| Bräute 2014 |
|
|
1 .. 297 .. 592 593 594 595 596 .. 797 .. 997
|
|
|
|
|
|
|
29.01.14 11:55
Snicki 
|
Re: Bräute 2014
LaMariee
So guet, de hemmer jo quasi s’gliche vor. Mier würdid äbe erscht mitte November bis Wiehnachte goh. Drum wird’s no schwirig mitem Norde. D’Rägeziit isch denn im Gang.
Ich bi drum im 2001 (Läck, so lang scho!) in Perth gsi ir Schuel, 3 Mönet go Englisch leehre. Und mich ziehts dete wieder einisch häre, han e super Ziit gha damals. Aber do ich damals no bluetjung gsi bin (und keis Geld ume gsi isch  ) han ich halt au ned sooo viel gseh, rundum Perth.
Das mit Upgrade han ich au aglueget. Isch aber scho schier en Frechheit. Mit was würdid iehr de goh? Swiss? Die düent nämlich Upgrades uf die billigste Tickets erscht gar ned usstelle. D.h mer mues e türeri Kategorie chaufe, also Tickets selber, und denn hoffe, es klappet. Öbs denn überhaupt möglich isch, zum Upgrade, gseht mer erscht NOCH der Buechig. Ich finds e Frechheit. De zahlsch mol quasi s’dopplete vom normale (billige) Ticket, und weisch ned mol, öbs klappet oder ned. Voll für d’Füchs. Drum würd min Chef halt au grad s’ganze Ticket für d’Business in Meile zahle. Ha no kei Bscheid übercho. Do wärid mer mol wieder bim Geduld ha ...
Würdid iehr denn en 4WD Camper miete oder en normale? Mier sind üs sooo unschlüssig. Im 2012 hemmer meeega Glück gha, und hend praktisch en neue Camper becho. Guet 2000 km ufem Tacho, also nüt für Australie  Aber es isch es riese Teil gsi. 7.5Meter lang. Guet, fahre isch ok gsi, min Schatz het eh LKW Prüefig, aber zum go shoppe, oder i die grosse Städt ine, hemmer also öpe Bluet und Wasser gschwitzt
Bibi:
Ha leider kei Tickets ... Gosch demfall? Mier sinds üs au am überlegge
Janedoe:
Ich hasse die Werbig Sone Gugus Werbig!! Lach! Fascht so schlimm wie “Borotalcoooo” LoL
Gratuliere zum “Ufstieg”
Familieplanig:
Isch jo klar, dass das erscht nochem Hochzit stattfindet, oder? Zumindest hemmer das bim Pfarrer so müsse unterschriebe *ironieoff* LoL
|
|
|
|
29.01.14 11:57
eternal2014
|
Re: Bräute 2014
Phu, ihr sind ja mega flissigi schriberinne
lula: nei mir hend kein spezielle bezug dezue, mir hend eifach kei summerhochziit welle und dänn isch das mitem silvester usere schnapsidee entstande und plötzlich hemmer dänkt, wieso nöd? S’chunt ämel bis jetz würkli super ah  und mega viel lüt sind froh das sie mal i eim jahr nöd müend überlegge was sie am silvester sölled mache! Wäg de chips und nüssli wärs ev. au e gueti idee, has mal notiert  isch denn de keller wo ihr fürd party nachher wächsled grad im gliche gebäude?
janedeo: also d’location isch nöd türer, s’einzig womer chli sorge hend isch de DJ, will die werdet warschindli chli meh verlange wills ja susch scho guet buecht sind a silvester. Mer hend jetz mal 2 afragene gmacht und wartet ufen antwort. Und coiffeur / blueme etc. hend ja all en halbe tag offe am 31.12. drum sötts nöd so es problem sii  ich find d’idee mit de CD übrigens guet ich finds gschänkli a dini helfer e mega herzigi geste, ich hoffe das chunt bi dene so ah! Druck der duume! Und ganz herzlichi gratulation zum neue job vo eu beidne!!
