, bim Empfang nomol chli was g'änderet, hui ui ui...GG und ich sind voll freudig nervös worde.
Zuletzt bearbeitet am 28.01.14 15:41
|
|
|
|
|
|
28.01.14 17:35
LaMariee
|
Re: Bräute 2014
Hallöchen Zäme
@Janedoe: mega schöni Ringbox :)
Wägde Cd fingi ä cooli Idee :) mau öpis Angers haut.
Bullriding, so cool :D dänke di GG hät sicher fröiid u diä angere Männer öpe ou :D chunt haut villech chli drufa i welem Rahme dir eues Fest heit.. mir hei zB ä Ruum gmietet wo ufemne Buurehof isch, de würds no passe ;)
Oh ja so blöd wäg öiiem OK.. drbi hei si ja äuä auii im Doodle gseh dasses schüsch nid geit… hoffe es stimmt iz so für euch… blöd… auso i verstah di guet..
Mega schön diä Täschli wod hesch gmacht. Härzigi Idee ;)
@Pricana: Zwöi mega schöni Chleider :) wo du u dini TZ heit usgläse :)
@Snicki: u de sitdr scho chli witer mit dä Flitterwuche? Mir sötte de ou öpe drhinger… Mir wei äbe de ou uf Australien :) wo weit dir de häre? Weli Region? Business Flüge wär natürlech genaiu :)
Hei diä Seife gseh ja mega schön us! :) übrigens hani hüt im Migros gad Nastüechli gseh wo uf dr Verpacki so Schmetterlinge hei..u ha gad a diä dänkt wo am HZ mit Schmetterlinge ä Deko mache.. so für „Freudetränen-Nastüechli“ oder so, wär das no härzig…
Wägem Text für Apero Gäscht fingi ou dir chöit das guet so schribe.. dChiuche würdi wiä dMalinchen scho gseit het, ou nid erwähne…
@Pfingstrose: ig würdi gärn euii Iladige gseh :)
@Lil.lian: mega schöns Chleid!! Hadr gloub no gar nid gschribe ka.. wük sehr schön :)
@Eternal2014: willkomme im Forum :) wow isch ja cool am Silvester.. sicher speziell :) hesch öpe es foto vo dim Chelid? „Gwundernasebin“ ;)
Auso wägem Snäck. Mir wei de bi üs ä Chääsblatte abiete.. mir hei das amne Hochzyt gha letzt Jahr u das het üs super passt… isch ou no guet gsi für diä wo nid sooo gärn süesses hei, de hetme när glich no chli öpis gha u scho fasch wieder es liechts Hüngerli ;)
Sue: tönt ja super eues Träffe mitem Fotograf. Isch immer es guets Gfüu weme sone grosse Punkt cha abhage..
U eues Träffe mitem Pfarrer tönt ou sehr schön :)
@malinchen: so cool wägdr Creperi.. ume öpsi zum abhage :)
U wägdr Band sitdr scho witer?
Me:
Blaui Haar: danke für euii „Ateilnahm“ ;) diä coiffeuse hets eifach verkackt.. mini blonde Sträne hei jrgendwiä gad dFarb wo dä dunkle agno.. ja nu… isch ja zum glück ume einigermasse gut…
Rückmäudige Iladige: mir hei ou weniger Rückmäudige becho ausmr hei dänkt… aber isch haut schinbar so… aber hei glich paar schöni SMS und Chärtli übercho :)
Am Fritig morge tuni gad üses Zivile reserviere u när gani ga Brautchleid shoppe :) fröiie mi mega :)
Am Sunntig simer no ga Turte degustiere. Isch super gsi! Iz heimr ä offerte übercho für fasch 500.-. Isch für vier verschiedni Gschmacksrichtige für ca. 50 Persone… was finget dir zu däm Priis? Isch inkl. Alieferig…
Schöne Abe euch aune… fröiie mi ufe Samstig :)
|
|
|
|
|
|
28.01.14 21:39
Taeboyana
|
Re: Bräute 2014
Hui Froue, i ma nümm nache... weme bim Job nid so cha "privätele", het me hie chum meh Chance! Aber i liese immer meh oder weniger mit. Und itz bombardier ig euch haut wieder mitme Monsterbitrag
@Lula: WOOOOW, nur no 6 Wuche!!! Chamer no gar nid so vorsteue, wieme sech da füut... bisch scho fescht närvös? Aber so wies tönt sit dir ja super vorbereitet. I freue mi scho jetz uf di Bricht u wünsche dir no ganz viu Fröid bi de letschte Vorbereitige. Chunnt guet!!
