Daenu16
Ah dönt super bi dier!! Tiptop häts mit de Frisur und em Makeup klapped :)

LaMariee
Ah kuuuhl gasch wegem Chleid go luege :) Vill Glück wünsch ich dier am Friitig!!
Ich find de Priis super, vorallem au inklusiv de Lieferig.

Taeboyana
Ja klar, ich schick der s'Föteli au no :)
De Schueh gseht uu guet us. Isch doch guet, häsch en bstellt.
Ah voll kuuhl mit em Stempel.. Gfallt mer uu guet.
Ja das wege de villne Info's für d'Hochziit isch bi eus de usschlagendi Punkt gsi, zum e Homepage z'mache.. Mier müssted ebe au mega vill Info's inequetsche.. Ich has jeze nöd so schwierig gfunde, bruchsch halt scho es bitz Ziit. Eusi isch abr nonig fertig, mier müend no fertig bastle :)

Pfingstrose
Mier händ ja eigendli kes Budget gmacht.. Meh so was mer insgesamt öbe möchted usgeh..
Abr mier sind scho bime rechte Betrag.. :-/

Hihi Lilian... Gel mer grated irgendiwe so drii mit em Geld usgeh! Mengisch dänki ach chum, mer läbt und hürated (hoffentlich) nur eimal und es söll wunderschön werde. Und den dänki wieder isch scho behämmert so viel Geld usgeh, chönt mer doch besser für 3 Mönet Ferie mache oder für s Eigemittel as Huus sparre... Haha!

@jane: oh nei, das duet mir so Leid wäge öiem Ziviler! Also i finde das geit gar nid!!! I hätt denn nach üsem Zivile überhoupt kei Lust gha irgend öpis z bespräche. Üs ischs ja ou nid so wichtig gsi aber das isch trotz allem soooo ä emotionale Moment!!!! Das söllet dir i volle Züg chönnä gniessä u nid när irgendwelchi Sache bespräche...
Ah jetz hani gad gläsä dass sichs wieder gleit het... immerhin! Aber i verstah di trotzdäm, i wär genau glich...

@snicki: http://www.kochmobil.ch/

@la mariee: Hmm, das wär dämfall ca. 10.- / Person? I fänd das gloub ok... Fürnes cools Dessert zahlt me ja ou ca. so viel imnä Resti. Chunnt när no Gabel-Gäld drzue?

ou cooool, geisch ga Brutchleid shoppe!!! Wo geisch de aus härä? *gwunder*

@Taeboyana: Dr Termin chasch scho vorhär abmache ufm Standesamt... Ds Bern isch das nid sones Problem gsi, mir hei ziemlech säuber chönnä bestimme wenn das mir wei gah. GG het das denn erledigt wöu er weniger flexibu isch aus ig... Und das isch ou kei langi Sach, muesch eifach no mau die gliche Formular usfülle wie scho bir Amäudig hesch müessä ireche, dass sie gseh dass dir freiwillig hüratet. Mir hei när denn ou no gad d Details vor Trouig besproche, wie lang und obs no mit Musig etc. söu si...

@Pfingstrose: I ha ebe beides... I ha d Creative Cloud aboniert, das choschtet als Studi nur 20.- im Monet! Di GG isch doch gloub ou no Student oder? Muesch eifach über d Mail adresse vonere Bildigsinstitution aboniere und de verlange sie kei Uswiis oder so! Findes mega praktisch, de hesch uf alli Adobe Programm zuegriff und chasch eifach das verwände wo gad am bestä passt. Due d Bilder immer i Lightroom importiere, die guetä uswähle und tagge dasi se eifach wieder finde. Bearbeite dueni hingägä lieber i Photoshop.

I ha mir das ou scho paar Mal überleit ä Kindl z choufe. Ä Kolleg schwärmt o immer so... Aber i ha äbä ou so gärn es Buech idr Hand...

@Budget: Mir geits genau glich: Mängisch dänki - isch doch egal, das wird üse Tag und dä söll perfekt si - ou wenns halt chli tüürer wird. Anderersits dänki äbä mängisch ou "omg was me mit däm Gäld süsch no alles chönnt!!!" Im Moment passts no bi üs, aber am Ändi wärde mir wahrschinlech chli drüber si wöu mir üs ja für die tüüreri Apéro-Variante hei entschiede...

@littlefoot: i ha imfall sit 1.5 Jahr die Spirale und i liebes! Chind heit dir ja scho, de ischs ja ou ok wenn sie 5 Jahr drinne blibt? Das isch vo mir us gseh die einzigi Frag wo sich da stellt. I ha absolut keini Beschwärde gha drmit, ha die dummi Mens nümme und ou süsch nie öpis... Chas sehr empfähle!!! Ds dri tue het bi mir ou überhoupt nid weh tah, isch ä Sach vo 10 Minute u när hani eifach no 2-3 Täg so chli wie Mens-Chrämpf gha.