Vom ablauf her hemmer plant das mer uf di 8i de hauptgang hend und dänn uf di 11i s’dessertbuffet. Drum bini chli unschlüssig wägeme snack am 1.. muess mal no mit de location luege was sie vorschlönd, aber e chäsplatte wär vilicht e gueti idee!
claudilein: tischbombe! Cooli idee, has notiert mal luege öbi sönnig finde zum selber bastle.. und susch chaufis eifach im lade und tues selber neu bekläbe und befülle. Mer chan ja de deckel wägneh ohni dasmer sie zündt 
lamariee: chäsplatte überzügt mi immer meh, muessi unbedingt ade location aspreche ich glaub de priis fürd offerte vo dinre torte isch sehr fair!
pricana: ja das mitem kleid isch halt so passiert. Mir hend nur mal welle go luege und dänn hetts grad igschlage  und wo denn mini schwöster au gfunde hend öppis schöners gits ned hanis halt grad kauft :-) aber ineh lahnis denn erst 2 mönet vor de hochziit, susch muessi dänn 3x go ändere
taeboyana: roti schueh findi de hammer zum bruutkleid!! Ha das mal ufeme foti gseh und sit det gahts mir au nüm usem chopf! Hoffe für dich dases dir gfallt zum kleid, s’isch nämli echt en hingucker!
littlefoot: ich han d’kupferspirale mona lisa sit 6 mönet, bi sehr zfride demit! Han en regelmässige zyklus und d’mens isch nur minim stärcher. Und s’coole isch dases hormonfrei isch! Aber s’dritue hett meeeega weh tah.. ha würkli für 10 sek gmeint ich überläb das nöd. Bi nachher au ganz erschöpft und verschwitzt gsi.. defür hesch 3-5 jahr rueh!
bibi77: du hesch scho rächt, es isch euse tag. Aber ich find mer müend en guete mix zwüsche silvester und hochziit finde drum wettis es birebitz id deko iflüsse lah.
alli: nei han leider keis foti vom kleid. Mache dänn mal eis nächst monet wenis abgholt han ich han sgfühl ich wett das kleid jedi wuche eimal alegge willis so gärn han hend ihr de drang au? ich han mich glaub i mis kleid verliebt gester hani no e wiisi federstola kauft, hans second hand im internet gfunde und es passt mega guet zum kleid :-)
|
|
|
|
29.01.14 12:24
lil.lian
|
Re: Bräute 2014
Ou hüt isch nöd so min Tag.. Jedes mal wenni was schriebe wierdi wiedr abglänkt und den dueni wiedr aktualisiere und den schwuuubs isch scho wiedr en Bitrag ume hihi
Pfingstrose
Ja mängisch frägi mi scho wegem Geld.. Mier händ bi eusem Treffe mit de TZ no gseit, bi wellem Betrag das mer mittlerwile gsi sind (isch gsi bi öbe CHF 17'000.- abr nur die Sache, wo mer scho öbe wüssed wie Apero, Esse, Chleid, Fotografin … Alles andere fählt no i dem Betrag) Und es fehled ja würkli no es paar Sache.. Beid TZ händ den eus mit uu grosse Auge aglueged.. TZ wo scho zivil ghürate hät, hät den gfunde, de GG muen dämfall no chli go schaffe, bis sie chönd s'Fäscht mache..
Littlefoot
Bi mier händs gseit, s'Chleid hät öbe 4 bis 6 Mönät bis es chunt (uuuuuuuuu laaaaaaang).
Snicki
Ja sdönt würkli chli arrogant de Satz… Aber susch wär de Priis in Ornig?
Sasileu
Den isch klar, wenn de Atrag am Valentintag becho häsch :) Den würdi au öbis mache welle..
Ihn stressts halt meh, will jede adem Tag no chli Gäld wet verdiene und wännd Blueme, Schoggi, Schmuck und weiss ich was wännd verchaufe..
