Sasileu: Mir sind momentan no bi berechnete 22'000 CHF. Aber mit em Äse und Getränk wo mir ja nöd genau wüssed will mer nöd Pauschale hend chans den scho no tendenziel geg ufe variere. Mal luege... Wegem zahle isch garkeis Problem es gaht meh um de Gedanke... S Spare für ein Tag und was mer suscht no für bevorstehendi Projekt hät!
Malinchen: Ja ich han de PS6 + LR5 als CD gad kauft will am Schluss chosted die 300 CHF wasi ja i chli meh alsemene Jahr mit em Cloud au erreicht hetti. Han das sogar chöne mit minere Schuel vergünstigt chaufe. Isch no super... Wer ja suscht enorm tür. Jetzt mussi den alli alte Fotis mal importiere und alles ordne. *GR* Git sicher en mega ufwand... Aber das mit de Stichwörter wo mers nachher so guet findet hät mich ächt mega beidruckt.
@Pfingstrose: Ja das isch würklech mega praktisch! I ha bis jetz äs mega durenand gha mit mine Fotos. Aber i ha jetz nur die importiert woni im Kurs ha gmacht, also so chli die "professionellere"... So alti Feriefotos etc. hani jetz nid dri da, das git würkli mega z due!
@all Zerscht mal merci villmal für alli Liebe und ufmunternde Wort!! Es tued enorm guet, dasmer da inne uf sovill Verständnis stosst, wome ebe suscht amigs vermisst!
@daenu Richtig. Mier freued eus ez vor allem uf die Lüüt wo chömed. D Absage chömmer absolut verstah… Han immerno meega Freud für dich wege de Frisur! Sooo schön! Mit de Abigplanig sind iher ja scho mega konkert worde, sogar mit Ziite, wow! Aber es wird richtig real dur das gell?
@LaMariee Ohh, wo gahsch go Brutchleid shoppe? De Priis für d Torte isch ja mega super findi! Hender en ufwändigi Torte? Hesch evtl sogar es Bild?
@Taeboyana Mier hend eus das au überleit mitem selber baschtle. Aber dRingbox isch öppe 20.-, das mögemer verkrafte und jetzt woni die ganze Iladige bastlet ha, merki eifach wider, das ich ned wirkli die geduldigst Person bin und fast nüt funktioniert uf Ahieb, de müessti ja mehreri Boxe go poste :D Aber dini Idee isch mega härzig!! So cool mit de Säckli. Hoffe au, das eusi guet achömed Bin ja scho meeega gspannt uf dini Hochziitsschueh! Mier hend de Termin für d Ehevorbereitig scho es paar Wuche vorem Termin, bzw vor dene 3 Mönet chönne abmache. Da würdi eifach mal alüte und das kläre
@Pricana Vo wenn bis wenn würder denn bi eu spiele? Ja mier hend de Gerard, freue mi so uf de. Han sones sympathischs Gspröch gha mit ihm… Glaube das chunnt sehr guet ;). Di GG isch ja herzig, de heder sich ja richtig Ziit gno füre Sitzplan! Tüend iher d Plätz a de Tisch also verteile? Mier überlegged eus, eifach d’Persone uf d’Tische zverteile und sie tüend de selber uswähle wer wo sitzt. Wow cool das sich bi eu alli (aso fascht) scho agmolde hend! Das erliechteret sicher d Planig sehr.
@Pfingstrose Ohhh, darfmer dHomepage aluege? :)
@littlefoot Aso das mit de Iladige und Rückmeldige chunnt sicher no!! Wege de Spirale chani leider gar nüt dezue sägä, ich bin sit laaanger Ziit mitem Nuva Ring happy.
@malinchen Das mit dem DJ tönt ja mega guet! De isch voll engagiert, findi hammer!!