@eternal: Härzlech wiukomme, so cool am Siuvester hürate. De bescheret dir ja aune Gescht gad e super Silvesterparty.
@Lil.lian: i hätt ou gärn e PN mitem Chleid *gwunder*!
@Pfingstrose: und darfi vo dir e PN mit dr Iladig?
@squishy: i cha di u guet verstah wäg de angere Hochzite, vor auem wüu du ja no jung bisch (und dini Kollege nimi a mehrheitlech ou). Aber gniess euchi Freud und dass dir schön Zit heit zum plane. So toll wäg de Flitterwuche, da chöit dir euch so richtig druf freue!
@Janedoe: U härzigi Ringböxli. I steue mir äbe o so öpis vor, wüui die Chüssi irgendwie nid so speziell finde. Ha aber dänkt, dassi das wett probiere säuber z'mache. So Böxli gits günstig im Bau & Hobby und de würdi sone Art mini-Chüssi dritue und's evtl. i üsne Farbe amale u no öpis druf, mues mer mau no chli Gedanke mache.
Verstah dini Enttüschig u guet wägem Träffe mit de TZ. Hoffe fescht, dass die jetzigi Lösig für aui (aber i auererster Linie für euch!) ok isch. Hey cool, genau so Seckli hani für üsi TZ a üsem 1. Träffe ou gmacht und si im Fau super acho.
@daenu: so schön dass di Probetermin so toll isch gsi! Hesch es Föteli gmacht? I ha no ke Termin fürs probefrisiere u schminke, aber mir wärde das ca. 6 Wuche vorem HZ mache het mini Coiffeuse gfunge. I wirde aber scho fürs Zivile mi bi ihre ga la "verschönere" u de isch das de ou scho e 1. Tescht.
@snicki: Du redsch mir usem Härz, dass me sich i Geduud mues üebe bir Hochzitsplanig! Bi üs stockets im Momänt a aune Egge und Ändi (u das nid wäge üs...). Bir Iladig warte mer sit Wuchene ufne Offerte vore Druckerei wo mi Brüetsch het agfragt u i mues immer wieder bi ihm ga bohre u chume mer scho doof vor deswäge... vom Brüetsch vor TZ bechumi sit 2.5 Wuche ke Antwort uf mini Afrag für Musig (dä het e Band und scho öfters a Hochzite gspiut). Ha sie scho druf agsproche und sie het gmeint er heigs becho und sig dran... U e ehemaligi Arbeitskollegin woni vor ca. ere Wuche ha gschriebe, obi evtl. vo ihre dr Reifrock chönnti uslehne und sie mir dr Kontakt vo ihrem Sänger ir Chile chönnti gä, schriebt o eifach nid zrügg  . U drum tueni mir im Momänt o ke zu gnaui To-do-Lischte a, das fruschtriert nume...  Aber eini mit de wichtigste Pünkt heimer ja u die tueni regumässig update.
@sasileu: We du so uflischtisch dünkts mi, mir heige eigentlech ou ds meischte (usser dr DJ/Musig), aber wes när so um d Fiinplanig vo Tagesablouf, Dekosache, Programmheftli + Freudentränen-Nastüechli, Gaschtgschänkli etc. geit, de machts mer auso o Angscht. Aber i dänke bi üs geits ja würklech ou no gad es Momäntli u mir mache eifach geng Schritt für Schritt (o wes zum Teil chlini Schrittli si  )
Darfi frage, wo dir euchi Ringe heit la graviere? Üs würde Fingerabdrück soooo gfaue, aber üse Juwelier cha das irgendwie nid schön schints... müesst aber doch theoretisch möglech si?
Ou cool wägem Tanzkurs, machet dr dä äxtra Hochzitstanzkurs vom Migros? Muesch de vrzeue wies isch. So irgendöpis müesse mer de ou no organisiere, aber i weiss äbe nid, ob mer de evtl. gad e spezielli Tanzrichtig wei ga lehre, z.B. Discofox oder so öpis fändi no witzig.