Das dönt ja voll spannend mit dem Laserdruck und em Fingerprint :)
Janedoe
Oh wooow!!! Gratuliere eu vo ganzem Herze. So schööön :)
Hihi den muesch d'Chefin aber no fräge, was den no useluegt wenn jez stv bisch :)
Bibi77
Das mit de TZ hani mer nonig überleit, was mer ihne gebet.. mier zahled sicher de z'Nacht bim Zivile.. Ich duen eigendli au nöd feilsche um de Priis. Nur die Location wegem Tellergeld wege de Turte hani ahgfrägt, will mer Turte während em Desserbuffet servieret und öb mer dete würkli de voll Betrag müend zahle. Schliesslich müend sie Turte nur schnide und neh chan den jede sälber.. Und da händs den igwilligt.
Was gfallt der den nöd ade Charte? Joah ich bin eh chli schwierig im Entscheidige fälle, chas nahvollzieh wenn glich öbis anders wetsch  . Abr ich finds würkli schön..
Zuletzt bearbeitet am 29.01.14 12:26
|
|
|
|
|
|
29.01.14 12:57
daenu16
|
Re: Bräute 2014
Hüt Morge gohts wieder ab do...zum Glück hani Ferie
La Mariée: Oh, viel Spass bim Brutkleider-Shopping!
Bide Tortene kenni mi leider z’wenig us, da mir selber keini mached. Isch sie denn sehr ufwändig vom Dekoriere, oder sinds echt die 4 Gschmacksrichtige wo’s usmached?
Foto vode Probefrisur/Makeup: Hani i mim Threat posted „Dänu’s Romantische Stadthochzeit“
Taeboyana: Jo pressiert jo nonig grad mit de Probefrisur oder? I bi auno eher früeh dra gsi bi üs sind jo no 10 Wuche bis zum Kirchliche (ääääh, nurno 10 Wuche, aaaaah)
s’zivile isch natürli e mega gueti Glegeheit zum denn zu ihre go schomol usprobiere!
Schööööni Schueh! Bi gspannt obs der passed. Bi immerno ganz angetan vo de Vorstellig roti Schueh und de rot Bluemeschmuck im Haar. Findi mega für dich! Spontane Hemmlifund – yay, isch immer kuul so spontan a öppis passends anelaufe!
Wegem Zivilprozedere: Bi üs isches etz 2,5 Mönet vorher, sDatum isch reserviert, mir sötted d’Papier ischicke und SIE mached denn mit üs en Termin ab wenn Papier igschickt sind. De Termin macheds bi üs etz jedefalls nöd grad so just 3 Mönet vorher, sie säged…wenn dVorbereitig afang MUES mer ja i dene 3 Mönet hürote susch verfallts – drum macheds de Termin so 1,5 bis 1 Monet vorem zivile Datum, damit mer immerno Zit het zum verschiebe, wenn z.B. öpper chrank wär oder kei Ahnig was…
Weg de Page: also i finds absolut MACHBAR! Has mega gern gmacht und bi etz nöd de super Computercrack. Hends au mit jimdo gmacht.
Pfingstrose: du hesch ja no gfragt wegem Budget gell. Also mir sind bis etz überall (usser bim Azug vom GG) drunder bliebe. Und ihr?
Principessa: uiiii ja, das hani au schockiert gleses, din Bricht über de Atrag vo dinere TZ. I mein, dass sie’s etz abespillt isch ja klar, i mein sie het jo scho soooo lang uf de Atrag gwartet, dass sie dFakte etz eifach usblendet. Aber i bi ganz sicher, das mues sie fascht mache, zu ihrem eigete Schutz. Wenn sie sich würd igestoh, dass sie nur e Kopierti Version vo dim Atrag becho het….härt härt härt!
Und sie weisses ja sicher…du seisch ja sie het sogar gholfe irichte….
Pricana: Du seisches! Vorallem bini beruhigt, das die 2 Fraue das so souverän usgfüehrt hend. Für sVerlobigsshooting bini ja binere andere Coiffeuse gsi und sie isch bi Frisure eifach so unsicher gsi – i glaub i wär mega hibbelig worde am HZ-Tag selber. Und so isches voll entspannend und witzig gsi.