@Budget Mir sind relativ guet im Budget da 1. Mis Mami mier mis Chleid zahlt und 2. zahlt sie eus de Apero! Das sind riese Pöschte wo s Budget seeehr erliechtered. 3. Schribi nöd alles genau uf, vo dem här fehled einigi Pöschte im ‚Ausgeben’ Teil vom Budget. Das sind denn so chlinikeite woni eifach grad vom Lohnkonto zahle und au ned wirkli merke… s’Gfühl wo iher beschribed hend glaub alli oder? Aber schlussendli säg ich mier immer, das ichs würd bereue wenn die ganze chline Details ned iplant werded…
@me Danke villmal für alli Kompliment wege de Täsche. Ez müends de nur no bi de TZ so guet acho… Ich bin soooooooo glücklich!! Chönt brüele vor Freud. GG hed de neu Job!! Ich chas gar no nöd wirkli glaube. Für eus bedüted das so viel! Kei Nachtschichte meh, einigermasse gregleti Arbeitziite. Gmeinsami Freitäg…. Es isch s gröschte Gschänk uf de Welt im Moment… Und vor allem wird er viel meh verdiene als bisher und das heisst, nach de Hochziit chömmer eus definitiv mit de Familieplanig usenand setze!
Janedoe: Oh so schön het din GG de Job übercho und isch das so super für eu. Bin ja den gspanne wie schnell da ihne d Chind chömed... Wer weiss vielicht machsch du de Afang!
mini Ferie sind suuper gse. mega schön... chli ga skifahre und apres ski! :-)
Littlefoot Oh je… jo das ganze metdr verhüetig hani ou mol gha. E ha jetze d Gynefix und be super zfriede. Esch halt eifach ohni Hormon, aber das esch mega wechti gse. E hase jetze sett über 5 johr und chase ou no chli drinneloh. E gloube d chleider hei es paar mönet. Aber emu ned es halbs johr wie vell gschäfter säge. Das esch meistens nur, dassmers grad chouft… e werde miis so im März bstelle för im Oktober.
Taeboyana Jo e ha das ou wägem „privätle“ bim Job… ha s gfühl e cha nur halb derbisi do bim Forum… esch mängisch mega schad… Die stämpfle sind mega toll! Wörkli mega schön! Dörfti ächt üche personalisiert mol gse? Mer hei denne das gliche problem wägem zivile ou. Aber e ha dänkt dassi denne mol alüüte und se eifach froge. Üses zivile esch denne im juli und de hani no chli ziit. E gloube du besch das gse wos engagement shooting ber andrea gmach hett oder? Das sind imfau meeeega schöni Föteli! Ganz troumhaft!!!
Eternal Willkomme do!  wow tönt super en silvesterhochziit. En suuper Idee!! E wörd gloub nedemol mega vell Silvesterigs mache, sondern me hochziit und denne eifach velecht äbe no das Füürwärk. Oder je nach dem, eb en Fotiecke machsch, chöntsch jo dörte noso 2015er Brille hänedue oder so. weisch zum chli verchleide. Aber me wördi gloub ned…. Esch jo üche Tag!  Silvester esch all Johr weder…
Pricana Ui Sitzplan… jo das gettmer gloub ou no öppis. Vell spass denne bim Träffe! 
Janedoe Ou mega härzigi Böxli!!! E wett ou gärn öppis chli speziells mache. ha scho mega tolli sache gse. Z.b. imene Näscht enne. Oder so us Jutte es chösseli bastlet oder so. das Böxli chöntsch ou met moos uslegge? E verstoh de aso völlig wäg üchem OK. Weisch wemesech för e TZ oder TM entscheidet, denne weissme dassme haut ou ade eint oder andere Date sett/darf derbi si und denne machtme doch das gärn, wellme jo ou gärn TZ oder TM esch. Suscht muessme nei säge… Aber e mega tolli Idee esch das metdene Täschlis. E mache gar ned so sache und chume de gad aube i stress weni so öppis lese, ebi ächt das ou sett mache!  wörkli en schöni Idee!!!