@principessa: Aso dä mitem nachegmachte Atrag geit gar nid, schlimm! So eine hätti ämu nid wöue?! I ha ja eigentlech nid sone richtige Atrag mit auem drum u dra becho (GG het mi uf üsere Oustraliereis bim grüsigschte Rägewätter i üsem Cämperbössli bire Fläsche Wy eifach gfragt: "was meinsch de wemer nächst Jahr würde hürate?". I weiss das isch vielech für Teu vo euch schockierend, aber für mi hets eifach gad gstumme und i weiss, dasses vo Härze isch cho . Uf jede Fau ischmer das so viu lieber aus eifach e kopierte!
Wäg eure Tante wo so viu verlangt für d Trouig findi o chli fräch. Het sech das inzwüsche scho klärt?
@malinchen: Cool wägem Crepes-Wägeli, wieder öpis abghägglet! Heiter nech fürne Band entschiede? Tönt ämu super, vielech muesi de mau no uf di zuecho wäge Musig, chume da so nid vorwärts...
@Pricana: Hihi, gäu mi GG isch luschtig mängisch. Mir hei mau d Date vo däm Kurs agluegt und es wäre gad 10 Mau (!!!) gsi, immer am Fritig Abe, aber das isch fasch nid möglech bi mir, wüu ig no viu am Fritig Training gibe. Es git aber no chürzeri Versione à 2 Mau gloub, das wär vielech no öpis.
@LaMariee: Finde dä Priis für d Torte nid schlächt, da gits auso de viu Tüürers! Darfi frage, vo wo dir die Ofefrte heit? Us dr Region Bärn?
@Sue: Toll das Träffe mit euem Fotograf, tönt super! Und dr Pfarrer isch ja würklech ganz härzig, wie är mitdänkt und sech ibringt...
|
|
|
|
28.01.14 21:47
Pricana
|
Re: Bräute 2014
Schööne guete Abig mitenand
@Snicki: merci vielmal :) oh so schad wäg de meile zum bueche,
chönteder nöd uf es anders datum uswiche? Wär ja de hammer business z flüüge für so e langi strecki :)!
@lil.lian: ja muesch unbedingt in modissa go luege, ich lieeb die abteilig in züri :)! Jein, die ander fotografin het sicher ziit für eus aber sie muenmer na alüte zum alles bespreche, chunt aber sicher z stand :). Mir hend euses Treffe mitem Pfarrer Endi November gha und er het vorallem eifach chli welle Sache über eus wüsse, was mir mached und so, het uu viel gfröget und so vieles über eus usegfunde woner denn id Trauuig möchti iibringe. Jetzt hemer erscht im April wieder es Treffe und müend bis denn 3 Pünkt mitbringe, womer am andere bsunders schätzed und wo eim nerved, dörfeds aber enand nöd säge vorher und denn wird’s denn grad besproche a dem abig ;) und suscht hetter eifach na chli verzellt wies ablauft und wassmer für möglichkeite het währed de trauuig (kerze, lieder, rede, etc.)
@janedoe: mercii :) ah super, merci für de link, gahni nachher grad mal go luege :)! Mir hend wahrschinlich de DJ Claudio, er muen eus aber zerscht na kontaktiere und denn luegemer wiiter. Mir hend eifach agää wassmer wetted und sie hend gseid de würd am beschte passe und het denn au ziit :). Ihr hend de Gerard, oder? De gseht uuu sympathisch us! Ou nei tuetmer leid de Stress wod gha hesch hüt mit eune TZ. Aber ich glaub ich het glich reagiert, es isch ja schliesslich eue gross Tag und da müend au sie chli Ziit investiere drii! Aber die Täschli sind uu schön wod gmacht hesch!!
@Pfingsrose: schickschmer na dini iiladig :)?
@Eternal: Willkomme im Forum, so kul e Silvesterhochziit :)! Denn wüssed wenigstens mal alli was mache über Neujahr :p Wow hesch dis Kleid ja scho früeh kauft, hesch es Fötteli devo :)? Mir hend kein Mitternachtsnack planed bis ez, werdet aber de Dessert und Torte eher später haa und hend na e Candybar womer sich chönti bediene :)
@Sue: dankee :)! Oh jö eue Pfarrer isch ja herzig!! So schön hetter das abote :)!!