Gell Sitzplan isch soooo schwirig! Phuu, und änderet no 27 mal ! Kuul dass ihr so im Schuss sind, das müender usnütze
Littlefoot: Auuu das isch immer sones leidigs Thema mit der Verhüetig gell. Weisch was, i ha au iiiiimmer Problem gha und nix vertreit und weni mal öppis vertreit han hanis 1,5 oder 2 Jahr später nüm vertreit. Bi mim Mami isches genau glich gsi. Vor öppe 2,5 Jahr hani mir gseit, scheiss drauf, i tue mir das nüm wieter a. GG chan au öppis biträge. Sither verhüetemer sehr zueverlässig mit Kondom. Und ich bin ich selber, ohni hormonelli Schwankige!
Snicki: Geduld isch au nöd mini Stärchi. Fötelis sind uf mim Threat (siehe oben) Hesch vorher mals en Alass wod eifach susch chasch bi ihre e Frisur mache loh?
HAHAHA „Stoppt den Schweiss“ i weiss genau was du meinsch. Aber sDeo kenni scho sit Jaaaahre us Italie und ich liebes!
Sasileu: Bitte gerngscheh. I gseh du hesch scho vieles duredenkt. Vlt de Ring am Trauzüge geh, oder de Trauzügin (das chunnt ide Ami-Film no oft vor, hehe) Mir hend en Ringträger und ich han für dRing us Ton so e schöni Ringschale gmacht *freu*
Jane: Genau richtig so! Und es freued sich ganz bestimmt alli wo cho chönd! Und die wo nöd chönd schissts sicher a *hehe*
Danke, ha etz dZite vode Gäng no i min Threat ine tue. S’wird würkli soooo konkret und real. GG isch voller Vorfreud im Bankettsaal inegstande und het gseit „bald bald baaaald“.
Und i freu mi immerno mega mit eu wegem Job vo dim GG. Wunderbar dass ihr bald meh Ziit mitenand hend und vorfreudig chönd si uf euri gmeinsami Zuekunft, vlt mit härzige chline S. und F.s
GRATULATION Frau Vize-Chefin!
Bibi: Also du weisch nöd obs dir gfallt und dim GG gfallts nöd?…hmmm, aber isch doch schad, es mues doch eu gfalle und au Freud mache.
Ich find dCharte herrlich Vintage, verspielt und romantisch.
|
|
|
|
29.01.14 13:18
Snicki
|
Re: Bräute 2014
janedoe: do hesch rächt!
dänu: nei ned würklich. Ussert bin Zivile evtl. Aber ich wet jo bin Zivile ned en Hochsteckfrise. Dete mues das länge, wo ich z'stand bringe (oje  ) LoL. Also han ich ned würklich en Alass für vorher. Aber ich vertraue minere Coiffeuse do voll und ganz. Gohn scho lang zu ihre, und lut Forum (hehe) isch sie do ide Gägend wohl sehr bekannt. Ich weiss au scho ziemlich gnau wie'n ichs wet ha
dänu: ich has natürlich au probiert, aber bi mier isch nüt gsi mit "Stopt den Schweiss"
Apropos Deo: Ich han es Wundermitteli gfunde. Was han ich noch Deo's gsuecht (isch öpe die glich Lebesufgob wie DE Mascara z'finde). Und vor ca. 2 Johr han ich denn ide Apothek mal "Etiaxil" kauft. Das isch de Hammer. Das mues mer 2x ide Woche a 2 druffolgendi Täg druf tue, am beschte am Obig. Es set denn mindistens 1 Std druf si. Eigentlich brüchti mer kei Deo sus meh (also am Morge oder so) aber ich bruche glich eine, füre Duft Das Etiaxil ätzt glaubs grad die cheibe Schweissdrüse zue. Es isch scho e rächt agriffigi Sach, aber es nützt zu 100%
Aber en ganz Nacht drufloh, chöntis ned. Es foht afo biisse. Ich kenn zwar settig, bi dene machts gar nüt us.