Principessa Danke der no vell vell mol förd PN met dire Siite. Esch aso wörkli en mega tolli siite! Het secher u vell arbet gä. Mega schöni Föteli, guet gschrebe und sehr informativ! Riese kompliment!!! Ui nei aso das metdäm atrag esch jo der hammer!!! es esch zwar scho es paar täg här, aber e muess glich ou no säge, dass das wörkli ned goht!!!! Weisch e „chlaue“ jo secher ou die eint oder ander Idee, aber gad de Atrag und eifach alles go kopiere. Goht wörkli ned…. Und vor allem ou för die wo dr Atrag becho hett. Esch ou nur öppis halbs, wenn en kopierte Atrag bechonsch… Geld/Budget E ha genau s gliche problem. Es chunt sooo vell zäme und mer wei eigentlech ned meh wie 25.000 usgä und das heisst eifach, dassme ned aune orte cha säge: jo chum mer hürote nur einisch…. Aber grad es pouletbröschtli zum znacht wetti ou ned… mol luege. Am SO dömer jetze alles nomol aluege und es wörklechs budget mache!  Was zahlet ehr eigentlech de TZ und de TM? Chömesi es gschänk öber? Oder eifach s chleid, öbernachtig etc? Dönd ehr eigentlech vell feilsche oder dr priss probiere chli z dröcke? E mach das äbe gar ned, aber gloub äbe scho dassme nochli öppis chönt usehole…
Musik Während mine Ferie hani no met Pianovocals telefoniert. Es esch en mega nätte gse am Tel und si mache so es „ufbau“ programm. Das heisst am Afang weme bide Location achunt und me evtl no es apero nemmt, sisi am Flügel (dä brengesi sälber met). Währendem ässe dönds ou am Flügel spele und denne no singe derzue. Nachem ässe esch eher chli party agseit, ou met gsang und denne dönds aber ou no DJ mässig uflegge. Me hätt aso alles derbi. Mini Eltere hei bedi scho mol ghört nöime und sisi mega begeisteret. För 6h sisi 2500 Euro. E fendes agmässe för das wosi biete, e wett gloub aber eifach ned sovell usgä. Sooooo wechtig esch üs denne musig ou ned. Weiss noni…
Charte Die neue Muster vode Iladigscharte sind cho. Has aso umgsetzt und s lachsfarbige durs Grüen ersetzt. Weiss aber jetze glich ned ebmer alles gfallt. Oder ebmer glich wie „normali, klassischi“ iladige mache. Ach..ach…ach… gohts üch aube ou so? Mängisch werdmer alles chli vell, welli eifach ned weiss wienimi sell entscheide und was mis buchgfühl seit… Phu.. jetze hani die charte vo im GG zeigt und ehm gfallts ned… oh manno….
Pompons Hett inzwösche eigentlech scho öpper bastlet?
Brauttrett E ha mol gseit, dassi gärn wetti cho, weiss aber ned ebi jetze ufder Liste bin oder ned. Und e wett jo niemertem der Stuel wägnä!  e chume vo olte, treffe aso velecht die eint oder ander bärnerin im Zug!  Ah und ergendei bruut chont doch grad metdr Probefrisur, oder? Do beni aso ou scho gspannt!!! 
Fotikurs Ah, ergendei bruut hett doch mol gschrebe, dassi privat en Fotikurs macht in Bern ader Schule für Gestaltung. E hami ufdas abe ou grad abgmäldet. Ha genau nach so öppisem gsuecht. Ned so migros Klubschuel mässig sondern öppis rächts. Am nöchste DO fohts a….:-) freumi mega! Transport
Wiedie alt fasnacht chumi ou no!  e hami mol chli erkondigt wäge Nezrouge. Die mache das wörkli ou durs johr dure. Me muess gloub mind. 2 Team nä und eis chostet 150.-. wär aso velecht no öppis weme ned meeega en wiit heiwäg het…
So, me ziit hani leider nömme… muess weder ga… Bes gli und allne ganz en schöne Tag bibi
@Pfingstrose Ja gell, bin au mega gspannt was i eusem Thread nach em Hochziit passiert. D 13er Brüüt sind ja total im Babyboom! :D
@Bibi Ich find eui Iladige mega mega schön! Würds uf jedefall so speziell siilah. Mier hend ja au spezielli gha und de meh als eimal ghört, dass sie no nie sone schöni Charte becho hend. Ich denke, das lohnt sich scho, chli was usgfallnigs zmache. Würd dier also min Stuehl überlah, da ich ja ned cha cho am Samschtig, willi leider muess schaffe :( Die Ringbox hed ja denn ebe scho d Blueme dinne, was mier ebe sehr guet gfallt! :) Ich bin grundsätzlich öpper wo viel und gern chlini Gschenkli macht. GG au... Darum isches naheliegend, dass au eusi TZ und TM en chlini Ufmerksamkeit bechömed :) Also ich brichte denn wies acho isch und ob ichs cha wiiterempfehle :) hehe
@malinchen: nei mir hei für am Abe eifach ä Ruum gmietet u zahle de nid no Gable-Gäud... isch vo däm här wük guet :) i ga uf Thun i Thomi am Morge u am Nami uf Huttwil zu Mindermode.. eigch wäri no gärn zum Hostettler, aber si heimr gseit, si heige viu Chleider nid im Gschäft wüu si ar MarieNatal si.. gad chli schad.. drum gani iz nid dert häre.. hoffe dir finget gli euii passendi Band :)
@Snicki: hmm das mit däm Miles&More weissi leider ou nid gnau wiäs funktioniert.. ha nume afa gluegt eifach fürnes Update..aber üsi Meile länge eh nid.. dir wettet de dr ganz flug gad mit Meile bueche? hehe so cool :-) mir si im 2010 zAustralie gsi.. ou ar Ostküste und Adelaide-Alice Springs... u iz weimr de ou ad Westküste ga :-) äuä uf Perth flüge u när de ou chli i norde aber de ou no chli südlech vo Perth :-) wir wei mitti Oktober bis Mitti November ga... u dir? aber genau wüssemr no nid wasmr de wei mache..