@me: Mir si immer no chli am luege wägä Band und DJ. Dr ander DJ wo mir no wettä d Offerte abwarte het immer no nid reagiert, i gibe ihm ei Wuche, süsch bueche mir dr ander. Die Warterei immer närvt mi ou mega - i meine, die Lüt chönntä Gäud verdiene! Wenn sies nid nötig hei, söue sies loh si...
Immerhin hilft mir jetz dä Typ mega wo mir hei agfragt gha für cho zspiele. Dä isch würkli super... Geit mega uf üsi Wünsch i und schribt mehrmals täglech Mails mit Frage oder Vorschläg! Dä isch ächt cool... Hei jetz mal ä Offerte für ei CH-Band und zwöi Dütschi wo üs würde passe. När mal luege wie das so usgseht!

Morge

Text Iladige
Danke allne für eue Input Bin froh wenn das äbe sus no öper list, bevor mier das abschickid. Danke.

Jandoe
Guet het sich dini 180 – Stimmig echli gleit aber ich verstohn dich scho. Mier gohts au mängisch so. Bin eifach au sensibel worde. Will ich s’Gfühl han, sobald öper öpis “negativs” seit, dass ers doch z’erscht mol sell besser mache Aber es isch ned bös gmeint, chunt aber i dem Moment so übere (für üs Brütlis emel)
Die Täschli find ich uh herzig!! Die freuid sich sicher!!

Dänu
Coooool, scho Probefrisur!!! Ich mues warte ... Mini het gmeint, am beschte öpe 3 Wuche vorher. Denn weiss sie au no, wie’s öpe usgeh het Geduld ist gefragt, total mini Stärchi (ned!!!) Gits Föteli?

LaMariee
Leider simmer no ned würklich wiiter. Ich han gläse, uf de Miles and More Hompeage, dass wenn mer de Status Senator het (s’zweit höchste – wird ade Ahzal Meile gmesse) chönt mer jede beliebig Flug bueche, und eifach mit Meile zahle. Das het mer mier am Telefon natürlich ned gseit. Dete hets gheisse, das mer eifach 2 Sitz pro Flug het, wo mit Meile chönt zahlt werde. Und das die halt meischtens eh scho weg sind. Aber ich han jetzt es Mail gschickt a Miles and More, und han nochegfrogt, öb dem WÜRKLICH so isch, wenn jo, het sich s’Problem hoffentlich glöst.
Mier sind im 2012 scho gsi, 4 Wuche, mitem Camper. Vo Sydney nach Adelaide. Also quasi de Südöstlich Zipfel hemmer gmacht. Isch uuuuh schön gsi. Das mol wemmer in Weste. Uf Perth flüge, und au vo dete wieder retour. Mit Abtecher i Süde, aber au i Norde ufe. Und iehr?? So cool
Danke weg de Seife mier gfallts au sehr guet mitem Schmetterling.

Taeboyana
Ou nei!!! So Züg, kei Antworte, bringid mich äbe au uf d’Palme. Han jetzt au e Wuche wegem Car-Unternehme müsse warte (und han hüt en Antwort übercho, wo mich chli schockiert het). Mier hend e guete Fründ vo üs, wo Chauffeur isch bi dem Unternehme. Sie hend mier z’erscht e ganz e normali Offerte gschickt. De Kolleg het de gseit, ich sell nomol afroge, ohni Lohn füre Chauffeur, er machi das gratis für üs ( JUHUU :laugh ) und das han ich gmacht. Wie gseit, e Wuche nüt ghört, geschter nomol gschickt und hüt chunt d’Offerte. Und es foht mit folgendem Satz ah. “Bitte, wenn Herr XY ohne Lohn fahren möchte, ist das kein Problem für uns”... Das “Bitte” het mich so ufgregt. Ha das so ufgfasst, wie, ok, wenn er wet, üüüüs isches glich *Nase in die Luft* Mues jetzt z’erscht nomol mitem Kolleg rede.
Aber ich finds eifach so müehsam immer müsse zwarte. Ich erwarte jo a ned innerhalb vo 30 Minute en Antwort (wenn doch isches natürlich super :laugh ) aber Tagelang oder gar Wucheland warte, find ich soooo schlimm

Uiiiii roti Schueh!!!! So guet! Wär jetzt nüt für mich, aber d’Schueh sälber find ich hammer!!!