Anderi Frog:
Mues grad de Text für d'Iladige parat mache. Isch das z'früeh, wenn ich am 1. Juni ahmeldefrist nimme? (Hochzit am 23. August). Min Schatz het gmeint, sig z'früeh. Find ich jetzt aber ned Wet jo wüsse wer chunt, zudem, öb jetzt afang Juni oder afang Juli, spielt jo au kei Rolle oder?
Brutchleid:
Han gester es Mail gschickt zum Brutchleiderlade. Und ha gfrogt, öb die wo ich so schön gfinde, an Lager sind zum apropiere. Sinds! Han au grad no gfrogt, öbs ok isch, wenn ich chli Prosecco mitnimm, passt au! Juhu, freu mi mega.
Mues grad sooo lache. d'Etarnal schribt scho janeDEO, vor luter Borotalco ! LOL
|
|
|
|
|
|
29.01.14 13:48
Claudilein
|
Re: Bräute 2014
Eternal: Ha die mau gseh gha: http://www.ballonversand.ch/tischbomben_tischbombe_leer,pid,1580,rid,47,produktdetail.html viellecht wär das ja öpis
LaMarie: Auso d Offerte für d Turte findeni ja o mega guet! Was für Gschmäcker heiter gwäuht? Mir si üs no chli uschlussig... Mi GG wett unbedingt Schoggi u ig öpis Vanilligs odr Zitronigs. Mau luege was üs de bide Degustatione am beschte gfaut
Pricana: Dir sit ja grad fliessig am umeplane. Tischplan müessemer de ouno i Agriff näh, da wartemer abr no bis sech d Lüüt def. agmäudet hei.
Pfingstrose: Darfi d Iladig o gseh? Wägem Budget, auso mir hei mau mit 15'000 agfange u si miitlerwile bi 17'500 aglangt  Abr mir wüsset wägem Esse u Trinke no nid eso gnau, da heimer de d Besprächig erscht im April. Da heimer mau grosszügig plant. Hoffe auso scho, dasses no chli abe chunnt. Abr mi GG isch äbe o de meinig, dass mer nid esooo müesse luege u dassi o Gläsli chönn näh wo 4.50 si, anstatt die andere wo 1.80 si. Wenn mer die wo 4.50 choschtet sooo vieu besser gfaue Abr bi grad ganz auem chöimer das o nid mache...!
Bibi: Auso mir gfaue öii Charte würkli mega guet! Ig findes äbe no schön, wenn sie chli speziell si. Was gfaut dr de nid eso? Wägem Brutträff: Ig ha mau für 15 Persone reserviert gha u es paar hei abgseit u es paar chöme zuesätzlich. Chunnt gloub (hoffentlich) nideso druf a.
Jane: Gratuliere dim GG zum nöiie Job u dir zur Beförderig Chani guet vrstah, dass öich jetz dür de nöi Job vom GG grad e chli liechter wird mit Budget u Familieplanig.
Snicki: Ui cool Westoustralie! Ig bi im 2005 für 6 Monet z Perth gsi. Bi denn zwüschedüre chli ufe u ache u chli id Mitti gah reise. S het mer auso wäuts guet gfaue! Wett gloub o mau no mau gah. Wird sicher komisch, denn dert z si mit denä "aute" erinnerige. S het sech sichr mega vieu gänderet sit denn u die eigete Interesse si ja o nümme die gliche. Wägem Datum findeni 1. Juni o guet. Auso mir geits eso: ändwädr hei die lüüt a dem Datum öpis los, u de chöi sie sofort absäge. Odr sie hei nüt los u chöi zuesäge u die wo finde "viellecht chunnt ja no öpis bessers ig cha mi no nid festlegä" ja uf die hätti gloub de eh kei luscht Auso de Fründ (miitlerwiile Ex) vo minere beschte Fründin isch eso. U de seit das ouno so direkt. Gottseidank si die nümme zäme
So, tschuldigung, wenni nid uf aues u jedi igange bi. Chume chum nache mit läse, so fliessig sit dir!
Ah, ha jetz Föteli vode Iladig, faus se öpert wett gseh eifach säge, denn schickeni e PN
|
|
|
|
|
|
1 .. 297 .. 592 593 594 595 596 .. 797 .. 997
|
Anmelden