@Jane: ohh fröit mi ja mega für di GG und für DI! :-) so schön :) super sach :) i ga uf Thun i Thomi am Morge u am Nami uf Huttwil zu Mindermode.. eigch wäri no gärn zum Hostettler, aber si heimr gseit, si heige viu Chleider nid im Gschäft wüu si ar MarieNatal si.. gad chli schad.. drum gani iz nid dert häre.. wägdr Turte hani gad kes Biud.. git eini ufemne Ständer näbenang... hät gärn eini ga ufenang. Sone richtig amerikanischi..aber si het gmeint, diä turte mit so Rahmfüllige wärde eifach zschwäär... u när Deko wetii entweder mit Blueme oder ev ou no chli mit bezug zu üsem Motto "Reise". ds isch no offe.. jedefaus optisch auii glich..
@Taeboyana: Ig mir ou nit... Isch iwie no mega surreal! Es isch iwie komplett nit echt, has am Mäntig mit am GG drüber gha, u er ganz überrascht, "i ha gmeint, Du fröisch Di!?" Ha ihm drum gseit, dass is mit "Schrecke" ha festgstellt. Gloubes scho chli, ha iwie gäng no so zGfüehl, dieses u jenes fähli, etc Super Schueh, gseh cool us! Wo heit dr de di Hemli kouft, göh am Samschtig nämli ou no uf dSuechi... Dörfti äch e PN vom Stempel? I würdi ab nächst Wuche mau alüte, u säge wenn das es öich am gäbigschte wäri, hei mir ou so gmacht, u het ohni Problem klappet. U wenn ihr mit de TZ gugget, ob si ggf no ne Biref uselöh, wo de no dInfos chönnte dinnestah?
@Pricana: Tönt super fein, zum Glück isch scho gli Mittag! Jep, es louft gad mega rasch, u üs fählt gad mega Zyt zums gniesse! Mir hei dSitzordnig gottseidank scho, hei üs aber ou ziemli schwär ta! U am Schluss hei mir de no chli zämägwürfelet.
@Pfingstrose: Im Moment gsehts guet us, mir tüe ja Zivile usenäh, u eismau het GGs Mami gmeint, si wöui üs de dr Apero zahle. Zahle müesse mir nüme viu, u mir hei no chli Spatzig zu üsem Wunschbudget! ir luege aber ou enorm druf, dass es nit überbordet, wüu es isch ja eifach 1 Tag im Läbe! e wunderschöne Tag... U Du? Bisch ihm guet dinne?
@littlefoot: Meinsch nit di Reaktione chöme no, für si isch es haut ebe nit dr Mittelpunkt... Wieso masch de Du di andere Mittel nit verliede?
@sasi: Ah dä hani gloubs ou gseh, aber derte isch gloubs dr Jive dinne, u i cha mit dem so gar nüt afah. U ebe, er müessti scho fasch jtzt de gad starte... Muess es das Wucheändi mit am GG chli agugge
@Jane: Härzlechi Gratulation zum neue Job vom GG!!!
@bibi: Das ghört gloubs drzue, dass de mängisch nit weisch, was de wotsch, u was eigentli würkli wichtig isch u was eifach schön isch... I finde aber di aghänkti Iladig sehr schön! Min Stuehl am Samschtig isch ou frei, cha leider nit cho!
@Babys: Si da aui ar Familieplanig, oder liest sech das jtzt gad "nume" so?
Anmelden