@malinchen: Mercii :) nei leider het sie niemer anderscht empfohle und han au nöd gröget, bin grad zuu entosche gsi woni im lade gstande bin :D hey wow 900.- wär aber en super Priis für en DJ! Echt, mer würd weniger zahle trotz Hotel und Areis? Isch ja scho schräg..
@lula: Danke! Also bim Catering isch so ziemlich alles däbii, zwei Brotherzli mit eusne Näme druf, viel Sandwichli, Canapé’s, Gmüessticks, Frücht, eetc. Also eigentlich alles chli wos git :) und ebe Getränk alles inkl. Ui am DO i 6 Wuche scho?? Wow ez gahts schnell :)! Bin scho gspanne uf din Bricht und d Fötteli. Hesch din Polteri au scho gha?
@Sasileu: Hehe mir gahts glich, ich wot au endlich chli schnee und winter und nöd scho früehlig! Ich schrieb der grad e PN wägem SA :) Wow ihr hend ja scho u viel und sicher die wichtigste pünkt! Für de apéro chander suscht eusen empfehle vodä HZ mäss, schwab-beck.ch. Mir hend nanig so e detailierti lischte, mueni am FR mal na mache, denn falltmer viellicht na was uf wo bi dir fehlt :) Am Valentinstag machemer nüd speziells, hemer na nie gfiired :)
@daenu: so schön mit de probefrisur undem make up!! Das git eim doch grad es super und beruhigts gfühl :)!!
@lamariee: dankee:)! Ohh jetzt scho viel glück bim bruutkleidershoppe am FR!! wet am liebschte au namal gha :D Ich find de Priis sehr fair, han glaub nienets es günstigers agebot gseh! Wo lahsch d Torte mache? Ou wennd am SA au chunsch chasch eus ja grad s Fötteli mitneh vom Kleid wod hoffentlich findsch am FR :)!
@Taeboyana: jaa so gahtsmer amigs au, wennd de Tag dur nöd dezue chunsch chasch am Abig grad e Stund investiere :p oh schaad wär sooo gspannt gsi uf din Bricht drüber :D aber gisch eus denn Bscheid wennd de 2x-Kurs machsch ;)
@me: Die Wuche simer grad chli im Hochziitsfieber und tüend die churz Ziit womer zäme hend am Abig au nutze zum paar Sache erledige. Gester het min GG agfange mitem Sitzplan und isch denn 2! Stund dra ghocket :D Hend ihr eue scho gmacht? Ich finds sooo schwierig! Bi eus hend sich zum Glück scho praktisch alli agmulde, nur 2 Partiie sind na offe und min Vater und sini Frau… Han bis hüt na gar nüd ghört vo ihm.. Aber uf jede Fall chömer so chli besser plane und au mit so Sache afange, gaht nämlich sicher na es Ziitli bismer e endgültigi Version hend :) Denn hemer am FR Abis euses Treffe mit de TZ und sind am Sache vorbereite defür, vorher hemer na e Lischte erstellt mit Sache womer eus wünsched und mit Sache wo gaar nöd gönd für eus :).
So, ez sötti na chli wiiter schaffe dra, wünsch eu allne en schööne Abig und schlafed guet
|
|
|
|
28.01.14 22:20
Taeboyana
|
Re: Bräute 2014
Öper het no gfragt wäge Ungerwösch. I ha mi tregerlos BH vo La Redoute, dert heisi aube o no gueti und schöni Sache. I wett aber o kes Korsett, wüu mir das schlicht zheiss wird im Ouguscht... fürnes Korsett würdi aber mau im Brutlade gad frage oder vielech hei Beldona oder Perosa öpis Passends? Oder wärs gärn exklusiv und sexy / luxuriös het, Agent Provocateur Isch aber nid biuig. Wägeme bequeme, passende String bini no uf dr Suechi, aber vielech wärdes de o eifach es paar bequemi Sloggi nahtlos-Panties müesse tue (ir Hochzitsnacht ischme doch de eh viu z'müed...  )
@Mitternachtssnack: Das wärde mir ziemli sicher nid ha, da mir scho e 5-Gänger hei inkl. Dessertbuffet, wo äuä eh bis Mitternacht gässe wird und i nach däm gloub schlicht nümm weiss, woni no meh z'Ässe söu häretue... und i gloub da wärde ou gueti Ässer satt. Aber je nachdäm we ds Menu chli chliner usfaut und me früecher isst, findis no e witzigi Idee.