Pricana
Doch mer chönt scho chli s’Datum verschiebe, s’Problem isch eifach, das lut letschter Uskunft, immer nur 2 Sitz zur Verfüegig stönd, das isch halt scho ned viel :(


Malinchen
Danke für de Link aber ich glaube du verwechslisch mich Han nüt derartigs gfrogt oder so

Morge mitenand


@ Lula
Joo i weiss ebe au nid so gnau wasi suech bide Korsage...also wenn den glaub total schlicht, aber en schöne stoff und sust scho gern mit verzierig aber nid blüemli oder so, am liebste so geschnörckel und am aller aller liebste nid wiis...ich mag wiisi Unterwösch gar nid. Beldona het nid würkli was, will sie seget die Brutgschäfter gits oft die grösser uswahl, und jedi Korsage chasch jo au nid neh.
Wegem hochziitstanz, jo mir wend eigentli den scho en eigene kreaiere, aber hend denkt mir gönd jetzt emal die klassische go üebe, und Migro bietet en klassische ah mit 4lektione für 60.- pro person.debi sind eifach so die typische, foxtrot, wiener etc.

@ Munggi87
Danke für de link mit de Hochziitstube! Und weg de Tortefigur au mercie, deht wemer sones Comicfigurli, die findi den scho aber mir hend grad gester überleit ob mir eus eifach mal no so eini mitem eigene Gsicht söllet bstelle...weisch dich als mini 3D, hihihi.

@ janedou
hey, mega mega cooli und sehr herzigi täschene&Heftli hesch gmacht! Uf die idee muemer au zerscht cho und ich hoffe sehr für dich, feedback wird gross si.Also würkli TOP.

@ Lil-lian
Ich weiss au nonig gnau was mir a Valentinstag machet, eigentli isch mir de Tag nid enorm viel wert, aber wemer en eifach wür ignorriere findis au echi schad, aber seb gaht bi eus eh nid oder nüm...Min GG het mir letst Johr a dem Tag de Atrag gmacht....Und i glaub mir werdet das johr zämä schön go essä.

@sue87
Findi gueti hiwis weg de Probefrisur, i glaub ich lueg obi glich demnegst emal cha go teste...mal luege weni was han, wot jo au nid dases min GG nacher erahne cha wies chönt usgseh.

@danue16
cool, danke für dini frage...notier die sache sicherheitshalber glich mal na bi minerä liste, aber meiste vo dem hani au scho zumindest im Kopf ☺ Schmuck hani nonig, bstelli usem internet was, ha bi Pinterest es paar u schöni Ohrering gseh, Strümpf weissi nid obi alege, ich glaub wahrschinli scho, wills ald den klassisch isch und ich eh es gfrürli bi, aber seb gsehni eifach, Ringchüssi woti nid, da ich mini Ring immene Roseherz wot drufsteckä, Bluemchind hemer zwei, min Göttibueb und am GG sis Göttemeitli und mir hend sogar scho zwei so u herzigi Chörbli, wemer verantwortig für eusi Ring wend übergeh wüssema nonig, wie machsches du???
Aja, und übernachte dömer den dihei, will mir en Tag spöter id Honeymoon gönd.

@ Taeboyana
Danke für dini Hiwis mit de Frage, hans mir grad mal notiert.au weni en Teil scho weiss im Kopf ☺
Weg eusne Ring, mir hend jo eusi vomene Goldschmied mache lah...und er het au Gravur gmacht. Also i glaub dine söt das scho schaffe, de ablauf isch folgendermasse: Verkäuferin het ufeme wiise Papier so mitem Bleistift mehrmals schaffiert, also weisch eifach so gmalet, den hend mir eusi Wunschfingerbeeri hin und her griebe, damit die kride/farb am fingerbeeri hesch, den uf ganz e normals Kleberli abrolle und den het sie das eifach ufklebt, mir hend es paar gmacht und die zwei abdrück gnah wo am schönste gsi sind. Ufklebt werdet den na einzel, nacher hends das mitem scanner iscannt und den sind eusi Fingerbeeri überenand gschobe worde und nacher ala Lasergravur gmacht worde...bi eus jetzt bim einte schnittpunkt wie es 9 geh...ma gsehts nur bim grössere Ring vom GG wemer gnau luegt, isch na lustig, dass hets geh ufgrund vode unterschiedliche Fingerwelle wo überenand chömet. Also i denk, dass söt eue Ringhersteller au chöne! Verzehlschs ihm mal.
Joo und ebe de Tanzkurz bide Migro isch eifach sonen chline mit de klassische Hochziitstänz, mir hend denkt mir gönd de mal go mache und ev. Nehmä ma den no einzelstunde zum euse eigene Tanz kreaiere, mal luege.

@Pfingstrose:
Also mir hend eus eigentli es Budget vo 25'000 gsetzt cha, sind jetzt aber bide Ufliste emal so bi 30'600 acho...das würema jetzt au chöne berappe, sind aber schona drane zum luege, dasmers günstiger schaffet, aber isch gar nid so eifach, aber ebe vieles hemer nonig. Mal luege. Und du?

@ malinchen
Ich bins gsi mitem lnk...danke vielmol