@me:
Ha vori mi ganz Muet zämegnoh und es paar roti Hochzitsschueh bsteut, u zwar die da: http://www.shoebuy.com/nina-culver/295192/1386994 Ha mir eifach gseit, we sie de würklech nid passe, verchoufi se haut hie im Forum oder uf Ricardo... aber me het i 1/2 Grössi-Abständ chönne bsteue und inkl. Lieferig chostets mi um die CHF 90.-, finde das auso vou ir Ornig. Ha viu positivi Rückmäudige zu mire Idee vo rote Schueh becho und bringe die eifach nümm usem Chopf De hei GG und ig no gad es suuuuuper Schnäppchen gmacht und 3 Hemmli für ihn gfunge ganz spontan - was normalerwis, weme drnah suecht, es sehr schwierigs Ungerfange isch. Ds einte isch genau sones bordeauxrot wie ds Chleid, woni ha bsteut und wahrschinlech am Zivile wirde alege. Pefekt! Ha gad uuuuu Fröid.
U de heimer letscht Wuche dä Stämpu vo etsy bsteut woni ha postet, hie isch no dr Link für die wo drnah hei gfagt: https://www.etsy.com/de/listing/15712254...ef=favs_view_16 Mir heine natürlech für üs la personalisiere (wärs interessiert, däm chani gärn e PN mache, möcht aber üsi Näme und Adrässe nid gad im Forum veröffentleche...). hihi, no luschtig gsi, mi neu Name so gad zgseh
Es si aui Sache woni ha postet gha vo mine Favorite bi etsy, weiss gad nümm ob süsch no öper e Link het wöue?
I bruche schnäu euche Rat wägem Ziviler vo dene wo das Prozedere scho hei düregmacht. Weiss nid rächt wenn alütte für es Vorbereitigsgspräch abzmache. Mir hürate ja z Murte und nid bim ZSA wo eigentlech für üs zueständig wär. Üse Termin vom zivile heimer füre 16. Mai reserviert und fouglech chöimer ja früechstens am 16. Februar d Trouigsermächtigung ussteue. Chani aber äch glich scho jetz e Termin veribare? kei Ahnig wie die usbuechet si für so Gspräch und wie viu im Vorus me so eis cha / mues veribare?? Perfekt wär e Termin Ändi Februar / Afang März, wüu sie z Murte de dTrouigsermächtigung bis am 16. März wei...
Das Wuchenänd (natürlech ersch nachem Brütliträff am Samsti  ) müesse GG und ig üs chli drhinger chlemme. Müesse unbedingt mau d Gästeliste no sorgfäutig überarbeite und vervouständige, damit de die wenigstens parat isch, we d'Iladige i Druck chöi. U de wetti no so persönlechi Briefmarke bsteue mitme Foto vo üsem Engagement Shooting. Dr Adrässstämpu isch ja ungerwägs (momentan no in LA ), itz fähle nume no d Iladige säuber Was no es grosses Fragezeiche isch bi üs, isch ob mer itz glich no e Website wei mache oder nid... ds Ding isch, dass i befürchte, dass mir nid aui wichtige Infos chöi i üsi Iladige inequetsche und de wär e Website haut scho gäbig. Aber es müesst eifach e ziemli tubelisicheri si, da ig i so Sache nid so wahnsinnig begabt bi . Es hei ja einigi vo euch eini gmacht - isch das e riese wahnsinns Büetz oder no machbar? Wüu sie sött ja de stah, wemer d Iladige Ändi Februar wei verschicke...
Am Sunnti wei mir ad MariNatal z Bärn no chli Idee ga hole für Musig, evtl. Torte u so. I hoffe fescht, dass mer de mau chli vom Fläck chöme!
So, i gloube die Wuche schaffis äuä de nümm zum schriebe vorem Träffe - drfür hani de äuä wieder ganz viu zvrzeue am Samsti
Zuletzt bearbeitet am 28.01.14 22:28
|
|
|
|
|
|
|
|
|
|
|
|
|
|
1 .. 296 .. 589 590 591 592 593 .. 795 .. 997
|
Anmelden
aber isch gratis u praktisch